প্রধান মন্ত্রী, শ্রী নরেন্দ্র মোদীনা রিসর্চবু মীওইবগী থৱাইগুম্না ইতর্নেল ইন্তর্প্রাইস অমনি হায়না হায়খ্রে। মহাক্না হায়খি সরকার অসিনা ক্রোস-য়ুতিলাইজেসন অমসুং ইন্নোবেসনগী ইন্সতিত্যুস্নেলাইজেসন তৌনবা পান্দম অনিগী মাইকৈদা থবক পাইখৎলি। প্রধান মন্ত্রীনা নেস্নেল মেত্রোলোজী কনক্লেব ২০২১দা ৱা ঙাংখি মসিদা মহাক্না ভিদিও কনফরেন্সকী খুত্থাংদা ঙসি নেস্নেল এতোমিক তাইমস্কেল অমসুং ভারতিয়া নির্দেশক দ্রব্য জাতিদা কত্থোকখ্রে অমসুং নেস্নেল এনভাইর্নমেন্তেল স্তেন্দর্দস লেবোরেতোরীগী উরেপ-উয়ুং তমখ্রে।
প্রধান মন্ত্রীনা তোঙান তোঙানবা নোলেদজ সেক্তরশুংদা রিসর্চকী থৌদাংগী মাংদা কুপ্না খন্নখি। মহাক্না হায়খি চাউখৎলক্লিবা খুন্নাই অমদা রিসর্চ অসি মহৌশাগী ওইবা হৈনবী অমনা নত্তে অদুবু মসি মহৌশাগী প্রোসেস অমসু ওইরি। মহাক্না হায় রিসর্চকী শাফু অসি কম্মর্সিএল নত্ত্রগা সোসিএল ওইবা য়াই অমসুং রিসর্চনা ঐখোয়গী লৌশিং অমসুং খঙবা ঙম্বা অসি হেনগৎহনবদা মতেং পাংবসু য়াগনি। মাগী য়াথোক্লবা অরোইবা পান্দম অদুগী হেনদক্তুনা তুংগী মাইকৈ অমসুং শীজিন্নবা অসি লেপথোকপা ওইথোক্তে। ঐখোয়না খঙবা ঙমদবা অসি রিসর্চনা লৌশিংগী অনৌবা লৈমাই অমদা পুগনি অমসুং মসি অরেম্বদা কৈদৌনুংদা মাংলোই হায়বা অসি খক্তনি। প্রধান মন্ত্রীনা ফাদর ওফ জেনেতিক্স হায়না খঙনরিবা মেন্দেল অমসুং নিকোলস তেস্লাগী খুদমশিং পীখি, মখোয়না তৌরমখিবা থবক্কী মতিক ময়াই অসি কোন্না শক খঙখি।
অয়াম্বা মতমদা রিসর্চনা মাগী খুদক্কী ওইবা পান্দম ফংবা ঙমদবা য়াই অদুবু চপ মান্নবা রিসর্চ অদুনা অতোপ্পা সেক্তর অমদা অনৌবা লম্বী ওইবসু য়াই। প্রধান মন্ত্রীনা ৱাফম অসিগী মতাংদা জগদিশ চন্দ্র মোসকী খুদম অদু পীখি, মহাক্কী মাইক্রোৱেফ থিয়োরী অসি কম্মর্সিএল ওইবা ঙমখিদে অদুবু ঙসিদি রেদিও কম্ম্যুনিকেসন সিস্তেম পুম্নমক মসিদা য়ুম্ফম ওইরি। মহাক্না মালেমগী লাঞ্জাওগী মতমদা পাঙথোকখিবা রিসর্চশিংনা কোন্না থংদা তোঙান তোঙানবা সেক্তরশিংদা কান্নরকপগী মতাংদা খুদমশিংসু পীখি। খুদম ওইনা দ্রোনশিং অসি লানগীদমক্তা শাখি অদুবু ঙসিদি মসি ফোতোশোৎশিং অমসুং দেলিবরীশিং তৌবদা ওইনা শিজিন্নরি। মরম অসিনা ঐখোয়গী সাইন্তিস্তশিং মরু ওইনা নহা ওইরিবা সাইন্তিস্তশিংনা ক্রোস ফর্তিলাইজেসনগী ওইথোকপশিংগী মাংদা রিসর্চ তৌদুনা থিদোক্কদবনি। মখোয়গী রিসর্চ অদু মখোয়গী লমগী মপালদা পুথোক্তুনা শিজিন্নবগী ওইথোকপা অদুসু মখোয়না পুথোক্কদবনি।
