Share
 
Comments

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা আই.আই.তি. খরাগপুরগী ৬৬শুবা কনভোকেসনগী থৌরমদা ৱা ঙাংখ্রে। কেন্দ্রগী এজুকেসন মন্ত্রী, শ্রী রমেশ পোখ্রিয়াল ‘নিশাঙ্ক’ অমসুং কেন্দ্রগী এজুকেসনগী রাজ্য মন্ত্রী, শ্রী সঞ্জয় ধোত্রেসু থৌরম অদুদা শরুক য়াখি।

প্রধান মন্ত্রীনা ঙসি অসি আই.আই.তি.গী মহৈরোয় অমসুং ওজাশিংগী মরু ওইবা নুমিৎ অমা ওইবতা নত্তনা মহৈরোয়শিং অসিনা লৈবাক পুম্বগী মহুৎ শিনবনিনা অনৌবা ভারতকীসু মরু ওইবা নুমিৎ অমনি হায়খ্রে। মহাক্না ঙসি পাস-আউৎ তৌখ্রিবা মহৈরোয়শিংদা মখোয়না পুন্সিগী অনৌবা খোঙচৎ অমা হৌবা অসিদা লৈবাক অসিগী মীওই করোর কয়া অমগী পুন্সিদা অহোংবা পুরক্নবা স্তার্ত-অপ অমসুং অনৌবা থৌওং কয়া পুথোক্নবসু হায়খি। মখোয়না ঙসি ফংলিবা দিগ্রী অসি মীওই মিলিয়ন অমগী অনিংবা-অপাম্বনি অমসুং মসিবু মখোয়না মঙফাওনহনগদবনি হায়খি।

প্রধান মন্ত্রীনা হায়খিবদা, হৌজিক্কী তঙাই ফদবা থৌওং অসিদি তুংদা লৈরক্কদবা তঙাই-ফদবশিংবু য়েংদুনা অমসুং তুংগী ওইবা অনৌবা থৌওং কয়া পাংথোক্তুনা থবক তৌগদবনি হায়খি। ইঞ্জিনীয়র অমনা হীরম অমবু য়াম্না কুপথনা য়েংবা ঙম্বগী মতিক লৈ অমসুং মসিগী তৌবা-ঙম্বা অসিনা তুংদা ওইরক্কদবা অনৌবা পুথোকপা অমসুং অনৌবা হীরম পাংথোকপগী য়ুম্ফম ওইগনি হায়নসু মহাক্না মখা তানা হায়খি। মীওই মিলিয়ন অমগী পুন্সিবু ফগৎহন্দুনা মখোয়গী পুন্সি কন্নবা অমসুং লৈবাক অসিগী রিসোর্সশিংবুসু কনবা ঙম্নবা মহৈরোয়শিং অসিনা ৱারোইশিন কয়া পুরক্নবসু মহাক্না হায়খি।

প্রধান মন্ত্রীনা মহৈরোয়শিংনা মখোয়না তুংদা থেংনরক্কদবা মশাদা চয়েৎনবা লৈবা অমসুং শিংনবা কয়া মাই-পাক্না থেংনবা ঙম্নবগীদমক্তা ইশাগী ওইবা ৩ হায়রিবা মন্ত্রা অসিবু শিজিন্ননবা হায়খি। মসিগী ইশাগী ওইবা ৩ হায়রিবা মন্ত্রা অসিদি ইশাবু মশক খঙজবা, ইশাদা থাজজবা অমসুং ইশাগী ওইজবা থাদোকপা হায়বশিং অসিনি। মহাক্না মহৈরোয়শিংদা মখোয়গী তৌবা ঙম্বগী মতিকপু খঙজদুনা মশাদা মপুং ফানা থাজদুনা অমসুং মশাগী ওইজবা থাদোক্তুনা মাং থানা চৎনবা হায়খি।

 

