Share
 
Comments
Centre has worked extensively in developing all energy related projects in Bihar: PM Modi
New India and new Bihar believes in fast-paced development, says PM Modi
Bihar's contribution to India in every sector is clearly visible. Bihar has assisted India in its growth: PM Modi

ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিহারদা পায়খৎপা পেত্রোলিয়ম সেক্তরগা মরী লৈনবা মরুওইবা প্রোজেক অহুম মীয়ামদা কৎথোকখ্রে। প্রোজেকশিং অদুগী মনুংদা দুর্গাপুর-বানকা সেক্সনগী পারাদিপ-হালদিয়া-দুর্গাপুর পাইপলাইন অগমেন্তেসন প্রোজেক অমসুং এল.পি.জি বোত্তলিং প্নান্ত অনি য়াওরি। প্রোজেকশিং অদু পেত্রোলিয়ম অমসুং নেচরেল গ্যাস মিনিস্ত্রিগী মখাদা লৈবা পি.এস.য়ুশিং ইন্দিয়ান ওইল অমসুং ঐচ.পি.সি.এলনা পায়খৎপনি।

থৌরম অদুদা প্রধান মন্ত্রীনা হায়খি রাজ্য অসিগী ইনফ্রাস্ত্রকচরশিংদা মিৎয়েং থমদুনা চহি খরগী মমাঙদা বিহারগী অখন্নবা পেকেজ অমা লাউথোকখ্রে। হায়রিবা অখন্নবা পেকেজ অদুদা বিহারগীদমক লুপা করোর লিশিং ২১গী পেত্রোলিয়ম অমসুং গ্যাসকা মরী লৈনবা অচৌবা প্রোজেক ১০ পীখি। হায়রিবা প্রোজেকশিং অদুগী মনুংদা ঙসি তরেৎশুবা প্রোজেক বিহারগী মীয়ামদা কৎথোক্লে। মমাঙদা বিহারদা অতোপ্পা প্রোজেক তরুক লোইশিনখ্রে। মহাক্না ঙসিদগী চহি অমগা মখাইগী মমাঙদা উরেপ-উয়ুং তমখিবা মরুওইবা গ্যাস পাইপলাইন প্রোজেক অমা ওইরিবা দুর্গাপুর-বানকা সেক্সন(কিলোমিতর ২০০ রোম) মহাক্না শঙ্গাবদা প্রধান মন্ত্রীনা হরাওবা ফোঙদোকখি।

লম্মিৎ-তুমিৎকী খুদোংচাদবা কয়া লৈরবসু, মসিগী প্রোজেক অসি মতম চানা লোইশিনবগীদমক রাজ্য সরকার, ইঞ্জিনিয়ারশিং অমসুং শিন্মীশিংনা থবক কন্নবা শুখিবা অদু মহাক্না থাগৎখি। মীরোল অমনা থবক শুবা হৌবা অমসুং মীরোল অমনা থবক মপুংফানা লোইশিনবগী থবক শুবগী চৎনবী অমা পুথোরকপদা বিহারনা মরুওইবা থৌদাং অমা লৌবগীদমক প্রধান মন্ত্রীনা বিহারগী চীফ মিনিস্তর থাগৎখি। মহাক্না হায়খি মসিগী অনৌবা থবক শুবগী চৎনবী অসি মপাঙ্গল কনখৎহনবা দরকার ওই অমসুং মসিনা বিহার অমসুং নোংপোক ভারত চাউখৎপগী লম্বীদা পুরক্কনি।

