“পুৱারি ওইরবা মরুপ-মপাংগী মরী অমা, চাউখৎনবগীদমক পুন্না থবক তৌমিন্নবা অমা”
সাউদি অরাবিয়াগী ক্রাউন প্রিন্স অমসুং প্রধান মন্ত্রী প্রিন্স মোহমদ বিন সলমান অবদুললাজিজ অল সাউদনা চেবাউ পীরকপদগী ভারতকী প্রধান মন্ত্রী শ্রী নরেন্দ্র মোদী এপ্রিল ২২, ২০২৫ দা সাউদি অরাবিয়াদা চৎখ্রে।
প্রধান মন্ত্রী মোদীনা সাউদি অরাবিয়াদা চৎপা অসি হন্দক্কী অসিনা অহুমলকশুবনি। খোঙচৎ অসি সাউদি অরাবিয়াগী ক্রাউন প্রিন্স অমসুং প্রধান মন্ত্রী প্রিন্স মোহমদ বিন সলমান অবদুললাজিজ অল সাউদনা জি-২০ মীফম শরুক য়ানবা সেপ্তেম্বর ২০২৩ দা ভারত্ত লাকখিবা অদুগী মতুংদা পাংথোকপনি অমসুং অহানবা উনবা অদুদা পুন্না ময়াই তাংবল লৌমিন্নদুনা ইন্দিয়া-সাউদি অরাবিয়া স্ত্রাতেজিক পার্তনরশিপ কাউন্সিলগী অহানবা মীফম পাংথোকখি।
জেদাহগী অল-সালাম কোনুংদা সাউদি অরাবিয়াগী ক্রাউন প্রিন্স অমসুং প্রধান মন্ত্রী প্রিন্স মোহমদ বিন সলমান অবদুললাজিজ অল সাউদনা প্রধান মন্ত্রী শ্রী নরেন্দ্র মোদী তরাম্না ওকখি। মখোয়না ওফিসিএল ওইনা ৱারি শানখি অমসুং ভারত অমসুং সাউদি অরাবিয়াগী মরক্ত লৈনরিবা পুৱারি ওইরবা মরীশিং নিংশিংখি। লৈবাক অনিগী মরক্ত দিফেন্স, সেকুরিতি, ইনর্জি, ললোন-ইতিক, শেন থাদবা, তেক্নোলোজি, এগ্রিকলচর, কলচর, হকশেল, ইজুকেসন, মীগা মীগা লৈনবা মরীশিং য়াওনা হিরম কয়াদা লৈনরিবা মরীশিং মখোয়না খন্নখি। উদি অরাবিয়ানা ৱার্ল্দ এক্সপো ২০৩০ অমসুং ফিফা ৱার্ল্দ কপ ২০৩৪ পাংথোক্নবা বিদশিং মাইপাকপগীদমক প্রধান মন্ত্রী শ্রী নরেন্দ্র মোদীনা সাউদি অরাবিয়াগী ক্রাউন প্রিন্স অমসুং প্রধান মন্ত্রী প্রিন্স মোহমদ বিন সলমান অবদুললাজিজ অল সাউদ থাগৎপা ফোঙদোকখি।
লুচিংবা অনিনা পুন্না ময়াই তাংবল লৌমিন্নদুনা ইন্দিয়া-সাউদি অরাবিয়া স্ত্রাতেজিক পার্তনরশিপ কাউন্সিলগী অনিশুবা মীফম পাংথোকখ্রে। ন্যু দিল্লিদা সেপ্তেম্বর ২০২৩ দা মখোয় উনখিবা অদুগী মতুংদা কাউন্সিলগী ওইরক্লিবা ফিবম লুচিংবশিংনা হন্না য়েংশিনখি। কাউন্সিলগী মখাদা লৈবা মিনিস্তরিয়েল কম্মিতি অনি হায়বদি (১) কম্মিতি ওন পোলিতিকেল, সেকুরিতি, সোসিএল এন্দ কলচরেল কোওপরেসন অমসুং মসিগী কম্মিতিশিং অমসুং (২) কম্মিতি ওন ইকোনোমি এন্দ ইনভেস্তমেন্তস অমসুং মসিগী জোইন্ত ৱার্কিং গ্রুপশিংগী থবকশিংদা লুচিংবা অনিনা অপেনবা ফোঙদোকখি। অনৌবা মিনিস্তরিয়েল কম্মিতি অনি লিংখৎতুনা স্ত্রাতেজিক পার্তনরশিপ কাউন্সিল পাকথোক-চাউথোকহনবদা লুচিংবা অনিনা তরাম্না ওকখ্রে। ঙাক-শেনগী লমদা মতেং পাংনবা হেনগৎহন্নবা দিফেন্স কোওপরেসনগী মিনিস্তরিয়েল কম্মিতি লিংখৎপদা লুচিংবা অনিনা য়াবা পীরে। চহি খর অসিদা নাকল অনিগী মরক্ত নাৎকী মতেং পাংনবা হেনগৎলক্লিবা অসি য়েংলগা, তুরিজম অমসুং কলচরেল কোওপরেসনগী মিনিস্তরিয়েল কম্মিতি অমা লিংখৎপদশু মখোয়না অয়াবা পীরে। মীফম মতুংদা, অনিশুবা স্ত্রাতেজিক পার্তনরশিপ কাউন্সিলগী অকুপ্পা ৱারোলশিং লুচিংবা অনিনা খুয়েক পীনখ্রে।
সাউদি অরাবিয়াদা লৈরিবা ভারতমচা মিল্লিয়ন ২.৭ রোমগী য়াইফনবা মখা তানা থবক পায়খৎপগীদমক প্রধান মন্ত্রীনা সাউদি অরাবিয়াগী নিংথৌ থাগৎপা ফোঙদোকখি। হজ লাইখুরুম্বা লাকপা ভারতমচাশিংদা সাউদি সরকারনা মতেং পাংবগীদমক প্রধান মন্ত্রীনা থাগৎপা ফোঙদোকখি। ভারতকী হজ অমসুং উমরাহ লাকপশিংগী খুদোংচানবা লৈবাক অনি নিংথিনা থবক তৌমিন্নবদা প্রধান মন্ত্রীনা থাগৎপা ফোঙদোকখি।
হন্দক ভারত অমসুং সাউদি অরাবিয়াগী মরক্ত শেন-থুমগী মরী, ললোন-ইতিক অমসুং শেন থাদবগী মরীশিং ফগৎলকপদা নাকল অনিনা তরাম্না ওকখ্রে। ভিজন ২০৩০ গী মখাদা পান্দমশিং ফংবদা খুমাংচাউশিনবদা ভারতকী মাইকৈদগী সাউদিগী মাইকৈদা থাগৎপা ফোঙদোকখ্রে। ভারতনা শেন-থুমগী ফিবম ফগৎলকপা অমসুং ২০৪৭ দা চাউখৎলবা লৈবাক অমা ওইনবা পান্দম অমা থম্বদা সাউদিগী মাইকৈদগী থাগৎপা ফোঙদোকখ্রে। মখোয়গী লৈবাকশিংগী পান্দমশিং ফংনবা অমসুং নুংঙাই য়াইফবা পুরক্নবা নাকল অনিমক্না পাম্বা হিরমশিংদা পুন্না থবক তৌমিন্নবা হায়না য়ানখ্রে।
শেন থাদবা হেনগৎনবা ২০২৪ দা শেমখিবা অৱাংবা থাক্কী তাক্স ফোর্সতা খন্ন-নৈনবা খুমাংচাউশিনবদা লুচিংবা অনিমক্না থাগৎপা ফোঙদোকখি। ইনর্জি, পেত্রোকেমিকেলশিং, ইনফ্রাস্ত্রকচর, তেক্নোলোজি, ফিনতেক, দিজিতেল ইনফ্রাস্ত্রকচর, তেলিকম্মুনিকেসনশিং, ফার্মাস্যুতিকেলশিং, মেনুফেকচরিং অমসুং হকশেল য়াওনা হিরম কয়াদা সাউদি অরাবিয়ানা ভারত্ত য়ু.এস দোল্লার বিল্লিয়ন ১০০ থাদনবা মমাঙদা থাজবা পীখিবা অদুগী তাক্স ফোর্সনা য়ানবা পুরকপদা মখোয়না তরাম্না ওকখি। হিরম অসিদা, ভারত্ত ওইল রিফাইনরি অনি লিংখৎনবা মতেং পাংন্নবা য়ানবা পুরকখিবা অমসুং তেক্স লৌবগী ৱাফমশিংদা খুমাংচাউশিনবদা লুচিংবশিংনা তরাম্না ওকখি।
