চান্সেলর শ্রী কার্ল নহেম্মরগী চেবাওদা প্রধান মন্ত্রী শ্রী নরেন্দ্র মোদীনা ওস্ত্রিয়াদা জুলাই ৯ দগী ১০, ২০২৪ ফাওবা ওফিসিএল ওইবা খোঙচৎ অমা চৎখি। খোঙচৎ অসিগী মনুংদা, প্রধান মন্ত্রীনা হিস এক্সিলেন্সী ভান দর এল্লেন, ওস্ত্রিয়াগী রাস্ত্রপতিগা উনখি অমসুং চান্সেলর নেহাম্মরগা লোইননা লৈবাক অনিগী মতাংদা খন্ন-নৈনখি। মসিনা প্রধান মন্ত্রীগী অমসুং চহি ৪১ গী মতুংদা ভারতকী প্রধান মন্ত্রী অমগী অহানবা ওস্ত্রিয়া খোঙচৎনি। চহি অসিনা লৈবাক অনিগী মরক্তা লৈনরিবা দিপ্লোমেতিক ওইবা মরীগী চহি ৭৫শুবসু ওইরি।
প্রধান মন্ত্রী অমসুং চান্সেলরনা মান্নবা গনতন্ত্র, নীংতম্বা, অন্তর্জাতিগী শান্তি অমসুং রক্সা, য়ু.এন. চার্তরনা নুংদা লৈদুনা অন্তর্জাতিগী ওর্দরদা য়ুম্ফম ওইবা কাংলোনশিং, মান্নবা পুৱারীগী মরী অমসুং লৈবাক অনিগী মতম শাংনা লৈরক্লবা মরীনা হেন্না চাউখৎলক্লিবা মপাং ওইনবগী মরীগী ময়োল ওইরি। মখোয়না লৈবাক অনিগী, রিজনেল অমসুং ইন্তর্নেসনেলগী মপাং অসি হেন্না পাকথোক চাউথোক্নবা হোৎনদুনা হেন্না তংদু লৈতাবা, চাউখৎপা অমসুং তুং কোইনা চৎপা মালেম অমা ওইনবা মখা তানা হোৎননবা চেৎনা ফিরেপ লেপ্লি হায়বা ফোংদোক্নখি।
চান্সেলর নেহাম্মর অমসুং প্রধান মন্ত্রী মোদীনা লৈবাক অনি অসিদা মখোয়গী মপাং অসি হেন্না অৱাংবা থাক্তা থাংগৎপা য়াবগী শক্তি লৈ হায়বা ফোংদোক্নখি। মখোয়না মসিগী মান্নবা পান্দম অসিবু হেন্না খুমাং চাউশিন্নবা স্ত্রেতেজিক ওইবা খোঙথাং লৌখৎনবা য়ানখি। রাজনিতীগী থাক্তা লৈবা দাইলোগ হেন্না নকশিন্নবগী মথক্তা, মখোয়না তুংদা য়ুম্ফম ওইবা লৈবাক অনিগী শেন্মিৎলোনগী অমসুং তেক্নোলোজীগী মপাং, অনৌবা থৌরাং অমসুং অপুনবা প্রোজেক্তশিং, অপুনবা তেক্নোলোজী শেমগৎপা, রিসর্চ অমসুং ইন্নোভেসন অমসুং বিজিনেস তু বিজিনেস এঙ্গেজমেন্ত অমসুং গ্রীন অমসুং দিজিতেল তেক্নোলোজী, ইনফ্রাস্ত্রকচর, রিন্যুএবল এনর্জী, ৱাতর মেনেজমেন্ত লাইফ সাইন্স, স্মার্ত সিতী, মোবিলিতী অমসুং ত্রান্সপোর্তেসনদা মরুওইবা থমখি।
রাজনিতী অমসুং সেক্যুরিতীগী মতেং
