প্রধান মন্ত্রী, শ্রী নরেন্দ্র মোদীনা ঙসি কোচি, কেরলাদা প্রোজেক্ত কয়া অমা উরেপ উয়ুং তমখ্রে অমসুং হৌদোকখ্রে। কেরলাগী রাজ্যপাল, কেরলাগী মুখ্য মন্ত্রী, য়ুনিয়ন মিনিস্তর শ্রী ধর্মেন্দ্র প্রধান, মিনিস্তর ওফ শ্রী মনসুখ মন্দাবিয়া, শ্রী ভি. মুরালি ধরন্না থৌরম অদুদা শরুক য়াখি।
থৌরম অসিদা ৱা ঙাংলদুনা, প্রধান মন্ত্রীনা হায় মদুদি ঙসি হৌদোকখিবা থবকশিং অসিদা সেক্তর কয়া অমা পাক শন্না য়াওরি। মখোয় অসিনা ইন্দিয়াগী চাওখৎপগী লম্বী অসিদা শক্তি পীরগনি। মহাক্না হায় মদুদি, ঙসি হৌদোকখিবা প্রোপিলিন দিরাইবেতিব পেত্রোকেমিকেল প্রোজেক্ত (পি.দি.পি.পি.) অসিনা আত্মানির্ভর লোমদা ইন্দিয়াগী খোঙচৎতা শক্তি পীদুনা মীরমগী একচেঞ্জদগী কল্লগনি। মখল কয়াগী ইন্দস্ত্রীশিং অমসুং থবক্কী খুদোংচাবা কয়া অমা ফংলগনি। মসিগা মান্ননা রো-রো ভেসেলগা লোয়ননা লম্বীদা কিলোমিতর ৩০মুক ওইরম্বা অসি ঈশিং লম্বীদা শুপ্নতগী ৩.৫ কিলোমিতর ওইদুনা চিনবা হন্থহল্লি অমসুং হেন্না খুদোংচাবা হেল্লি।
প্রধান মন্ত্রীনা হায় মদুদি সরকারনা কেরলা তুরিজমগী মরী লৈনবা ইনফ্রাস্ত্রকচর কয়া অমা চাওখৎনবা হোৎনরিবা অসিদা থৌদাং কয়া লৌরি। কোচিদা ইন্তর্নেস্নেল ক্রইস তর্মিনেল সাগারিকা হৌদোকপা অসিনা মসিগী খুদম অমনি। সাগারিকা ক্রইস তর্মিনেল অসিনা ক্রইস লাখ অমগী মথক্তা সেবা ফংলগনি। প্রধান মন্ত্রীনা খঙহল্লি মদুদি লায়চৎ অসিগী মরম্না মালেমগী ওইনা লমকোইবদা অথিংবা কয়া অমা লৈখিবা মরম্না লোকেল তুরিজম অসি হেনগৎলক্লি। মহাতক্না হায় মদুদি মসিনা লোকেলগী তুরিজম অসি হিংগৎহনবদা অচৌবা খুদোংচাবা অমনি অমসুং মসিনা ঐখোয়গী নাৎকী চৎনবি অমসুং নহাশিংগা লৈবা মরী হেনগৎলগনি। মহাক্না তুরিজমগা মরী লৈনবা পোত্থোকশিংদা অনৌবা পুথোক্নবা হায়রি। প্রধান মন্ত্রীনা হায় মদুদি চহি মঙা অসিদা ইন্দিয়াদা তুরিজমগী সেক্তর অসিদা য়াম্না চাওখৎপা পুরক্লি। মালেমগী ওইনা তুরিজমগী য়েংবদা ইন্দিয়ানা তরুকশুবা মফমদগী মরিশুবা মফমদা কনবা ঙম্লি, হায়না প্রধান মন্ত্রীনা হায়।