ভারতকী কম্পেনিশিংনা সাউদি অরাবিয়াদা শেন থাদবা হেনগৎলক্লিবা অসিদা মখোয়না থাগৎপা ফোঙদোকখ্রে। লৈবাক অনিগী মরক্ত শেন থাদবা হেনগৎহন্নবা ইনভেস্ত ইন্দিয়া অমসুং সাউদি অরাবিয়াগী ইনভেস্তমেন্ত মিনিস্ত্রিগী মরক্ত মতেং পাংন্নবগী ঙাক্লৌ থবক তৌবা হৌরকপদা মখোয়না মরুওইনা লৌখি। চাউখৎপা অমসুং ইন্নোবেসন হেনগৎনবা স্তার্দঅপকী থবকশিংদা নাকল অনি মতেং পাংনবা হেনগৎহন্নবা খুদোংচাবশিং হেনগৎহনবা হায়না নাকল অনিনা য়ারে।
শুংদোক্ত্রিবা থাউ ফংহনবা, এল.পি.জি ফংহনবা, ভারতকী স্ত্রাতেজিক রিজার্ব প্রোগ্রামগী মতেং পাংবা, রিফাইনিং অমসুং পেত্রোকেমিকেল সেক্তরগী অপুনবা প্রোজেকশিং, হায়দ্রোকার্বোনশিং, ইলেক্ত্রিসিতি অমসুং রিন্যুএবল ইনর্জি অনৌবা মওংদা শীজিন্নবা য়াওনা ইনর্জি সেক্তরগী তোঙান তোঙানবা হিরমশিংদা মতেং পাংনবা হেনগৎহনবা হায়না মখোয়না য়ানরে। গ্রিন/ক্লিন হায়দ্রোজেনগী লমদা মতেং পাংনবগী মরুওইবা অদু নাকল অনিনা থমখি। য়ু.এন ফ্রেমৱার্ক কনভেন্সন ওন ক্লাইমেত চেঞ্জ অমসুং পেরিস এগ্রিমেন্তগী ৱাফমশিং ঙাক্না চৎপগী মরুওইবা অদু নাকল অনিনা অমুক হন্না ফোঙদোকখি। সাউদি অরাবিয়না হৌদোকপা “সাউদি গ্রিন ইনিসিয়েতিপ” অমসুং “মিদল ইস্ত গ্রিন ইনিসিয়েতিপ” ভারতনা থাগৎপা ফোঙদোকখি।
ভারতনা পায়খৎপা থবকশিং হায়বদি ইন্তরনেসনেল সোলার এল্লাইন্স, ৱান সন-ৱান ৱার্ল্দ-ৱান গ্রিদ, কোসিএসন ওফ দিজাস্তার রিসিলিয়েন্ত ইনফ্রাস্ত্রকচর অমসুং মিসন লাইফস্তাইল ফোর ইনভাইরোনমেন্ত অমসুং গ্লোভেল গ্রিন ক্রেদিদ ইনিসিয়েতিপ সাউদি অরাবিয়ানা থাগৎপা ফোঙদোকখি।
চহি খর অসিদা লৈবাক অনিগী মরক্ত ললোন-ইতিক্কী থবক হেনগৎলকপদা নাকল অনিমক্না অপেনবা ফোঙদোকখ্রে অমসুং নাকল অনিগী ললোন-ইতিক মখা তানা মখল কয়া থোক্না পাংথোক্নবা লৈবাক অনিনা য়ানখ্রে। ইন্দিয়া-জি.সি.সি এফ.তি.এদা ৱারি শান্নবা হৌনবা নাকল অনিমক্না অপাম্বা ফোঙদোকখ্রে।
অহানবা লেন্দ ফোর্স এক্সরসাইজ সাদা তনসিগ, নেভেল এক্সরসাইজ অল মোহেদ অল হিন্দীগী অনিশুবা রাউন্দশিং, অৱাংবা থাক্কী খোঙচৎশিং অমসুং ত্রেনিংশিং য়াওনা ঙাক-শেনগী লমদা পুন্না থবক তৌমিন্নবা হেনগৎলকপদা লৈবাক অনিনা অপেনবা ফোঙদোকখ্রে। সেপ্তেম্বর ২০২৪ দা রিয়াদতা পাংথোকখিবা দিফেন্স কোর্পোরেসনগী ৬শুবা মীফমদা লৌখিবা ৱারেপশিং মখোয়না তরাম্না ওকখি। সাইবরসেকুরিতি, ঈশিংগী ঙমখৈ ঙাক-শেনবা, ঙমখৈ লান্নবা পাংথোকপা ক্রাইমশিং, নার্কোতিকশিং অমসুং দ্রগ পুথোক-পুশিন তৌবা লাকশিন্নবা হিরমশিংদা মখা তানা নাকল অনি মতেং পাংনবা হায়না মখোয়না ফোঙদোক্নখি।
