Share
 
Comments

প্রধান মন্ত্রী, শ্রী নরেন্দ্র মোদীনা এন.এল.সি.আই.এল.গী মেগাৱাৎ ১০০০গী নেবেলি ন্যু থর্মমেল পাৱর প্রোজেক্ত অমসুং মেগাৱাৎ ৭০৯গী সোলর পাৱর প্রোজেক্ত জাতিদা কত্থোকখ্রে। মহাক্না ভি.ও. চিদম্বরানর পোর্তকী মেগাৱাৎ ৫কী গ্রিদ কন্নেক্তেদ গ্রাউন্দ বেজ সোলর পাৱর প্লান্ত অমগী দিজাইন, ইন্সতোলেসন অমসুং কম্মিসন তৌনবা অমসুং লোৱর ভাৱনি প্রোজেক্ত সিস্তেমগী এক্সতেন্সন, রিনোবেসন অমসুং মোদর্নাইজেসনগী উরেপ-উয়ুং তমখ্রে। মহাক্না কোইম্বতুর, মদুরাই, সেলম, তাঞ্জভুর, ভেল্লোর, তিরুচিরাপল্লি, তিরুপুর, তিরুনেলবেলি অমসুং তুতকুরী য়াওনা স্মার্ত সিতী মপানদা ইন্তিগ্রেতে কম্মান্দ এন্দ কন্ত্রোল সেন্তর (আই.সি.সি.সি.)গী চাউখৎ-থৌরাংগী উরেপ-উয়ুংসু তমখ্রে। মহাক্না ভি.ও. চিদম্বরানর পোর্তকী কোরমপল্লম ব্রিদজ অমসুং রেল ওভর ব্রিদজ (আর.ও.বি.)গী লেন ৮ ওনবা অমদি প্রধান মন্ত্রী আৱাস য়োজনা (অর্বান) স্কীমগী মখাদা শাবা তেনেমন্তশিং শঙ্গাখ্রে। থৌরম অদুদা তামিল নাদুগী গভর্নর, মুখ্য মন্ত্রী অমসুং উপ মুখ্য মন্ত্রী অমসুং কেন্দ্রগী মন্ত্রী শ্রী প্রলহাদ জোশিনা শরুক য়াখ্রে।

থৌরম অদুদা ৱা ঙাংলদুনা প্রধান মন্ত্রীনা হায় কোইম্বতুর অসি ইন্দস্ত্রী অমসুং ইন্নোবেসনগী সহর অমনি। ঙসি হৌদোকখিবা চাউখৎ-থৌরাংগী থবকশিং অসিনা কোইম্বতুর অমসুং অপুনবা তামিল নাদুদা কান্নবা ফংহল্লগনি, হায়না মহাক্না ফোঙদোকখ্রে।

প্রধান মন্ত্রীনা হায় ভাৱনি সাগর দাম মোদর্নাইজেসন তৌবনা লম এক্কর লাখ ২গী মথক্তা ঈথৈ-লৌখোং শেম্লগনি অমসুং প্রোজেক্ত অসিদগী তোঙান তোঙানবা জিলাশিংগী লৌমীশিংদা কান্নবা ফংহল্লগনি। মহাক্না তামল নাদুনা ভারতকী ইন্দস্ত্রী খুমাং চাউশিনহন্নবা চাউনা শরুক তম্লিবা অসিগীদমক থাগৎখ্রে। ইন্দস্ত্রী খুমাং চাউশিনবদা খ্বাইদগী তঙাই ফদবা অমা লেপ্তনা পাৱর সপ্লাই ফংবা অসিনা ওইরি মরম অসিনা মহাক্না তোঙান তোঙানবা মরু ওইবা পাৱর প্রোজেক্তশিং শঙ্গাবা অসিদা নুংঙাইবা ফোঙদোকখ্রে। মহাক্না হায় মেগাৱাৎ ৭০৯গী সোলর পাৱর প্রোজেক্ত অসি ইন্দিজিনস ওইনা দিবেলপ তৌখি অমসুং প্রোজেক্ত অসিগী অচংমল লুপা করোর ৩,০০০গী মথক ওই। মহাক্না মখা তারদুনা হায় লুপা করোর ৭,৮০০ চংনা শাগদবা মেগাৱাৎ ১,০০০গী থর্মেল পাৱর প্রোজেক্ত অসিনা তামিল নাদুদা চাউনা কান্নবা ফংহল্লগনি। মহাক্না মখা তারদুনা হায় পুথোক্কদবা পাৱরগী ৬৫% হেনবদা তামিল নাদুনা ফংগনি।

 

