Share
 
Comments
For the first time since 1971, the country has given a pro-incumbency mandate to a government: PM Modi
Will strive to meet the dream and aspirations of New India: PM Modi
From making a car, India and Japan are now cooperating to make bullet trains: PM Modi

জাপানদা লৈরিবা ভারতকী মরূপলোইশিং অমসুং মশিং য়াম্না মফম অসিদা লেংবীরক্লিবা ইন্দিয়ন কম্যুনিতীগী ঐহাক্কীমরূপ পুম্নমকপু খুরুমজরি।

ঐহাকপু করিগীদমক কোবেদা পুরক্লিবনো হায়বসিনি ঐহাক্না খল্লম্লিবা। কয়ারক হন্না লাকখ্রে, শক্তম কয়া অমা লৈরি।ঐহাকপু করিগীদমক পুরিবনো কনা লাক্কদৌরিবগে হায়না ঐহাক্না হংখি। অদুবু হান্নদগী হেন্না থৱাই য়াওবা হেঙ্গৎলক্লিবাঅসি ঐহাক্না উবা ফংলে। নুংশিবীরিবা অসিগীদমক ঐহাক্না অদোমগী লমন তোনশিঞ্জরে।

চাউরাক্না থা ৭কী মতুংদা অমুক হন্না জপান্দা লাকচবগী খুদোংচাবা অদু ফংজরে। মমাংদা লাক্লম্বা অদুদসু মফম অসিদাখুন্দারিবা মরূপ পুম্নমক অমদি জাপানগী মরূপশিংগা ৱারী শান্নবগী তাঞ্জা অদু ফংজখি। তান চান্নরুবা হায়গদ্রা মমাংগীচহীদা ঐহাক্না মফম অসিদা লাকখিবা মতম অদুদা ঐহাক্কী নুংশিরবা মরূপ শিঞ্জো অবেগী মীখলগী রিজল্ত লাক্তুনাময়াম পুম্নমক্না মফমদা থাজবা থমখি। অদুগা ঙসি ঐহাক্না ময়ামগী মরক্তা তিঞ্জরিবা অসি মালেম অসিগী খ্বাইদগীচাউবা লোকতন্ত্র ভারতনা মকোকথোংবা সেবারী অসিদা মমাংদগী হেন্না থাজবা থম্বীরে, অহেনবা মীনুংশি পীনবীরে।  

তিনবীরিবা ময়ামগী মরক্তগীসু মরূপ কয়া অমনা মীখল অসিদা থৌদাং লৌখি হায়বা ঐহাক খঙজৈ। কনাগুম্বা খরনাভারত্তা লাক্তুনা থবক ওইনা পাংথোকখি, কন্না হোৎনখি, ৪০–৪৫ দিগ্রী তেম্পরেচরদা থবক তৌখি, মীওই খরনা সোসিয়েলমীদিয়াগী থোংদা ত্বিতর, ফেস বুক, নরেন্দ্র মোদী এপ, পাও ফাওনবা য়াবা মফম খুদিংমক্তা য়ৌহন্নবা হোৎনখি। মীওই খরনামখোয় মখোয়গী খুঙ্গং লমদমদা লৈরিবা মখোয়গী মরূপশিংদা চিথীশিং ইখি, ই–মেল থাখি, হায়বদি অদোম অদোম্নসুনাকল অমরোমদা মওং অমা নত্ত্রগা অমদা ভারতকী অসিগুম্লবা লোকতন্ত্রগী কুমহৈ অসি হেন্না মপাঙ্গল কলহনখি।মরম অসিগীদমক ময়াম পুম্নমকপু হন্না–হন্না তৌবীমল খঙবা উৎচরি।

মরূপশিং, ভারতকী প্রজা কোতি ১৩০না মমাংদগী হেন্না মরা চেৎপা সরকার শেম্লে, মসিমক য়াম্না চাউবা থৌদোক অমনি।চহী তরা তরাগী খুজিং অহুমগী মতুংদা অহানবা ওইনা থংন–থংননা অনিরকশুবা ওইনা এবসুলুৎ মেজোরিতী ওইবাসরকার লৈরে।