এপ্রিল ২২,২০২৫ দা জম্মু অমসুং কাস্মিরগী পাহালগামদা তেরর এত্তেক চৎথখিবা অদু নাকল অনিমক্না য়াম্না কন্না য়ানিংদবা ফোঙদোকখি। তেরোরিজম থেংননবা নাকল অনিগী মরক্ত মতেং পাংনরিবা অসি মখোয়না তরাম্না ওকখি। অতোপ্পা লৈবাকশিংদা লান্দানবা মিসাইলশিং অমসুং দ্রোনশিং ফংহনবা থিংনবা থবক পায়খৎপা দরকার ওইরে হায়না নাকল অনিনা ফোঙদোকখি।
লৈবাক অনিগী মরক্ত হকশেলগী লমদা মতেং পীন্নবা এম.ও.য়ু খুৎয়েক পীনবদা নাকল অনিনা তরাম্না ওকখ্রে। সাউদি অরাবিয়াদা ভারতকী দ্রগশিং য়োনবগী মতাংদা সাউদি ফুদ এন্দ দ্রগ ওথোরিতিনা পায়খৎলিবা থবকশিং ভারতনা তরাম্না ওকখ্রে। চহি মঙাগী ওইনা মেদিকেলগী পোৎথোকশিংগী কাংলোনগী মতাংদা মতেং পাংন্নবা সাউদি ফুদ এন্দ দ্রগ ওথোরিতি অমসুং সেন্ত্রেল দ্রগস স্তেন্দার্দ কন্ত্রোল ওর্গনাইজেসনগী মরক্ত এম.ও.য়ু শাংদোকপদা নাকল অনিনা তরাম্না ওকখ্রে।
এ.আই, সাইবরসেকুরিতি, সেমি কন্দক্তরশিংগী লমদা মতেং পাংনবগী মরুওইবা নাকল অনিনা খন্নখি। দিজিতেলগী লমদা মতেং পাংন্নবা ভারতকী তেলিকোম রিগুলেতোরি ওথোরিতি ওফ ইন্দিয়া অমসুং সাউদিগী স্পেস এন্দ তেক্নোলোজি কম্মিসনগী মরক্ত এম.ও.য়ু খুৎয়েক পীনবদা মখোয়না অপেনবা ফোঙদোকখ্রে। স্পেসকী লমদা মতেং পাংন্নবা এম.ও.য়ু খুৎয়েক পীনবা অসিনা স্পেসকী লমদা লৈবাক অনি মতেং পাংনবা হেনগৎহল্লগনি হায়না নাকল অনিনা ফোঙদোকখি।
হেরিতেচ, ফিল্ম, সাহিত্য অমসুং পর্ফোমিং অমসুং ভিজুয়েল আর্তস য়াওনা মরুওইবা হিরমশিংদা ভারত অমসুং সাউদি মতেং পাংনবা হেনগৎলক্লিবা অসি নাকল অনিনা থাগৎপা ফোঙদোকখি। তুরিজম অমসুং কলচরগী মতেং পাংন্নবা মিনিস্তরিয়েল কম্মিতি অমা শেম্বা অসি মতেং পাংনবা হেনগৎহন্নবা মরুওইবা খোঙথাং অমনি।
লৈবাক অনিগী মরক্ত মতম কয়াগী মমাঙদগী লৌউ-শিংউ অমসুং চীঞ্জাক্কী লমদা মতেং পাংনদুনা লাক্লিবা অদু নাকল অনিনা থাগৎপা ফোঙদোকখি। হিরম অসিদা মতম শাংনা মতেং পাংন্নবা শেন থাদবা, অপুনবা প্রোজেকশিং অমসুং সপ্লাই লৈহন্নবা য়ানবা পুরক্নবা মখোয়না য়ানখ্রে।
ভারতকী মমিং লৈরবা য়ুনিভর্সিতিশিং সাউদা হাংদোকপদা সাউদিগী মাইকৈদগী তরাম্না ওকখ্রে। লেবর অমসুং হুমেন রিছোর্সকী লমদা মতেং পাংনবা হেনগৎহন্নবা অমসুং মতেং পাংন্নবা খুদোংচাবশিং মশক খঙদোক্নবা নাকল অনিনা ফোঙদোকখ্রে।
