প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সিংগী থোংদা অসামগী তেজপুর য়ুনিভর্সিতীগী ১৮শুবা কোনভোকেসনদা ৱা ঙাংখ্রে। থৌরম অসিদা অসামগী গভর্নর প্রোফেসর জগদিশ মুখি, এজুকেসনগী কেন্দ্রগী রাজ্য মন্ত্রী দা. রামেশ পোখ্রিয়ল ‘নিশঙ্ক’ অমসুং অসামগী মুখ্য মন্ত্রী শ্রী সর্বানন্দা সোনোৱালসু শরুক য়াখ্রে।
থৌরম অসিদা ৱা ঙাংলদুনা প্রধান মন্ত্রীনা হায় ঙসি অসি মহৈরোই ১২০০ হেনবগী পুন্সিদা কাওররোইদবা অমসুং নীংশিংদুনা লৈহৌরগদবা মীকুপ অমনি। তেজপুর য়ুনিভর্সিতীদগী হৌরকখিবা মহৈরোইশিং অসিনা অসামবু চাউখৎহনগনি অমসিং লৈবাক অসি চাউখৎহনগনি হায়না মহাক্না থাজৈ। মহাক্না হায় য়ুনিভর্সিতী অসিগী এন্থেমদা য়াওরিবা ভারত রতনা ভুপেন হজারিকানা ইরমখিবা ৱাহৈ অসিনা তেজপুরগী ইতিহাস অদুবু নীংশিংহল্লি হায়না ফোঙদোকখ্রে। প্রধান মন্ত্রী য়ুনিভর্সিতীগী এন্থেমদগী ৱাহৈ পরেং খরা লৌথোক্তুনা হায়খ্রে
“অগ্নিগদর স্থাপত্যা, কলিয়াভোমোরার সেতু নির্মান,
জ্ঞান জ্যোতিমর্য়,
সেহি স্থান্তে বিরাজীসে তেজপুর বিশ্ববিদ্যালয়”
মদুদি তেজপুর য়ুনিভর্সিতী অসি অগনিগরগুম্বা আর্কিতেকচর লৈবা, কলিয়া-ভোমোরা থোং লৈবা, লৌশিংগী মৈরা লৈবা মফম অমদা লৈ হায়বনি। মহাক্না হায় ভুপেন দা, জ্যোতি প্রসাদ অগরৱালা অমসুং বিশনু প্রসাদ রভা অসি তেজপুরবু মশক তাক্লিবা শক নাইরবা মীওইশিংনি।
মহৈরোইশিংদা ৱা ঙাংলদুনা প্রধান মন্ত্রীনা হায় ঙসিদগী ভারতকী নীংখা তমখিবগী চহি ১০০ মপুং ফাবা ফাওবা নখোয়গী পুন্সিগী মমল য়াম্লবা চহিশিং ওইগনি। মখোয়দা ভারত শিনবা থুংনা অমদি মালেম পুম্বদা তেজপুরগী মতিক ময়াইবু শন্দোক্তুনা অসাম অমসুং অৱাং নোংপোকপু চাউখৎপগী অনৌবা থাক্তা পুখৎনবা হায়খ্রে। মহাক্না মহৈরোইশিংদা অখন্ননা কন্নেক্তিবিতী, এজুকেসন অমসুং হেল্থকুম্বা সেক্তরশিংদা অৱাং নোংপোক্কী চাউখৎ থৌরাংগীদমক্তা সরকারনা হোৎনরিবা অসিগী মপুং ফানা কান্নবা লৌহৌনবা হায়খ্রে।
