য়োর এক্সিলেন্সী, প্রধান মন্ত্রী
ঐহাক্কী মরূপ
মার্ক রুত,
শক্নাইরবা দেলিগেৎশিং,
মীদিয়াগী মীহুৎশিং,
মরূপশিং,
প্রধান মন্ত্রী মার্ক,
অমদি মহাক্কা লোয়নরক্লিবা পুম্নমকপু ভারত্তা তরাম্না ওকচরি। প্রধান মন্ত্রী মার্ক্কা লোয়ননা মহাক্কী মন্ত্রীমন্দলগী খোংলোয় ৪, হেগকী মেয়র অমদি ললোন ইতিক্কী মীহুৎ ২০০ হেনবনা ভারত্তা লাকপা অসিদা ঐহাক থোইদোক হেন্দোক্না নুংঙাইবা ফাওই। মসিনা নিদর্লেন্দগী ভারত্তা লাকপা খ্বাইদগী চাউবা ললোন ইতিক্কী মীহুৎ কাংবুনি। অমদি ঐখোয়গী ত্রেদ অমসুং ইনভেস্তমেন্তকী মরি অসি কয়া য়াম্না দাইনামিক ওইবগে হায়বা অদু মসিনা ময়েক শেংনা উৎলে। ২০১৫দা প্রধান মন্ত্রী রুত অহানবা ওইনা ভারত্তা লাকখি। ২০১৭তা ঐহাক নিদর্লেন্দা চৎখি। অমদি ঐখোয়গী অহুমশুবা মীফম ঙসি পাংথোক্লি।
মরূপশিং,
ঐখোয়গী বাইলেতরেল রিলেসনগী প্রোগ্রেস অদু ঙসি ঐখোয় অনিনা নৌহৌনা য়েংশিনখি। অমদি ঐখোয়না লৈবাক অনিমক্কী মরুওইবা সি ই ওশিংগসু উনখি। হৌখিবা চহিদা ঐহাক্না নিদর্লেন্দা চৎখিবা অদুদা ঐহাক্না ঐহাক্কী মরূপ মার্কপু ইন্তর্নেস্নেল সোলর এলাইন্সকী মীহুৎ ওইনবা ৱাফম থমখি।
সোলর ইনর্জীগী লমদা নিদর্লেন্দগী লৈজরিবা তেক্নোলোজী, এক্সপরিয়েন্স অদুগী কান্নবা অদু মালেম পুম্বনা ফংগদবনি। ঙসিদি নিদর্লেন্দনা ইন্তর্নেস্নেল সোলর এলাইন্সকী মীহুৎ ওইরকপা অসিদা ঐহাক নুংঙাইবা ফাওই। ৱারেপ অসিগীদমক ঐহাক্না প্রধান মন্ত্রী রুতপু থাগৎচরি। য়ু এন সেক্যুরিতী কাউন্সিলদগী হৌরগা মল্তিলেতরেল এক্সপোর্ত কন্ত্রোল রেজিম ফাওবা, ভারত অমসুং নিদর্লেন্দগী মরক্তা অফবা অমদি নক্নবা মতেং পীনরি।
মরূপশিং,
ভারত অসি দৎচ কম্পেনীশিংগীদমক অনৌবা নত্তে। চহি কয়াদগী দৎচকী কম্পেনী চা কয়া ভারত্তা থবক তৌরি। ভারত্তা হৌজিক ফাওবদা চত্থরিবা ফোরেন দাইরেক্ত ইনভেস্তমেন্তা নিদর্লেন্দনা খ্বাইদগী চাউবা মঙাশুবা ওইরি। মতৌ অদুগুম্না ভারতকী কম্পেনীশিংগী ইনভেস্তমেন্তকীদমক নিদর্লেন্দ অসি পুক্নিং য়াম্না চিংশিনবা মফম ওইরি। মরম অদুনা লৈবাক অনিমক্কী সি ই ওশিং উনবা অসি য়াম্না কান্নবা ফংগনি। এগ্রীকলচর অমসুং ফুদ প্রোসেসিংগী লম অসি ভারতকীদমক য়াম্না মরু ওই। হিরম অসি ঐখোয়গী ফুদ সেক্যুরিতীগা শম্নরি। লোয়ন লোয়ননা ভারতকী লৌমীশিংগী শেন্থোক শরুক অনি ওইহন্নবা ঐখোয়গী পান্দম অদুগীদমক য়াম্না মরু ওই। লমশিং অসিদা নিদর্লেন্দ অসি থোইদোক হেন্দোকপা অমা ওইরে। মমাং চহিগী ৱার্ল্দ ফুদ ইন্দিয়াদা নিদর্লেন্দনা ফোকস কন্ত্রী অমগুম শরুক য়াখি। ২০১৯গী মথংগী এদিসন্দা নিদর্লেন্দনা হেন্না চাউবা থৌদাং লৌরক্কনি হায়বা ঐহাক্না থাজবা থম্লি। বারামতীদা য়েনশাং-নাপীগীদমক অহানবা ইন্দো-দৎচ সেন্তর ওফ এক্সেলেন্স হৌদোকখিবা অদুদা ঐহাক নুংঙাইবা পোকই। অসিগুম্বা মখলগী অতোপ্পা সেন্তরশিংদসু ঐখোয়না পুন্না থবক তৌমিন্নরি। মতৌ অসুম্না অর্বান দিবেলপমেন্তসু ঐখোয়না অৱাংবা থাক্কী তেংবাং পীনরি। বদোদরা অমসুং দিল্লীদা ৱেস্ত ৱাতর মেনেজমেন্তকী প্রোজেক্তশিং খুমাং চাউনা চত্থরি। সাইন্স অমসুং তেক্নোলোজীদা ঐখোয়গী কোওপরেসন অসি চহি ১০ মপুং ফারক্লে, অমদি ২০১৯দা ভারত্তা পাংথোক্কদৌরিবা তেক সম্মিৎতা নিদর্লেন্দনা পার্তনর কন্ত্রী অমগুম শরুক য়াবনা ঐখোয়গী মরি অসি হেন্না চেৎশিনহল্লগনি।
মরূপশিং,
২০১৭কী সেপ্তেম্বর থাদা সেন্ত মার্তিনদা হুরিকেন লাকখিবা মতম অদুদা ভারতকী নাগরিকশিংবু অশোই অঙাম য়াওদনা লৌথোকপদা পাংখিবা মতেং অদুগীদমক ঐহাক্না প্রধান মন্ত্রী রুত অমসুং নিদর্লেন্দগী সরকারবু থোইদোক হেন্দোক্না ইকায় খুম্নবা উৎচরি।
এক্সিলেন্সী,
ভারত্তা অদোম অসুং অদোমগী মীহুৎ কাংবু ঐহাক্না অমুক হন্না তরাম্না ওকচরি।
থাগৎচরি, হন্না হন্না থাগৎচরি।