মরূপশিং, ভারতনা পীরিবা অকনবা মেনদেৎ অসিদা অদোম নুংঙাইবা ফাওদব্রা? অদু ওইরগদি মাই পাক্লিবা অসিকনানো? অচুম্বগী মাই পাকপনি হায়ববা ঐহাক্না ময়ামগী মফমদগী পাওখুম অসি তাবা মতমদা য়াম্না নুংঙাইবা ফাওই।মসি হিন্দুস্তানগী লোকতন্ত্রগী মাই পাকপনি। ভারতকী পুক্নীংদা লৈরিবা অদু অদোম্না জাপান্দা লৈজরবসু খঙবা ঙম্লি।

 

করি–করিগুম্বা মতমদা ঐখোয়না স্তেদিয়মদা ক্রিকেৎ শান্নবা য়েংবা মতমদা করম্না আউৎ ওইখিবনো, বোল অদু কদোমদাচৎখি হায়বদু কোন্নথংদা খঙবা ঙমই, অদুবু য়ুমদা তি.ভি.দা লাপ্না য়েংলিবা অদুনদি ৱেবলেংথনা মরম ওইদুনা আউৎওইবনি হায়বা খুদক্তা খঙবা ঙমই। মরম অদুনা অদোম্না লমদম তাম্না ফমদুনা হিন্দুস্তানবু য়েংবা মতমদা অচুম্বা খঙবাঙম্বগী শক্তি অদু অদোমদা হেন্না লৈরি। মসিনা মরম ওইরগা অদোমগী পাউখুম অসি – অচুম্বগী মাই পাকপা, লোকতন্ত্রগীমাই পাকপা , লৈবাক মীয়ামগী মাই পাকপা – পাউখুম অসি ঐহাক্কীদমক য়াম্না মমল য়াম্মি, ইফমদা অনৌবা থৌনা অমাপীনবীরি, অনৌবা ইহুল অমা পীরি। মসিগীদমক ঐহাক্না অদোমগী তৌবীমল খঙবা উৎচরি।

দেমোক্রেতিক ভেল্যুগীদমক কত্থোক্তুনা লৈরিবা অনীংবা অমসুং অপাম্বশিংগী থাজবা অদুমক মাইপাকপা অসিগী মরমঅমসুনি। অদোম্না খন্দুনা য়েংবীয়ু, ভোত্তর কোতি ৬১না ৪০–৪৫ দিগ্রী তেম্পরেচরদা ময়ুমদগী লাপ্না চত্তুনা ভোৎ থাদখি, মীওই কোতি ৬১না। চাইনাবু নাকল অমদা থম্লগদি মালেমগী লৈবাক অমা হেক্তগী অপুনবা মীশিংদগী হেন্না ভোৎ থাদখি।অদুগা ভারত্তা লোকতন্ত্রগী পাকচাউবা, মসিগী মওং মতৌদি – পোলিং স্তেসন লাখ ১০, ই.ভি.এম. মেচিন লাখ নিফু হেনবা, পোলিতিকেল পার্তী চাতরুক হেন্না এক্তিব ওইখি, মীখলদা শরুক য়াখি, অমদি মীরেপ লিশিং নিপাল; লোকতন্ত্রগী কয়াদাচাউরবা কুমহৈ ওইরমগনি। মীওইবগী পুৱারীদা খ্বাইদগী চাউবা লোকতন্ত্রগী ওইবা মীখল ওইদ্রিবরা অদুনা ভারত মচাখুদিংমক্না ৱাফম অসিগীদমক চাউথোকচগদবনি।  