লাইনিংগী লাইরিকশিংগী ৱারোল “সামর্থ্য মুল স্বাতন্ত্র্যম্, শ্রম মুলম ৱৈভৱম্”(শিন্মীগী মনিংতম্বা অমসুং শক্তিগী হৌরকফমগী মপাঙ্গল অদু লৈবাক অমা চাউখৎনবগী য়ুম্ফমনি)প্রধান মন্ত্রীনা পনখি। মহাক্না হায়খি বিহার য়াওনা নোংপোক ভারত্তা শিন্মীগী অৱাৎপা লৈতে, মফম অসিদা মহৌশাদা ফংবা লনশিং অৱাৎপা লৈতে, বিহার অমসুং নোংপোক ভারত চহি কয়া চাউখৎ-থৌরাংগী মতাংদা মনিংদা লৌহৌরি অমসুং রাজনিতি, শেন-থুম অমসুং অতোপ্পা মরম কয়াদগী লোইবা নাইদনা থেংথদুনা লাক্লি। মমাঙদা, লম্বী, রেল অমসুং এয়রগী চৎথোক-চৎশিন অমসুং ইন্তরনেৎ ফংহনবা অসি মরুওইনা লৌরমদে। গ্যাসতা য়ুম্ফম ওইবা ইন্দস্ত্রি অমসুং পেত্রোলিয়মগী পোৎথোকশিং পাইপলাইন্দা পুবা অসি বিহারদা ৱাখলদা ফাওবা খল্লমদে। রাজ্য অসি কংফালনা কোইশিনবা রাজ্য অমা ওইবনা বিহারদা গ্যাসকী ইন্দস্ত্রিশিং শেমগৎপা অসি অচৌবা শিংনবা অমনি অমসুং মরম অসিনা সমুদ্রগা শম্নবা রাজ্যশিংগা য়েংনবদা রাজ্য অসিদা পেত্রোলিয়ম অমসুং গ্যাসকা মরী লৈনবা মচাক-মথুমশিং ৱাৎখি।

প্রধান মন্ত্রীনা হায়খি গ্যাসতা য়ুম্ফম ওইবা ইন্দস্ত্রি অমসুং পেত্রোলিয়মগী পোৎথোকশিং পাইপলাইন্দা পুবা অসিনা মীয়ামগী পুন্সি মহিং ফগৎহল্লে অমসুং অনৌবা থবক মিল্লিয়ন কয়া পীনবা খুদোংচাবশিং পীরে। সি.এন.জি অমসুং পি.এন.জি বিহার অমসুং নোংপোক ভারতকী সহরশিংদা য়ৌরকপা মতমদা, মফম অসিগী মীয়াম্না খুদোংচাবশিং লাইনা ফংলগনি। প্রধান মন্ত্রী উর্জা গঙ্গা য়োজনাগী মখাদা ইস্তর্ন সিবোর্দতা ভাগিরথনা পারাদিপতা নোংপোক ভারতকা শম্ননবা হোৎনরি অমসুং ৱেস্তর্ন সিবোর্দতা কান্দলাদা শম্ননবা হোৎনরি অমসুং মসিগী কিলোমিতর ৩০০০ শাংবা পাইপলাইন অসিগী মখাদা রাজ্য তরেৎ শম্নগনি অমসুং মসিদা বিহারনা মরুওইবা থৌদাং অমা লৌগনি। পারাদিপ-হালদিয়াগী লাইন অসি হৌজিক মখা তানা পাতনা, মুজাফারপুর ফাওবা শাংদোকলে অমসুং কান্দালাদগী লাকপা পাইপলাইন অদু গোরাখপুর ফাওবা য়ৌরে। প্রোজেক অসি লোইশিল্লকপা মতমদা, মসি মালেমদা খ্বাইদগী শাংবা পাইপলাইন প্রোজেকশিংগী মনুংদা অমা ওইগনি।

প্রধান মন্ত্রীনা হায়খি হায়রিবা পাইপলাইনশিং অসি লাকপদগী বিহারদা অচৌবা বোত্তলিং প্নান্তশিং লিংখৎলে। মখোয়গী মনুংদা ঙসি বানকা অমসুং চম্পারনদা অনৌবা বোত্তলিং প্লান্ত অনি হাংদোক্লে। হায়রিবা প্লান্ত অনিমক অসি চহি অমদা সিলিন্দর মিল্লিয়ন ১২৫ হেন্না হানবা ঙমগনি। হায়রিবা প্লান্তশিং অসিনা গোদদা, দিওগর, দুমকা,সাহিবগঞ্জ, পাকুর জিলাশিং অমসুং উত্তর প্রদেস অমসুং ঝারখান্দগী শরুক খরগী দরকার ওইবা এল.পি.জি ফংহনবা ঙম্লগনি। মসিগী গ্যাস পাইপলাইনশিং অসি ফুম্বদগী বিহারদা অনৌবা থবক লিশিং কয়া ফংহল্লে।