প্রধান মন্ত্রীনা মখোয় খুদিংমক্না সাইন্স, তেক্নোলোজী অমসুং ইন্নোভেসনগী লম্বী অসিদা চৎলিবা অসিদা হাথু-হাথু তৌবগী মফম লৈতে হায়খি। মখোয়না খল্লিবা, অনৌবা থৌওং অমা পাংথোক্লিবা অদুদা নখোয়না মাই-পাকপা ফংদবা য়াই অদুবু মদুগী মাইথীবা অদুসু মাই-পাকপা ওইনা লৌগনি, মরমদি মখোয়না মদুদগী করিগুম্বা খরদি তম্বা ঙমগনি হায়না মহাক্না মখা তানা হায়খি। 21শুবা চহি-চাগী আই.আই.তি.শিং অসি ইন্দিয়ন ইন্সতিত্যুৎ ওফ তেক্নোলোজীদগী ইন্সতিত্যুৎ ওফ ইন্দিজেনিয়স তেক্নোলোজীদা মথংগী থাক্তা পুখত্তুনা অনৌবা ভারতকী হোংলক্লিবা অপাম্বা অমসুং অনিংবশিং অসিবু মঙফাওনহনবগী তঙাই ফদবা লৈরে হায়না মহাক্না হায়খি।

মালেম অসিনা অইং-অশা হোংবগী শিংনবশিংগা ৱানা মায়োক্নরিঙৈ মতমগী মনুংদা, ভারতনা ইন্তর্নেস্নেল সোলার এলাইএন্স (আই.এস.এ.)গী ৱাখল্লোন হৌদোক্তুনা শিজিন্নবা হৌখি হায়না শ্রী মোদীনা হায়খি। ভারত অসি সোলার পাৱর য়ুনিৎ অমগী মমল য়াম্না তাথবা লৈবাকশিংগী মনুংদা অমা ওইরবনি হায়না মহাক্না হায়খি। অদুবু, য়ুম্থোং খুদিংদা সোলার পাৱর য়ৌহনবগী মতাংদদি শিংনবা কয়া অমা লৈরি। ভারতনা অকোয়বদা অকায়বা য়াম্না পীদবা, মতম কুইনা শিজিন্নবা য়াবা অমসুং মীয়াম্না য়াম্না লাইনা শিজিন্নবা য়াবা তেক্নোলোজী তঙাই-ফদবা লৈ হায়নসু মহাক্না মখা তাখি।

প্রধান মন্ত্রীনা হায়খিবদা দিজাজতর মেনেজমেন্ত হায়রিবা হীরম অসি মালেম্না ভারত্তা তমজনীংঙাই ওইনা য়েংবা হীরম অমনি হায়খি। অচৌবা অৱা-অনা থোকপা মতমদা, পুন্সিদা নত্তনা ইনফ্রাস্ত্রকচরদসু অকায়বা য়াম্না পী। মসিগী ৱাফম অসিবু মহাক্না চহি অনিগী মমাংদা নীংথিনা খঙখ্রে হায়না মহাক্না হায়রদুনা মসিগীদমক্তা ভারতনা য়ুনাইতেদ নেসন্সতা কোএলিসন ফোর দিজাজতর রেজিলিএন্ত ইনফ্রাস্ত্রকচর অমা লিংখৎনবা ৱাফম হৌদোকখি হায়খি।

প্রধান মন্ত্রীনা ইন্দস্ত্রী ৪.০গীদমক্তা মশক থোকপা অনৌবা থৌওং হৌদোকপগী তঙাই-ফদবগী মতাংদা মিৎয়েং চঙখি। মহাক্না আই.আই.তি. খরাগপুরনা একাদমিক রিসর্চপু ইন্দস্ত্রীগী থাক্কা মরী লৈনবা এ.আই., ইন্তর্নেৎ ওফ থিংস অমসুং শাবগী মতমগা চানবা য়ুম তেক্নোলজীদা ওন্থোকপগীদমক্তা থাগৎপা ফোংদোকখি। মহাক্না আই.আই.তি. খরাগপুরগী সোফৱেয়র সোল্যুসনশিং অসিসু কোরোনাগা লান্থেংনবদা য়াম্না কান্নখি হায়খি। মহাক্না ইন্সতিত্যুৎ অসিনা হেল্থ তেক্নোলীজীগী মতাংদা ফ্যুচুরিস্তিক সোল্যুসন পুরক্নবগীদমক্তা ৱাফম কয়াসু থমখি। পর্সনেল হেল্থকেয়র ইক্বিপমেন্তকী মতাংদা অচৌবা কৈথেল অমা লৈরক্লে হায়না মহাক্না ফোংদোকখি। হেল্থ অমসুং ফিৎনেসকা মরী লৈনবা খুৎলায়শিংগী কৈথেলসু য়াম্না চাওখৎলক্লি হায়না মহাক্না হায়খি। ভারত্তা শেল য়াম্না চঙদবা অমসুং মথৌ-নীংথিনা তৌবা পর্সনেল হেল্থকেয়র ইক্বিপমেন্ত পীবা ঙম্নবা তেক্নোলোজীসু পুথোক্কদবনি হায়না মহাক্না হায়খি।