মরূপশিং, ভারতকী শক্তি অসিমক ২১শুবা চহীচাগী মালেম অসিদা অনৌবা আশা অমা পীরগনি। মীখল অসিমক, মসিগীইম্পেক্ত অসি ভারত খক্তদা লৈগদবা নত্তে; মালেমগী দেমোক্রেতিক ওইবা ৱাখল্লোনদা ইনোৎ পীগদবা থৌদোক্নি। অনৌবাভারতকী অনীংবা অপাম্বশিং অদু মপুং ফাহন্নবা মীয়ামগী পাওজেল ফংলে। অমদি পাওজেল অসিনা মালেম পুম্বগালোয়ননা ঐখোয়গী লৈনরিবা মরীদসু অনৌবা ইনর্জী অমা পীরগনি। হৌজিক্তি মালেম অসিনা ভারতকা লোয়ননা ৱারীশান্নবা মতমদা মখোয়দা থাজবা লৈরগনি।

 

অন্তর্জাতিগী মরীদা এবসুলুৎ মেজোরিতী ওইবা সরকার লৈবা অসি অচৌবা ৱাফম অমনি, অদুবু এবসুলুৎ মেজোরিতীওইবা সরকার অসিদা হান্নদগী হেন্না মীয়াম্না য়ারগদি শক্তি হেঙ্গৎলকই, অদুবু মদুনা থাজবা য়াম্না হেঙ্গৎলকই।

সবকা সাথ–সবকা বিকাস, অমদি মসিদা মীয়াম্না অমৃত হাপচিনবীরে, সবকা বিশ্বাস। মন্ত্র অসিদা ঐখোয়না চৎলি – মসিনামালেম অসিনা ভারত্তা থম্লমবা থাজবা অদু হেন্না চেৎশিলহল্লগনি, মদুমক ঐঙোন্দা ফাওরি।

মরূপশিং, মালেমগা লোয়ননা ভারতকী লৈনরিবা মরীগী ৱাফম লাকপা মতমদা জাপান্না মদুদা মরুওইবা মফমদা লৈরি।মরী অসি ঙসি ঙরাংগী নত্তে মসিদি চহী লিশিং কয়াদগীনি। মখোয়গী মনুংদা ইন্তিমেসী, গুদৱিল, অমনা অমগী কলচরঅমসুং সভ্যতাদা ইকাই খুম্নবা য়াওরি। মরীশিং অসিগী লিঙ্ক অমা মহাত্মা গান্ধীগসু মরী লৈনরি। তাঞ্জা চানরুবনা চহী অসিবাপুগী ১৫০শুবা মপোক থৌরমসু ওইরি। গান্ধীজীনা তাকপীরম্বা অমা অঙাং ওইরিঙৈদগী ঐখোয়না তাদুনা লাক্লি, খঙদুনালাক্লি মদুদি ফত্তবা য়েংগনু, ফত্তবা তাগনু, ফত্তবা হায়গনু। ভারতকী অঙাং পুম্নক্না মসি নীংথিজনা খঙঙি। অদুবু পাওজেলঅসিগীদমক বাপুনা খল্লিবা য়োং অহুম অদুগী পোক্নফম লমদম অসি ১৭শুবা চহীচাগী জাপান্নি হায়বা মীওই খরা খক্তনাখঙই। মিজারু, কিকাজারু অমসুং ইৱাজারু – জাপানগী হেরিতেজনি। মদুবু বাপুনা অথোইবা সমাজগী পাওজেলগীদমকখনখি।

মরূপশিং, ঐখোয়গী চৎন–লোনচৎ অমসুং সংস্কারগী মরী অসি জাপানদা বৌদ্ধ ধর্ম লাক্ত্রিঙৈ মমাংদগী পল্লি। হৌজিকমথংগী থাদা ক্যোতোদা গিয়োন কুমহৈ লাক্কদৌরে। অমদি গিয়োন কুমহৈ অসিদা শিজিন্নরিবা রথ অদু ফজনবা কেবিবদাভারতকী সিল্ককী লংশিং শিজিন্নরি। মসিগী ত্রেদিসন অসি ঙসি ঙরাংগী নত্তে, মশিং থিঙমদ্রবা মতমদগী চৎনরক্লিবনি।

