প্রধান মন্ত্রী, শ্রী নরেন্দ্র মোদীনা মেক ইন ইন্দিয়া খোঙথাংনা চহি 10 মপুং ফারকপদা নুংঙাইবা ফোংদোকখ্রে। লৈবাক অসিবু মেন্যুফেকচরিং অমসুং ইন্নোভেসনগী পাৱরহাউস ওইহন্নবা ভারত মচা করোর 140গী অমত্তা ওইবা ৱারেপ অসিবু ‘মেক ইন ইন্দিয়া’ খোঙথাংনা মশক তাক্লি হায়না শ্রী মোদীনা হায়খি। ভারত সরকারনা ‘মেক ইন ইন্দিয়া’বু মায় পাকহন্নবা হীরম খুদিংদা হোৎনবগী ৱাফম অসিবুশু মহাক্না অমুক্কা হন্না পাউদমখি।
প্রধান মন্ত্রীনা Xতা অসুম্না থাগৎখিঃ
“ঙসিদি ঐখোয়না মেক ইন ইন্দিয়ানা চহি 10 মপুং ফারকপগী নুংঙাইবা ফোংদোক্লি। মমাংগী দিকেদতগী হৌনা ইহৌ অসিবু মায় পাকহন্নবা লেপ্তনা হোৎনদুনা লাক্লিবা মীওই খুদিংমকপু ঐহাক্না থাগৎচরি। লৈবাক অসিবু মেন্যুফেকচরিং অমসুং ইন্নোভেসনগী পাৱরহাউস ওইহন্নবা ভারত মচা করোর 140গী অমত্তা ওইবা ৱারেপ অসিবু ‘মেক ইন ইন্দিয়া’ খোঙথাংনা মশক তাক্লি। তোঙান-তোঙানবা সেক্তরশিংগী এক্সপোর্ত হেনগৎলকপা, কেপাসিতী শেমগৎখিবা অমসুং মসিনা মরম ওইরগা শেন্মিৎলোনগী মপাঙ্গল কনখৎহল্লিবা অসি পনবা য়াবা মশক থোকপা ৱাফম অমনি।
ভারত সরকারনা ‘মেক ইন ইন্দিয়া’বু মায় পাকহন্নবা হীরম খুদিংদা হোৎনরি। ভারতনা রিফোর্ম পাংথোকপগী থৌওংশিং মখা চত্থখিগনি। ঐখোয়না পুন্দুনা আত্মানির্ভর অমসুং বিক্সিত ভারত অমা শেমগনি”।
Today, we mark #10YearsOfMakeInIndia. I compliment all those who are tirelessly working to make this movement a success over the last decade. ‘Make in India’ illustrates the collective resolve of 140 crore Indians to make our nation a powerhouse of manufacturing and innovation.…
— Narendra Modi (@narendramodi) September 25, 2024
