"ଏକ ଐତିହାସିକ ବନ୍ଧୁତା; ପ୍ରଗତି ପାଇଁ ଏକ ଭାଗିଦାରୀ"
କ୍ରାଉନ୍ ପ୍ରିନ୍ସ ତଥା ସାଉଦି ଆରବ ରାଜ୍ୟର ପ୍ରଧାନମନ୍ତ୍ରୀ ପ୍ରିନ୍ସ ମହମ୍ମଦ ବିନ୍ ସଲମାନ୍ ବିନ୍ ଅବଦୁଲଅଜିଜ୍ ଅଲ୍ ସୌଦଙ୍କ ନିମନ୍ତ୍ରଣକ୍ରମେ ଭାରତର ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୨୦୨୫ ଏପ୍ରିଲ ୨୨ ତାରିଖରେ ସାଉଦି ଆରବ ରାଜ୍ୟ ଗସ୍ତରେ ଯାଇଥିଲେ।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କର ଏହା ତୃତୀୟ ସାଉଦି ଆରବ ଗସ୍ତ ଥିଲା। ସେପେ୍ଟମ୍ୱର ୨୦୨୩ ରେ ଜି-୨୦ ଶିଖର ସମ୍ମିଳନୀରେ ଅଂଶଗ୍ରହଣ କରିବା ଏବଂ ଭାରତ-ସାଉଦି ଆରବ ରଣନୈତିକ ଭାଗିଦାରୀ ପରିଷଦର ପ୍ରଥମ ବୈଠକରେ ସହ-ଅଧ୍ୟକ୍ଷତା କରିବା ପାଇଁ ଏଚଆରଏଚ ପ୍ରିନ୍ସ ମହମ୍ମଦ ବିନ୍ ସଲମାନ ବିନ୍ ଅବଦୁଲାଜିଜ୍ ଅଲ୍ ସାଉଦ୍, କ୍ରାଉନ୍ ପ୍ରିନ୍ସ ଏବଂ ସାଉଦି ଆରବର ପ୍ରଧାନମନ୍ତ୍ରୀଙ୍କ ଐତିହାସିକ ସରକାରୀ ଗସ୍ତ ପରେ ଏହା ଅନୁଷ୍ଠିତ ହେଉଛି ।
ମହାମହୀମ ଯୁବରାଜ ମହମ୍ମଦ ବିନ୍ ସଲମାନ ବିନ୍ ଅବଦୁଲ ଅଜିଜ୍ ଉଲ୍ ସାଉଦ୍ କ୍ରାଉନ ପ୍ରିନ୍ନ ଏବଂ ଅଲ-ସଲାମ ପ୍ୟାଲେସ ଯେଦ୍ଦାରେ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିଥିଲେ। ଭାରତ ଏବଂ ସାଉଦି ଆରବ ମଧ୍ୟରେ ଘନିଷ୍ଠ ସମ୍ପର୍କ ରହିଛି, ଏବଂ ଯେଉଁ ବିଶ୍ୱାସ ଏବଂ ସଦ୍ଭାବନାରେ ଭରି ରହିଛି, ତାହା ଉପରେ ସେମାନେ ଆନୁଷ୍ଠାନିକଭାବେ ଆଲୋଚନା କରିଥିଲେ ଏବଂ ଉଭୟଙ୍କ ମଧ୍ୟରେ ଥିବା ଐତିହାସିକ ଘନିଷ୍ଠ ବନ୍ଧୁତ୍ୱର ହୃତ କମ୍ପନକୁ ସ୍ମରଣ କରିଥିଲେ । ଉଭୟ ପକ୍ଷ ଉଲ୍ଲେଖ କରିଥିଲେ ଯେ ଦୁଇ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କର ଦୃଢ଼ ମୂଳଦୁଆ ପ୍ରତିରକ୍ଷା, ସୁରକ୍ଷା, ଶକ୍ତି, ବାଣିଜ୍ୟ, ନିବେଶ, ପ୍ରଯୁକ୍ତି, କୃଷି, ସଂସ୍କୃତି, ସ୍ୱାସ୍ଥ୍ୟ, ଶିକ୍ଷା ଏବଂ ଜନସାଧାରଣଙ୍କ ମଧ୍ୟରେ ସମ୍ପର୍କ ସମେତ ବିଭିନ୍ନ କ୍ଷେତ୍ରକୁ ଅନ୍ତର୍ଭୁକ୍ତ କରୁଥିବା ରଣନୈତିକ ଭାଗିଦାରୀ ଜରିଆରେ ଆହୁରି ସୁଦୃଢ଼ ହୋଇଛି। ଉଭୟ ପକ୍ଷ ପାରସ୍ପରିକ ସ୍ୱାର୍ଥର ବର୍ତ୍ତମାନର ଆଞ୍ଚଳିକ ଏବଂ ଆନ୍ତର୍ଜାତୀୟ ପ୍ରସଙ୍ଗ ଉପରେ ମଧ୍ୟ ମତ ବିନିମୟ କରିଥିଲେ।
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ବିଶ୍ୱ ପ୍ରଦର୍ଶନୀ ୨୦୩୦ ଏବଂ ଫିଫା ବିଶ୍ୱକପ୍ ୨୦୩୪ ପାଇଁ ସାଉଦି ଆରବର ସଫଳ ‘ବୋଲି’ ଡାକ ପାଇଁ ଏଚଆରଏଚ ପ୍ରିନ୍ସ ମହମ୍ମଦ ବିନ୍ ସଲମାନ ବିନ୍ ଅବଦୁଲାଜିଜ୍ ଉଲ୍ ସଉଦ, ଯୁବରାଜ ତଥା ସାଉଦି ଆରବର ପ୍ରଧାନମନ୍ତ୍ରୀଙ୍କୁ ଅଭିନନ୍ଦନ ଜଣାଇଥିଲେ।
ଉଭୟ ନେତା ଭାରତ ଏବଂ ସାଉଦି ଆରବ ମଧ୍ୟରେ ରଣନୈତିକ ଭାଗିଦାରୀକୁ ସୁଦୃଢ଼ କରିବାର ଉପାୟ ଉପରେ ଗଠନମୂଳକ ଆଲୋଚନା କରିଥିଲେ। ଦୁଇ ନେତା ଭାରତ-ସାଉଦି ଆରବ ରଣନୈତିକ ଭାଗିଦାରୀ ପରିଷଦ (ଏସ. ପି. ସି.) ର ଦ୍ୱିତୀୟ ବୈଠକରେ ମଧ୍ୟ ମିଳିତ ଅଧ୍ୟକ୍ଷତା କରିଥିଲେ। ଉଭୟ ପକ୍ଷ ସେପେ୍ଟମ୍ୱର ୨୦୨୩ ରେ ସେମାନଙ୍କର ଶେଷ ବୈଠକ ପରଠାରୁ ରଣନୈତିକ ଭାଗିଦାରୀ ପରିଷଦର ଅଗ୍ରଗତିର ସମୀକ୍ଷା କରିଥିଲେ। ଉଭୟ ନେତା ଦୁଇଟି ମନ୍ତ୍ରୀସ୍ତରୀୟ କମିଟିର କାର୍ଯ୍ୟର ଫଳାଫଳ ଉପରେ ଯଥା (କ) ରାଜନୈତିକ, ସୁରକ୍ଷା, ସାମାଜିକ ଏବଂ ସାଂସ୍କୃତିକ ସହଯୋଗ କମିଟି ଏବଂ ସେମାନଙ୍କର ଉପକମିଟି ଏବଂ (ଖ) ଅର୍ଥନୀତି ଏବଂ ନିବେଶ କମିଟିର ବିଭିନ୍ନ କ୍ଷେତ୍ରରେ ଅନେକ ମିଳିତ କାର୍ଯ୍ୟ ଗୋଷ୍ଠୀ, ଉପରେ ସନ୍ତୋଷ ବ୍ୟକ୍ତ କରିଥିଲେ। ଏହି ପରିପ୍ରେକ୍ଷୀରେ, ପରିଷଦର