Share
 
Comments

ঙসি প্রধান মন্ত্রী শ্রী নরেন্দ্র মোদী বরানসীদা চৎখ্রে।

মহাক্না বরানসীদা ইন্তর্নেস্নেল রাইস রিসর্স ইনস্তিত্যুৎ কেম্পস জাতিদা খুৎশিন্নখ্রে। মহাক্না ইনস্তিত্যুৎ অদুগী তোঙান তোঙানবা লেবোরেতরিশিং য়েংশিনখ্রে।

দীনদয়াল হস্তকালা সনকুলদা পাংথোকপা ৱান দিস্ত্রিক্ত, ৱান প্রদক্ত (ও.দি.ও.পি.)গী এগজিবিসন প্রধান মন্ত্রীনা য়েংশিনখ্রে।
মহাক্না কমপ্রিহেন্সিব পেন্সন মেনেজমেন্ত স্কিম অমা হৌদোকখ্রে। মহাক্না বরানসীদা তোঙান তোঙানবা প্রোজেক্তশিংগী উরেপ উয়ুং তম্বা অমসুং খুৎশিন্নবগী মশক ওইরবা প্লেকশিং মায়খুম হাংদোকখি।

ঙসি মায়খুম হাংদোকখিবা তোঙান তোঙানবা প্রোজেক্তশিং অদু পল্লদুনা মখোয় পুম্নমক্কী ইজ ওফ লিভিং, অমসুং ইজ ওফ দুইং বিজিনেসকী কমন ওইবা থিম অমা লৈ হায়না মহাক্না ফোংদোকখি। মহাক্না উত্তর প্রদেশ সরকারগী “ৱান দিস্ত্রীক্ত, ৱান প্রদক্ত” স্কিম্বু “মেক ইন ইন্দিয়া”গী মখা তারকপা অমগুম ফোংদোকখি।

প্রধান মন্ত্রীনা হায়খি মদুদি উত্তর প্রদেশ রাজ্যদা অপীকপা অমসুং ময়াই ওইবা সেক্তরগী এন্তরপ্রাইজেসশিং অসি মহৌশাদগী চৎনরক্লবা শরুক অমা ওইরি। মসিগা মরি লৈননা মহাক্না ময়ামগী মরক্তা ভাদোহিগী কার্পেৎ ইন্দস্ত্রী, মীরুৎকী স্পোর্তস গুদস ইন্দস্ত্রী অমসুং বরানসীগী সিল্ক ইন্দস্ত্রী পনখি। মহাক্না বরানসী অমসুং পুর্বাঞ্চলবু খুৎশা হৈবা অমসুং কালাগী হব অমগুম শন্দোক্না পনখি। 

বরানসী অমসুং মনাক নকপা মফমশিংগী পোত্থোক ১০দি জিওগ্রাফিকেল ইন্দিকেসন তেগশিং ফংলে হায়না প্রধান মন্ত্রীনা ফোংদোকখি। ৱান দিস্ত্রীক্ত, ৱান প্রদক্ত স্কিম্না অসিগুম্লবা কালাগী মওং মতৌ অসি অফবা মেছিনশিং, ত্রেনিংশিং অমসুং মার্কেতিং সপোর্ত ফংহন্দুনা শেন্দোং লৈবা বিজিনেসতা ওন্থোক্লগনি হায়না মহাক্না ফোংদোকখি। থৌরম অসিগী মনুংদা লুপা কোতি ২০০০গী ওইবা লোনগী শেনফম য়েন্থোক্লগনি হায়না মফমদা খংলনলক্লে হায়না মহাক্না ফোংদোকখি। দীনদয়াল হস্তকালা সনকুল অসি হৌজিক্তি মসিগী অরোয়বা ওবজেক্তিবশিং মপুং ফাহল্লে হায়না মহাক্না ফোংদোকখি।

কেন্দ্র সরকারনা মীচম প্রজাগী পুন্সি হেন্না ফগৎহন্নবা অমসুং ইজ ওফ দুইং বিজিনেস প্রমোৎ তৌনবা থবক তৌরি হায়না প্রধান মন্ত্রীনা ফোংদোকখি।

প্রধান মন্ত্রীনা হায়খি মদুদি পেন্সনগী ওথোরিতী অমসুং মেনেজমেন্তকীদমক ঙসি হৌদোকখিবা সামপন সিস্তেম্না তেলেকোম দিপার্তমেন্তকী পেন্সিনরশিংদা চাউনা কান্নহল্লগনি অমসুং মতম চানা পেন্সন ফংহনবদা মতেং ওইরগনি।

