ঙসি প্রধান মন্ত্রী নরেন্দ্র মোদীনা ভিদিও কনফ্রেন্সকী খুৎথাংদা বনারসীদা পাংথোকপা ইন্দিয়া কার্পেত এক্সপোদা ৱা ঙাংখ্রে।
ভারত অমসুং মপানগী মীওইশিং তরাম্না ওক্লদুনা প্রধান মন্ত্রীনা হায়খি, বনারসীগী দিদয়াল হাস্তকালা সানকুলদা ইন্দিয়া কার্পেত এক্সপো পাংথোকপা অসি হন্দক্কী অসিনা অহানবনি। বনারসী, বাদোহি অমসুং মিরজাপুর অসি কার্পেত উদোক্কী মরুওইবা মফম অমনি। হেন্দিক্রাফস, অপীকপা অমসুং ময়াই ওইনা চাউবা উদোকশিং য়োকখৎনবা থবক কয়া পায়খৎলি।
প্রধান মন্ত্রীনা হায়খি, ভারতকী ওইনা হেন্দিক্রাফকী শাংলবা চৎনবী অমা লৈরি অমসুং মসিদা বনারসীনা অচৌবা থৌদাং অমা লৌরি। মমিং লৈরবা সন্ত কবি, কবীর অসি লমদম অসিগী মীওই অমনি।
মহাক্না হায়খি, হেন্দিক্রাফ অসি নীংতম লান অমসুং মশা-মরোমদোম লেপচনবগী ইথিল পীখিবা অমনি। মহাত্মা গান্ধীগী সৈত্যগ্রহ অমসুং তরেং ঐখোয়না নীংশিংবা য়াই।
প্রধান মন্ত্রীনা হায়খি, হৌজিক ভারত অসি কার্পেত য়াম্না পুথোকপা লৈবাক অমা ওইরে অমসুং মালেমগী পোৎথোক্কী চাদা ৩৫ পুথোক্লে। সেক্তর অসিদা মপান লৈবাক্তা পোৎথোক য়াম্না থাদোক্লে। ইনাক খুনবা মীশিং হেনগৎলকপা অমসুং কার্পেতকী উদ্যোক্তা সরকারনা মতেং পাংবদগী সেক্তর অসি চাউখৎলকপনি। ভারত্তা শাবা কার্পেত অসি য়াম্না পাম্নবগীদমক মহাক্না কার্পেত শাবশিংগী হৈশিংবা থাগৎখি। সেক্তর অসিদা অনৌবা য়োংখমশিং অমসুং শেন্থংগী খুদোংচাবা ফংহল্লিবা অসিগী মতাংদা মহাক্না পনখি। কার্পেত শাবশিংগী হৈশিংবা অমসুং থবক কন্না শুবা অসি লৈবাক অসিগী অচৌবা পাঙ্গল অমা ওইরক্লিবা অসি কেন্দ্র সরকারনা মশক খঙই হায়না প্রধান মন্ত্রীনা ফোংদোকখি।
