Share
 
Comments
PM Modi, PM Hasina of Bangladesh jointly inaugurate two railway projects and a power link
Railway projects between India and Bangladesh to boost trade and connectivity
India to supply an additional 500MW power to Bangladesh, through the existing Bheramara-Baharampur interconnection
Enhanced cooperation between India and Bangladesh augurs well for our peoples as well as progress of both countries: PM Modi

প্রধান মন্ত্রী শ্রী নরেন্দ্র মোদী, বাঙ্গলাদেশকী প্রধান মন্ত্রী শেখ হসীনা, নোংচুপ বেঙ্গলগী মুখ্য মন্ত্রী সুশ্রী মমতা বেনর্জী অমসুং ত্রিপুরাগী মুখ্য মন্ত্রী শ্রী বিপ্লব কুমার দেবনা ঙসি অপুনবা ওইনা ভিদিও কনফ্রেন্সিংগী থোংদা বাঙ্গলাদেশতা প্রোজেক্ত অহুম শঙ্গাখ্রে। থৌরম অদুদা মপান থৌরম পুবা মন্ত্রী সুশ্মা স্বরাজ অমসুং বাঙ্গলাদেশকী মপান থৌরম পুবা মন্ত্রীসু ভিদিও কনফ্রেন্সকী থোংদা দিল্লী অমসুং ধাকাদগী শরুক য়াখি।

প্রোজেক্ত অহুম অদুগী মনুংদা বাঙ্গলাদেশকী ভেরামারা লোইননা ভারতগী বহরামপুরগী মরক্তা লৈরিবা ইন্তর্কনেক্সনগী খুৎথাংদা বাঙ্গলাদেশতা ৫০০ মেগাৱাৎকী অহেনবা পাৱর সপ্লাই, অখৌরা অমসুং অগরতলাগী মরক্তা রেল লিঙ্ক লোইননা বাঙ্গলাদেশ রেলৱেগী কুলৌরা-শাহবাজপুর অমুক হন্না শেমগৎপা য়াওরি।

থৌরম অদুদা ৱা ঙাংবদা প্রধান মন্ত্রীনা হায়খি মদুদি হৌখিবা নুমিৎ খরনিগী মমাংদা মহাক্না বাঙ্গলাদেশকী প্রধান মন্ত্রী শেখ হসীনাগা কাথমান্দুদা পাংথোকখিবা বিম্সতেক্কী সমিৎ, শান্তি নিকেতন অমসুং লন্দন্দা পাংথোকখিবা কমনৱেল্থ সমিৎ য়াওনা তাঞ্জা কয়া মরুমদা উনবগী তাঞ্জা ফংখি।

মহাক্না হায়খি মদুদি য়ুমলোন্নবা লৈবাকশিংগী লুচীংবশিংগা য়ুমলোন্নবা অমগুম্না মরি থমনগদবনি অমসুং মদুগীদমক্তা প্রোতোকোল অমত্তগী অফা-অপুন লৈহন্দনা অমনা অমগী মফমদা তোইনা চৎথোক-চৎসিন তৌনগদবনি। মহাক্না হায়খি মদুদি বাঙ্গলাদেশকী প্রধান মন্ত্রী অমসুং মহাক্কী মরক্তা হৌখিবা নুমিৎ খরনি অসিদা উনখিবা অসি য়ুমলোন্নবা লৈবাক অনিসিগী নকশিন্নবা অদুগী খুদম্নি।

