সেপ্তেম্বর ৯,২০২৩ দা নিউ দিল্লিদা জি-২০ মীফমগী নাকলদা, প্রধান মন্ত্রী শ্রী নরেন্দ্র মোদী অমসুং য়ু.এস.এগী রাস্ত্রপতি জো বাইদেন্না কো-চিয়ার ওইদুনা পার্তনরশিপ ফোর গ্লোবেল ইনফ্রাস্ত্রকচর এন্দ ইনভেস্তমেন্ত(পিজিআইআই) অমসুং ইন্দিয়া-মিদল ইস্ত-য়ুরোপ ইকোনোমিক কোরিদোর(ইএমইসি)গী অখন্নবা থৌরম অমা পাংথোকখ্রে।
ভারত, মিদল ইস্ত অমসুং য়ুরোপকী মরক্তা তোঙান-তোঙানবা মখলগী চৎথোক-চৎশিনগী থবকশিং মপাঙ্গল কনখৎহন্নবা অমসুং ইনফ্রাস্ত্রকচর চাউখৎহন্নবা শেন থাদবা হেনগৎহন্নবা থৌরম অসিনা পান্দম থম্লি।
থৌরম অদুদা য়ুরোপিয়ন য়ুনিয়ন, ফ্রান্স, জর্মনি, ইতালি, মাউরিসিয়স, য়ু.এ.ই অমসুং সাউদি অরাবিয়া অমসুং ৱার্ল্দ বেঙ্কগী লুচিংবশিং শরুক য়াখি।
চাউখৎলক্লিবা লৈবাকশিংগী ইনফ্রাস্ত্রকচরগী অৱাৎপশিং মেনখৎনবা অমসুং মালেমগী ওইনা এস.দি.জিশিংদা খুমাঙচাউশিনবদা মতেং পাংনবা চাউখৎ-থৌরাংগী থবক অমা ওইনা পি.জি.আই.আইনা পান্দম থম্লি।
আই.এম.ই.সি অসি ভারত অমসুং গল্ফ লমদম শম্নবা ইস্তর্ন কোরিদোর অমা য়াওরি অমসুং নোর্থন কোরিদোরনা গল্ফ লমদম অমসুং য়ুরোপ শম্নহল্লি। মসিদা রেলৱে অমসুং সিপ-রেল ত্রান্সিৎ নেতৱার্ক অমসুং লম্বীশিং য়াওরি।
মহাক্কী ৱারোলদা ফিজিকেল, দিজিতেল অমসুং ফাইনান্সিএল কন্নেক্তিবিগী মরুওইবশিংগী মতাংদা প্রধান মন্ত্রীনা ফোঙদোকখি। মহাক্না হায়খি ভারত অমসুং য়ুরোপকী শেন-থুমগী থবক চাউখৎহনবদা আই.এম.ই.সিনা মতেং পাংগনি।
আই.এম.ই.সিগী এম.ও.য়ু অমা ভারত, য়ু.এস.এ, সাউদি অরাবিয়া, য়ু.এ.ই, য়ুরোপিয়ান য়ুনিয়ন, ইতালি, ফ্রান্স অমসুং জর্মনিনা খুৎয়েক পীনখ্রে।