প্রধান মন্ত্রীনা ভি.ও. চিদম্বরানর পোর্ত, তুতকুরীগা মরী লৈনবা তোঙান তোঙানবা প্রোজেক্তশিং হৌদোকপা অসিদা মহাক্না হায় তামিল নাদুগী সমুদ্রগী ললোন-ইতিক অমসুং হীথাংফমদা য়ুম্ফম ওইরগা চাউখৎ-থৌরাং পুরকখিবগী মতিক-মঙাল লৈরবা পুৱারী অমা লৈজৈ। ঙসি হৌদোকখিবা প্রোজেক্তশিং অসিনা হীথাংফমগী কার্গো হেন্দলিং কেপাসিতী মপাঙ্গল হাপ্লগনি অমসুং গ্রীন পোর্তকী থৌরাংদা মতেং পাংলগনি। মহাক্না হায় কান্নবা পীরিবা হীথাংফমশিংনা ভারতনা আত্মানির্ভর অমসুং ললোন-ইতিক্কী লোইননা লোজিস্তিক্সকী গ্লোবেল হব ওইহনবদা শরুক তম্লি। শ্রী মোদীনা নীংখা-তম্বা লান শোক্নখিবা ভি.ও.সি.দা ইকাই খুম্নবা উৎখ্রে। প্রধান মন্ত্রীনা হায়, “মহাক্কী ভারতকী অফবা শিপ্পিং ইন্দস্ত্রী অমসুং সমুদ্রগা মরী লৈনবা চাউখৎ-থৌরাং অমগী মঙলান অদুনা ঐখোয়দা চাউনা ইথিল পীরি”। ভি.ও.সি. পোর্ত্তা লুপা করোর ২০ঈ গ্রিদ-কন্নেক্তেদ মেগাৱাৎ ৫কী গ্রাউন্দ বেজ সোলর পাৱর প্লান্ত পাইখৎখিবা অমসুং কিলোৱাৎ ১৪০গী রুফতোপ সোলর প্রোজেক্ত ইন্সতোল তৌনবা থবক চত্থরিবা অসিদা মহাক্না নুংঙাইবা ফোঙদোকখি। মসি উর্জা আত্মানির্ভারত্তাগী খুদম অমনি।

প্রধান মন্ত্রীনা ভারত সরকারনা হীথাংফমদা য়ুম্ফম ওইবা চাউখৎ-থৌরাংগী হোৎনরিবা অসি সাগরমলা স্কীমগী খুত্থাংদা উবা ফংহনখ্রে হায়না ফোঙদোকখ্রে। ২০১৫-২০৩৫গী মতমগী মনুংদা ইমপ্লিমেন্ত তৌনবা লুপা করোর লাখ তরুক হেনবা অপুনবা শেনফম ওইবা প্রোজেক্ত ৫৭৫ মশক খঙদোকখ্রে। থবকশিং অসিদা য়াওগদবশিংদি: হীথাংফম মতমগা চুন্নবা ওইহনবা, অনৌবা হীথাংফম শেগৎপা, হীথাংফমগী কন্নেক্তিবিতী হেনগৎহনবা, হীথাংফমগা মরী লৈনবা ইন্দস্ত্রিলাইজেসন অমসুং সমুদ্রা মপালদা লৈবা কাংলুপশিং চাউখৎহনবা অসিনি হায়না প্রধান মন্ত্রীনা ফোঙদোকখ্রে। মহাক্না হায় অথুবদা চেন্নাইদা লৈবা শ্রীপেরুমবুদুরগী মনাক্তা লৈবা মেপ্পেদুদা অনৌবা মল্তি-মোদেল লোজিস্তিক্স পার্ক অমা হৌদোক্কনি। মহাক্না মখা তারদুনা হায় ‘সাগরমলা প্রোগ্রাম;গী মখাদা কোরমপল্লম ব্রিদজ অমসুং রেল ওভর ব্রিদজ (আর.ও.বি.)গী লেন ৮ ওন্নবা থবকসু পাইখৎখি। শ্রী মোদীনা হায়, প্রোজেক্ত অসিনা হীথাংফমদগী অপনবা লৈতনা অমসুং ত্রাঞ্জিৎ ফ্রী ওইনা চত্থোক-চৎশিন য়াহল্লগনি। মসিনা কার্গো ত্রকশিং চত্থোক-চৎশিন তৌবদা চংবা মতমসু হন্থহল্লগনি।

শ্রী মোদীনা হায় চাউখৎ-থৌরাংগী মপুং ওইবা পান্দমদি মীপুম খুদিংদা ইকাই খুম্নবা ফংহনবনি। “মীপুম খুদিংদা লৈফম পীবনা ইকাই খুম্নবা পীনবা তঙাই ফদবা লম্বী অমা ওইরি। ঐখোয়গী মীয়ামগী অনীংবা-অপাম্বশিং থুংহন্নবা প্রধান মন্ত্রী আৱাস য়োজনা হৌদোকখি”, হায়না মহাক্না হায়। তোঙান তোঙানবা মফমশিংদা তেনেমেন্ত ৪,১৪৪ শঙ্গাবা অমসুং তামিল নাদুদা লৈরিবা স্মার্ত সিতীশিংদা ইন্তিগ্রেতেদ কম্মান্দ অমসুং কন্ত্রোল সেন্তরশিংগী উরেপ-উয়ুং তমখ্রে। মহাক্না প্রোজেক্ত অসিগী শেনফম লুপা করোর ৩৩২ ওইখি অমসুং ভারতনা নীংখা তম্লবা মতুং চহি ৭০শুরবা ফাওবা ময়ুম-মকৈ লৈজদবা মীওইশিংদা য়ুমশিং অসি শিন্নগনি। মহাক্না হায় ইন্তিগ্রেতেদ কম্মান্দ অমসুং কন্ত্রোল সেন্তরশিংনা সহরশিং অসিদা তোঙান তোঙানবা সর্ভিসশিং য়েংশিন্নবা ইন্তেলিজেন্ত অমসুং ইন্তিগ্রেতেদ আই.তি. সোল্যুস অমা ফংহনগনি।

 

 

সেবা অমসুং সমর্পনগী চহি 20 তাক্লিবা ফোতো 20
Mann KI Baat Quiz
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
 PM Modi Gifted Special Tune By India's 'Whistling Village' in Meghalaya

Media Coverage

PM Modi Gifted Special Tune By India's 'Whistling Village' in Meghalaya
...

Nm on the go

Always be the first to hear from the PM. Get the App Now!
...
Social Media Corner 1st December 2021
December 01, 2021
Share
 
Comments

India's economic growth is getting stronger everyday under the decisive leadership of PM Modi.

Citizens gave a big thumbs up to Modi Govt for transforming India.