প্রধান মন্ত্রী শ্রী নরেন্দ্র মোদীনা কোবিদকা মরী লৈননা ওইহল্লিবা ফীভম অসি খন্ননবা ভিদিও কনফরেন্সিংগী থোংদা ঙসি লৈবাক অসিগী দোক্তরশিংগী কাংলুপ অমগা ৱারী শাখ্রে।
কোবিদকী অনিশুবা ৱেবকী অমুক্তা ওইখিদ্রিবা ফীভমশিং অসিগী মায়োক্তা মেদিকেলগী লমদা লৈরিবা অমসুং পেরামেদিকেল স্তাফ পুম্নমক্না শীংথংনীংঙাই ওইনা লান্থেংনরিবা অসিগীদমক প্রধান মন্ত্রীনা মখোয়বু থাগৎপা ফোঙদোকখ্রে অমদি লৈবাক পুম্বনা মখোয়গী লমন তোনশিল্লে হায়না ফোঙদোকখ্রে। মহাক্না হায় তেস্ত তৌবা ওইরবসু, হীদাক-লাংথকশিং সপ্লাই তৌবা নত্ত্রগা অতেনবা মতমগী মনুংদা অনৌবা ইনফ্রাস্ত্রকচর শেমগৎপা ওইরবসু পুম্নমক অসি খোঙজেল য়াংনা চত্থরি। ওক্সিজেন পুথোকপা অমসুং সপ্লাই তৌবগী শীংনবশিং কোকহল্লি। এম.বি.বি.এস. মহৈরোইশিং কোবিদ লায়েংদা শিজিন্নবা অমসুং আশাশিং অমসুং অঙ্গনৱাদী ৱার্করশিং খুঙ্গংগী মফমশিংদা শিজিন্নবা য়াওনা লৈবাক অসিনা হ্যুমেন রিসোর্সশিং হেনগৎহন্নবা লৌখৎখিবা খোঙথাংশিং অসিনা হেল্থ সিস্তেমদা অহেনবা মতেং পীখি।
প্রধান মন্ত্রীনা হায় ফ্রন্ত লাইন ৱারিয়রশিংগী বেক্সিনেসন প্রোগ্রাম হৌখিবগী লালোং অসিনা অনিশুবা ৱেব অসিদা চাউনা কান্নবা ফংহনখি। লৈবাক অসিগী হকশেলগী লমদা লৈরিবশিংগী চাদা ৯০রোমদি অহানবা দোজ কাপখ্রে। বেক্সিনশিংনা অয়াম্বা দোক্তরশিং শাফনা লৈহনবা ঙমখি।
প্রধান মন্ত্রীনা মখোয়গী নুংতিগী মথৌশিংদা ওক্সিজেন ওদিৎ তৌবা য়াওহন্নবা অপাম্বা ফোঙদোকখি। মশিং য়াম্লবা অনাবা মীওইশিংনা ‘হোম আইসোলেসন’দা লৈদুনা লায়েং চত্থবনা মরম ওইরগা মহাক্না দোক্তরশিংদা অনাবা খুদিংমক্কী য়ুমদা কিয়র পীবদা এস.ও.পি. ঙাক্না চৎনবসু হায়খ্রে। মহাক্না হায় হোম আইসোলেসন্দা লৈরিবা অনাবশিংগী ওইনদি তেলিমেদিসিন্না অচৌবা থৌদাং অমা লৌখি অমসুং সর্ভিস অসি খুঙ্গংগী মফমশিংদসু ফংহনবা মথৌ তাই। মহাক্না তীমশিং শেমদুনা খুঙ্গংশিংদা তেলিমেদিসিন সর্ভিস পীরিবা দোক্তরশিংবু থাগৎখ্রে। মহাক্না রাজ্যশিংদা লৈরিবা দোক্তরশিংদা অসিগুম্বা মান্নবা তীমশিং শেমদুনা ফাইনেল ইয়র এম.বি.বি.এস. মহৈরোইশিং অমসুং এম.বি.বি.এস. ইনতর্নশিংবু ত্রেন তৌদুনা লৈবাক অসিগী তহসীল অমসুং জিলা পুম্নমক্তা তেলিমেদিসিন সর্ভিস ফংহন্নবা হোৎনসি হায়না অপীল তৌখ্রে।
প্রধান মন্ত্রীনা ম্যুকোর্মাইকোসিসকী শীংনবা অসিগী মতাংদসু খন্নখ্রে অমসুং মহাক্না হায় দোক্তরশিংনা এক্তিব ওইনা থবক পাইখৎনবা অমসুং মসিগী মতাংদা এৱের্নেস পীনবা হেন্না হোৎনবা মথৌ তাগনি। মহাক্না ফিজিকেল কিয়রগী মরু ওইবা অসিগা লোইননা সাইকোলোজিকেল কিয়রসু মরু ওইবগী মতাংদা মখা তানা ফোঙদোকখ্রে। মহাক্না হায় ভাইরস অসিগী মায়োক্তা মতম শাংনা লেপ্পা লৈতনা লান্থেংনরিবা অসি মেদিকেলগী লমদা লৈরিবা ইচিল-ইনাওশিংগী ওইনা মেন্তেলী শীংনবা ওইরমগনি অদুবু প্রজাশিংগী থাজবগী শক্তিনা লান্থেং অসিদা মখোয়গীদমক লেপ্পী।
ৱারী-ৱাতাই শারিঙৈ মনুংদা দোক্তরশিংনা হন্দক কেসশিং ৱাংখৎলকপা অসিদা প্রধান মন্ত্রীনা লমজিং লমতাকপীবা অমদি মহাক্না লুচিংখিবা অসিগীদমক থাগৎপা ফোঙদোকখ্রে। দোক্তরশিংনা প্রধান মন্ত্রীনা বেক্সিনেসন তৌনবা হেল্থ কিয়র ৱার্করশিং প্রাইওরিতাইজ তৌখিবগীদমক মহাকপু থাগৎখ্রে। মহাক্না প্রধান মন্ত্রীনা কোবিদকী অহানবা ৱেব অসিগী হৌনা মখোয়না শেম-শাখিবা অমদি মখোয়না অনিশুবা ৱেব অসিদা মায়োক্নখিবা শীংনবশিংগী মতাংদা পাউদমখ্রে। দোক্তরশিংনা মখোয়গী এক্সপরিয়েন্সশিং, খ্বাইদগী ফবা খোঙথাংশিং অমসুং নৌনা হোৎনরিবশিংগী মতাংদা ফোঙদোকখ্রে। মখোয়না কোবিদকী মায়োক্তা লান্থেংনবা অসিদা নন-কোবিদ অনাবশিং নীংথিনা কিয়র তৌনবা অঙম্বা খুদিংমক হোৎনরি হায়না পাউদমখ্রে। মখোয়না হীদাক-লাংথকশিং নিয়ম লান্না শিজিন্নবা য়াওনা অনাবশিং সেন্সিতাইজ তৌবা য়াওনা মীয়ামদা এৱের্নেস পীবা হেনগৎলিবা অসিগী মতাংদা অৱা-নুংঙাইসু পাউদমখ্রে।
মীফম অসিদা মেম্বর (হেল্থ) নিতি আয়োগ, হেল্থ সেক্রেতরী, ফার্মাকোতিকেল সেক্রেতরী অমসুং পি.এম.ও., মন্ত্রালয়শিং অমসুং কেন্দ্র সরকারগী বিভাগশিংগী অতৈ ওফিসরশিংনা শরুক য়াখ্রে।
