ସେୟାର
 
Comments
PM Modi, PM Sheikh Hasina jointy inaugurate India-Bangladesh Friendship Pipeline and Dhaka-Tongi-Joydebpur Railway Project
India-Bangladesh Friendship Pipeline will further energize, not just Bangladesh’s economy, but also the relationship between our two countries: PM
Dhaka-Tongi-Joydebpur Railway Project will strengthen national and urban transport in Bangladesh: PM

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଏବଂ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା ଆଜି ମିଳିତ ଭାବେ ଭିଡିଓ କନଫରେନ୍ସ ଜରିଆରେ ଦୁଇଟି ପ୍ରକଳ୍ପ ପାଇଁ ଭୂମିପୂଜନର ଇ-ଫଳକ ଉନ୍ମୋଚନ କରିଥିଲେ । ଭାରତର ବୈଦେଶିକ ବ୍ୟାପାର ମନ୍ତ୍ରୀ ଶ୍ରୀମତି ସୁଷମା ସ୍ୱରାଜ ଏବଂ ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଏହି ସମାରୋହରେ ଉପସ୍ଥିତ ଥିଲେ  ।

ଏହି ପ୍ରକଳ୍ପଗୁଡ଼ିକ ମଧ୍ୟରେ ରହିଛି : (କ) ଭାରତ-ବାଂଲାଦେଶ ବନ୍ଧୁତ୍ୱ ପାଇପ ଲାଇନ (ଖ) ଢାକା-ଟୋଙ୍ଗି-ଜୟଦେବପୁର ରେଳ ପ୍ରକଳ୍ପ ।

ଏହି ଅବସରରେ ଉଦ୍ବୋଧନ ଦେଇ ଦୁଇ ଦେଶର ସହଯୋଗ ସାରା ବିଶ୍ୱ ପାଇଁ ଏକ ଉଦାହରଣ ବୋଲି ପ୍ରଧାନମନ୍ତ୍ରୀ ବର୍ଣ୍ଣନା କରିଥିଲେ । ସେ କହିଥିଲେ ଯେ ଦୁଇ ଦେଶ ଭୌଗଳିକ ଭାବେ ଏବଂ ପାରିବାରିକ ତଥା ଭାବଗତ ଭାବେ ପଡ଼ୋଶୀ । ସେ କହିଥିଲେ ଯେ ପ୍ରସ୍ତାବିତ ପାଇପଲାଇନ କେବଳ ବାଂଲାଦେଶର ଅର୍ଥବ୍ୟବସ୍ଥାକୁ ସଶକ୍ତ କରିବ ନାହିଁ, ବରଂ ଦୁଇ ଦେଶ ମଧ୍ୟରେ ସମ୍ପର୍କକୁ ଆହୁରି ସଶକ୍ତ କରିବ । ପ୍ରସ୍ତାବିତ ରେଳ ପ୍ରକଳ୍ପ ବାଂଲାଦେଶର ଜାତୀୟ ଏବଂ ସହରାଂଚଳ ଯୋଗାଯୋଗ ବ୍ୟବସ୍ଥାକୁ ସୁଦୃଢ଼ କରିବା ଦିଗରେ ଯୋଗଦାନ କରିପାରିବ ବୋଲି ପ୍ରଧାନମନ୍ତ୍ରୀ ବିଶ୍ୱାସ ପ୍ରକଟ କରିଥିଲେ ।

ନିମ୍ନରେ ପ୍ରଧାନମନ୍ତ୍ରୀଙ୍କ ସମ୍ବୋଧନର ସମ୍ପୂର୍ଣ୍ଣ ମୂଳପାଠ ଦିଆଗଲା : –

ବାଂଲାଦେଶର ପ୍ରଧାନମନ୍ତ୍ରୀମହାମହିମ ଶେଖ ହସିନା ମହୋଦୟା,

ଭାରତ ଏବଂ ବାଂଲାଦେଶର ମନ୍ତ୍ରୀଗଣ,

ଏବଂ ଏହି ସିଧା ପ୍ରସାରଣ ସହ ଜଡ଼ିତ ସମସ୍ତ ଭାରତ ଏବଂ ବାଂଲାଦେଶର ସାଥୀଗଣ,

ନମସ୍କାର,

କିଛି ଦିନ ବ୍ୟବଧାନରେ ଏହା ଆମର ଦ୍ୱିତୀୟ ଭିଡିଓ କନଫରେନ୍ସ ଅଟେ ।

ଆମ ସମ୍ପର୍କର ସହଜତା କାରଣ ପ୍ରଯୁକ୍ତି ନୁହେଁ । ଏହା ପଛରେ ଭାରତ-ବାଂଲାଦେଶର ସମ୍ପର୍କର ବାଧାମୁକ୍ତ ଗତି ଏବଂ ନିର୍ବାଧ ପ୍ରଗତି ରହିଛି ।