প্রধান মন্ত্রীনা হায় তেজপুর য়ুনিভর্সিতী অসি ইন্নোবেসন সেন্তর হায়নসু খঙনৈ হায়না ফোঙদোকখ্রে। মসিগী গ্রাসরুৎ ইন্নোবেসনশিং অসিনা ভোকেল ফোর লোকেলদা থৌনা হাপ্পি অমসুং মখোয়বু শীজিন্নদুনা লোকেল প্রোব্লেমশিং কোকহল্লি, চাউখৎ থৌরাংগী অনৌবা লম্বীশিং ফাৎলি অফবা থক্নবা ঈশিং ফংহন্নবা শেল চংদবা তেক্নোলোজী, খুঙ্গং খুদিংদা ৱেস্ত ইনর্জীদা ওন্থোক্নবা ৱাশক, বাইওগ্যাস অমসুং ওর্গানিক ফর্তিলাইজরশিংগা মরী লৈনবা অহোংবা অমসুং কান্নবা তেক্নোলোজী, অৱাং নোংপোক্কী বাইওদাইভর্সিতী অমদি মখল কয়াগী হেরিতেজশিং য়োকখৎনবা কেম্পেন, মুৎখিগদবগী অকিবা লৈরবা অৱাং নোংপোক্কী ত্রাইবেল সোসাইতীগী লোলশিংগী দোক্যুমেন্তেসন ঔবা, নগাওগী বতাদ্রব থানাদা লৈরিবা চহি য়াম্নবা অরিবা উদা হকপা আরত য়োকখৎপা, কোলোনিএলগী মতমশিংদা ইখিবা অসামগী লাইরিকশিং অমসুং পেপরশিং দিজিতাইজেসন তৌবা অসিগুম্বা ইন্নোবেসনশিং অসিবু মহাক্না থাগৎখ্রে।
প্রধান মন্ত্রীনা তেজপুর য়ুনিভর্সিতী কেম্পস অসিমক লোকেল মীওই কয়াগী তঙাই ফদবশিংদা থবক পাইখৎনবা ইথিল পীরিবা মরম ওইরি হায়খ্রে। লমদম অসিগী চিং অমদি তুরেলশিংগী মমিং লৌদুনা হোস্তেলশিংগী মমিং থোল্লি। মহাক্না হায় মসি মমিং খক্তা নত্তে পুন্সিদা ইথিল পীনবা মশক ওইরি। মহাক্না হায় পুন্সি খোঙচৎতা ঐখোয়না অৱাবা কয়া মায়োক্নবা তাই, চিং কয়া অমদি তুরেল কয়া লানবা আই। মহাক্না মহৈরোইশিংদা হায়খি মদুদি চিং কারিখুদিংদা নখোয়গী এক্সপর্তাইস হেনগৎহল্লি অমসুং অনৌবা শিংনবশিং মায়োক্ননবা শেমশাবা হেনগৎহল্লি। মহাক্না হায় তোঙান তোঙানবা তুরেলগী মশাশিংনা তুরেল অমাদা পুনশিন্দুনা সমুদ্রদা তিনখিবা অসিগুম্না ঐখোয়না পুন্সিদা তোঙান তোঙানবা মীওই কয়াদগী লৌশিং তনশিনগদবনি, তমশিনগদবনি অমসুং ঐখোয়গী পান্দম ফংনবা হোৎনগদবনি অমদি লৌশিং অসিগা লোইননা মাংলোমদা চংশিনগদবনি। মহাক্না হায় অসিগুম্বা এপ্রোচ অসিগা লোইননা কনাগুম্বনা চংশিল্লবদি অৱাং নোংপোক লমদমনা লৈবাক অসিগী চাউখৎ থৌরাংদা শরুক তম্বা ঙমগনি।
.প্রধান মন্ত্রীনা আত্মানির্ভর অভিয়ানগী ৱাখল্লোনগী মতাংদা ফোঙদোকখ্রে। মহাক্না ইহৌ অসি রিসোর্সশিং, ফিজিকেল ইনফ্রাস্ত্রকচর, তেক্নোলোজী অমসুং শেন্মীৎলোন্দা অমদি লালোং য়াৎপগী পাঙ্গলদা অহোংবা পুরক্নবনি অমসুং খ্বাইদগী অচৌবা অওনবদি ঙসিগী নহারোলগী ৱাখলদা লৈরিবা অদুগা চুন্নবা ইথিল, এক্সন অমসুং রিয়েক্সনদগী ওইগনি।