প্রধান মন্ত্রীনা হায়খি মসিগী গ্যাস পাইপলাইন অসি শেমগৎলবা মতুংদা মমাঙদা থোঙ লোন্দুনা লাক্লবা বারাওনিদা লৈবা হার ফেক্তরি অথুবা মতমদা থবক হৌরগনি। উজ্জৱালা স্কিমনা মরম ওইদুনা লৈবাক অসিদা লায়রবা ইমুং করোর ৮ ঙসিদি গ্যাস শীজিন্নবা ফংলে। মসিনা কোরোনা মনুংদা লায়রবশিংগী পুন্সিদা অহোঙবা পুরক্লে অমসুং মখোয় য়ুমদা লেংদনা লৈহল্লে অমসুং মখোয় শিং থিনবা লমহাংদা থোকপা দরকার ওইদ্রে।

প্রধান মন্ত্রীনা হায়খি কোরোনা লাইচৎ মনুংদা উজ্জৱালা স্কিমগী কান্নবা ফংলবা মীওইশিংদা লেম্না সিলিন্দর মিল্লিয়ন কয়া পীদুনা লায়রবা ইমুং মিল্লিয়ন কয়া কান্নবা ফংলে। লায়না লৌনবা য়াবগী খুদোংথিবা কয়া লৈরবসু, কোরোনা মনুংদা মখোয়না মীয়ামগী গ্যাস ৱাৎহন্দবগীদমক, পেত্রোলিয়ম অমসুং গ্যাস দিপার্তমেন্তশিং অমসুং কম্পেনিশিং অমসুং গ্যাস য়েন্থোক্লিবা এজেন্সি মিল্লিয়ন কয়া মহাক্না থাগৎখি। মহাক্না হায়খি এল.পি.জি গ্যাস শীজিন্নবা অসি ইনাকখুনবা মীওইনি হায়না খন্নবা মতম অমা বিহারদা লৈরমখি। অদুবু হৌজিক উজ্জৱালা স্কিম লাকপদগী বিহারদা মদু হোংলে, বিহারগী লায়রবা ইমুং করোর ১.২৫ রোম লেম্না গ্যাস কন্নেক্সন ফংলে। য়ুমদা গ্যাস কন্নেক্সন ফংবদগী বিহারদা লায়রবা করোর কয়াগী পুন্সিশিং অহোংবা পুরক্লে।

বিহারগী নহারোলশিং থাগৎলদুনা প্রধান মন্ত্রীনা হায়খি বিহার লৈবাক অসিদা হৈথোই-শিংথোইবা মীওইশিং মশিং য়াম্না লৈবা মফম অমনি। রাজ্য খুদিংমক্কী চাউখৎ-থৌরাংদা বিহারগী থৌনা অমসুং বিহারগী শিন্মীগী মমি তাবা উগনি। হৌখিবা চহি ১৫ অসিদা বিহারদা অচুম্বা সরকার, অচুম্বা ৱারেপশিং অমসুং নাখৈ শেংবা থৌশিল উবা ফংলে , চাউখৎ-থৌরাংশিং পায়খৎলে অমসুং মী খুদিংমক কান্নবা ফংলে। বিহারগী নহারোলশিং লৌবুক্তা থবক শুগদবা মরম্না লাইরিক তম্বা দরকার ওইদে হায়না মতম অমদা খন্নরমখি। মসিগী ৱাখল অসিনা মরম ওইদুনা, বিহারদা অচৌবা লাইরিক তম্নবা মহৈলোয়শঙশিং লিংখৎনবা থবক পায়খৎলমদে। মসিনা মরম ওইদুনা বিহারগী নহারোলশিং লাইরিক তম্নবা অমসুং থবক শুনবা নমদুনা অতোপ্পা মফমশিংদা চৎখি। লৌবুক্তা থবক শুবা, লৌ উবা অসি য়াম্না ৱাবা অমসুং চাউথোকচবা থবক্নি, অদুবু নহারোলশিংদা অতোপ্পা খুদোংচাবা অমতা পীদে, থৌরাং অমতা পায়খৎতবা অসি অচুম্বা নত্তে।