প্রধান মন্ত্রী মোদী অমসুং চান্সেলর নেহাম্মরনা গনতন্ত্র চৎপা লৈবা ভারত অমসুং ওস্ত্রিয়ানা অন্তর্জাতিগী অমসুং রিজনেলগী ওইবা শান্তি অমসুং চাউখৎপা পুরক্নবা পুন্না হোৎনমিন্নবগী অপাম্বশিং ফোঙদোক্নখি। হীরম অসিগী মতাংদা, মখোয়না চহি খরা অসিদা মপান থৌরম পুবা মন্ত্রীশিংনা চাং নাইনা কুপ্না তান্নরিবশিং অসিদা অপেনবা ফোংদোক্নখি। মখোয়না মখোয়গী ওফিসিএলশিংবু তোঙান-তোঙানবা হীরমশিংদা ইন্সতিত্যুসনেল দাইলোগ হেনগৎনবা চৎলিবা মওং অসি ঙাক্নবা পুক্নিং থৌগৎখি।
লুচিংবা অনিনা ফ্রী, ওপন অমসুং কাংলোন্দা য়ুম্ফম ওইবা ইন্দো পেসিফিক অমগী ফিরেপ য়ু.এন.সি.এল.ও.এস.তা য়াওরিবা শমুদ্রগী আইনগা ইরোইননা অমসুং সোভরেন্তী, তেরিতোরিএল ইন্তেগ্রিতী অমসুং মেরিতাইম সেক্যুরিতী অমসুং অন্তর্জাতিগী শান্তি অমসুং তংদু লৈতাবদা কান্নবা পীবগা লোইননা চেৎশিলহন্নবা ফোংদোক্নখি।
লুচিংবা অনিনা য়ূরোপ অমসুং নোংচুপ এসিয়া/মিদল ইস্ততা লাক্লিবা খুমাং চাউশিনবশিং কুপ্না য়েংশিনখি। মখোয়না লৈবাক অনিগী শান্তি হঞ্জিলহন্নবা অমসুং খুৎলাই য়াওবা চয়েৎনবশিং কোকহন্নবা অমসুং অন্তর্জাতিগী আইন অমসুং য়ু.এন. চার্তর ঙাক্না চঙশিল্লিবশিংদা পুক্নিং থৌগৎনখি।
য়ুক্রেনগী লান্দা নুংনাং ফোংদোক্লদুনা লুচিংবা অনিনা অন্তর্জাতিগী আইন অমসুং য়ু.এন. চার্তরগা চুননা শান্তি পুরকপা য়াবা ৱারেপ অমা লৌরকপদা শৌগৎনবা য়ানখি। নাকল অনিনা থাজৈ মদুদি য়ুক্রেন্দা মপুং ওইবা অমসুং তুং কোইনা চৎপা য়াবা শান্তি পুরক্নবগীদমক স্তেকহোল্দর খুদিংমক পুনশিনবা তঙাইফদে অমসুং চয়েৎনবা অসিদা য়াওরিবা নাকল অনিমক্কী মরক্তা থম্মোই শেংনা ৱারী শানবা অমা চঙই।
লুচিংবা অনিনা মওং অমহেক্তগী হিংশাবু ঙমখৈ লান্না চত্থবা অমসুং সাইবর তেরোইজম য়াওনা খোঞ্জেল অমত্তা ওইনা নুংনাংবা ফোঙদোকখি অমসুং লৈবাক অমত্তনা হিংশাগী থবক্তা শেল থাদবা, থৌরাং তৌবা, শৌগৎপা অমসুং চত্থরোইদবনি হায়না ফোংদোক্নখি। নাকল অনিনা হিংশাগী ওইবা থবক খুদিংমক, দেজিগ্নেতেদ নৎত্রগা য়ু.এ. সেক্যুরিতী কাউন্সিল ১২৬৭ সেঙ্কসন কম্মিতীনা লেপ্পা কাংলুপশিংগা মান্নরগা লন্নাই ওইনা চত্থবা য়াওনা পুম্নমক্কী মাইয়োক্তা থবক পায়খৎনবা লেপখি। লৈবাক অনিনা এফ.এ.তি.এফ., এন.এম.এফ.তি. অমসুং অতৈ মলতিলেতরেল প্লেৎফোর্মদা পুন্না থবক পায়খৎমিন্ননবা লেপ্নখি।
