হিজ এক্সিলেন্সী শ্রী জিনবেকোব, কীর্গীজ রিপব্লিক্কী রাস্ত্রপতি

ইকাই খুম্নজরিবা শ্রী আদিলবেক উলু শুমকারবেক, দাইরেক্তর, ইনবেস্তমেন্ত প্রমোসন এজেন্সী,

শ্রী সন্দীপ সোমানী, প্রসিদেন্ত এফ.আই.সি.সি.আই.

ভারত অমসুং কীর্গীজস্তানগী শরুক য়ারিবা শক্নাইরবা বিজিনেস, ইন্দস্ত্রী অমদি একাদেমিয়াশিং

ভারত অমসুং কীর্গীজ বিজিনেস কাংলুপশিংগী মরক্তা বিজিনেস ফোরম শিন-লাংদুনা পাংথোকপা অসি য়াম্না নুংঙাইবা ৱাফম্নি। বিজিনেস ফোরম অসিগা লোয়ননা লৈবাক অনিগী ওইবা ঐহাক্কী বিশকেক খোংচৎ হৌরিবা অসিসু মরুওইবা ৱাফম্নি। মসি ঐখোয়না সেয়র তৌরিবা অদু তাক্লিবা অমনি। চহী কয়াগী মমাংদগী ভারত অমসুং কীর্গীস্তানগী মরক্তা কলচরেল অমসুং ইকোনোমিক্কী অচেৎপা মরী লৈরি। অসিগুম্লবা পুৱারী ওইরবা পার্তনরশিপ অসিবু অনৌবা মতমগী মতুং ইন্না হেঙ্গৎহনবগী চাউনা ওইথোকপা য়াবশিং লৈরি। রাস্ত্রপতি জিনবেকোব অমসুং ঐহাক্না তোঙান তোঙানবা লমশিংদা ভারত-কীর্গীজকী মরীশিং হেন্না পাকথোক চাউথোকহনবা পাম্লি। অমদি ত্রেদ অমসুং ইনবেস্তমেন্ত সেক্তরদা অখন্ননা পাকথোক চাউথোকহনবা পাম্লি। রাস্ত্রপতিনা ফোরম অসিবু লমজিং লমতাকপীরি অমদি মশামক শরুক য়ারি। মসিগীদমক ঐহাক্না মফমদা থাগৎপা ফোংদোকচরি।

মরূপশিং,

মেলেমগী ইকোনোমীদা খোংজেল য়াংনা অহোংবা লাক্লি। অসিগুম্বা মতম অসিদা য়াম্না চাউবা ইকোনোমী অমগী ইকোনোমিক গ্রোথ অমসুং তেক্নোলোজিকেল দিবেলপ লৈরিবা ভারত অসি মালেম অসিদা তংদু লৈতাবা অমসুং আশাগী মরুওইবা ফেক্তরনি। ভারত অসি চাউরবা কৈথেল অমনি। ঐখোয়গী লৈবাক্কী নহাওইরিবা হৈথোই-শিংথোইরবা অমসুং ইচং থৌরবা ইনোবেতরশিংনা দোলর ৫ ত্রিলিয়ন ইকোনোমী অমা ওইরক্নবা ঐখোয়গী পান্দম অদু ফংবদা মরুওইবা থৌদাং লৌগনি।

মরূপশিং,

মসিমদি ময়েক শেংলে মদুদি হৌজিক লৈরিবা ঐখোয়গী লৈবাক অনিগী ত্রেদ অমসুং ইকোনোমীগী ওইবা পার্তনরশিপ অসি ওইফম থোকপদগী তাথরি। মরম অদুনা বিজিনেস ফোরমগী অসিগুম্লবা অনৌবা খোংথাং অসি য়াম্না মতাং চাবা মতমদা পাংথোক্লি। ঐহাক্কী ৱাখল্লোনদা ত্রেদ অমসিং ইনবেস্তমেন্ত ইনোৎ পীনবা কেতালীস্ত অহুম লৈরি- চান্নবা এনবাইরনমেন্ত, কনেক্তিবিতী অমসুং বিজিনেস তু বিজিনেস একচেঞ্জ তৌনবা। ঐহাক্না খঙহঞ্জনিংলিবদি চানবা এনবাইরনমেন্ত অমা শেমগৎনবগীদমক ঐখোয়না দবল তেক্সেসন এবোইদেন্স এগ্রীমেন্ত য়ান্নবা পুরকখ্রে। মদুগা লোয়ননা, বাইলেতরেল ইনবেস্তমেন্ত ত্রিতীদা ঐখোয়না য়াম্না চেকশিন্না ৱারী শান্নরি। মসিনা ইনবেস্তমেন্তদা অচেৎপা য়ুমফম অমা ফংলগনি। ঐখোয়না লৈবাক অনিগী ওইবা ত্রেদ হেঙ্গৎহন্নবা চহী মঙাগী ওইবা রোদমেপ অমা শেম শারে। কীর্গীজ রিপব্লিক য়ুরেসিয়ান ইকোনোমিক য়ুনিয়নগী মীহুৎ অমনি। ঐখোয়না য়ুরেসিয়ান ইকোনোমিক য়ুনিয়নগা লোয়ননা ললোন-ইতিক হেঙ্গৎহন্নবা প্রিফরেন্সিয়েল ত্রেদ এগ্রীমেন্তদসু থবক পায়খৎলি।  

ললোন-ইতিক ফগৎহনবদা হেন্না ফবা কনেক্তিবিতীনা মরুওইবা থৌদাং লৌরি। চাবাহার হিথাংফম অসি ভারত অমসুং আফগানিস্তানগী মরক্তা কনেক্তিবিতীগী অনৌবা সোর্স অমা ওইনা মচিন তুমখৎলক্লি। ঐখোয়না ভারত অমসুং সেন্ত্রেল এসিয়াগী মরক্তা হেন্না ফবা কনেক্তিবিতীগী ওপ্সনশিং শেমগৎনবা অহেনবা মিৎয়েং থম্বা তাই। বি ২ বি একচেঞ্জ তৌবা হেঙ্গৎহন্নবা ঐখোয়না অনৌবা খোংথাং কয়া অমসু পায়খৎলে। চহী অসিদা বিস্কেক্তা “নমস্কার য়ুরেসিয়া” ত্রেদ শো পাংথোক্লগনি। ভারত অমসুং কীর্গীজ রিপব্লিক্কী তোঙান তোঙানবা পোত্থোকশিংনা ত্রেদ অসিদা অমনা অমবু মপুং ফাহল্লগনি। ঐখোয়না অসিগুম্লবা খুদোংচাবশিং অসিগী কান্নবা লৌগদবনি। কীর্গীজ ওর্গানিক পোত্থোকশিংগী কৈথেলদা মশক নাইবা ওইরি। মফম অসিগী চিংগী খোইহী, হৈজুগাক অমসুং শঙ্গোমগী পোত্থোকশিং ইকোলোজিকেল ওইবা মওংদা পোৎয়ান য়াওদবা অমসুং নেচরেল প্রোসেসকীদমক মমিং চৎলি। মতৌ অসুম্না ভারতকী ললোন-ইতিক তৌরিবশিং অমসুং ইনবেস্ত তৌরিবশিংনা কীর্গীজ রিপব্লিক্তা হিদাক-লাংথক, তেক্সতাইল, রেলৱে, হাইদ্রোপৱার, মাইনিং অমসুং মিনরেল অমদি তুরিজমদা অফবা খুদোংচাবশিং লৈরি।  

মরূপশিং,

অদোম্না খন্ন-নৈনরিবা পুম্নমক কান্নবা পুরকপা ওইরসনু হায়না ঐহাক্না থৌনীজরি। ঐহাক্না কীর্গীজকী ললোন-ইতিক্কী লুচিংবশিংবু ভারতকী ইন্তর্প্রিনরশিংগা থবক তৌমিন্ননবা পুক্নীং থৌগৎচরি। ময়াম পুম্নমকপু ভারত্তা অদুমক তরাম্না ওকচরি।

ময়াম পুম্নমকপু হন্না-হন্না থাগৎচরি।

 

Explore More
২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল

Popular Speeches

২৭.০৪.২০২৫ দা শন্দোকখিবা মন কি বাতকী ১২১শুবা তাঙ্কক্ত প্রধান মন্ত্রীনা ফোঙদোকখিবা ৱারোল
'Kerala matters to us': PM Modi to C Sadanandan Master before his nomination to Rajya Sabha

Media Coverage

'Kerala matters to us': PM Modi to C Sadanandan Master before his nomination to Rajya Sabha
NM on the go

Nm on the go

Always be the first to hear from the PM. Get the App Now!
...
Prime Minister condoles the demise of former President of Nigeria Muhammadu Buhari
July 14, 2025

The Prime Minister, Shri Narendra Modi has expressed deep grief over the demise of former President of Nigeria Muhammadu Buhari. Shri Modi recalled his meetings and conversations with former President of Nigeria Muhammadu Buhari on various occasions. Shri Modi said that Muhammadu Buhari’s wisdom, warmth and unwavering commitment to India–Nigeria friendship stood out. I join the 1.4 billion people of India in extending our heartfelt condolences to his family, the people and the government of Nigeria, Shri Modi further added.

The Prime Minister posted on X;

“Deeply saddened by the passing of former President of Nigeria Muhammadu Buhari. I fondly recall our meetings and conversations on various occasions. His wisdom, warmth and unwavering commitment to India–Nigeria friendship stood out. I join the 1.4 billion people of India in extending our heartfelt condolences to his family, the people and the government of Nigeria.

@officialABAT

@NGRPresident”