શેર
 
Comments

પ્રધાનમંત્રી શ્રી નરેન્દ્ર મોદી, બાંગ્લાદેશનાં પ્રધાનમંત્રી શેખ હસીના, પશ્ચિમ બંગાળની મુખ્યમંત્રી સુશ્રી મમતા બેનર્જી અને ત્રિપુરાનાં મુખ્યમંત્રી શ્રી બિપ્લવ કુમાર દેવે આજે સંયુક્તરૂપે વીડિયો કોન્ફરન્સિંગ મારફતે બાંગ્લાદેશમાં ત્રણ યોજનાઓનું ઉદઘાટન કર્યું હતું. આ પ્રસંગે વિદેશ મંત્રી સુષ્મા સ્વરાજ અને બાંગ્લાદેશનાં વિદેશ મંત્રી પણ વીડિયો કોન્ફરન્સ મારફતે દિલ્હી અને ઢાંકાથી આ કાર્યક્રમ સાથે જોડાયાં હતાં.

આ ત્રણ યોજનાઓમાં સામેલ છેઃ (ક) બાંગ્લાદેશમાં ભેરામારા અને ભારતનાં બહરામપુર વચ્ચે હાલની લાઇન મારફતે બાંગ્લાદેશને 500 મેગાવોટનો વધારાનાં વીજળીનો પુરવઠો આપવો, (ખ) અખૌર અને અગરતલા વચ્ચે રેલવે જોડાણ અને (ગ) બાંગ્લાદેશ રેલવેનાં કુલોરા-શાહબાઝપુર વિભાગને પુનઃશરૂ કરવી.

પ્રધાનમંત્રીએ આ પ્રસંગે જણાવ્યું હતું કે, તાજેતરમાં તેમને બાંગ્લાદેશની પ્રધાનમંત્રી શેખ હસીનાને કાઠમંડુમાં યોજાયેલી બિમ્સ્ટેકની બેઠક, શાંતિનિકેતન અને લંડનમાં રાષ્ટ્રમંડળ દેશોની બેઠક સહિત ઘણાં પ્રસંગે મળવાની તક મળી હતી.

તેમણે જણાવ્યું હતું કે, પડોશી દેશોનાં નેતાઓએ પોતાનાં સંબંધ પડોશીઓની જેમ રાખવા જોઈએ અને આ માટે કોઈ પ્રોટોકોલનાં દબાવમાં આવ્યાં વિના એકબીજાને ત્યાં અવારનવાર આવતા-જતાં રહેવું જોઈએ. તેમણે કહ્યું હતું કે, બાંગ્લાદેશનાં પ્રધાનમંત્રી અને તેમની વચ્ચે તાજેતરમાં થયેલી ઘણી મુલાકાતો પડોશી દેશો વચ્ચે નિકટતાનો પુરાવો છે.

પ્રધાનમંત્રીએ આ પ્રસંગે બાંગ્લાદેશનાં પ્રધાનમંત્રી શેખ હસીનાની એ વાતને યાદ કરી હતી, જેમાં તેમણે વર્ષ 1965 અગાઉનાં સંપર્કોને પુનઃ શરૂ કરવાની ઇચ્છા વ્યક્ત કરી હતી. તેમણે કહ્યું હતું, એમને એ વાતની ખુશી છે કે છેલ્લાં થોડાં વર્ષો દરમિયાન આ દિશામાં સારી પ્રગતિ થઈ છે. પ્રધાનમંત્રીએ જણાવ્યું હતું કે, આજે આપણે ભારત અને બાંગ્લાદેશ વચ્ચે વીજળી સંપર્ક વધારવાની સાથે રેલવ સંપર્ક વધારવા માટે બે નવી યોજનાઓ શરૂ કરી છે. તેમણે વર્ષ 2015ની પોતાની બાંગ્લાદેશની યાત્રાને યાદ કરતા કહ્યું હતું કે, બાંગ્લાદેશને વધુ 500 મેગાવોટ વીજળીનો પુરવઠો આપવાનો નિર્ણય એ સમયે લેવામાં આવ્યો હતો, આ કામ પશ્ચિમ બંગાળ અને બાંગ્લાદેશ વચ્ચે હાલની લાઇન મારફતે કરવામાં આવ્યું હતું. શ્રી મોદીએ આ કામમાં સાથ-સહકાર આપવા બદલ પશ્ચિમ બંગાળની મુખ્યમંત્રી મમતા બેનર્જીનો આભાર માન્યો હતો. તેમણે કહ્યું હતું કે, આ યોજના પૂર્ણ થવાની સાથે હવે ભારતમાંથી બાંગ્લાદેશને 1.16 ગીગાવોટ વીજળીનો પુરવઠો મળી રહ્યો છે. પ્રધાનમંત્રીએ જણાવ્યું હતું કે, મેગાવોટથી ગીગાવોટની આ સફર બંને દેશો વચ્ચે સંબંધોનાં સુવર્ણયુગનું પ્રતીક છે.