কেন্দ্র সরকারনা ইজ ওফ লিভিং অমসুং সিতিজন-সেন্তর সর্বিসশিং ফগৎহন্নবা তেক্নোলোজী শিজিন্নরি হায়না প্রধান মন্ত্রীনা ফোংদোকখি।

পোস্ত ওফিসকী খুত্থাংদা বেঙ্কিং সর্ভিসশিং হেন্না পাকথোক চাউথোকহন্নবা ইন্দিয়া পোস্ত পেমেন্তস বেঙ্ক শিজিন্নরি হায়না মহাক্না হায়খি। 

খুঙ্গংগী লমদমদা লৈবা প্রজাশিংদা দিজিতেল্লি সর্বিসশিং ফংহনবদা কমন সর্ভিস লাখ ৩ হেনবগী নেৎৱার্ক অমনা মতেং পাংলি হায়না মহাক্না ফোংদোকখি। লৈবাক অসিদা ইন্তরনেৎ কনেক্সনগী মশিং চাউনা হেঙ্গৎলকপদসু মহাক্না ৱাফম থমখি।

 

লৈবাক অসিদা হৌজিক ব্রোদবেন্দগী খুত্থাংদা পঞ্চায়ৎ লাখ অমা হেন্না শম্নহল্লে হায়না মহাক্না ফোংদোকখি। প্রধান মন্ত্রীনা হায়খি মদুদি দিজিতেল ইন্দিয়ানা প্রজাগী পুন্সি লাইহনবতা নত্তনা সরকারগী থবক্তা ত্রান্সপিরেন্সীসু পুরক্লে অমসুং শেঞ্জা-থুমজা হন্থহল্লে। মসিগা মরী লৈননা মহাক্না গবর্নমেন্ত ই-মার্কেৎপ্লেস, নত্রগা জি.ই.এম.গী মরমদা পনখি। জি.ই.এম. না এম.এস.এম.ই.শিং শিজিন্নবা পাক চাউনা হেঙ্গৎহল্লগনি হায়না মহাক্না ফোংদোকখি।

কেন্দ্র সরকারনা এম.এস.এম.ই.শিং অয়াবা পীনবা ৱারেপ লৌরে হায়না প্রধান মন্ত্রীনা ফোংদোকখি। এম.এস.এম.ই.শিংগীদমক ক্রিদিৎ লাইনা ফংহনবনা ইজ ওই দুইং বিজিনেসসু চেৎশিলহল্লগনি।

প্রধান মন্ত্রীনা হায়খি মদুদি এল.এন.জি. গী খুত্থাংদা নোংপোক ভারত্তা মোদর্ন এমেনিতীশিং ফংহন্নবা অমসুং ইন্দস্ত্রী প্রমোৎ তৌনবা চাউনা পায়খৎলি। মসিগী কান্নবা অমদি চাক থোংনবা গ্যাসনি হৌজিক্তি মদু বরানসীদা লৈবা য়ুম লিশিং কয়াদা ফংলে হায়না মহাক্না মখা তাখি।

বরানসীদা লৈরিবা ইন্তর্নেস্নেল রাইস রিসর্স ইন্সতিত্যুৎ কেম্পসতা মখা তারদুনা মহাক্না হায়খি মদুদি সেন্তর অসি তেক্নোলোজী শিজিন্নদুনা এগ্রীকলচরবু হেন্না শেন্দোং লৈহন্নবা ঐখোয়না হোৎনরিবা অদুগী মহৈনি।

প্রধান মন্ত্রীনা হায়খি মদুদি কাশিগী ত্রান্সফোর্মেশন অদু হৌজিক উবা ফংলে। ঙসি মায়খুম হাংদোক্লিবা দিবেলপমেন্ত প্রোজেক্তশিং অসিনা মখা তানা মসিদা মতেং ওইরগনি হায়না মহাক্না ফোংদোকখি। কেন্দ্র সরকারনা গঙ্গা তুরেল শেংনবা ৱাশক্লি হায়না মহাক্না অকনবা ৱাফম থমখি। প্রজা মীয়ামগী মতেংনা পান্দম অসি ফংনবগী মায়কৈদা চংশিনবদা লাইথোকহল্লে হায়না মহাক্না মখা তাখি।

থা অসিগী লোইশিল্লকপদা বরানসীদা পাংথোক্কদৌরিবা প্রভাসী ভার্তিয়া দিবস অসি মায় পাকপা অমা ওইগনি হায়না প্রধান মন্ত্রীনা থাজবা থমখি।

 

Click here to read PM's speech

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Agri, processed food exports buck Covid trend, rise 22% in April-August

Media Coverage

Agri, processed food exports buck Covid trend, rise 22% in April-August
...

