এক্সেলেন্সী,
নহাক্কী ৱাখল্লোনশিং অদু ফোংদোকপিরকপগীদমক নহাকপু হায়নিংঙাই লৈতনা থাগৎপা ফোংদোকচরি৷
নহাক্কী লুচিং মখাদা নহাক্কী পার্তীনা থংন-থংননা মরিরক চাওনা মাই পাকপা ঙমখ্রে৷ মদুগী পাউ অদু হেক তাবগা ঐহাক্না নহাকপু ত্বিত্তরদা থাগৎপা ফোংদোকখ্রে অদুবু ঙসিদি ঐখোয় অনিমক ভর্চুয়েল্লী ওইনা উনরিবা অসিদা মাই পাকখিবা অদুগীদমক অমুক্কা হন্না নহাকপু থাগৎপা ফোংদোকচরি, তুংগী পুন্সিদা অফবতা ওইবিয়ু!
এক্সেলেন্সী,
ঐখোয়গী মরীশিং অসি রুল ওফ লো অমসুং দেমোক্রেসীগুম্বা সেয়র ভেল্যুশিং অসিগী মখা পোল্লি৷ ক্লাইমেত চেঞ্জ, তেরোরিজম, লাইনা-লাইচৎকুম্বা গ্লোবেল চেলেঞ্জশিং অসি থেংননবা ঐখোয়না চংশিল্লিবা খোঙথাংশিং অসিসু মান্নৈ৷ ইন্দো-পেসিফিক রিসাইলেন্ত সপ্লাই চেনশিং অমসুং গ্লোবেল দিজিতেল গভরনেন্সকুম্বা অনৌবা এরিয়াশিং অসিগী মতাংদা ঐখোয়গী লৈরিবা ৱাখল্লোনশিং অদুসু মান্নরক্লি৷ ঙসিদি, ইশিংদা ঐখোয়না স্ত্রেতিজিক পার্তনরশিপ শেমদুনা ঐখোয়না মসিগী বোন্দ অসিদা অনৌবা দাইমেন্সন অমা পীরগনি৷ ইনবেস্তমেন্ত হেন্না প্রমোত তৌনবগীদমক ফাস্ত ত্রেক মেকানিজম অমা শেমগৎলকপা অসিনা ঐখোয়গী মরক্তা লৈরিবা অকনবা ইকোনোমিক কোওপরসন অসিদা অনৌবা ইথিল অমগসু হাপ্লগনি৷ কোবিদ লাইনা-লাইচৎ অসিগী মতুংদা অনৌবা খুদোংচাবা কয়া অমা লাক্লগনি হায়বা অসি ঐগী থাজবনি, মসিনা ঐখোয়গুম্বা ৱাখল মান্নবা লৈবাকশিং অসিগী মুচুয়েল কোওপরেসন হেনগৎহল্লগনি৷
এক্সেলেন্সী,
২০১৯দা মখোয়গী মেজেস্তীশিং ভারততা লাক্লম্বা অসিনা ভারত-নেদরলেন্দ লৈবাক অনি অসিগী মরক্তা লৈরিবা মরী অসি হেন্না চেৎশিনহল্লে৷ ঙসি পাংথোক্লিবা ভর্চুয়েল সম্মিত অসিনা লৈবাক অনি অসিগী মরক্তা লৈরিবা মরী অসিদা মখাতানা মোমোন্তম পীরগনি হায়বা অসি ঐগী থাজবনি৷
এক্সেলেন্সী,
ইন্দিয়ন দাইস্পোরাগী মতাংদা নহাক্না পনখিবা অদুগুম্না ভারত মচা কয়া অমা মফম অদুদা য়ুরোপতা লৈরি হায়বা অসি অচুম্বনি অদুবু অসিগুম্বা কোরোনা লাইনা-লাইচৎ অসিগী মনুং অসিদা ভারত মচাশিং অসিবু নহাক্না চেকশিন্না ঙাকপি শেনবিদুনা থমবিরিবা অসিগীদমক নহাকপু ঐনা হায়নিংঙাই লৈতনা থাগৎপা পাম্মী৷ ঐখোয়না সি.ও.পি.-২৬ অমসুং ভারত-ই.য়ু. সম্মিত অসিদা য়ুরোপিয়ন য়ুনিয়নগা তোঙান তোঙানবা ইসুশিং অসিগী মতাংদা খন্ন-নৈননবা খুদোংচাবা অদু ফংলগনি৷
