Share
 
Comments

প্রধান মন্ত্রী শ্রী নরেন্দ্র মোদীনা ঙসি নই দিল্লীদা হন্দক্তা লৈখিদ্রবা হান্নগী প্রধান মন্ত্রী শ্রী অতল বিহারী ভাজপেয়ীবু নীশিংদুনা পাংথোকপা লাই খুরুম্বগী মীফম অমদা ৱারোল পীখ্রে।

মহাক্না হায়খি মদুদি ঐখোয়গী পুন্সি কয়া কুইনা পুন্সিহনগনি হায়বসি ঐখোয়গী খুত্তা লৈবা নত্তে, অদুবু ঐখোয়গী পুন্সি অসি করম্বা মওংদা ওইহনগনি হায়বদুদি ঐখোয়না লেপচবা ঙম্মি। মহাক্না হায়খি মদুদি অতলজীনা মহাক্কী পুন্সিদা, করম্বা পুন্সি ওইগনি অমসুং মদুগী পান্দম করি ওইগনি হায়বদু উৎখি। মহাক্না হায়খি মদুদি অতলজীনা মিৎকুপ খুদিংমক মীচম মীয়ামগীদমক হিংখি। মথোৎ কারকপদগী হৌনা মহাক্কী হকচাংনা কল্লিঙৈ ফাওবা মহাক লৈবাক অসিগীদমক হিংখি। মহাক্না হায়খি মদুদি অতলজী লৈবাক মচাশিংগীদমক, মহাক্কী ফিদমদুগীদমক অমসুং মীচম মীয়ামগী অনীংবা-অপাম্বা অদুগীদমক হিংখি।

প্রধান মন্ত্রীনা হায়খি মদুদি অতলজীনা মহাক্কী অয়াম্বা রাজনীতিগী ওইবা পুন্সি অদু অচেৎপা রাজনীতিগী ৱাখল্লোনগী অপাম্বা খন্নীংঙাই অমত্তা লৈতবা মতম অদুদা লেনখি। মহাক্না হায়খি তোখাইনা তাবগী চৈনা মায়োক্নজরবসু মহাক্না মহাক্কী ফিদমগী মাইকৈদা খোংফম চেৎনা লেপখি। মহাক মতম কুইনা ওপোজিসন্দা লৈখি, অদুবু মহাক্কী ফিদম অদুদি কনানসু শোকপা ঙমখিদে। শ্রী নরেন্দ্র মোদীনা হায়খি মদুদি ভাজপেয়ীজীনা সংসদকী চৎনবী অদুবু ইকাই খুম্নমখি অমসুং তাঞ্জা ফংবগা মহাক্না মীয়ামগী য়াইফনবা মহাক্কী মিৎয়েং অদু চৎনহনবা হৌখি।

প্রধান মন্ত্রীনা হায়খি মদুদি মঙোন্দা মিকুপ খুদিংমক্তা “অতল” উবা ফংগনি। প্রধান মন্ত্রীনা হায়খি মদুদি মে ১১, ১৯৯৮দা মহাক্না ন্যুক্লিয়রগী চাংয়েং পাংথোক্তুনা মালেম্বু অঙকপা পোকহনখি। মহাক্না চাংয়েং অদুগী মাই পাকপগী মরম ঐখোয়গী সাইন্তিস্তশিংগী হৈথোই শিংথোইবা অদুদা পীখি। মালেমগী পাক-চাউরবা ৱায়েৎ কয়া লাক্তুনসু অতলজীনা শাফু অদুদা খক নোঞ্জখিদে অমসুং মালেমদা উৎখি ভারত অসি “অতল” (অচেৎপা)নি।

প্রধান মন্ত্রীনা হায়খি মদুদি ভাজপেয়ীগী লুচীং মখাদা করিগুম্বা মখল অমত্তগী চয়েৎনবা লৈতনা অনৌবা রাজ্য অহুম শেমখি। প্রধান মন্ত্রীনা হায়খি মদুদি ৱারেপ লৌবদা মতৌ করম্না মীয়ামবু য়াওহনগদগে হায়বদু ভাজপেয়ীজীনা উৎখি।

 

প্রধান মন্ত্রী মসি নীংশিংলদুনা হায়খি মদুদি অতলজীনা কেন্দ্রদা অহানবা ওইমা সরকার শেম্লকপা মতমদা কনা অমত্তনা শৌগৎখিদে অমসুং সরকার অদু নুমিৎ ১৩গী মতুংদা কাইখি, অদুবু অতলজীনা ৱাখল থাদোকখিদে অমসুং মীয়ামগী থবক তৌনবগীদমক ৱাশক লৌখি। মহাক্না অপুনবা রাজনীতিগী লম্বী য়াৎখি।

প্রধান মন্ত্রীনা হায়খি মদুদি ভাজপেয়ীনা কশ্মীরগী মতাংদা মালেম্না য়েংনরম্বা ৱাখল্লোন অদু হোংদোকহনখি। মহাক্না তেরোরিজমগী ৱাফম পুখৎখি অমসুং মদুদা মালেমগী মিৎয়েং চিংশিলহনখি।

প্রধান মন্ত্রীনা হায়খি মদুদি অতলজী ঐখোয়গী থৌনা ওইখিগনি। মহাক খুন্নাইগী অমসুং রাজনীতিগী পুন্সিদগী চহি তরাগী খুজিং অমা হেন্না লাপ্না লৈখি, অদুবু মানা লৈখিদবা অসিদা ৱাখলগী ইচেল অসিদি থিংঙমদ্রে। মসিনা মহাক্কী মতিক-মঙাল অদ উৎলি। প্রধান মন্ত্রীনা হায়খি মদুদি অতলজীগা অমুক্তসু উনখিদ্রিবা মীশক রেস্তলর বজরঙ্গ পুনিয়ানা ঙরাং এসিয়া গেম্সতা ফংখিবা সনাগী তকমান অদু অতলজীগী মফমদা কৎথোকচখ্রে। প্রধান মন্ত্রীনা হায়খি মদুদি মীওই অমনা কয়াদা ৱাংলবা অমসুং কয়াদা চাউখ্রবা মই পাকপা ফংবা ঙম্লিবনো।

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Indian startups raise $10 billion in a quarter for the first time, report says

Media Coverage

Indian startups raise $10 billion in a quarter for the first time, report says
...

Nm on the go

Always be the first to hear from the PM. Get the App Now!
...
PM expresses grief over the loss of lives due to heavy rainfall in parts of Uttarakhand
October 19, 2021
Share
 
Comments

The Prime Minister, Shri Narendra Modi has expressed grief over the loss of lives due to heavy rainfall in parts of Uttarakhand.

In a tweet, the Prime Minister said;

"I am anguished by the loss of lives due to heavy rainfall in parts of Uttarakhand. May the injured recover soon. Rescue operations are underway to help those affected. I pray for everyone’s safety and well-being."