প্রধান মন্ত্রী শ্রী নরেন্দ্র মোদীনা ঙসি নেপালগী প্রধান মন্ত্রী শ্রী কে.পি. ওলীগা লোইননা পুন্না কাথমান্দুদা পশুপতিনাথ ধর্মশালা শঙ্গাখ্রে।
থৌরম অদুদা ৱা ঙাংলদুনা প্রধান মন্ত্রীনা হায়খি মদুদি মহাক্না মফম অসিদা লাকপা খুদিংদা কাথমান্দুগী মীয়ামগী মীনুংশি অমসুং থৌজাল অদু ফাওই। মহাক্না হায়খি মদুদি ভারতকী মফমদা থম্লিবা অমত্তা ওইবগী ৱাখল্লোন অসি নেপালদা ময়েক শেংলি। মহাক্না, পশুপতিনাথ অমসুং নেপালগী অতৈ লাইশঙশিংদা মহাক্না চৎখিবশিং অদু নীংশিংখি।
মহাক্না হায়খি মদুদি ভারত অমসুং নেপালগী মরক্তা লৈরিবা লাইনীং-লাইশোনগী মরি অসি মতম অমসুং অরাপ্পা অদুদগী চখৎলক্লবনি। মহাক্না হায়খি মদুদি মসিগী মতাংদা মহাক্না ধর্মশালা অসি শঙ্গাবদা অপেনবা পোকই।
প্রধান মন্ত্রীনা হায়খি মদুদি, মুক্তিনাথ অমসুং জানকী ধামগী লাইশঙ অসিনা ভারতকা লৈনরিবা মরি অসিবু মপাঙ্গল কলহনবতা নত্তনা খেন্নবা কয়াগী মরক্তা ওইরিবা অপুনবা অদু উৎলি। মহাক্না হিন্দু ধর্ম অমসুং বৌদ্ধ ধর্মগী মরুওইবশিং অদুগী মতাংদসু পনখি। মতৌ করম্না বৌদ্ধ ধর্মনা ভারত অমসুং নেপালগী মরক্তা মরু ওইবা মরি লৈনহনবগে হায়বদুগী মতাংদসু মহাক্না পনখি। মহাক্না হায়খি মদুদি লৈবাক অনিমক্না মখোয়গী লেমজনীংঙাই ওইরবা নাৎকী লন-থুম অসিগীদমক্তা চাউথোকচবা পোকচৈ।
প্রধান মন্ত্রীনা অখন্ননা খুন্নাইগী অশোনবা অমসুং লাইরবগী পনখৈদা লৈবা মীয়ামগী মথৌ তাবশিংদা শাফু পীখি। মহাক্না হায়খি মদুদি ভারতনা শেনমিৎলোনগী অনৌবা মতোল তম্লক্লি অমসুং ‘সবকা সাথ সবকা বিকাস’কী ভিজন্দা নেপালগী মীয়ামসু শরুক য়ারি। মহাক্না হায়খি মদুদি নেপালনা মতম পুম্নমক্তা ভারতকী মীনুংশি অমসুং তেংবাং ফংগনি।