প্রধান মন্ত্রীনা হায়খি ঙসিদি বিহারদা অচৌবা মহৈলোয়শঙ কয়া হাংদোকলে। হৌজিক এগ্রিকলচরেল কোলেজশিং, মেদিকেল কোলেজশিং, ইঞ্জিনিয়ারিং কোলেজশিং মশিং হেনগৎলক্লে। বিহারগী নহারোলশিংগী মঙলানশিং মঙফাওনবদা মতেং পাংনবা হৌজিক রাজ্য অসিদা আই.আই.তি, আই.আই.এম অমসুং আই.আই.আই.তি লৈরে। পোলিতেক্নিক ইন্সতিতুৎশিং মশিং শরুক অহুম হেনগৎহনবগী অমসুং অচৌবা য়ুনিভর্সিতি অনি, আই.আই.তি অমা, আই.আই.এম অমা, নিফ অমা অমসুং নেসনেল লো ইন্সতিতুৎ অমা বিহারদা হাংদোকপগীদমক মহাক্না বিহারগী চীফ মিনিস্তর থাগৎখি।

প্রধান মন্ত্রীনা হায়খি স্তার্দ অপ ইন্দিয়া, মুদ্রা য়োজনা অমসুং অসিগুম্বা স্কিমশিংনা বিহারগী নহারোলশিং মশানা মশাবু থবক পীজরে। হৌজিক বিহারগী সহরশিং অমসুং খুঙ্গংশিং হান্নদগী হেন্না ফজনা মৈ ফংলে। পৱার, পেত্রোলিয়ম অমসুং গ্যাস সেক্তরশিংগী অনৌবা মচাক-মথুমশিং শেমগৎলে, অওনবা কয়া পুরকপদগী মীয়ামগী পুন্সি হিংবদা লাইহল্লে অমসুং ইন্দস্ত্রিশিং অমসুং শেন-থুমগী ফিবম ফগৎলে। কোরোনা লাইচৎ মনুংদা পেত্রোলিয়মগা মরী লৈনবা থবকশিং হায়বদি রিফাইনারি প্রোজেকশিং, পোৎথোকশিং থিবা নৎত্রগা পুথোকপগা মরী লৈনবা প্রোজেকশিং, পাইপলাইনশিং, সিতি গ্যাস প্রোজেকশিং অমসুং অসিগুম্বা প্রোজেক কয়া য়াংনা থবক পায়খৎলি। লাক্লিবা নুমিৎশিংদা, প্রোজেক লিশিং ৮ হেনবগী লুপা করোর লাখ ৬ রোম চাদিং তৌগনি।

প্রধান মন্ত্রীনা হায়খি অতোপ্পা রাজ্যশিংদা থবক শুরুবা শিন্মীশিং হল্লক্লে অমসুং অনৌবা থবক কয়া ফংহল্লে। মালেমগী অচৌবা লাইচৎ মনুংদা ফাওবা লৈবাক অসি থবক লেপখিদে, মরুওইনা বিহার থবক লেপখিদে। লুপা করোর লাখ ১০০ হেনবগী নেসনেল ইনফ্রাস্ত্রকচর পাইপলাইন প্রোজেক অসিনা শেন-থুম তানবগী থবক হেনগৎহনবদা মতেং পাংলগনি। বিহার অমসুং নোংপোক ভারত চাউখৎপগী মরুওইবা মফম অমা ওইহন্নবা মী খুদিংমক থবক য়াংনা শুনবা মহাক্না তকশিনখি।

Click here to read full text speech

Pariksha Pe Charcha with PM Modi
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Over 17.15 crore Covid-19 vaccine doses given to states, UTs for free: Govt

Media Coverage

Over 17.15 crore Covid-19 vaccine doses given to states, UTs for free: Govt
...

Nm on the go

Always be the first to hear from the PM. Get the App Now!
...
PM condoles the demise of senior journalist Shesh Narayan Singh
May 07, 2021
Share
 
Comments

The Prime Minister, Shri Narendra Modi has expressed grief over the death of the senior journalist Shri Shesh Narayan Singh ji.

The Prime Minister said that he will always be remembered for his significant contribution to the world of journalism. Shri Modi conveyed his condolences to the family.