প্রধান মন্ত্রীনা হায় মদুদি কেপাসিতি বিল্দিং অমসুং তুংগী ইনফ্রাস্ত্রকচর শেম-শাবা অসিনা জাতিগী চাওখৎ থৌরাংগী মচাক অমনি। ঙসিগী চাওখৎ থৌরাংগী থবক ‘বিগ্যান সাগর’ অমসুং খা-থংবা কোইলাগী বর্থ অসি হন্না শেম্বা অসিনা মচাক অনি অসিদা থৌদাং লৌরি। কোচিনগী শীপয়ার্দ অসিদা লৈরিবা অনৌবা লৌশিংগী কেম্পস বিগ্যান সাগর অসিনা মেরিন ইঞ্জিনিয়রিং তম্নিংবশিংদা মতেং ওইগনি। প্রধান মন্ত্রীনা ঙসি হায় মদুদি, ইনফ্রাস্ত্রকচরগী ৱাহন্থোক অমসুং মিয়েং অসি অহোংবা অমা লৈরে। মসি অফবা লম্বীশিংদগী হেন্দোকপা অমনি; চাওখৎ খোঙথাংগী থবক অমসুং আর্বানগী ওইবা মফম খরা অসি শম্নরি। নেস্নেল ইনফ্রাস্ত্রকচর পাইপলাইনগী মখাদা, লুপা করোর লাখ ১১০ অমা ইনফ্রা ক্রিএসনগীদমক থাদরি হায়না প্রধান মন্ত্রীনা হায়।
লৈবাক অসিগী ব্লু ইকোনোমীগী থৌরাং অসি পুথোক্লদুনা, শ্রী মোদীনা হায় মদুদি, “থবক অসিদা ঐখোয়গী মিয়েং অমসুং থবক অসি: হিদাংফম হেন্না শেম্বা, হৌজিক লৈরিবা হিদাংফমশিং অসিগী ইনফ্রাস্ত্রকচর শেমগৎপা, শমুদ্র খোঙবান শেমগৎপা অমসুং কোস্তেলশিং অসি শম্নবা অসিনি”। প্রধান মন্ত্রী মাতাশ্যা সামাপাদা য়োজনাগী মতাংদা, প্রধান মন্ত্রীনা পুথোকখি মদুদি ঙা ফাবা কাংবুশিংগী চংগদবা মসিনা পীবা ঙম্লগনি। মসিদা অহেনবা থবক য়েংলি। ঙা ফাবশিংনা কিসান ক্রেদিত কার্দকা শম্নরি। মসিগা মান্ননা, থবকশিং অসিনা ইন্দিয়া অসি শমুদ্রগী চিঞ্জাকশিং অসি মীরমদা থাদোক্নবা থবক পায়খৎলি।
প্রধান মন্ত্রীনা হায় মদুদি হন্দক্কী চহিগী বজেৎ অসি কেরলাগী কান্নবা ওইগদবা মশক নাইবা ললশিংদা অমসুং স্কীমশিংদা কৎথোক্লি। মসিদা কোচি মেত্রোগী মথংগী ফেজ য়াওরি।
ইন্দিয়ানা কোরোনাগী অৱাবা মায়োক্নবদা উৎলিবা থৌনা অসিদা, প্রধান মন্ত্রীনা গলফতা লৈরিবা অখন্নবা ইন্দিয়াগী দাইস্পোরাদা মতেং পীখিবা নিংশিংলি। মহাক্না হায় মদুদি ইন্দিয়ানা গলফতা লৈরিবা দাইস্পোরাশিংগীদমক চাওথোকচৈ। বন্দে ভারত মিসনগী শরুক অমা ওইনা, ইন্দিয়ন লাখ য়াঙ্খৈগী মথক্তা ময়ুমদা হল্লকখ্রে। মসিদা অয়াম্বনা কেরলাদগীনি। প্রধান মন্ত্রীনা গলফগী জাতিবু ভারত সরকারনা হোৎনজরিবা অসিদা খঙবিদুনা ইন্দিয়ন ফাদোক কয়া অমা থাদোরকপা অসিগীদমক থাগৎপগী তাঞ্জা অমা লৌখি। “গলফ কিংদম্বু মহাকনা হায়জবা য়ারকপা অমসুং গলফতা ইন্দিয়ল কাংলুপ অসিবু অখন্ননা লৌবিরি। মখোয়না ইন্দিয়নশিং মখোয়গী মফমদা হনবদা লুম্না লৌরি। গলফতা থবক শুরিবশিংনা খঙবিগদবনি মদুদি সরকার অসিনা মখোয়গী য়াইফনবগীদমক অঙম্বা মতেং তৌরি হায়বা অসি” হায়না প্রধান মন্ত্রীনা হায়খি।