লুচিংবা অনিনা ভারত অমসুং য়ুরোপিয়ন য়ুনিয়নদা খ্বাইদগী চাউবা অমসুং মালেমদা মশক থোকপা ফ্রী মার্কেতকী মফম অমা লৈ হায়না ফোংদোক্নখি অমসুং হেন্না লূম্বা ই.য়ু.-ইন্দিয়া মরীনা মালেমদা হেন্না ফবা শাফু পুরকপা ঙমগনি হায়না য়ানখি। চান্সেলর নেহাম্মর অমসুং প্রধান মন্ত্রী মোদীনা ভারত অমসুং ই.য়ু.না হেন্না নকশিন্ননবা তোঙান-তোঙানবা থৌরাংশিং শৌগৎনবা য়ানখি। হীরম অসিগী মতাংদা, মখোয়না হৌজিক চত্থরিবা ইন্দিয়া-ই.য়ু. ত্রেদ অমসুং ইনভেস্তমেন্ত নেগোসিএসন শৌগৎনবা অমসুং ই.য়ু.-ইন্দিয়া কন্নেক্তিবিতী পার্তনরশিপ য়ারিবমখৈ ঙন্না থবক্তা ওন্থোক্নবা লেপ্নখি।
তুং কোইনা চৎপা শেন্মিৎলোনগী মপাং
লুচিংবা অনিনা হেন্না কনবা শেন্মিৎলোনগী অমসুং তেক্নোলোজীগী মপাং অমা লৈবাক অনিগী মরক্তা স্ত্রেতেজিক ওইবা পান্দমদা শেমগৎনবা ফোংদোক্নখি। হীরম অসিগী মতাংদা, মখোয়না ইহান হানবা অৱাংবা থাক্কী লৈবাক অনিগী বিজিনেস ফোরম অমা তোঙান-তোঙানবা কম্পেনী কয়াগী সি.ই.ও.শিং য়াওনা ভিএন্নাদা খোঙচৎ অসিগী মনুংদা পাঙথোকপদা তরাম্না ওক্নখি। লুচিংবা অনিনা বিজিনেস ফোরমদা ৱা ঙাংখি অমসুং বিজিনেস রিপ্রজেন্তেতিবশিংবু তোঙান-তোঙানবা সেক্তরশিংদা অনৌবা অমসুং দাইনামিক ওইবা মরী শেমগৎনবা পুক্নিং থৌগৎখি।
লুচিংবা অনিনা লৈবাক অনিগী মরী অসিবু হেন্না মাংজিল থানা পুখৎনবা হোৎনবদা রিসর্চ, সাইন্তিফিক্কী মরী, তেক্নোলোজীগী মপাং অমসুং ইন্নোভেসনগী ওইবা মরুওইবশিং খঙদোকখি অমসুং মান্নবা হীরমদা অহেনবা অসিগুম্বা খুদোংচাবশিং থিদোক্নবা য়ানখি। মখোয়না তেক্নোলোজী শেমগৎনবা অমসুং খঙদোক্লবা মফমশিংদা অনৌবা লল্লোন ইতীক, ইন্দস্ত্রী অমসুং আর.এন্দ দি পার্ত্নরশিপ মোদেলদা কমর্সিএলাইজ তৌবগী তঙাইফদবা পুখৎখি।
লুচিংবা অনিনা লৈবাক অনিগী ইন্নোভেসন অমসুং স্তার্ত অপ একোসিস্তেম্বু ওস্ত্রিয়াগী লেবর অমসুং একনোমী মন্ত্রীনা ভারত্তা ফেব্রুৱারী ২০২৪দা অমসুং ইন্দিয়ন স্তার্ত অপ গ্রুপনা ওস্ত্রিয়াদা জুন ২০২৪দা মায় পাক্না চৎতুনা স্তার্ত অপ ব্রিদজ শেমগৎউনা পুন্নবা হোৎনরিবা অসিবু তরাম্না ওকখি। মখোয়না লৈবাক অনিগী মরী লৈনবা এজেন্সীশিংবু অসিগুম্বা ৱারী ৱাতাইশিং তুংদসু ওস্ত্রিয়াগী গ্লোবেল ইঙ্ক্যুবেতর নেৎৱার্ক অমসুং স্তার্ত অপ ইন্দিয়া থৌরাংগুম্বা ফ্রেমৱার্কশিং হেন্না লূমহন্নবা হোৎননবা পুক্নিং থৌগৎখি।
য়ুনাইতেদ নেসন্স ফ্রেমৱার্ক কনভেন্সন ওন ক্লাইমেত চেঞ্জ (য়ু.এন.এফ.সি.সি.সি.)গী পার্তিশিং ওইবগা লোইননা অমসুং মালেমগী চাংচৎতা লৈবা অইং অশাগী চাংবু প্রি-ইন্দস্ত্রিএল লেভেলদগী দিগ্রী সেলসিয়স ২ ফাওবগী মখাদা পুথনবা ৱারেপ লৌরিবা লৈবাক ওইনা মসিনা অইং অশা হোংলকপগী শাফু অমসুং কিনিংঙাই ওইবা চাং হন্থরক্কনি হায়না ফোংদোক্নখি। মখোয়না ২০৫০ ফাওবদা ক্লাইমেত ন্যুত্রেলিতী পুরক্নবা ই.য়ু.গী থাক্তা লৌখৎলিবা বাইন্দিং তার্গেত নীংশিংখি, ওস্ত্রিয়াগী লৈঙাক্না ২০৪০ ফাওবদা ক্লাইমেত ন্যুত্রেলিতী পুরক্নবা হোৎনরিবা অমসুং ভারত সরকারনা ২০৭০ ফাওবদা নেত জিরো ইমিসন ফংনবা লেপ্লিবশিং নীংশিংখি।
মখোয়না ওস্ত্রিয়া লৈঙাক্কী হায়দ্রোজেন স্ত্রেতী অমসুং ভারতনা হৌদোকখিবা নেসনেল গ্রীন হায়দ্রোজেন মিসননা এনর্জী ত্রাঞ্জিসন চেলেঞ্জগী মতাংদা পুনবা য়াবগী স্কোপশিং য়েংখি অমসুং লৈবাক অনিগী কম্পেনীশিং অমসুং আর এন্দ দি ইন্সতিত্যুসনশিংনা রিন্যুএবল/গ্রীন হায়দ্রোজেন্দা পাক চাউনা মপাং ওইননবা শৌগৎনবা ফোংদোকনখি।
লুচিংবা অনিনা ক্লিন ত্রান্সপোর্তেসন, ঈশিং অমসুং ৱেস্ত ৱাতর মেনেজমেন্ত, ৱেস্ত মেনেজমেন্ত, রিন্যুএবল এনর্জী অমসুং অতৈ ক্লিন তেক্নোলোজীগুম্বা হীরমশিংদা পান্দম থমদুনা মতেং পীনবা য়াবা মফমশিং খঙদোকমিন্নখি। মখোয়না পব্লিক অমসুং প্রাইবেত ইন্সতিত্যুসনশিংদা হায়রিবা সেক্তরশিং অমসুং এলাইদ সেক্তরদা হেন্না শেল থাদনবসু পুক্নিং থৌগৎখি। মখোয়না ইন্দস্ত্রিএল প্রোসেসশিং (ইন্দস্ত্রী ৪.০)দা তুং কোইনা চৎপা য়াবা একনোমী য়াওনা দিজিতেল তেক্নোলোজীনা লৌরিবা থৌদাংশিংসু খঙদোকমিন্নখি।
মান্নবা তুংলমচৎ অমগী স্কিলশিং
চান্সেলর নেহাম্মর অমসুং প্রধান মন্ত্রী মোদীনা হায় তেক সেক্তরদা পাকথোক চাউথোক্না চত্থবা য়ানবা স্কিল দিবেলপমেন্ত অমসুং স্কিল লৈবা মীওইশিং চত্থোক চৎশিনগী মরুওইবশিং খঙদোকমিন্নখি। হীরম অসিগী মতাংদা, মখোয়না ইরিগুলার মাইগ্রেসন থেংবগা লোইননা অসিগুম্বা লান্থোক লানশিন য়ানবগীদমক ইন্সতিত্যুসনেল ফ্রেমৱার্ক অমা পীরিবা লৈবাক অনিগী মাইগ্রেসন অমসুং মোবিলিতী এগ্রীমেন্ত থবক ওইনা পায়খৎপবু তরাম্না ওকখি।
