প্রধান মন্ত্রী শ্রী নরেন্দ্র মোদীনা ঙসি জপানগী প্রধান মন্ত্রী হিজ এক্সিলেন্সী সুগা য়োশিহিদেগা ফোন্দা ৱারী শানখি।
প্রধান মন্ত্রীনা প্রধান মন্ত্রী সুগাবু জপানগী প্রধান মন্ত্রী ওইনা খল্লকপদা হরাউবা ফোংদোকখি অমসুং মহাক্কী পান্দম ফংবা ওইরসনু হায়না য়াইফ-মঙ্গোল পীখি।
লুচিংবা অনীনা ভারত-জপান স্পিসিএল স্ত্রেতেজিক অমসুং গ্লোবেল পার্তনর্শিপনা হৌখিবা চহী খরসিদা অদুক্কী মতীক খুমাং চাউশিলহল্লে হায়না য়ানখি অমসুং মরী অসিবু তুংদা নাকল অনীমক্কী থাজবা অমসুং মগুনশিং লান্নদুনা হেন্না ফগৎহন্নিংবগী অপাম্বা ফোংদোক্নখি।
লুচিংবা অনীনা লৈবাক অনীগী মরক্তা লৈনরিবা মরী অসি কোবিদ-১৯ য়াওনা হৌজিক ওইরিবা মালেমগী শিংনবশিং অসিদা হেন্না চুশিন্নহল্লি হায়না য়ানখি। মখোয়না ফ্রী, ওপন অমসুং ইনক্লুসিব ওইবা ইন্দো-পেসিফিক লমদম অমগী শেন্মিৎলোনগী আর্কিতেকচর অমা মতীক চাবা সপ্লাই চেন অমা শাগৎনবা অমসুং মসিগা মরী লৈননা, অতোপ্পা ৱাখল মান্নবা লৈবাকশিংগা লোইননা ভারত অমসুং জপানগী মরক্তা মতেং পাংনবদা তরাম্না ওকমিন্নবদা লুম্না লৌনখি।
লুচিংবা অনীনা লৈবাক অনীগী মরক্তা লৈরিবা শেন্মিৎলোনগী মরী অসিদা থাগৎপা ফোংদোক্নখি অমসুং মসিগা মরী লৈননা স্কিল্দ ৱার্করশিংগা মরী লৈননা য়ান-চেরোল অমগী অইবা ওইনা ৱারোইশিন পুরকপদা তরাম্না ওক্নখি।
প্রধান মন্ত্রীনা প্রধান মন্ত্রী সুগাবু কোবিদ-১৯ লাইচৎকী ফিবম অসি খরা শাফরকপগা চহীগী লৈবাক অনীগী মীফমগীদমক ভারত্তা লেংবীরক্নবা ফোংদোকখি।