ସହ-ଅଧ୍ୟକ୍ଷମାନେ ରଣନୈତିକ ଭାଗିଦାରୀ ପରିଷଦର ସମ୍ପ୍ରସାରଣକୁ ସ୍ୱାଗତ କରିଥିଲେ, ଯାହା ପ୍ରତିରକ୍ଷା ସହଯୋଗ ଏବଂ ପର୍ଯ୍ୟଟନ ଏବଂ ସାଂସ୍କୃତିକ ସହଯୋଗ ଉପରେ ମନ୍ତ୍ରୀସ୍ତରୀୟ କମିଟିଗୁଡ଼ିକୁ ସାମିଲ କରି ରଣନୈତିକ ଭାଗିଦାରୀର ଗଭୀରତାକୁ ପ୍ରତିଫଳିତ କରୁଛି। ଉଭୟ ପକ୍ଷ ମଧ୍ୟରେ ବିଶ୍ୱାସ ଏବଂ ପାରସ୍ପରିକ ବୁଝାମଣା ସୃଷ୍ଟି କରିଥିବା ବିଭିନ୍ନ ମନ୍ତ୍ରଣାଳୟର ବହୁ ସଂଖ୍ୟକ ଉଚ୍ଚସ୍ତରୀୟ ଗସ୍ତକୁ ଉଭୟ ନେତା ପ୍ରଶଂସା କରିଥିଲେ। ବୈଠକ ଶେଷରେ ଉଭୟ ନେତା ଭାରତ-ସାଉଦି ଆରବ ରଣନୈତିକ ଭାଗିଦାରୀ ପରିଷଦର ଦ୍ୱିତୀୟ ବୈଠକର ବିବରଣୀ ଉପରେ ସ୍ୱାକ୍ଷର କରିଥିଲେ।
ଏହି ରାଜ୍ୟରେ ବସବାସ କରୁଥିବା ପ୍ରାୟ ୨୭ ଲକ୍ଷ ଭାରତୀୟ ନାଗରିକଙ୍କ ନିରନ୍ତର କଲ୍ୟାଣ ପାଇଁ ଭାରତୀୟ ପକ୍ଷ ସାଉଦି ପକ୍ଷକୁ ପ୍ରଶଂସା କରିଥିଲେ, ଯାହା ଦୁଇ ଦେଶ ମଧ୍ୟରେ ଥିବା ଦୃଢ଼ ଲୋକ ସମ୍ପର୍କ ଏବଂ ଅପାର ସଦ୍ଭାବନାକୁ ପ୍ରତିଫଳିତ କରୁଛି। ୨୦୨୪ ମସିହାରେ ସଫଳତାର ସହ ହଜ୍ ତୀର୍ଥଯାତ୍ରା ଆୟୋଜନ କରିଥିବାରୁ ଭାରତୀୟ ପକ୍ଷ ସାଉଦି ଆରବକୁ ମଧ୍ୟ ଅଭିନନ୍ଦନ ଜଣାଇବା ସହ ଭାରତୀୟ ହଜ୍ ଏବଂ ଉମରାହ ତୀର୍ଥଯାତ୍ରୀମାନଙ୍କୁ ସୁବିଧା ଯୋଗାଇବାରେ ଉଭୟ ଦେଶ ମଧ୍ୟରେ ଉତ୍କୃଷ୍ଟ ସମନ୍ୱୟ ପାଇଁ ପ୍ରଶଂସା ମଧ୍ୟ କରିଥିଲେ।
ଦୁଇ ଦେଶ ମଧ୍ୟରେ ନିବେଶ ପ୍ରବାହକୁ ପ୍ରୋତ୍ସାହନ ଦେବା ପାଇଁ ୨୦୨୪ ମସିହାରେ ଗଠିତ ଉଚ୍ଚସ୍ତରୀୟ ଟାସ୍କ ଫୋର୍ସ (ଏଚଏଲଟିଏଫ) ଅଧୀନରେ ହୋଇଥିବା ଆଲୋଚନା ଅଗ୍ରଗତିକୁ ନେଇ ଉଭୟ ନେତା ସନ୍ତୋଷ ବ୍ୟକ୍ତ କରିଥିଲେ। ଶକ୍ତି, ପେଟ୍ରୋକେମିକାଲ୍, ଭିତ୍ତିଭୂମି, ପ୍ରଯୁକ୍ତିବିଦ୍ୟା, ଫିଣ୍ଟେକ୍, ଡିଜିଟାଲ୍ ଭିତ୍ତିଭୂମି, ଟେଲିକମ୍, ଫାର୍ମାସ୍ୟୁଟିକାଲ୍, ଉତ୍ପାଦନ ଏବଂ ସ୍ୱାସ୍ଥ୍ୟ ସମେତ ଏକାଧିକ କ୍ଷେତ୍ରରେ ଭାରତରେ ନିବେଶ କରିବା ପାଇଁ ସାଉଦି ଆରବର ପ୍ରୟାସକୁ ଆଧାର କରି ଏହା ଉଲ୍ଲେଖ କରାଯାଇଥିଲା ଯେ ଉଚ୍ଚ ସ୍ତରୀୟ ଟାସ୍କ ଫୋର୍ସ ଏକାଧିକ କ୍ଷେତ୍ରରେ ବୁଝାମଣା କରିଥିଲା । ଯାହା ଏହିପରି ନିବେଶ ପ୍ରବାହକୁ ଦ୍ରୁତ ଗତିରେ ପ୍ରୋତ୍ସାହିତ କରିବ। ଦୁଇଟି ବିଶୋଧନାଗାର ପ୍ରତିଷ୍ଠା କ୍ଷେତ୍ରରେ ସହଯୋଗ କରିବା ଲାଗି ଉଚ୍ଚସ୍ତରୀୟ ଟାସ୍କ ଫୋର୍ସ ମଧ୍ୟରେ ହୋଇଥିବା ରାଜିନାମା ସମ୍ପର୍କରେ ସେମାନେ ଉଲ୍ଲେଖ କରିଥିଲେ। ଟିକସ ଭଳି କ୍ଷେତ୍ରରେ ଏହି ଟାସ୍କ ଫୋର୍ସ ଦ୍ୱାରା କରାଯାଇଥିବା ଅଗ୍ରଗତି ମଧ୍ୟ ଭବିଷ୍ୟତରେ ଅଧିକ ସହଯୋଗ ପାଇଁ ଏକ ପ୍ରମୁଖ ସଫଳତା ଥିଲା। ଦ୍ୱିପାକ୍ଷିକ ନିବେଶ ଚୁକ୍ତି ଉପରେ ଯଥାଶୀଘ୍ର ଆଲୋଚନା ଶେଷ କରିବା ଲାଗି ଉଭୟ ପକ୍ଷ ସେମାନଙ୍କ ଇଚ୍ଛାକୁ ଦୋହରାଇଥିଲେ। ପି. ଆଇ. ଏଫ୍. ଦ୍ୱାରା ନିବେଶ ସୁବିଧା ପାଇଁ ନୋଡାଲ ପଏଣ୍ଟ ଭାବେ କାର୍ଯ୍ୟ କରିବା ଲାଗି ପବ୍ଲିକ୍ ଇନଭେଷ୍ଟମେଣ୍ଟ ଫଣ୍ଡ (ପି. ଆଇ. ଏଫ୍.) ରେ ଇଣ୍ଡିଆ ଡେସ୍କର ଶୁଭାରମ୍ଭକୁ ଭାରତୀୟ ପକ୍ଷ ପ୍ରଶଂସା କରିଥିଲେ। ସେମାନେ ଲକ୍ଷ୍ୟ କରିଛନ୍ତି ଯେ ଉଚ୍ଚସ୍ତରୀୟ ଟାସ୍କ ଫୋର୍ସର କାର୍ଯ୍ୟ ଭାରତ ଏବଂ ସାଉଦି ଆରବ ମଧ୍ୟରେ ବୃଦ୍ଧି ପାଉଥିବା ଆର୍ଥିକ ଭାଗିଦାରୀକୁ ରେଖାଙ୍କିତ କରୁଛି, ଯେଉଁଥିରେ ପାରସ୍ପରିକ ଆର୍ଥିକ ଅଭିବୃଦ୍ଧି ଏବଂ ସହଯୋଗାତ୍ମକ ନିବେଶ ଉପରେ ଧ୍ୟାନ ଦିଆଯାଇଛି।
ଉଭୟ ପକ୍ଷ ସେମାନଙ୍କ ପ୍ରତ୍ୟକ୍ଷ ଏବଂ ପରୋକ୍ଷ ନିବେଶ ଭାଗିଦାରୀକୁ ସୁଦୃଢ଼ କରିବା ଲାଗି ପ୍ରତିବଦ୍ଧତା ବ୍ୟକ୍ତ କରିଥିଲେ। ସେପ୍ଟେମ୍ୱର ୨୦୨୩ ରେ ନୂଆଦିଲ୍ଲୀରେ ଅନୁଷ୍ଠିତ ସାଉଦି-ଭାରତ ନିବେଶ ଫୋରମର ଫଳାଫଳ ଏବଂ ଉଭୟ ଦେଶର ସରକାରୀ ଏବଂ ବେସରକାରୀ କ୍ଷେତ୍ର ମଧ୍ୟରେ ଏହା ହାସଲ କରିଥିବା ସକ୍ରିୟ ସହଯୋଗକୁ ସେମାନେ ପ୍ରଶଂସା କରିଥିଲେ। ସେମାନେ ରାଜ୍ୟରେ ଭାରତୀୟ କମ୍ପାନୀଗୁଡ଼ିକ ଦ୍ୱାରା ନିବେଶ କାର୍ଯ୍ୟକଳାପର ସମ୍ପ୍ରସାରଣକୁ ମଧ୍ୟ ପ୍ରଶଂସା କରିଥିଲେ ଏବଂ ପରସ୍ପର ମଧ୍ୟରେ ନିବେଶ ବୃଦ୍ଧି କରିବାରେ ଘରୋଇ କ୍ଷେତ୍ରର ଭୂମିକାକୁ ପ୍ରଶଂସା କରିଥିଲେ। ଉଭୟ ପକ୍ଷ ଇନଭେଷ୍ଟ ଇଣ୍ଡିଆ ଏବଂ ସାଉଦି ଆରବର ନିବେଶ ମନ୍ତ୍ରଣାଳୟ ମଧ୍ୟରେ ଦ୍ୱିପାକ୍ଷିକ ନିବେଶ ବୃଦ୍ଧି ଉପରେ ସହଯୋଗ ଢାଞ୍ଚାର ସକ୍ରିୟତାକୁ ଗୁରୁତ୍ୱ ଦେଇଥିଲେ। ଉଭୟ ପକ୍ଷ ପାରସ୍ପରିକ ଅଭିବୃଦ୍ଧି ଏବଂ ନବସୃଜନରେ ଯୋଗଦାନ କରି ଷ୍ଟାର୍ଟଅପ୍ ଇକୋସିଷ୍ଟମରେ ଦ୍ୱିପାକ୍ଷିକ ସହଯୋଗ ବୃଦ୍ଧି କରିବାକୁ ସହମତି ହୋଇଥିଲେ।
ଶକ୍ତି କ୍ଷେତ୍ରରେ, ଭାରତୀୟ ପକ୍ଷ ବିଶ୍ୱ ତୈଳ ବଜାରର ସ୍ଥିରତା ବୃଦ୍ଧି ଏବଂ ବିଶ୍ୱ ଶକ୍ତି ବଜାର ଗତିଶୀଳତାକୁ ସନ୍ତୁଳିତ କରିବା ପାଇଁ ସାମ୍ରାଜ୍ୟ ସହିତ କାର୍ଯ୍ୟ କରିବାକୁ ରାଜି ହୋଇଥିଲେ। ବିଶ୍ୱ ବଜାରରେ ସମସ୍ତ ଶକ୍ତି ଉତ୍ସ ପାଇଁ, ଯୋଗାଣର ସୁରକ୍ଷା ସୁନିଶ୍ଚିତ କରିବାର ଆବଶ୍ୟକତା ଉପରେ ସେମାନେ ଗୁରୁତ୍ୱାରୋପ କରିଥିଲେ। ଅଶୋଧିତ ତୈଳ ଏବଂ ଏଲପିଜି ସମେତ ଏହାର ଆନୁଷଙ୍ଗିକ ସାମଗ୍ରୀର ଯୋଗାଣ, ଭାରତର ଷ୍ଟ୍ରାଟେଜିକ୍ ରିଜର୍ଭ ପ୍ରୋଗ୍ରାମରେ ସହଯୋଗ, ଉତ୍ପାଦନ ଏବଂ ସ୍ୱତନ୍ତ୍ର ଶିଳ୍ପ ସମେତ ବିଶୋଧନ ଏବଂ ପେଟ୍ରୋକେମିକାଲ୍ କ୍ଷେତ୍ରରେ ମିଳିତ ପ୍ରକଳ୍ପ, ହାଇଡ୍ରୋକାର୍ବନ୍, ବିଦ୍ୟୁତ୍ ଏବଂ ଅକ୍ଷୟ ଶକ୍ତିର ଅଭିନବ ବ୍ୟବହାର, ଦୁଇ ଦେଶ ମଧ୍ୟରେ ବୈଦ୍ୟୁତିକ ଆନ୍ତଃସଂଯୋଗ ପାଇଁ ବିସ୍ତୃତ ଭାବେ ମିଳିତ ଅଧ୍ୟୟନ ସମାପ୍ତ କରିବା, ଗ୍ରୀଡ୍ ସ୍ୱୟଂକ୍ରିୟକରଣ, ଗ୍ରୀଡ୍ ସଂଯୋଗ, ବୈଦ୍ୟୁତିକ ଗ୍ରୀଡ୍ ସୁରକ୍ଷା ଏବଂ ନମନୀୟତା, ଏବଂ ଅକ୍ଷୟ ଶକ୍ତି ପ୍ରକଳ୍ପ ଏବଂ ଶକ୍ତି ସଂରକ୍ଷଣ ପ୍ରଯୁକ୍ତିବିଦ୍ୟା କ୍ଷେତ୍ରରେ ବିଶେଷଜ୍ଞ ବିନିମୟ କରିବା ଏବଂ ସେମାନଙ୍କ ପ୍ରକଳ୍ପ କାର୍ଯ୍ୟକାରୀ କରିବାରେ ଉଭୟ ପକ୍ଷର କମ୍ପାନୀଗୁଡ଼ିକର ଅଂଶଗ୍ରହଣ ବୃଦ୍ଧି କରିବା ସହିତ ଶକ୍ତି ଏବଂ ଅନେକ କ୍ଷେତ୍ରରେ ସହଯୋଗ ବୃଦ୍ଧି କରିବାର ଗୁରୁତ୍ୱ ଉପରେ ସେମାନେ ସହମତ ହୋଇଥିଲେ।
“ଉଭୟ କ୍ଷ ସବୁଜ/ସ୍ୱଚ୍ଛ ହାଇଡ୍ରୋଜେନ୍ କ୍ଷେତ୍ରରେ ସହଯୋଗର ଗୁରୁତ୍ୱ ଉପରେ ଗୁରୁତ୍ୱାରୋ କରିଥିଲେ, ଯେଉଁଥିରେ ଚାହିଦା ବୃଦ୍ଧି, ହାଇଡ୍ରୋଜେନ୍ ପରିବହନ ଏବଂ ଷ୍ଟୋରେଜ୍ ଟେକ୍ନୋଲୋଜିର ବିକାଶ, ସର୍ବୋତ୍ତମ ଅଭ୍ୟାସ କାର୍ଯ୍ୟକାରୀ କରିବା ପାଇଁ, ବିଶେଷଜ୍ଞ ଏବଂ ଅଭିଜ୍ଞତା ବିନିମୟ ଅନ୍ତର୍ଭୁକ୍ତ। ଶକ୍ତି କ୍ଷେତ୍ର ସହିତ ଜଡ଼ିତ ଯୋଗାଣ ଶୃଙ୍ଖଳା ଏବଂ ପ୍ରକଳ୍ପଗୁଡ଼ିକର ବିକାଶ, କମ୍ପାନୀଗୁଡ଼ିକ ମଧ୍ୟରେ ସହଯୋଗକୁ ସକ୍ଷମ କରିବା, ଶକ୍ତି ଦକ୍ଷତା କ୍ଷେତ୍ରରେ ସହଯୋଗ ବୃଦ୍ଧି କରିବା ଏବଂ କୋଠା, ଶିଳ୍ପ ଏବଂ ପରିବହନ କ୍ଷେତ୍ରରେ ଶକ୍ତି ବ୍ୟବହାରକୁ ଯୁକ୍ତିସଙ୍ଗତ କରିବା ଏବଂ ଏହାର ଗୁରୁତ୍ୱ ବିଷୟରେ ସଚେତନତା ସୃଷ୍ଟି କରିବା ଉପରେ କାର୍ଯ୍ୟ କରିବାର ଆବଶ୍ୟକତାକୁ ଉଭୟ ପକ୍ଷ ସ୍ୱୀକାର କରିଥିଲେ।
ଜଳବାୟୁ ପରିବର୍ତ୍ତନ ସମ୍ୱନ୍ଧରେ, ଉଭୟ ପକ୍ଷ ଜଳବାୟୁ ପରିବର୍ତ୍ତନ ଉପରେ ମିଳିତ ଜାତିସଂଘର ଫ୍ରେମୱାର୍କ ସମ୍ମିଳନୀ ଏବଂ ପ୍ୟାରିସ ରାଜିନାମାର ନୀତିଗୁଡ଼ିକୁ ପାଳନ କରିବାର ଗୁରୁତ୍ୱ ଏବଂ ଉତ୍ସ ପରିବର୍ତ୍ତେ ନିର୍ଗମନ ଉପରେ ଧ୍ୟାନ ଦେଇ ଜଳବାୟୁ ରାଜିନାମାର ବିକାଶ ଏବଂ କାର୍ଯ୍ୟକାରିତାର ଆବଶ୍ୟକତାକୁ ଦୋହରାଇଥିଲେ। ଭାରତୀୟ ପକ୍ଷ ରାଜ୍ୟର "ସାଉଦି ଗ୍ରୀନ୍ ଇନିସିଏଟିଭ୍" ଏବଂ "ମିଡିଲ୍ ଇଷ୍ଟ ଗ୍ରୀନ୍ ଇନିସିଏଟିଭ୍" ର ଶୁଭାରମ୍ଭକୁ ପ୍ରଶଂସା କରିଥିଲେ ଏବଂ ଜଳବାୟୁ ପରିବର୍ତ୍ତନ କ୍ଷେତ୍ରରେ ରାଜ୍ୟର ପ୍ରୟାସ ପାଇଁ ସମର୍ଥନ ବ୍ୟକ୍ତ କରିଥିଲେ। ଉଭୟ ପକ୍ଷ କାର୍ବନ ନିର୍ଗମନ ପରିଚାଳନା ଏବଂ ଜଳବାୟୁ ପରିବର୍ତ୍ତନର ଲକ୍ଷ୍ୟ ହାସଲ ପାଇଁ ଚକ୍ରାକାର କାର୍ବନ ଅର୍ଥବ୍ୟବସ୍ଥାକୁ ଏକ ଉପକରଣ ଭାବେ ବ୍ୟବହାର କରୁଥିବା ନୀତିକୁ ପ୍ରୋତ୍ସାହନ ଦେଇ ଚକ୍ରାକାର କାର୍ବନ ଅର୍ଥବ୍ୟବସ୍ଥାର ପ୍ରୟୋଗକୁ ବିକଶିତ କରିବା ଲାଗି ମିଳିତ ସହଯୋଗର ଗୁରୁତ୍ୱ ଉପରେ ଗୁରୁତ୍ୱାରୋ କରିଥିଲେ। ଆନ୍ତର୍ଜାତୀୟ ସୌର ମେଣ୍ଟ, ଏକ ସୂର୍ଯ୍ୟ-ଏକ ବିଶ୍ୱ-ଏକ ଗ୍ରୀଡ, ବିପର୍ଯ୍ୟୟ ପ୍ରଶମନ ଭିତ୍ତିଭୂମି ମେଣ୍ଟ (ସି. ଡି. ଆର. ଆଇ.) ଏବଂ ପରିବେଶ ପାଇଁ ମିଶନ ଜୀବନଶୈଳୀ (ଏଲ. ଆଇ. ଏଫ. ଇ.) ଏବଂ ଗ୍ଲୋବାଲ ଗ୍ରୀନ୍ କ୍ରେଡିଟ୍ ଇନିସିଏଟିଭ୍ ଭଳି ଅଗ୍ରଣୀ ପଦକ୍ଷେ ଦ୍ୱାରା ବିଶ୍ୱ ଜଳବାୟୁ କାର୍ଯ୍ୟାନୁଷ୍ଠାନରେ ଭାରତର ଯୋଗଦାନକୁ ସାଉଦି ଆରବ ସାମ୍ରାଜ୍ୟ ପ୍ରଶଂସା କରିଥିଲା।
“ଭାରତ ସାଉଦି ଆରବର ଦ୍ୱିତୀୟ ସର୍ବବୃହତ ବାଣିଜ୍ୟିକ ଅଂଶୀଦାର ଏବଂ ସାଉଦି ଆରବ ୨୦୨୩-୨୦୨୪ରେ ଭାରତର ପଞ୍ଚମ ସର୍ବବୃହତ ବାଣିଜ୍ୟିକ ଅଂଶୀଦାର ହେବା ସହିତ ନିକଟ ଅତୀତରେ ଦ୍ୱିପାକ୍ଷିକ ବାଣିଜ୍ୟରେ ସ୍ଥିର ଅଭିବୃଦ୍ଧି ନେଇ ଉଭୟ ପକ୍ଷ ସନ୍ତୋଷ ବ୍ୟକ୍ତ କରିଥିଲେ। ଉଭୟ ପକ୍ଷ ସେମାନଙ୍କ ଦ୍ୱିପାକ୍ଷିକ ବାଣିଜ୍ୟରେ ବିବିଧତା ଆଣିବା ଲାଗି ସହଯୋଗକୁ ଆହୁରି ବୃଦ୍ଧି କରିବା ଲାଗି ସହମତ ହୋଇଥିଲେ। ଏହି ପରିପ୍ରେକ୍ଷୀରେ, ଉଭୟ ପକ୍ଷ ବ୍ୟବସାୟ ଏବଂ ବାଣିଜ୍ୟ ପ୍ରତିନିଧିମଣ୍ଡଳର ଗସ୍ତ ବୃଦ୍ଧି ଏବଂ ବାଣିଜ୍ୟ ଏବଂ ନିବେଶ କାର୍ଯ୍ୟକ୍ରମ ଆୟୋଜନ କରିବାର ଗୁରୁତ୍ୱ ଉପରେ ସହମତ ହୋଇଥିଲେ। ଉଭୟ ପକ୍ଷ ଭାରତ-ଜିସିସି ଏଫ୍. ଟି. ଏ. ଉପରେ ଆଲୋଚନା ଆରମ୍ଭ କରିବା ଲାଗି ନିଜର ଇଚ୍ଛାକୁ ଦୋହରାଇଥିଲେ।