প্ররান মন্ত্রীনা হায় ঙসিগী নহা ওইরিবা ভারত মচাশিংনা শিংনবশিং থেংনবগী তোপ-তোপ্পা মওং লৈজৈ। ৱাফম অসি তাক্নবা মহাক্না হন্দক্তা অস্ত্রেলিয়াদা ভারতকী নহা ওইরিবা ক্রিকেৎ তীমনা থোইখিবা অদু থমখি। ভারতকী ক্রিকেৎ তীমনা অৱাবা কয়া মায়োক্নখি। মখোয়না শাথিনা মাইথিবা নংখি অদুবু মদুদগী হৌগৎলক্তুনা মথংগী মেৎচতা থোইবা ঙমখি। শান্নরোইশিংনা অশোকপশিং য়াওরবসু অখাং কনবা উৎখি। মখোয়না শিংনবা অদু থেংনদুনা অৱাবা ফীভম অদুদা নিংঙমদবা পোকপগী মহুৎ অনৌবা সোলুসনশিং থিখি। মখোয় এক্সোরিয়েন্স লৈত্রিবা শান্নরোই ঙাক্তনি অদুবু মখোয় থৌনা লৈ অমসুং মখোয়দা পীবা খুদোংচাবা অদু লৌখি। মখোয়না মখোয়দগী হেন্না হৈবা তিম অমবু মখোয়গী তেলেন্ত অমসুং মথৌনা-মরিংজেলনা মাইথিবা পীবা ঙমখি।
প্রধান মন্ত্রীনা হায় ঐখোয়গী শান্নরোইশিংগী শিংথানিংঙাই ওইন্না শান্নখিবা অসি স্পোর্তসকী লমদগী খক্তা নত্তনা মসি য়াম্না মরু ওই। শ্রী মোদীনা শান্নখিবা অসিদগী পুন্সিদা মরু ওইবা পরা তমজনিংঙাই ওইবশিং অদু ফোঙদোখ্রে। অহানবদা ঐখোয়না ঐখোয়গী তৌবা ঙম্বদা থাজবা থম্বা; অনিশুবদা অফবা ৱাখল খনবনা অফবা ফলশিং ফংঙি। অহুমশুবা অমসুং খ্বাইদগী মরু ওইবা পরা অসি – কনাগুম্বা অমদা ওপ্সন অনি পীরবা, অমনা খুদোংথিদবা অমসুং অতোপ্পনা ৱানা মাই পাকপা, অদু ওইবা তারবদি মাই পাকপগী ওপ্সন অদু খনগদবনি হায়না প্রধান মন্ত্রীনা ফোঙদোকখ্রে। মাইথিবা হায়বা অসিগী অকাইবা লৈতে ঐখোয়না রিস্কশিং লৌবদা অকিবা পোকলোইদবনি। ঐখোয়না থৱায় য়াওশিনবা অমসুং অকিবা লৈতবা তাই। করিগুম্বা ঐখোয়না মাইথিবগী অকিবা অমসুং কান্নদবা প্রেসর অদু নমথবা ঙমলবদি ঐখোয়না অকিবা লৈরকলোই। অনৌবা ভারত অসিদা পান্দমশিংগীদমক থাজবা অমসুং কত্থোকপা অসি ক্রিকিৎকী লমদা খক্তা উবা নত্তনা নখোয় পুম্নমকসু মসিগী শরুক অমনি হায়না প্রধান মন্ত্রীনা মহৈরোইশিংদা ফোঙদোকখ্রে।
মসিগী মশানা মশাবু থাজবা অমসুং তম্বা ঙমদবা লম্বীদা চংশিনবদা অকিবা পোক্তবা অমসুং নহা ওইবগী থৌনা অসিনা লৈবাক অসিনা কোরোনাগী মায়োক্তা লান্থেংনবদা থৌনা হাপ্পী। ভারতনা অহানবগী মীপাইবশিং কোকহনবা ঙমখ্রে অমসুং রিজোল্ব অমসুং রিসিলেন্সনা রিসোর্সশিং মরাং কাইনা লৈরে হায়না তাক্লি। ভারতনা ফীভমগী মতুং ইন্না চৎপগী মহুৎতা অথুবা, প্রোএক্তিব ওইবা ৱারেপশিং লৌদুনা ভাইরস অসিগা ইফেক্তিব ওইনা লান্থেংনখি। মেদ ইন ইন্দিয়া সোলুসনশিংদা হেল্থ ইনফ্রাস্ত্রকচর পাক চাওথোকপা অমসুং ফগৎহনবশিং য়াওরি। ঐখোয়গী ভেক্সিনগা মরী লৈনবা রিসর্চ অমসুং প্রদক্সন কেপাবিলিতীনা ভারত অমসুং অতোপ্পা লৈবাক কয়াদা সিক্যুরিতী সিল্দগী থাজবা পীরি হায়না প্রধান মন্ত্রীনা হায়খি।