Nm on the go

Always be the first to hear from the PM. Get the App Now!
...
পি.এম.গী য়ু.এস.এ. খোঙচৎকী মাঙওইননা মহাক্না পীরমবা খোঙশাল্লমদাই ৱারোল
September 22, 2021
Share
 
Comments

য়ুনাইতেদ স্তেত্স ওফ অমেরিকাগী হিজ এক্সেলেন্সী প্রেসিদেন্ত জো বাইদেনগী পাউকৎ ফংদুনা ঐ সেপ্তেম্বর ২২দগী ২৫, ২০২১ ফাওবা য়ু.এস.এ.দা চৎকনি‍।

ঐগী খোঙচত্তা ঐনা প্রেসিদেন্ত বাইদেনগা লোয়ননা ভারত-য়ু.এস. কম্প্রিহেন্সিব গ্লোবেল স্ত্রেতেজিক পার্ত্নরসিপ য়েংশিনমিন্নগনি অমদি নাকল অনিমক্কী ইন্তরেস্ততা লৈবা রিজনেল অমসুং মালেমগী ওইবা ইসুশিংগী মরমদা ৱাখল্লোন ফোঙদোক্নগনি‍। ঐনা ভাইস-প্রেসিদেন্ত কমলা হেরিসকা উনদুনা ঐখোয়গী লৈবাক অনিগী মরক্তা মরুওইনা সাইন্স অমসুং তেক্নোলোজীগী লমদা মতেং পাংনবগী খুদোংচাবশিং য়েংমিন্ননবা পান্দম থম্লি‍।

ঐনা অহানবা ইন-পর্সন ক্বাদ লীদর্স সম্মিত প্রেসিদেন্ত বাইদেন, ওস্ত্রেলিয়াগী প্রধান মন্ত্রী স্কোত মোরিসন অমসুং জপানগী প্রধান মন্ত্রী য়োসিহিদে সুগাগা লোয়ননা শরুক য়াগনি‍। মীফম অসিনা চহিসিগী মার্চ থাদা পাঙথোকখিবা ঐখোয়গী ভর্চুএল মীফম অদুগী মহৈশিংগী ফীভম য়েংশিন্নবা তাঞ্জা অমা পীদুনা ইন্দো-পেসিফিক রিজনগীদমক ঐখোয়গী মান্নবা মঙলান্দা য়ুম্ফম ওইদুনা তুংদা থবক তৌমিন্ননবা মচং ওইবা ৱাফমশিং খঙদোক্নবা খুদোংচাবা অমা পীরি‍।

ঐনা ওস্ত্রেলিয়াগী প্রধান মন্ত্রী মোরিসন অমসুং জপানগী প্রধান মন্ত্রী সুগাগা উনদুনা মখোয় মখোয়গী লৈবাকশিংগা লৈনরিবা নাকল অনিগী ওইবা মরী য়েংশিনমিন্নদুনা রিজনেল অমসুং মালেমগী ওইবা ইসুশিংদা কান্নরবা তাথোক তাশিন তৌবগী থৌওং মখা চত্থগনি‍।

ঐগী খোঙচৎ কোমিদ-১৯ লাইচৎ, তেরোরিজম থেংনবগী তঙাই ফদবা, অইং অশাগী খল কায়থরকপা অমসুং অতৈ মরুওইবা ইসুশিং য়াওনা মালেমগী লৈরিবা শিংনবশিংদা মীৎয়েং থমদুনা য়ুনাইতেদ নেসন্স জেনেরেল এসেমব্লীদা ৱা ঙাঙদুনা লোইশিনগনি‍।

ঐগী য়ু.এস.কী খোঙচৎ য়ু.এস.এ.গা লৈনরিবা কম্প্রিহেন্সিব গ্লোবেল স্ত্রেতেজিক পার্ত্নরসিপ মপাঙ্গল কনখৎহন্নবা, ঐখোয়গী স্ত্রেতেজিক পার্ত্নর ওইরিবা জপান অমসুং ওস্ত্রেলিয়াগা লৈনরিবা মরি হেন্না চেৎশিনহন্নবা অমদি মরুওইবা মালেমগী ইসুশিংদা পুনশিনমিন্নবগী চৎনবী মাঙদা পুখৎনবা তাঞ্জা অমা ওইগনি‍।