Share
 
Comments
ভারতকী চাউখৎপগী ৱারী অসি সাইন্স অমসুং তেক্নোলোজীগী লমদা মসিগী মাই পাকপশিংগী মখা পোল্লিঃ প্রধান মন্ত্রী মোদী
ঐখোয়না ‘ইজ ওফ দোইং সাইন্স’ ফংহন্নবা মখা তানা শাফু পীরি অমসুং রেদ তেপ হন্থহন্নবা কান্নবা মওংদা ইনফোর্মেসন তেক্নোলোজীশিং শিজিন্নরিঃ প্রধান মন্ত্রী
ঐখোয়না ভারত অসি মালেমগী থাক্তা শেমগৎনবা, ২০২৪দা য়ু.এস. দোলর বিলিয়ন ১০০গী বাইও-মেন্যুফেকচরিং হব ওইহন্নবা পান্দম থম্লিঃ প্রধান মন্ত্রী

প্রধান মন্ত্রী শ্রী নরেন্দ্র মোদীনা ঙসি বেঙ্গলুরুগী য়ুনিভর্সিতী ওফ এগ্রিকলচরেল সাইন্সেস্তা ১০৭ শুবা ইন্দিয়ন সাইন্স কংগ্রেস (আই.এস.সি.) হৌদোকখ্রে।

হৌদোক ৱারোল পীরদুনা প্রধান মন্ত্রীনা হায়খি, “ভারতকী চাউখৎপগী ৱারী অসি সাইন্স অমসুং তেক্নোলোজী সেক্তরদা মসিগী এচিবমেন্তশিংগী মখা পোল্লি। ভারতকী সাইন্স, তেক্নোলোজী অমসুং ইনোভেসনগী লেন্দস্কেপ অসি অওনবা পুরকপা মথৌ তাই।”

“লৈবাক অসিদা ময়োল চোংখৎলক্লিবা নহা ওইরিবা সাইন্তিস্তশিংগীদমক ঐহাক্কী মোতোদি– ইনোভেত, পেতেন্ত, প্রদুস অমসুং প্রোসপর”নি। তাঙ্কক মরি অসিনা ভারতপু খোংজেল য়াংনা চাউখৎপা অমগী মায়কৈদা পুরগনি হায়না মহাক্না হায়খি। মহাক্না মখা তাখি, “মীয়ামগীদমক অমসুং মীয়াম্না ইনোভেসন তৌবা অসি ঐখোয়গী অনৌবা ভারতকী মায়কৈনি”।

মহাক্না হায়খি, “অনৌবা ভারতনা তেক্নোলোজী অমসুং লোজিকেল তেম্পরামেন্ত অমসু দরকার ওই, মদুনা মরম ওইরগা ঐখোয়না ঐখোয়গী সমাজ অমসুং ইকোনোমিক সেক্তরদা অনৌবা মায়কৈ অমা পীবা ঙমগনি।” মহাক্না হায়খি মদুদি সাইন্স অমসুং তেক্নোলোজীনা থাক অমা পীদুনা মীপুম খুদিংমক্কীদমক খুদোংচাবা পীরি অমসুং মসিনা সমাজপু পুনশিলহন্নবা থৌদাং অমসু লৌরি।

প্রধান মন্ত্রীনা হায়খি, “হৌজিক ইনফোর্মেশন অমসুং কমুনিকেসন তেক্নোলোজীদা দিবেলপ তৌরকপনা অহোংবা মমলদা স্মার্ত ফোনশিং অমসুং দাতা পীবা ঙমহল্লে মদুনা লৈবাক অসিদা লৈরিবা মীপুম খুদিংমক্তা মদু শিজিন্নবা ঙমহল্লে, চহী খরগী মমাদদি মসি অখন্নবা মীওই খরা খক্তনা শিজিন্নরম্মি। মীচম প্রজানা হৌজিক্তি মসি থাজবা থম্বা হৌরক্লে মদুদি মখোয় সরকারদগী তোঙান্না তাদে। হৌজিক্তি মহাক্না সরকারগা লোয়ননা অপনবা য়াওদনা কনেক্ত তৌবা ঙম্লে অমসুং মহাক্কী খোংজেল অদু সরকার ফাওবা য়ৌহনবা ঙম্লে।”

প্রধান মন্ত্রীনা নহা ওইরিবা সাইন্তিস্তশিংবু মমল হোংবা অমসুং হেন্না ফবা ইনোভেসনগীদমক খুদোংচাবা কয়া লৈরিবা রুরেল দিবেলপমেন্তকী লমদা থবক তৌনবা অকনবা ৱাফম থমখি।

১০৭শুবা আই.এস.সি.গী থিম “সাইন্স এন্দ তেক্নোলোজী : রুরেল দিবেলপমেন্ত”গী মতাংদা প্রধান মন্ত্রীনা হায়খি মদুদি সাইন্স অমসুং তেক্নোলোজী খক্তনা মরম ওইরগা দরকার ওইরবশিংদা সরকারগী প্রোগ্রমশিং য়ৌহনবা ঙম্লি।

