প্রধান মন্ত্রীনা রাঞ্চীদা আয়ুশ্মান ভারতকী বেনেফিসরীশিংগা উনদুনা ৱারী শানখ্রে

প্রধান মন্ত্রী শ্রী নরেন্দ্র মোদী ২০১৯গী ফেব্রুৱরী ১৭তা ঝার্খন্দগী রাঞ্চীদা চৎখ্রে। মহাক্না আয়ুশ্মান ভারত য়োজনাগী খনগৎলবা বেনেফিসরীশিংগা উনদুনা ৱারী শানখ্রে। থৌরম অদুদা ঝার্খন্দগী রাজ্যপাল দ্রৌপদী মুর্মু অমসুং ঝার্খন্দগী মুখ্য মন্ত্রী শ্রী রঘুবর দাসসু শরুক য়াখি।

ঙসি অঙনবদা ঝার্খন্দগী হজারিবাগতা প্রধান মন্ত্রীনা হায়খি মদুদি, লমদম অসি আয়ুশ্মান ভারত য়োজনা হৌদোকখিবগী শাখি ওইরিবা ঝার্খন্দগী অদুগুম্লবা লমদম অদুনি মদুনা ঝার্খন্দগী মীওই লিশিং কয়া য়াওনা ভারতকী মফম কয়াদা লৈরিবা মীওই লাখ কয়াদা কানবা ফংহনখ্রে। প্রধান মন্ত্রী শ্রী নরেন্দ্র মোদীনা ২০১৮গী সেপ্তেম্বর ২৩দা রাঞ্চীদগী প্রধান মন্ত্রী জন অরোগ্যা য়োজনা- আয়ুশ্মান ভারত হৌদোকখি অমসুং মসিবু “লাইরবশিংবু মতেং পাংনবা গেম-চেঞ্জর ইনিসিয়েতিব” অমা ওইনা ফোংদোকখি।

প্রধান মন্ত্রী জন অরোগ্য য়োজনানা লাইরবা অমসুং শোত্থহৌরবা কাংলুপশিংদা শেলগী পোৎলুম হন্থহন্দুনা ক্বালিতী হেল্থ সর্বিস শোয়দনা ফংহন্নবা পান্দম থম্লি। স্কিম অসিনা চহী খুদিংগী ইমুং অমমমদা লুপা লাখ ৫গী হেল্থ এসুরেন্স পীরি, অমদি মালেমগী খ্বাইদগী চাউবা হেল্থ এসুরেন্স স্কিম ওইরি। স্কিম অসিগী বেনেফিসরীগী মশিং অসি য়ুরোপিয়ন য়ুনিয়নগী মীশিং নত্ত্রগা অমেরিকা, কানাদা অমসুং মেক্সিকো অপুনবগী মীশিংগা চাংচৎতা মান্নরি।