Share
 
Comments
PM Modi, PM Sheikh Hasina jointy inaugurate India-Bangladesh Friendship Pipeline and Dhaka-Tongi-Joydebpur Railway Project
India-Bangladesh Friendship Pipeline will further energize, not just Bangladesh’s economy, but also the relationship between our two countries: PM
Dhaka-Tongi-Joydebpur Railway Project will strengthen national and urban transport in Bangladesh: PM

প্রধান মন্ত্রী শ্রী নরেন্দ্র মোদী অমসুং বাঙ্গলাদেশকী প্রধান মন্ত্রী শেখ হসিনানা ঙসি ভিদিও কনফ্রেন্সকী থোংদা প্রোজেক্ত অনিগী উরেপ-উয়ুং তম্ননবা অপুনবা ওইনা ই-প্লেক্কী মাইখুম হাংদোকমিন্নখ্রে। থৌরম অদুদা ভারতকী মপান থৌরম পুবা মন্ত্রী শ্রীমতী সুশ্মা স্বরাজ অমসুং পেত্রোলিয়ম অমসুং নেচরেল গ্যাস মন্ত্রী শ্রী ধর্মেন্দ্র প্রধানসু শরুক য়াখি।

প্রোজেক্তশিং অদুদি (আ) ভারত-বাঙ্গলাদেশ ফ্রেন্দশিপ পাইপলাইন (আ) ধাকা-তোঙ্গী-জয়দেবপুর রেলৱে প্রোজেক্তনি।

থৌরম অদুদা প্রধান মন্ত্রীনা লৈবাক অনিগী মরক্তা তেংবাং পীনবা অসি মালেম অসিদা খুদম অমা ওইরে হায়না ফোংদোকখি। মহাক্না হায়খি মদুদি লৈবাক অনিমক জিওগ্রাফীগী ওইবা মওংদা য়ুমলোন্নবা ওইরি অমসুং পুক্নীং ৱাখলগী ওইনদি ইমুং-মনুং অমা ওইরি। মহাক্না হায়খি মদুদি পুখৎলক্লিবা পাইপলাইন অসিনা শুপ্নগী বাঙ্গলাদেশকী শেনমিৎলোন্দা মপাঙ্গল হাপ্পতা নত্তনা লৈবাক অনিগী মরি অসিবুসু চেৎশিলহল্লগনি। মহাক্না থাজবা ফোংদোকখি মদুদি পুখৎলক্লিবা রেলগী প্রোজেক্তশিং অসিনা বাঙ্গলাদেশতা জাতিগী অমদি শহরগী ত্রান্সপোর্ত মপাঙ্গল কলহনবগী থৌওংদা মপাঙ্গল হাপ্লগনি।

প্রধান মন্ত্রীগী ৱারোল মখাদা পীজরি –

বাঙ্গলাদেশকী প্রধান মন্ত্রী, য়োর এক্সিলেন্সী শেখ হসীনাজী,

ভারত অমসুং বাঙ্গলাদেশকী মন্ত্রীশিং,

অমসুং লাইব তেলিকাস্ত অসিদা শরুক য়াবীরিবা ভারত অমসুং বাঙ্গলাদেশকী খোংলোই পুম্নমক,

খুরুমজরি।

মতম খরগী মনুং অসিদা মসি ঐখোয়গী অনিরকশুবা ভিদিও কনফ্রেন্সনি।

ঐখোয়না লোইনবা ঙম্লিবা অসিগী মরম তেক্নোলোজী অসি নত্তে। মসিগী মরুমদা ভারত-বাঙ্গলাদেশগী মরিগী অতৎপা লৈত্রবা খোংজেল অদু য়াওরি।

জিওগ্রাফীগী ওইনা ঐখোয় য়ুমলোন্নরি। অদুবু পুক্নীং-ইথিলগী ওইনদি ঐখোয় ইমুং অমনি। অমনা অমগী অৱা নুংঙাইদা মতেং পাংনবা, অমনা অমগী চাউখৎ-থৌরাংদা শরুক য়ামিন্নবা, মসি ঐখোয়গী ইমুং-মনুং ওইবগী খুদম অদুনি।

হৌখিবা চহি খরা অসিদা ঐখোয়গী তেংবাং পীনবা অসিনা মালেম অসিদা উৎখ্রে মদুদি করিগুম্বা য়ুমলোন্নবা লৈবাক অনিনা নীংবু নীংখ্রবদি তৌবা ঙমদবা করিবু লৈবগে।

চহি তরাগী খুজিং কয়া লীরবা ঙমখৈগী ৱাথোকপু ওইরো, নত্রগা চাউখৎ-থৌরাংগী প্রোজেক্তশিং, ঐখোয়না হিরম পুম্নমক্তা অঙকপা মওংদা খুমাং চাউশিল্লে।

খোংজেল অসিগী মনা অসি, য়োর এক্সিলেন্সী, ঐনা অদোমগী হৈ-শিংলবা লুচীং-লোন অদুদা পীজরি। অমসুং মসিগীদমক্তা অদোম্বু থমোইশেংনা থাগৎপা ফোংদোকচরি।