প্রধান মন্ত্রীনা দাইরেক্ত বেনিফিৎ ত্রান্সফর য়াহল্লিবা দিজিতেল ইনফ্রাস্ত্রকচর, ফিন্তেক দিজিতেল ইনক্লুজন, মালেমগী খ্বাইদগী চাওবা বেঙ্কিং ইনক্লুজন, মালেমগী খ্বাইদগী চাওবা অমাংশঙ শাবগী ইহৌ, য়ুমথোং খুদিংদা তোতী ঈশিং পীনবা খ্বাইদগী চাওবা ইহৌ, মালেমগী খ্বাইদগী চাওবা হেল্থ ইন্সুরেন্স স্কিম অমসুং হৌজিক লৈরিবা ভারতকী ৱাখল্লোনগী খুদম ওইনা, সোলুসনগীদমক এক্সপরিমেন্ত তৌবদা অকিবা লৈতবা অমসুং অচৌবা প্রোজেক্ত মশিং য়াম্না পাইখৎপদা অকিবা লৈতবা ওইরিবা মালেমগী খ্বাইদগী চাওবা ভেক্সিনেসন দ্রাইবকী মতাংদসু পনখি। মসিগী প্রোজেক্তশিং অসিনা অসাম অমসুং অৱাং নোংপোক লমদমদা কান্নবা পীরি।
প্রধান মন্ত্রীনা অনৌবা খুদোংচাবশিং শেমগৎলিবা অনৌবা তেক্নোলোজীশিংগী মতাংদা পনখি। মহৈরোইশিং ভর্চ্যুল ওইনা মপুংফানা শরুক য়াহনবা য়াগদবা অমসুং ফেকল্তীনা মালেমগী য়ুনিভর্সিতী অমহেক্তদগী ওইবা য়াবা তুংদা ওইথোরকপা য়াবা য়ুনিভর্সিতীশিংগী মতাংদা পল্লদুনা প্রধান মন্ত্রীনা মসিগুম্বা অহোংবশিংগী রিগুলেতরী ফ্রেমৱার্ক অমা মথৌ তাই হায়না ফোঙদোকখি। মহাক্না ন্যু এজুকেসন পোলিসী অসি মাইকৈ অশোমদা চংশিল্লিবা অমনি হায়না পনখি। মসিগী পোলিসী অসিনা তেক্নোলোজী খ্বাইদগী চাওনা শিজিন্নবা, মল্তী দিসিপ্লিনরী এজুকেসন অমসুং ফ্লেক্সিবিলিতীদা পুক্নিং থৌগৎলি। এন.ই.পি.না ঐখোয়গী এজুকেসন সিস্তেমদা দেতা অমসুং দেতা এনালাইতিক্স শেম্বদা অহেনবা মীৎয়েং চংলি।
প্রধান মন্ত্রীনা তেজপুর য়ুনিভর্সিতীগী মহৈরোইশিংদা মসিগী পান্দমশিং অসি ফংহনবদা মতেং পাংনবা ফোঙদোকখি। মহাক্না হায় মখোয়না লাইরিক তম্বা লোইরবা মতুংদা মখোয়না মখোয়গী তুংগী পুন্সিগী খক্তা নত্তনা লৈবাক অসিগী তুংগী ফীভমগীসু থবক তৌরিবনি হায়না ফোঙদোকখি। মহাক্না মখোয়গী পুন্সিবু মাইকৈ অমদা পুখিদবা ৱাখল্লোনশিংদগী ঙাকথোক্নবা মখোয়গী ৱাখল্লোনশিং ৱাংনা থম্নবা পাউতাক পীখি। মহাক্না হায় লাক্কদবা চহি ২৫-২৬ অসি মখোয়গা লোইননা লৈবাক অসিগী য়াম্না মরুওইবনি অমসুং মহৈরোইশিংনা লৈবাক অসি অনৌবা থাক অমদা পুখৎলগনি হায়বা মহাক্কী থাজবা অদু ফোঙদোকখি।