মরূপশিং, ফেব্রিক প্রিন্তিংগী জুশোবোরী আর্ত অসি ভারত অমসুং জাপানগী মরীগী য়াম্না লীরবা মরী অমনি। গুজরাতকীকচ্ছ অমসুং জামনগরদা চহী চা কয়াদগী মসিবু বান্ধনী হায়না কৌনৈ। কনাগুম্বা খরনা বন্ধনীসু কৌনৈ কনাগুম্বা খরনাবন্দানীসু কৌনৈ, মদুগী কলাকার অদুনা কলা অসিদা শিজিন্নরিবা তেক্নিক অদু মফম অসিদসু চহী চা কয়াদগী শিজিন্নরি।

মরূপশিং, স্বামি বিবেকানন্দ, গুরুদেব রবিন্দ্রনাথ তেগোর, মহাত্মা গান্ধী, নেতাজী সুভাসচন্দ্র বোস, জস্তিস রাধা বিনোদপালয়াওনা ভারত মচা কয়ানা জাপানগা লোয়ননা ঐখোয়গা লৈনরিবা মরী চেৎশিলহনখি। জাপান্দসু ভারত অমসুং ভারতমচাশিংগীদমক নুশিংবা অমসুং ইকাই খুম্নবগী ৱাখল্লোন অদু লৈরি।

মসিগী মহৈ ওইনা অনিশুবা মালেমগী লাঞ্জাওগী মতুংদগী ভারত–জাপানগী মরক্তা লৈনরিবা মরী হেন্না চেৎশিনবা হৌখি।চাউরাক্না চহী কুনগী মমাংদা প্রধান মন্ত্রী অতল বিহারী বাজপেয়ী অমসুং প্রধান মন্ত্রী য়োশিরো মোরীনা অমত্তা ওইনা পুন্দুনাঐখোয়গী মরী অসি গ্লোবেল পার্তনরশিপকী মওং মতৌ পীখি।

২০১৪দা প্রধান মন্ত্রী ওইরবা মতুং ঐহাক্না ঐহাক্কী মরূপ প্রধান মন্ত্রী শিঞ্জো অবেগা পুল্লগা মরূপ ওইবগী মরী অসি হেন্নাচেৎশিলহন্নবা খুদোংচাবা ফংজখি। ঐখোয়না ঐখোয়গী দিপ্লোমেতিক্কী মরী অসি লৈবাক্কী কোনুং অমসুং দিপ্লোমেতিকফোর্মেলিতীশিংদগী হকথেংননা লৈবাক মীয়ামগী মরক্তা পুরকখি। প্রধান মন্ত্রী অবেগা লোয়ননা ঐহাক্না তোকিয়োগীমথক্তা ক্যোতো, ওসাকা, কোবে, য়মানাসীদা চৎখি। প্রধান মন্ত্রী অবেনা মমাং চহীদা য়ামানাসীদা মহাক্কী ময়ুমদা ঐহাকপুতরাম্না ওকপীখি। মহাক্কী অসিগুম্লবা অখন্নবা ইঙ্গিৎ অসি হিন্দুস্তানগী মীপুম খুদিংমক্কী থম্মোইবু শুমহৎনীংঙাইনি, দিপ্লোমেতিক্কী মরীদা অসিগুম্বা মখলগী পর্সোনেল তচ অসি য়াম্দে।

দিল্লীগী মথক্তা অহমদাবাদ অমসুং বরানসীদা প্রধান মন্ত্রী অবেবু পুদুনা চৎপগী খুদোংচাবা অদু ঐহাক্না ফংজখি। প্রধানমন্ত্রী অবেনা ঐহাক্কী পর্লিয়ামেন্তরী কন্সতিত্বেন্সী অমদি মালেমগী খ্বাইদগী লীরবা সংস্কৃতি অমসুং স্পিরিচুয়েল সহর অমাওইরিবা কাশীদা গঙ্গা আর্তী থৌরমদসু শরুক য়াখি।