প্রধান মন্ত্রীনা ভারত অসিনা কোরোনাগী মতুংদা সাইন্স, তেক্নোলোজী, রিসর্চ অমসুং ইন্নোভেসনগী হীরমদা মালেমগী মরু ওইবা তেংবাংবা লৈবাক অমা ওইরক্লে হায়না হায়খি। মসিনা ইথিল পীরদুনা সাইন্স অমসুং রিসর্চকী লমদা বজেৎ অসিসু য়াম্না মশক থোক্না হেনগৎখ্রে হায়না মহাক্না ফোংদোকখি। হৌখিবা নুমিৎ খরনিগী মমাংদা, সরকারনা অসিনা মেপ অমসুং মেপ অমসুং জিওস্পেসিএল দেতাবু কন্ত্রোলদগী নিং তমহনখ্রবনি হায়খি। মসিগী খোঙথাং অসিদগী তেক স্তার্ত-অপ ইকোসীস্তেমদসু মপাঙ্গল য়াম্না হাপ্লগনি, আত্মানির্ভর ভারতকী খোঙথাংগী খোঙজেলসু হেন্না য়াঙশিল্লগনি অমসুং লৈবাক অসিগী নহা ওইরিবা স্তার্ত-অপশিং অমসুং ইন্নোভেতরশিংদসু নৌহৌননা অমুক মনিং-মখা তমহল্লগনি হায়না মহাক্না ফোংদোকখি।

প্রধান মন্ত্রীনা আই.আই.তি. খরাগপুরনা অনৌবা নেস্নেল এজুকেসন পোলিসী অসিবুসু থবক ওইনা পাংথোক্নবা হোৎনরিবা অসিগীদমক্তা থাগৎপা ফোংদোকখি। ইন্সতিত্যুৎ অসিনা তুংগী অনৌবা থৌওং পাংথোক্নবগীদমক্তা পাঙ্গল হাপ্নবা লৌশিং অমসুং সাইন্সকী মরমদা থীদোক্লিবা অসিবুসু থাগৎখি। মহাক্না ইন্সতিত্যুৎ অসিনা ভারতনা নিং-তম্বগী চহি ৭৫ ফারকপা অসিগা মপা-চান্ননবা মখোয়না পাংথোকখিবা অনৌবা থৌওং ৭৫গী পরিং অমা শেম্নবা অমসুং মসিবু লৈবাক অমসুং মালেম শিনবা থুংনা খঙহন্নবা হায়খি। মসিগী ইথিল অসিনা লৈবাক অসিদা অনৌবা পাঙ্গল অমা হাপকনি অমসুং মীয়ামদা হেন্না থাজহনগনি হায়খি।

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
Exports hit record high of $35 bn in July; up 34% over pre-Covid level

Media Coverage

Exports hit record high of $35 bn in July; up 34% over pre-Covid level
...

Nm on the go

Always be the first to hear from the PM. Get the App Now!
...
#NaMoAppAbhiyaan has turned into a Digital Jan Andolan.
August 03, 2021
Share
 
Comments

Within less than a month of its launch, #NaMoAppAbhiyaan is set to script history in digital volunteerism. Engagement is only increasing every single day. Come join, be a part of the Abhiyaan.