શ્રી મોદીએ જણાવ્યું હતું કે, અખૌરા-અગરતલા રેલવે સંપર્કથી બંને દેશો વચ્ચે સરહદ પારનાં સંપર્કનો એક વધુ માર્ગ મળશે. તેમણે આ કામને પૂર્ણ કરવામાં સાથ-સહકાર આપવા માટે ત્રિપુરાનાં મુખ્યમંત્રી બિપ્લવ દેવનો આભાર માન્યો હતો.

પ્રધાનમંત્રીએ વર્ષ 2021 સુધી બાંગ્લાદેશને એક મધ્યમ આવક ધરાવતો દેશ બનાવવા અને 2041 સુધી એક વિકસિત રાષ્ટ્ર સ્વ રૂપે બદલવાનાં લક્ષ્યાંકને નિર્ધારિત કરવા બદલ ત્યાંનાં પ્રધાનમંત્રી શેખ હસીનાની પ્રશંસા કરી હતી. તેમણે કહ્યું હતું કે, ‘બંને દેશોનાં ગાઢ સંબંધો આપણી સમૃદ્ધિ અને વિકાસની યાત્રાને નવી ઊંચાઈ પર લઈ જશે.’

Click here to read full text speech

20 વર્ષની સેવા અને સમર્પણ દર્શાવતા 20 ચિત્રો.
Explore More
‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી

લોકપ્રિય ભાષણો

‘ચલતા હૈ’ નું વલણ છોડી દઈને ‘બદલ સકતા હૈ’ વિચારવાનો સમય પાકી ગયો છે: વડાપ્રધાન મોદી
Forex reserves surge by $58.38 bn in first half of FY22: RBI report

Media Coverage

Forex reserves surge by $58.38 bn in first half of FY22: RBI report
...

Nm on the go

Always be the first to hear from the PM. Get the App Now!
...
શેર
 
Comments

મહામહિમ,

મહાનુભાવો,

નમસ્તે!

આ વર્ષે પણ આપણે આપણા પરંપરાગત કૌટુંબિક ફોટા નથી લઈ શક્યા, પરંતુ વર્ચ્યુઅલ સ્વરૂપે આપણે આસિયાન-ભારત શિખર સંમેલનની પરંપરા જાળવી રાખી છે. હું બ્રુનેઈના મહામહિમ સુલતાનને 2021માં આસિયાનના સફળ પ્રમુખપદ માટે અભિનંદન આપું છું.

મહામહિમ,

મહાનુભાવો,

કોવિડ-19 રોગચાળાને કારણે આપણે બધાએ ઘણા પડકારોનો સામનો કરવો પડ્યો. પરંતુ આ પડકારજનક સમય ભારત-આસિયાન મિત્રતાની કસોટીનો પણ હતો. કોવિડના સમયમાં આપણો પરસ્પર સહયોગ, પરસ્પર સહાનુભૂતિ, ભવિષ્યમાં આપણા સંબંધોને વધુ મજબૂત બનાવતી રહેશે, આપણા લોકોમાં સદ્ભાવનાનો આધાર બનશે. ઈતિહાસ સાક્ષી છે કે ભારત અને આસિયાન વચ્ચે હજારો વર્ષોથી જીવંત સંબંધ રહ્યો છે. તેમના સહિયારા મૂલ્યો, પરંપરાઓ, ભાષાઓ, ગ્રંથો, સ્થાપત્ય, સંસ્કૃતિ, ખાણી-પીણી દરેક જગ્યાએ જોવા મળે છે. અને તેથી, આસિયાનની એકતા અને કેન્દ્રિયતા હંમેશા ભારત માટે મહત્વની પ્રાથમિકતા રહી છે. આસિયાનની આ વિશેષ ભૂમિકા, ભારતની એક્ટ ઈસ્ટ પોલિસી કે જે આપણી સુરક્ષા અને આ ક્ષેત્રમાં તમામ માટે વૃદ્ધિ એટલે કે "સાગર" નીતિમાં સમાયેલ છે. ભારતની ઈન્ડો પેસિફિક મહાસાગર પહેલ અને ઈન્ડો-પેસિફિક માટે આસિયાનનું આઉટલુક એ ઈન્ડો-પેસિફિક ક્ષેત્રમાં પરસ્પર સહયોગ માટે આપણી સહિયારી દ્રષ્ટિ અને માળખું છે.

મહામહિમ,

મહાનુભાવો,

વર્ષ 2022માં આપણી ભાગીદારીના 30 વર્ષ પૂર્ણ થશે. ભારત પણ તેની આઝાદીના પંચોતેર વર્ષ પૂર્ણ કરશે. મને ખૂબ જ આનંદ છે કે આપણે આ મહત્વપૂર્ણ સીમાચિહ્નરૂપ 'આસિયાન-ભારત મિત્રતા વર્ષ’ તરીકે ઉજવીશું. ભારત આવનારા અધ્યક્ષ કંબોડિયા અને અમારા કન્ટ્રી કોઓર્ડિનેટર સિંગાપોર સાથે સંબંધોને વધુ ગાઢ બનાવવા માટે પ્રતિબદ્ધ છે. હવે હું તમારા વિચારો સાંભળવા આતુર છું.

તમારો ખુબ ખુબ આભાર!