মরূপশিং, হৌখিবা চহী ৬০ হেনবগী মতমগী মমাংদা ভারতকী চাউখৎ খোংচৎতা জাপানগী মরুওইবা থৌদাং লৈরি।২১শুবা চহীচাগী অনৌবা ভারত্তা থৌদাং অসি হেন্না চেৎশিলহল্লগনি। ১৯৫৮দা জাপান্না মশাগী অহানবা য়েন লোন ভারত্তাঅয়াবা পীখি, ১৯৫৮দা। মসিগী মতুংদগী জাপানগী কম্পেনীশিংনা ভারত্তা থবক তৌরি অমদি মখোয়গী খ্বাইদগী ফবাক্বালিতীগীদমক তোঙান্না মশক তাক্লি।

মতম অমদা ঐখোয়না কার শাবা মতমদা মতেং পাংলম্মি অদুগা ঙসি ঐখোয়না বুলেৎ ত্রেন শাবদা মতেং পাংলি। ঙসিদিনোংপোক্তগী নোংচুপ ফাওবা, অৱাংদগী খা ফাওবদা জাপানগী প্রোজেক্ত লৈতবা নত্ত্রগা ইনবেস্ত তৌদবা মফম অমত্তালৈতে। মতৌ অসুম্না ভারতকী হৈশিংবা অমসুং মেনপাৱরনা মফম অসিদা জাপানগী ইকোনোমী ফগৎহনবদা থৌদাংলৌরি।

 

মরূপশিং, অনৌবা ভারত্তা ঐখোয়গী অসিগুম্লবা তেংবাং অসি হেন্না কমপ্রিহেন্সিব ওইরগনি। ঐখোয়না লাক্কদৌরিবা চহীমঙা অসিদা ভারতপু দোলর ত্রিলিয়ন ৫গী ইকোনোমী ওইহন্নবা পান্দমগা লোয়ননা মাংলোমদা চংশিল্লি। সোসিয়েল সেক্তরঅসি ঐখোয়গী প্রায়োরিতীনি। মসিগা লোয়ননা ইনফ্রাস্ত্রকচরদা কমপ্রিহেন্সিব ইনবেস্তমেন্ত, মদুদসু ঐখোয়না পুক্নীংথৌগৎলি। অখন্ননা দিজিতেল ইনফ্রাস্ত্রকচরনা ভারতপু ঙসি মালেম পুম্বদা ইনবেস্ত তৌনবগী পুক্নীং চিংশিন্নীংঙাই ওইনামাংদা থম্লি। ঙসিদি ভারত্তা দিজিতেল লিতরেসী খোংজেল য়াংনা মশিং হেঙ্গৎলক্লি। দিজিতেল ত্রাঞ্জেক্সন রেকোর্দ ওইবাথাক্তা লৈরে। ইনোবেসন অমসুং ইনক্যুবেসনগীদমক য়াম্না চাউবা ইনফ্রাস্ত্রকচর অমা থৌরাং তৌরি। মসিগী মখাদালাক্কদৌরিবা চহী মঙা অসিদা স্তার্তঅপ লিশিং ৫০গী ইকোসিস্তেম অমা ভারতনা শেম্নবা পান্দম অমা ঐখোয়না থম্লি।

মরুপশিং, য়াম্না তোয়না হায়নৈ মদুদি স্কাই ইজ দি লিমিৎ, মতম অমদদি চুম্লম্মি, অদুবু ভারত লিমিৎ অসিদগী হেন্দোক্তুনাস্পেসপু য়াম্না লুথনা এক্সপ্লোর তৌরি। ভারতকী মীওই কোতি ১৩০গী পুন্সিবু লাইথোকহন্নবগীদমক অহোংবা অমসুংইফেক্তিব ওইবা স্পেস তেক্নোলোজী ফংবা ঙম্বা অসি ঐখোয়গী পান্দম্নি। মাই পাকপা অসিগা লোয়ননা মাংলোমদাচংশিনবা অসিগা ঐহাক নুংঙাইবা ফাওই।