প্রধান মন্ত্রীনা থৌরম অদুদা বাঙ্গলাদেশকী প্রধান মন্ত্রী শেখ হসীনাগী ১৯৬৫গী মমাংদা লৈরম্বা মরি অদু অমুক হন্না হিংগৎহন্নবগী ৱাফম অদুবু নীংশিংখি। মহাক্না হায়খি মদুদি হৌখিবা চহি খরা অসিদা মাইকৈ অসোমদা নীংথিজনা খুমাং চাউশিল্লিবা অসিদা নুংঙাইবা পোকই। প্রধান মন্ত্রীনা হায়খি মদুদি ঙসি ঐখোয়না ভারত অমসুং বাঙ্গলাদেশকী মরক্তা মৈগী কনেক্তিবিতী হেনগৎহনবগা লোইননা রেলৱে কনেক্তিবিতীসু হেনগৎহন্নবগীদমক প্রোজেক্ত অনি হৌদোক্লে। মহাক্না ২০১৫গী মহাক্কী বাঙ্গলাদেশ খোংচৎ অদুবু নীংশিংলদুনা হায়খি মদুদি বাঙ্গলাদেশতা ৫০০ মেগাৱাৎকা অহেনবা মৈ ফংহন্নবগী ৱারেপ মতম অদুদা লৌখি। শ্রী মোদীনা হায়খি মদুদি থবক অসি নোংচুপ বেঙ্গল অমসুং বাঙ্গলাদেশকী মরক্তা লৈরিবা ত্রান্সমিসন লিঙ্ককী খুৎথাংদা পাইখৎপনি। মহাক্না থবক অসিদা মতেং পাংবীবগীদমক নোংচুপ বঙ্গালগী মুখ্য মন্ত্রী মমতা বেনর্জীবু থাগৎপা ফোংদোকখি। মহাক্না হায়খি মদুদি প্রোজেক্ত অসি মপুং ফারকপদগী হৌজিক ভারত্তগী বাঙ্গলাদেশতা ১.১৬ গিগাৱাৎকী মৈ পীরে। প্রধান মন্ত্রীনা হায়খি মদুদি মোগাৱাৎতগী গিগাৱাৎতা য়ৌখিবা অসি লৈবাক অনিগী মরক্তা লৈরিবা মরি অদুগী মরুওইবা তাঙ্কক অমনি।

শ্রী মোদীনা হায়খি মদুদি অখৌরা-অগরতলা রেল কনেক্তিবিতীদগী লৈবাক অনিগী মরক্তা ক্রোস-বোর্দর কনেক্তিবিতীগী অতোপ্পা লম্বী অমগা ফংলগনি। মহাক্না থবক অসিবু মপুং ফাহন্নবা হোৎনবদা মতেং পাংলকপগীদমক ত্রিপুরাগী মুখ্য মন্ত্রী শ্রী বিপ্লব দেববু থাগৎপা ফোংদোকখি।

প্রধান মন্ত্রীনা ২০২১ ফাওবদা বাঙ্গলাদেশনা মিদল ইনকম কন্ত্রী ওইবা অমসুং ২০৪১ ফাওবদা চাউখৎলবা লৈবাক অমা ওইহন্নবগী ৱারেপ লৌখিবগীদমক্তা প্রধান মন্ত্রী শেখ হসীনাবু থাগৎপা ফোংদোকখি। মহাক্না হায়খি মদুদি লৈবাক অনিগী অচেৎপা মরি অদুনা চাউখৎপা অমদি ৱাৎত-পাদবগী অনৌবা মতোল অদু লাম্বা ফংলগনি।   

Click here to read full text speech

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে

Popular Speeches

জে. অমসুং কে.গী নৌশেরাগী দীপাবলি কুহ্মৈদা ইন্দিয়ন আর্ম ফোর্সেসকী লান্মীশিংগা প্রধান মন্ত্রীগা ৱারি-ৱাতায় শানখ্রে
Capital expenditure of States more than doubles to ₹1.71-lakh crore as of Q2

Media Coverage

Capital expenditure of States more than doubles to ₹1.71-lakh crore as of Q2
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 6 দিসেম্বর, 2021
December 06, 2021
Share
 
Comments

India takes pride in the world’s largest vaccination drive reaching 50% double dose coverage!

Citizens hail Modi Govt’s commitment to ‘reform, perform and transform’.