ଭୌଗଳିକ ଭାବେ ଆମେ ପଡ଼ୋଶୀ ରାଷ୍ଟ୍ର ଅଟୁ । କିନ୍ତୁ ଭାବଗତ ଭାବେ ଆମେ ପରିବାର ଅଟୁ । ପରସ୍ପରର ସୁଖ-ଦୁଃଖରେ ସାଥୀ ହେବା, ପରସ୍ପରର ବିକାଶରେ ସହାୟକ ହେବା, ଏହା ଆମ ପାରିବାରିକ ମୂଲ୍ୟବୋଧ ସ୍ୱରୂପ ଆମକୁ ମିଳିଛି ।

କିଛି ବର୍ଷ ଧରି ଆମ ସହଯୋଗ ବିଶ୍ୱକୁ ଦେଖାଇଛି ଯେ ଯଦି ଦୁଇ ପଡ଼ୋଶୀ ଦେଶ ସ୍ଥିର କରିନିଅନ୍ତି, ତ’କଣ ହୋଇନପାରିବ ।

ତାହା ଦଶନ୍ଧି ପୁରୁଣା ସୀମା ବିବାଦ ହେଉ, କିମ୍ବା ବିକାଶ ସହଯୋଗର ପ୍ରକଳ୍ପ, ଆମେ ସବୁ ବିଷୟରେ ଅଭୂତପୂର୍ବ ପ୍ରଗତି କରିଛୁ ।

ଏହି ପ୍ରଗତିର ଶ୍ରେୟ, ମହାମହିମ, ମୁଁ ଆପଣଙ୍କ କୁଶଳ ନେତୃତ୍ୱକୁ ପ୍ରଦାନ କରୁଛି । ଏବଂ ଏଥିପାଇଁ ଆପଣଙ୍କୁ ହାର୍ଦ୍ଦିକ ଅଭିନନ୍ଦନ ମଧ୍ୟ ଜଣାଉଛି ।

ବନ୍ଧୁଗଣ,

ଆଜି ଯେଉଁ ଭାରତ-ବାଂଲାଦେଶ ମୈତ୍ରୀ ପାଇପଲାଇନ ଉପରେ କାର୍ଯ୍ୟ ଆରମ୍ଭ ହୋଇଛି, ତାହା ବିକାଶ ଲାଗି ଆପୋସ ସହଯୋଗର ମହାକାବ୍ୟରେ ଏକ ନୂତନ ଅଧ୍ୟାୟ ଯୋଡ଼ିବ ।

କୌଣସି ଦେଶର ବିକାଶ ଲାଗି ଇନ୍ଧନ ଏକ ମୌଳିକ ଆବଶ୍ୟକତା ଅଟେ । ଏବଂ ମୋର ବିଶ୍ୱାସ ଅଛି ଯେ ଏହି ପାଇପ ଲାଇନ ବାଂଲାଦେଶର ମହତ୍ୱାକାଂକ୍ଷୀ ବିକାଶ ଲକ୍ଷ୍ୟ ପ୍ରାପ୍ତି ନିମନ୍ତେ ସମ୍ବଳ ସାଜିବ ।

ବିଶେଷ କରି ବାଂଲାଦେଶର ଉତ୍ତର ଭାଗରେ ଏହି ପାଇପ ଲାଇନ ଶସ୍ତା ଦାମରେ ଇନ୍ଧନ ଉପଲବ୍ଧ କରାଇବ ।

ବାଂଲାଦେଶର ଅର୍ଥବ୍ୟବସ୍ଥା ସହିତ, ଆମ ସମ୍ପର୍କକୁ ମଧ୍ୟ ଏହି ପାଇପଲାଇନ ଶକ୍ତିସମ୍ପନ୍ନ କରିବ ।

ତେବେ ଏହି ପାଇପଲାଇନ ଭାରତର ଗ୍ରାଂଟ ଫାଇନାନ୍ସିଂ ଦ୍ୱାରା ନିର୍ମାଣ କରାଯାଉଛି, କିନ୍ତୁ ଆମ ପାଇଁ ଏହା ସୁଖର ବିଷୟ ଯେ ଏହି କାର୍ଯ୍ୟ ପୂରଣ ହେବା ପରେ ଏହାକୁ ବାଂଲାଦେଶ ସରକାର ଏବଂ ଲୋକମାନଙ୍କୁ ସମର୍ପିତ କରିଦିଆଯିବ ।