হন্দক্তা লাকখিবা সাইক্লোন ফোনি য়াওনা তোঙান তোঙানবা শিংনরকপশিং ভারতনা অমাং অতা য়াম্না থোকহন্দনা থবকশিনবা ঙম্লে। মালেম অসিনা মদুগীদমক থাগৎনখি, মতৌ করম্না সরকারগী মেচিনরি, হ্যুমেন রিসোর্স, স্পেস তেক্নোলোজী, পুম্নমক অসি পুন্সিল্লগা করম্না পাংথোকপা য়াবগে হায়বদু ভারতনা পাংথোক্তুনা উৎলে। ২০২২ ফাওবদা ঐখোয়গীঅহানবা মেন মিসন গগনয়ান থাগৎনবা ঐখোয় থৌরাং তৌরি। অমদি হিন্দুস্তানদগী কনাগুম্বা অমনা মফম অদুদা মচুঅহুমগী ফিরাল পাইহনগনি হায়বগী মংলানগা লোয়ননা থবক তৌরি।

মরূপশিং, প্রধান মন্ত্রী ওইনা মসি ঐহাক্কী মরিশুবা জাপানগী খোংচৎনি। ইশাগী সভ্যতা অমসুং ইশাগী ভেল্যুদাচাউথোকচবা, তেলেন্ত অমসুং তেক্নোলোজীবু লৈবাক শেমগৎ শাগৎপগী শরুক ওইহনবা অমদি ত্রেদিসনগী মনুংদা থম্বা, মসি ঐহাক্না জপান্দা দাইরেক্ত এক্সপরিয়েন্স লৈখি। অদুগা অসিগুম্না ফাওরিবা মীওই অসি ঐহাক খক্তা নত্তে।

স্বামি বিবেকানন্দনসু চহী চামগী মমাংদা জাপানদা লাকখিবা মতম অদুদসু মফম অসিগী সভ্যতা, মীয়ামগী কত্থোকপাঅমসুং ৱার্ক ইথিক অদুনা পুক্নীং শুমহৎখি। ভারত মচা খুদিংমক্না জাপানগী খোংচৎতা চৎকদবনি হায়না ফাওবা মতমঅদুদা বিবেকানন্দনা হায়বীখি।

অরোইবদা ঐহাক্কী ৱাফম লোয়শিন্দ্রিঙৈ মাংওইননা ময়াম পুম্নমকপু, জাপানগী প্রজা মীয়ামগীদমক, ভারত মচাশিংগীঅমদি জাপানগী ইচিল–ইনাও অমসুং ইচল–ইচেশিংগীদমক অনৌবা রেবা এরা – রেবা যুগকী অনীংবা অপাম্বাফোংদোকচরি।

মসিগা লোয়ননা অমুক হন্না ময়ামগী মরক্তা লাক্নবা খুদোংচাবা অদু ঐহাক্না ফংজরে। অদোমগী আশীর্বাদ অদু ফংজনবাতাঞ্জা ফংজরে। ঐহাক্না অদোম্বু থম্মোই শেংনা তৌবীমল খঙবা উৎচরি।

থাগৎচরি।

 

 

দোনেসন
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
‘Salute and contribute’: PM Modi urges citizens on Armed Forces Flag Day

Media Coverage

‘Salute and contribute’: PM Modi urges citizens on Armed Forces Flag Day
...

Nm on the go

Always be the first to hear from the PM. Get the App Now!
...
PM condoles loss of lives in fire at Delhi’s Anaj Mandi
December 08, 2019
Share
 
Comments

The Prime Minister, Shri Narendra Modi has condoled the loss of lives in fire at Delhi’s Anaj Mandi on Rani Jhansi Road.

“The fire in Delhi’s Anaj Mandi on Rani Jhansi Road is extremely horrific. My thoughts are with those who lost their loved ones. Wishing the injured a quick recovery. Authorities are providing all possible assistance at the site of the tragedy”, the Prime Minister said.