মরূপশা,

ঙসি হৌদোক্লিবা ভারত-বাঙ্গলাদেশ ফ্রেন্দশিপ পাইপলাইন অসিনা চাউখৎ-থৌরাংগী ওইবা নাকল অনিগী মহাকাব্য অসিদা অনৌবা তাঙ্কক অমা হাপচিল্লগনি।

লৈবাক অমা চাউখৎনবগীদমক ইনর্জীগী য়ুম্ফম মথৌ তাই। অমসুং ঐনা থাজৈ মদুদি পাইপলাইন অসি বাঙ্গলাদেশকী চাউৎখৎপগী পান্দম অদু ফংবগা মরি লৈনগনি।

মরু ওইনা বাঙ্গলাদেশকী অৱাং থংবা শরুক্তা পাইপলাইন অসিনা অহোংবা মমলদা ইনর্জী ফংহল্লগনি।

বাঙ্গলাদেশকী শেনমিৎলোনগা লোইননা, ঐখোয়গী মরি অসিবুসু পাইপলাইন অসিনা ইনর্জী পীরগনি।

অদুম ওইনমক পাইপলাইন অসি ভারতকী গ্রান্ত ফাইনান্সিংনা শেমগৎকদবনি, অদুবু ঐখোয়গীদমক্তদি নুংঙাইরবা ৱাফম অমনি মদুদি থবক অসি লোইবগা মসিবু বাঙ্গলাদেশকী সরকার অমসুং মীয়ামদা কৎথোক্কনি।

মতৌ অসুম্না ঙসি ঐখোয়না থবক হৌরিবা রেলৱে প্রোজেক্ত অসি শুপ্নগী ধাকাগী মীচম মীয়ামদা অমসুং রোদ ত্রাফিক্তা কান্নবা পীবতা নত্তনা ফ্রাইৎ রেভিন্যুসু হেনগৎহল্লগনি।

ঐনা থাজৈ মদুদি রেলৱে প্রোজেক্ত অসিদগী বাঙ্গলাদেশকী জাতি অমসুং ত্রান্সপোর্ত ফগৎহনবদসু মতেং ওইনরগনি।

য়োর এক্সিলেন্সী,

ঐখোয়গী মরক্তা ১৯৬৫কী মমাংগী কনেক্তিবিতী অদু হঞ্জিলহনবা অসি অদোমগী মিৎয়েংনি। মসিদগী ঐখোয়দা ইথিল পোকহল্লি।

ধাকা-তোঙ্গী-জয়দেবপুরগুম্বা প্রোজেক্তশিংনা ঐখোয়গী কনেক্তিবিতীবু ২১ শুবা চহিচাগী মথৌ তাবশিংগী মতুং ইন্না মওং শেমলিবা অসিদা ঐহাক নুংঙাইবা ফাওই।

শুপ্নগী নুমিৎ ১০নি খক্তদা ঐখোয়না ভিদিও কনফ্রেন্সকী থোংদা প্রোজেক্স ৫গী মাইখুম হাংদোকখ্রে। খোংজেল অসি, মোমেন্তম অসি, অদোমগী হৈশিংলবা, চংখোল্লবা লুচীং-লোন অদু য়াওদনা ওইথোকপা ঙম্লম্লোই।

ঐনা থাজৈ মদুদি লাক্কদৌরিবা মতম অসিদা ভারত অমসুং বাঙ্গলাদেশকী হেন্না ফবা তুংলমচৎকীদমক্তা ঐখোয়না ৱাখল্লোন অসিদা থবক তৌগনি।

এক্সিলেন্সী,

ঐগী ৱাহৈ লোইশিঞ্জদ্রিঙৈদা ঐনা অদোমদা অদোমগী ইপোক নুমিৎ সেপ্তেম্বর ২৮গীদমক য়াইফ-পাউজেল পীজরি।

ভারত্তা ঐখোয় পুম্নমক্না অদোম্বু কুইনা পুন্সিনবা, হকচাং ফনা লৈনবা অমসুং মাই পাকপা পুরক্নবগীদমক খুরুমজরি, অমসুং থাজবা থমজরি মদুদি বাঙ্গলাদেশকী চাউখৎ-থৌরাংগী খোংজেলদা ভারত-বাঙ্গলাদেশ ফ্রেন্দশিপকীদমক্তা অদোমগী লুচীং-লোন অদু অসুম্মক মখা চৎথখিগনি।

থাগৎচরি। 

 

 

'মন কী বাত'কীদমক্তা হৌজিক অদোমগী ৱাখল্লোন অমদি তান-ৱাশিং শেয়র তৌবীয়ু!
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
India's FDI inflow rises 62% YoY to $27.37 bn in Apr-July

Media Coverage

India's FDI inflow rises 62% YoY to $27.37 bn in Apr-July
...

Nm on the go

Always be the first to hear from the PM. Get the App Now!
...
Press Release on Arrival of Prime Minister to Washington D.C.
September 23, 2021
Share
 
Comments

Prime Minister Shri Narendra Modi arrived in Washington D.C.(22 September 2021, local time) for his visit to the United States of America at the invitation of His Excellency President Joe Biden of the USA.

Prime Minister was received by Mr. T. H. Brian McKeon, Deputy Secretary of State for Management and Resources on behalf of the government of the USA.

Exuberant members of Indian diaspora were also present at the Andrews airbase and they cheerfully welcomed Prime Minister.