Share
 
Comments

২০১৯গী নবেম্বর ১৩দা ১১শুবা ব্রিক্স মীফমগী নাকলদা প্রধান মন্ত্রী নরেন্দ্র মোদীনা রুসিয়াগী প্রসিদেন্ত ব্লাদিমির পুতিনগা উনখ্রে। চহি অসিদা লুচিংবা অনি উনবা হন্দক্কী অসিনা মরিরক শুবনি।

উনবা অদুদা লুচিংবা অনিনা প্রধান মন্ত্রীগী ব্লাদিসভোস্তোক খোঙচৎতগী হৌজিক ফাওবদা লৈরিবা নাকল অনিগী মরীগী ফিবম অমুক হন্না য়েংশিনখি। ঐখোয়গী দিফেন্স মিনিস্তর অমসুং প্রেত্রোলিয়ম অমসুং নেচরেল গ্যাস মিনিস্তরগী রুসিয়া খোঙচৎ মাইপাকপগী মতাংদা প্রধান মন্ত্রীনা পনখি।

নাকল অনিগী ললোন-ইতিক্কী য়ু এস দোল্লর বিল্লিয়ন ২৫ পান্দম থমখিবা অদু মাংজৌননা ফংখিবা অদুদা লুচিংবা অনিনা অপেনবা ফোংদোকখি। রিজনেলগী থাক্তা ললোন-ইতিক পাংথোকপদা লৈরিবা অপনবশিং লৌথোক্নবা মথং চহিদা পাংথোক্কদৌরিবা ভারতকী রাজ্যশিং অমসুং রুসিয়াগী প্রোবিন্সশিংগী অহানবা নাকল অনিগী রিজনেল ফোরমগী মতাংদা লুচিংবা অনিনা ৱারেপ লৌখি।

থাও অমসুং নেচরেল গ্যাস পুশিল্লকপগী ওইরক্লিবা ফিবম লুচিংবা অনিনা খঙজিনখি। আর্তিক লমদমদা লৈরিবা নেচরেল গ্যাসকী খুদোংচাবশিং প্রসিদেন্তনা পাউদমখি অমসুং লমদম অদুদা শেন থাদনবা ভারত্তা খঙহনখি।

নাগপুর-সিকন্দরবাদ সেক্তর রেলৱেজ লাইনগী খোঙজেল য়াংখৎনবা শেমগৎলিবশিং লুচিংবা অনিনা অমুক হন্না য়েংশিনখি। দিফেন্স অমসুং সিবিল ন্যুক্লিয়র ইনর্জীগী লমদা মতেং পীনবা অসিদা লুচিংবা অনিনা অপেনবা ফোংদোকখি। চাউখৎত্রিবা লৈবাকশিংদা সিবিল ন্যুক্লিয়র ইনর্জীগী লমদা মতেং পীনবগী ৱাফমশিং লুচিংবা অনিনা তরাম্না ওকখি।

মালেমগী ৱাথোকশিংদা নাকল অনিগী মান্নবা মিৎয়েং লৈরিবশিং অদু লুচিংবা অনিনা খঙজিনখি অমসুং তুংদা মখা তানা কুপ্না খন্নবা হায়না য়ানখি।

মথং চহিদা পাংথোক্কদৌরিবা ভিক্তরী দে থৌরমদা শরুক য়ানবা মোস্কোদা লাক্নবা প্রসিদেন্ত পুতিন্না প্রধান মন্ত্রীদা চেবাউ পীখি অমসুং মদু প্রধান মন্ত্রীনা হরাওনা য়াখি। 

 
সেবা অমসুং সমর্পনগী চহি 20 তাক্লিবা ফোতো 20
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
What PM Gati Shakti plan means for the nation

Media Coverage

What PM Gati Shakti plan means for the nation
...

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 25 ওক্তোবর 2021
October 25, 2021
Share
 
Comments

Citizens lauded PM Modi on the launch of new health infrastructure and medical colleges.

Citizens reflect upon stories of transformation under the Modi Govt