প্রধান মন্ত্রীনা ইলেক্ত্রিসিতীবু খুদম ওইনা পীদুনা অপীকপা রিসর্চ অমনা মালেমদা করম্না অহোংবা পুরকপগে হায়না উৎখি। ত্রান্সপোর্তেসন, কম্ম্যুনিকেসন, ইন্দস্ত্রী নত্ত্রগা নুংতিগী পুন্সিদবু ওইরবসু ঙসিদি পুম্নমক ইলেক্ত্রিসিতীনা চল্লাইরি। মসিগা মান্ননা সেমি-কন্দক্তরগুম্বা ইনবেন্সন অসিনা দিজিতেল রিভোলুসনগা লোইননা ঐখোয়গী পুন্সি চাউখৎহনখি। অসিগুম্বা ওইথোকপা য়াবশিং অসি ঐখোয়গী নহা ওইরিবা রিসর্চরশিংগী মাংদা লৈরি, মখোয়গী রিসর্চ অমসুং ইনবেন্সনশিংগা লোইননা মখোয়না পুমতোপ-তোপ্পা তুংলমচৎ অমগী লম্বী অমা য়াৎপা ঙম্লগনি হায়না প্রধান মন্ত্রীনা ফোঙদোকখি।
প্রধান মন্ত্রীনা ফ্যুচর-রেদী ইকো-সিস্তেম অমা শেম্নবা হোৎনরিবশিং অদু ফোঙদোকখি। ভারতনা গ্লোবেল ইন্নোবেসন রেঙ্কিংদা মকোক থোংবা ৫০দা য়ৌবা ঙমখ্রে, ভারতনা সাইন্স অমসুং ইঞ্জিনীয়রিং পব্লিকেসনশিংগী পীয়র রিভ্যুদা ৩শুবা রেঙ্কতা লৈ মসিনা বেসিক রিসর্চতা মরু ওইবা মীৎয়েং থম্মি তাক্লি। ইন্দস্ত্রী অমসুং ইন্সতিত্যুসনশিংগী মরক্তা চুংশিন্নরিবা অসিগী মপাঙ্গল কনখৎহনখ্রে। মালেমগী অচৌবা কম্পনী পুম্নমক্না মখোয়গী রিসর্চ ফেসিলিতীশিং ভারত্তা লিংখৎখ্রে। হৌখিবা চহি খরা অসিদা অসিগুম্বা ফেসিলিতীশিংগী মশিং অসি চাউনা হেনগৎখি।
প্রধান মন্ত্রীনা হায়খি ভারতকী নহাশিংগী ওইনা রিসর্চ অমসুং ইন্নোবেসনগী ওইথোকপশিং লোইবা নাইদে। মরম অসিনা ইন্নোবেসন মশা অসিগুম্না ইন্নোবেসন ইন্সতিত্যুস্নেলাইজেসন তৌবা অসিসু চপ মান্ননা মরু ওই। ঐখোয়গী নহাশিংনা ইন্তেলেকচ্যুএল প্রোপর্তী করম্না ঙাক শেনগনি হায়বা খঙবা তাই। ঐখোয়না নীংশিংগদবদি ঐখোয়গী পেতেন্তশিং লৈবা হেল্লিবা মখৈ মখোয়গী শিজিন্নফম হেল্লক্কনি। ঐখোয়গী রিসর্চকী মপাঙ্গল কনবা অমদি মাংজিল থারিবা সেক্তরশিংদা ঐখোয়বু মশক খঙবা হেনগনু। মসিনা মপাঙ্গল লৈবা ব্রান্দ ইন্দিয়া অমা ওইহনবা ঙমগনি হায়না প্রধান মন্ত্রীনা ফোঙদোকখি।
সাইন্তিস্তশিংবু কর্মা য়োগী হায়না কৌদুনা প্রধান মন্ত্রীনা মখোয়না লেবতা লাইনিংবা অমগুম্না হোৎনরিবশিং অসিবু থাগৎখি অমদি মহাক্না হায়খি মখোয় অসি ভারত মচা করোর ১৩০গী আশা অমসুং থাজবগী লম্বী ওইরি হায়না থাগৎখি।
Research, like the human soul, is eternal!
— Narendra Modi (@narendramodi) January 4, 2021
We are working towards two objectives:
Cross-utilisation of research.
Institutionalising innovation.
The advantages of doing so are many. pic.twitter.com/dVBx9Mp4km
Announces ex-gratia from PMNRF