ଏହିପରି ଆଜି ଆମେ ଯେଉଁ ରେଳ ପ୍ରକଳ୍ପ ଉପରେ କାମ ଆରମ୍ଭ କରିଛୁ, ତାହା କେବଳ ଜନସାଧାରଣଙ୍କୁ ଏବଂ ଟ୍ରାଫିକ ଭିଡ଼କୁ ଆଶ୍ୱସ୍ତି ଦେବ ନାହିଁ, ବରଂ ମାଲ ରାଜସ୍ୱ ବଢ଼ାଇବ ।

ମୋର ବିଶ୍ୱାସ ଯେ ଏହି ରେଳ ପ୍ରକଳ୍ପ ଦ୍ୱାରା ବାଂଲାଦେଶର ଜାତୀୟ ଏବଂ ସହରାଂଚଳ ପରିବହନକୁ ସୁଧାରିବାର ପ୍ରୟାସରେ ସହାୟତା ମିଳିପାରିବ ।

ମହାମହିମ,

ଆପଣଙ୍କ ଲକ୍ଷ୍ୟ,

ଆପଣଙ୍କ ଦୂରଦୃଷ୍ଟି ଏହା ଯେ ଆମ ଭିତରେ 1965 ପୂର୍ବରୁ ଯୋଗାଯୋଗ ପୁନଃ କାର୍ଯ୍ୟକ୍ଷମ ହେଉ । ଏଥିରୁ ଆମକୁ ପ୍ରେରଣା ମିଳିଥାଏ ।

ମୁଁ ଖୁସି ଯେ ଢାକା-ଟୋଙ୍ଗୀ-ଜୟଦେବପୁର ଭଳି ପ୍ରକଳ୍ପ ଆମ ଯୋଗାଯୋଗକୁ ଏକବିଂଶ ଶତାବ୍ଦୀର ଆବଶ୍ୟକତା ମୁତାବକ ଆକାର ଦେଉଛି ।

ମାତ୍ର 10 ଦିନରେ ଆମେ ଭିଡିଓ କନଫରେନ୍ସ ମାଧ୍ୟମରେ 5ଟି ପ୍ରକଳ୍ପର ଲୋକାର୍ପଣ କରିଛୁ । ଏହି ଗତି, ଏବଂ ଧାରା, ଆପଣଙ୍କ ମଜଭୁତ ଏବଂ କୁଶଳ ନେତୃତ୍ୱ ବିନା ସମ୍ଭବ ନୁହେଁ ।

ମୋର ବିଶ୍ୱାସ ଯେ ଆଗାମୀ ଦିନରେ ଭାରତ ଏବଂ ବାଂଲାଦେଶର ଲୋକମାନଙ୍କ ଉଜ୍ଜ୍ୱଳ ଭବିଷ୍ୟତ ଲାଗି ଆମେ ଏହି ଭାବନା ନେଇ କାର୍ଯ୍ୟ ଜାରି ରଖିବୁ ।

ମହାମହିମ,

ନିଜ କଥା ସମାପ୍ତ କରିବା ପୂର୍ବରୁ ମୁଁ ଆପଣଙ୍କୁ 28 ସେପ୍ଟେମ୍ବରରେ ଆପଣଙ୍କ ଜନ୍ମ ଦିନ ଲାଗି ହାର୍ଦ୍ଦିକ ଶୁଭକାମନା ଦେବାକୁ ଚାହୁଁଛି ।

ଭାରତରେ ଆମେ ସମସ୍ତେ ଆପଣଙ୍କ ଦୀର୍ଘାୟୁ, ସୁସ୍ଥତା ଏବଂ ସଫଳତା ପାଇଁ ପ୍ରାର୍ଥନା କରୁଛୁ, ଏବଂ ଆଶା କରୁଛୁ ଯେ ବାଂଲାଦେଶର ବିକାଶ ଯାତ୍ରାରେ ଏବଂ ଭାରତ-ବାଂଲାଦେଶର ଲାଗି ଆପଣଙ୍କ ମାର୍ଗଦର୍ଶନ ଏପରି ଜାରି ରହିବ ।

ଧନ୍ୟବାଦ ।

 

 

ପ୍ରଧାନମନ୍ତ୍ରୀ ମୋଦୀଙ୍କ 'ମନ କି ବାତ' ପାଇଁ ଆପଣଙ୍କ ବିଚାର ଏବଂ ଅନ୍ତର୍ଦୃଷ୍ଟି ପଠାନ୍ତୁ !
Modi Govt's #7YearsOfSeva
Explore More
ଆମକୁ ‘ଚଳେଇ ନେବା’ ମାନସିକତାକୁ ଛାଡି  'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ

ଲୋକପ୍ରିୟ ଅଭିଭାଷଣ

ଆମକୁ ‘ଚଳେଇ ନେବା’ ମାନସିକତାକୁ ଛାଡି 'ବଦଳିପାରିବ' ମାନସିକତାକୁ ଆଣିବାକୁ ପଡ଼ିବ :ପ୍ରଧାନମନ୍ତ୍ରୀ ମୋଦୀ
With 2.5 crore jabs on PM’s birthday, India sets new record for Covid-19 vaccines

Media Coverage

With 2.5 crore jabs on PM’s birthday, India sets new record for Covid-19 vaccines
...

Nm on the go

Always be the first to hear from the PM. Get the App Now!
...
ଜନ୍ମଦିନ ଶୁଭେଚ୍ଛା ଜଣାଇଥିବା ରାଷ୍ଟ୍ରପତି, ଉପରାଷ୍ଟ୍ରପତି ଓ ଅନ୍ୟ ବିଶ୍ୱ ନେତାଙ୍କୁ କୃତଜ୍ଞତା ଜଣାଇଲେ ପ୍ରଧାନମନ୍ତ୍ରୀ
September 17, 2021
ସେୟାର
 
Comments

ଜନ୍ମଦିନ ଶୁଭେଚ୍ଛା ଜଣାଇଥିବା ରାଷ୍ଟ୍ରପତି, ଉପରାଷ୍ଟ୍ରପତି ଓ ଅନ୍ୟ ବିଶ୍ୱ ନେତାଙ୍କୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ କୃତଜ୍ଞତା ଜଣାଇଛନ୍ତି ।

ରାଷ୍ଟ୍ରପତିଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି;

“ମାନନୀୟ ରାଷ୍ଟ୍ରପତି ମହୋଦୟ, ଆପଣଙ୍କର ଏହି ଅମୂଲ୍ୟ ଶୁଭେଚ୍ଛା ବାର୍ତ୍ତା ପାଇଁ ହୃଦୟରୁ ସମ୍ମାନ ଜଣାଉଛି ।”  

ଉପରାଷ୍ଟ୍ରପତିଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି;

“ଚିନ୍ତାଶୀଳ ଶୁଭେଚ୍ଛା ପାଇଁ ଧନ୍ୟବାଦ ଉପରାଷ୍ଟ୍ରପତି @ଏମଭେଙ୍କିଆନାଇଡୁ ଗାରୁ ।”  

ଶ୍ରୀଲଙ୍କା ରାଷ୍ଟ୍ରପତିଙ୍କ ଟ୍ୱିଟର ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି;

“ଶୁଭେଚ୍ଛା ପାଇଁ ଧନ୍ୟବାଦ ରାଷ୍ଟ୍ରପତି @ଗୋଟବାୟାଆର ।”

ନେପାଳ ପ୍ରଧାନମନ୍ତ୍ରୀଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି;

“ଆପଣଙ୍କ ଶୁଭେଚ୍ଛା ପାଇଁ ଧନ୍ୟବାଦ ଜଣାଉଛି ପିଏମ @ଶେରବିଦେଉବା ।”  

ଶ୍ରୀଲଙ୍କା ପ୍ରଧାନମନ୍ତ୍ରୀଙ୍କ ଟ୍ୱିଟର ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି;

“ଶୁଭେଚ୍ଛା ପାଇଁ ଧନ୍ୟବାଦ ବନ୍ଧୁ, ପିଏମ ରାଜପକ୍ଷ ।”

ଡୋମିନିକା ପ୍ରଧାନମନ୍ତ୍ରୀଙ୍କ ଟ୍ୱିଟର ଉତ୍ତର ଦେଇ ପ୍ରଧାନମନ୍ତ୍ରୀ କହିଛନ୍ତି;

“ଆପଣଙ୍କ ଶୁଭେଚ୍ଛା ପାଇ ବେଶ କୃତଜ୍ଞ, ପିଏମ @ଏସକେରିଟଆର ।”  

ନେପାଳ ପୂର୍ବତନ ପ୍ରଧାନମନ୍ତ୍ରୀଙ୍କ ଟ୍ୱିଟର ପ୍ରତ୍ୟୁତ୍ତରରେ ପ୍ରଧାନମନ୍ତ୍ରୀ କହିଛନ୍ତି;

“ଧନ୍ୟବାଦ, ଶ୍ରୀ @କେପିଶର୍ମାଓଲି ।”