মহাক্না ফোংদোকখি মদুদি ভারত অসি হৌজিক পীর–রিভ্যুদ সাইন্স এন্দ ইঞ্জিনীয়রিং পব্লিকেসন্সকী মশিংদা মালেমগী ৩শুবা থাক্তা লৈরে। মসিনা মালেমগী চাংচৎ চাদা ৪গা য়েংনরুবদা চাদা ১০গী চাং অমদসু হেঙ্গৎলক্লি।

ইনোভেসন ইন্দেক্সতা ভারতকী রেঙ্কিং ৫২ লৈদুনা ফিভম ফগৎলক্লি হায়নসু মহাক্না ফোংদোকখি। সরকারগী প্রোগ্রামশিং হৌখিবা চহী মঙাদা অহেনবা ইনক্যুবেতরশিং শেমগৎখিবা অসি হৌখিবা চহী ৫০দা ওইখিদ্রি হায়না মহাক্না ফোংদোকখি।

প্রধান মন্ত্রীনা হায়খি মদুদি অফবা গবর্নান্সকী পান্দম অদু ফংনবগীদমক্তা য়াম্না চাউনা তেক্নোলোজী শজিন্নরি। মহাক্না হায়খি, “ঙরাং ঐখোয়গী সরকারনা পি.এম. কিসান প্রোগ্রামগী মখাদা বেনেফিসরী কোতি ৬তা ইন্সতোলমেন্ত রিলিজ তৌখ্রে। মসি শুপ্নতংগী আধার ইনেবল তেক্নোলোজীনা মরম ওইদুনা ওইথোকপা ঙমখি।” মদুগা মান্ননা মহাক্না হায়খি মদুদি তোইলেৎ শাবা অমসুং লাইরবশিংদা ইলেক্ত্রিসিতী ফংহনবদা মতেং পাংলিবা অসি তেক্নোলোজীনি। জিও তেগ্গিং অমসুং দাতা সাইন্সকী তেক্নোলোজীনা মরম ওইরগা খুঙ্গং অমসুং সহরগী লমদমশিংগী প্রোজেক্ত কয়া অমা মতম চানা লোইশিনখি।

মহাক্না অকনবা ৱাফম থমদুনা হায়খি মদুদি দিজিতেলাইজেসন, ই কমর্স, ইন্তরনেত বেঙ্কিং অমসুং মোবাইল বেঙ্কিং সর্বিসশিংনা খুঙ্গংগী মীওইশিংবু ইফেক্তিব ওইনা মতেং পাংলি।

মহাক্না ময়ামগী মফমদা চরুখোক মৈ থাবা, গ্রাউন্দ ৱাতর তেবলগী মেন্তিনেন্স, লৌনগনবা লৈনাশিংদগী ঙাকথোকপা, এনভাইরনমেন্ত ফ্রেন্দলী ত্রান্সপোর্তেসন অসিনচিংবশিংগীদমক তেক্নোলোজীগী ওইবা পাম্বৈ পুথোক্নবা তকশিনখি। ভারতপু দোলর ত্রিলিয়ন ৫গী ইকোনোমী অমা ওইহনবদা সাইন্স অমসুং তেক্নোলোজীগী অচৌবা থৌদাং অমা লৈরি হায়না মহাক্না অকনবা ৱাফম থমখি।    

থৌরম অদুদা প্রধান মন্ত্রী মোদীনা আই.-এস.তি.ই.এম. পোর্তেলসু হৌদোকখি।

 

 

 

 

 

 

 

 

 

 

 

Click here to read full text speech

Explore More
পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল

Popular Speeches

পি.এম.না ৭৬শুবা নীংতম নুমিৎকী থৌরমদা লাল কিলাগী লানবন্দগী জাতি মীয়ামদা থমখিবা ৱারোল
Kisan Rail has transported 7.9 lakh tonne perishables since launch: Minister Vaishnaw

Media Coverage

Kisan Rail has transported 7.9 lakh tonne perishables since launch: Minister Vaishnaw
...

Nm on the go

Always be the first to hear from the PM. Get the App Now!
...
PM shares Lopoli Melo's article 'A day in the Parliament and PMO'
February 09, 2023
Share
 
Comments

The Prime Minister, Shri Narendra Modi has shared an article titled 'A day in the Parliament and PMO'

by Lopoli Melo from Arunachal Pradesh. Shri Modi has also lauded Lok Sabha Speaker Shri Om Birla for taking such an initiative which gave him the opportunity to meet bright youngsters.

In a tweet, the Prime Minister said;

"You will enjoy reading this very personal account of Lopoli Melo from Arunachal Pradesh. I would like to laud Speaker Om Birla Ji for taking the lead for such an initiative which also gave me the opportunity to meet bright youngsters."