সেপ্তেম্বর ২০২৩ দা অতোপ্পা লৈবাকশিংগা লোয়ননা ইন্দিয়া-মিদল ইস্ত-য়ুরোপ ইকোনোমিক কোরিদোরগী এম.ও.য়ু অমা খুৎয়েক পীনখিবা অদু নাকল অনিনা অমুক হন্না নিংশিংখি। থবক অসি পাংথোক্নবা পুন্না থবক তৌমিন্নবা নাকল অনিনা অপাম্বা ফোঙদোকখি। লৈবাক অনিগী মরক্ত সিপ্পিং লাইনশিং হেনগৎলকপদা লৈবাক অনিনা অপেনবা ফোঙদোকখ্রে। জি-২০, ইন্তরনেসনেল মোনিতরি ফন্দ অমসুং ৱার্ল্দ বেঙ্ক য়াওনা মালেমগী লুপশিংদা লৈবাক অনি মতেং পাংনবা অমসুং পুন্না থবক তৌমিন্নবা হেনগৎহন্নবগী মরুওইবা অদু নাকল অনিনা ফোঙদোকখি।
য়েমেনগী ৱাথোক অসি লোইশিন্নবা মালেমগী অমসুং লমদম লমদমগী থবকশিংদা মখোয়না মপুংফানা শৌগৎপা হায়না নাকল অনিনা অমুক হন্না ফোঙদোকখি। য়েমেনগী কাংবুশিংগী মরক্ত ৱারি শানবা পুক্নিং থৌগৎনবা সাউদিনা পায়খৎলিবা থবকশিং ভারতনা থাগৎপা ফোঙদোকখি। য়ুনাইতেদ নেসন্স কনভেন্সন ওফ লো ওফ সিগী মখাদা ঈশিং লম্বীদা অপনবা লৈতনা জহাজ হোনবা য়ানবা মতেং পাংনবগী মরুওইবা অদু নাকল অনিনা য়ানরে।
খোঙচৎ মনুংদা মখাগী এম.ও.য়ুশিং অসি খুৎয়েক পীনরে:
• শান্তি ওইনা স্পেস শীজিন্নবগী হিরমদা ভারতকী স্পেস দিপার্তমেন্ত অমসুং সাউদি স্পেস এজেন্সিগী মরক্ত এম.ও.য়ু।
• হকশেলগী লমদা মতেং পাংন্নবা ভারতকী হেল্থ অমসুং ফেমিলি ৱেলফিয়ার মিনিস্ত্রি অমসুং সাউদিগী হেল্থ মিনিস্ত্রিগী মরক্ত এম.ও.য়ু।
• ফোরেন সর্ফেস পার্সেলগীদমক ভারতকী পোস্ত দিপার্তমেন্ত অমসুং সাউদি পোস্ত কোর্পোরেসনগী মরক্ত য়ানচে।
• এন্তি-দোপিংগী লমদা মতেং পাংন্নবা ভারতগী নেসনেল এন্তি-দোপিং এজেন্সি ওফ ইন্দিয়া অমসুং সাউদি অরাবিয়া এন্তি-দোপিং কম্মিতিগী মরক্ত এম.ও.য়ু।
নাকল অনিনা য়ানবা তারিখ অমদা স্ত্রাতেজিক পার্তনরশিপ কাউন্সিলগী মথংগী মীফম পাংথোকপা হায়না নাকল অনিনা য়ানরে। মখোয়না মখা তানা তোঙান তোঙানবা হীরমশিংদা পাউ ফাওনবা, পুন্না থবক তৌমিন্নবা অমসুং মতেং পাংনবা হায়না য়ানরে।
অরোইবদা, মহাক অমসুং মহাক্কী কাংবু তরাম্না ওকপগীদমক প্রধান মন্ত্রী শ্রী নরেন্দ্র মোদীনা সাউদি অরাবিয়াগী ক্রাউন প্রিন্স অমসুং প্রধান মন্ত্রী প্রিন্স মোহমদ বিন সলমান অবদুললাজিজ অল সাউদ থাগৎপা ফোঙদোকখি। সাউদি অরাবিয়া মখা তানা চাউখৎনবগীদমক মহাক্না য়াইফ পাউজেলশু পীখি। মহাক্কী মাইকৈদগী, সাউদি অরাবিয়াগী ক্রাউন প্রিন্স অমসুং প্রধান মন্ত্রী প্রিন্স মোহমদ বিন সলমান অবদুললাজিজ অল সাউদনা প্রধান মন্ত্রী নরেন্দ্র মোদী অমসুং ভারতকী মীয়াম মখা তানা চাউখৎনবা অমসুং নুংঙাই য়াইফনবা পাউজেল পীরকখি।