মখোয়না লৈবাক অনিগী একাদেমিক ইন্সতিত্যুসনশিংবু তুংদা মীৎয়েং থম্বা মান্নবা অপাম্বা, মরুওইনা সাইন্স, তেক্নোলোজী অমসুং ইঞ্জিনীয়রিংদা মপাং পীননবা পুক্নিং থৌগৎখি।
মীয়ামগী মরী
লুচিংবা অনিনা নাৎকী ওইবা এক্সচেঞ্জ মরুওইনা ওস্ত্রিয়ান ইন্দোলোজিস্ত অমসুং ওস্ত্রিয়াদা লৈরিবা মকোক থোংবা ভারতকী কলচরেল পার্সনেলিতীশিংগী থৌদাংবু থাগৎখি। লুচিংবশিং অসিনা ওস্ত্রিয়া মচাশিংদা য়োগা অমসুং আয়ুর্ভেদদা অপাম্বা উরকপসু ফোংদোক্নখি। মখোয়না ঈশৈ, জগোই, ওপরা, থিএতর, ফিল্ম, লিতরেচর, শান্নখোৎনবা অমসুং অতৈ হীরমশিংদা হন্দক্তা নৌনা খুৎয়েক পীনখিবা কলচরেল কোওপরেসনগী য়ানচেরোল য়াওনা লৈবাক অনিগী নাৎকী ওইবা মরী হেন্না ফগৎনবা হোৎনরিবা কয়াবু তরাম্না ওকখি।
লুচিংবশিংনা তুরিজম্না একনোমিক, তুং কোইনা চৎপা অমসুং পুম্নমকপু কোনশিনবা অমসুং লৈবাক অনিগী মীয়ামদা হেন্না ভাপ তাননবা হোৎনরিবা থৌদাংবু খঙদোকখি। মখোয়না মরী লৈনবা এজেন্সীশিংদা পুন্না তুরিস্ত চত্থোক চৎশিন মায়কৈ অনিমক্তা দাইরেক্ত ফ্লাইত কন্নেক্তিবিতী, লৈবা য়াবা মতম অমসুং অতৈ থৌরাংশিং লৌখৎমিন্ননবা পুক্নিং থৌগৎখি।
মলতিলেতরেল কোওপরেসন
লুচিংবশিংনা মলতিলেতরেলিজমদা লৌরিবা ৱারেপ অমসুং য়ুনাইতেদ নেসন্স চার্তরগী প্রিন্সিপলশিং হেন্না চেৎশিন্নবা ফোংদোক্নখি। মখোয়না হায়রিবা তঙাইফদবা প্রিন্সিপলশিং অসিবু চাং নাইনা লৈবাক অনিনা খন্ননৈনদুনা মলতিলেতরেল ফোরমশিংদা মতেং পীননবা য়ানখি।
মখোয়না য়ুনাইতেদ নেসন্সতা সেক্যুরিতী কাউন্সিল য়াওনা মপুং ওইবা রিফোর্ম অমা পুরক্নবা ৱারেপ হেন্না চেৎশিলহনখি। ভারতনা ২০২৭-২৮কে এতার্মদা ওস্ত্রিয়াগী য়ু.এন.এস.সি. কেন্দিদেত ওইনবগী থৌরাংদা শৌগৎখি অমসুং ওস্ত্রিয়ানা ২০২৮-২৯ গী ভারতকী কেন্দিদেচরদা শৌগৎপা ফোংদোকখি।
প্রধান মন্ত্রী মোদীনা ওস্ত্রিয়াবু ১০০শুবা মেম্বর তরাম্না ওকপগা লোইননা মরুওইবা মাইলস্তোন অমা য়ৌখ্রবা ইন্তর্নেসনেল সোলার এলাইএন্সকী মেম্বর ওইবীনবা বার্তোন তৌজরি হায়না ফোংদোকখি।
প্রধান মন্ত্রী মোদীনা চান্সেলর নেহাম্মরবু লৈঙাক অসিনা অমসুং ওস্ত্রিয়াগী মীয়াম্না খোঙচৎ অসিগী মনুংদা তরাম্না ওকপীবগীদমক থাগৎপা ফোংদোকখি। প্রধান মন্ত্রী মোদীনা চান্সেলর নেহাম্মরবু ভারত্তা মহাক্কী অয়াবা মতমদা লেঙবীরক্নবা কৌজরমখি, মসিদা চান্সেলরনা হরাওনা য়ারকখি।