ରଣନୈତିକ ଭାଗିଦାରୀର ଏକ ପ୍ରମୁଖ ସ୍ତମ୍ଭ ଭାବେ ପ୍ରତିରକ୍ଷା ସମ୍ପର୍କକୁ ଗଭୀର କରିବା ଲାଗି ଉଭୟ ପକ୍ଷ ପ୍ରଶଂସା କରିଥିଲେ ଏବଂ ରଣନୈତିକ ଭାଗିଦାରୀ ପରିଷଦ ଅଧୀନରେ ପ୍ରତିରକ୍ଷା ସହଯୋଗ ଉପରେ ଏକ ମନ୍ତ୍ରୀସ୍ତରୀୟ କମିଟି ଗଠନକୁ ସ୍ୱାଗତ କରିଥିଲେ। ସେମାନେ ସେମାନଙ୍କର ମିଳିତ ପ୍ରତିରକ୍ଷା ସହଯୋଗର ଅଭିବୃଦ୍ଧିକୁ ସନ୍ତୋଷର ସହ ଉଲ୍ଲେଖ କରିଥିଲେ, ଯେଉଁଥିରେ ପ୍ରଥମ ଥର ପାଇଁ ସ୍ଥଳସେନା ଅଭ୍ୟାସ ଦୁଇ ପର୍ଯ୍ୟାୟ ନୌସେନା ଅଭ୍ୟାସ' ଅଲ୍ ମହମ୍ମଦ୍ ଅଲ୍ ହିନ୍ଦି କେଦୌର, ଅନେକ ଉଚ୍ଚସ୍ତରୀୟ ଗସ୍ତ ଏବଂ ଏହି ଅଞ୍ଚଳର ସୁରକ୍ଷା ଏବଂ ସ୍ଥିରତା ସୁନିଶ୍ଚିତ କରିବା ଦିଗରେ ପ୍ରଶିକ୍ଷଣ ଆଦାନ-ପ୍ରଦାନ ଆଦି ସାମିଲ ରହିଛି। ସେପ୍ଟେମ୍ୱର ୨୦୨୪ରେ ରିୟାଦରେ ଅନୁଷ୍ଠିତ ପ୍ରତିରକ୍ଷା ସହଯୋଗ ଉପରେ ମିଳିତ କମିଟିର ଷଷ୍ଠ ବୈଠକର ଫଳାଫଳକୁ ସେମାନେ ସ୍ୱାଗତ କରିଥିଲେ ଏବଂ ସମସ୍ତ ତିନି ସେବା ମଧ୍ୟରେ କର୍ମଚାରୀ ସ୍ତରୀୟ ଆଲୋଚନାର ଆରମ୍ଭ ବିଷୟରେ ଉଲ୍ଲେଖ କରିଥିଲେ। ଉଭୟ ପକ୍ଷ ପ୍ରତିରକ୍ଷା ଶିଳ୍ପ କ୍ଷେତ୍ରରେ ସହଯୋଗ ବୃଦ୍ଧି କରିବା ଲାଗି ମଧ୍ୟ ସହମତ ହୋଇଥିଲେ।
ସୁରକ୍ଷା କ୍ଷେତ୍ରରେ ଜାରି ରହିଥିବା ସହଯୋଗ ବିଷୟରେ ଉଲ୍ଲେଖ କରି ଉଭୟ କ୍ଷ ଉନ୍ନତ ସୁରକ୍ଷା ଏବଂ ସ୍ଥିରତା ପାଇଁ ଏହି ସହଯୋଗର ଗୁରୁତ୍ୱ ଉପରେ ଆଲୋକପାତ କରିଥିଲେ। ସାଇବର ସୁରକ୍ଷା, ସାମୁଦ୍ରିକ ସୀମା ସୁରକ୍ଷା, ଅନ୍ତର୍ଜାତୀୟ ଅପରାଧ, ନିଶାଦ୍ରବ୍ୟ କାରବାର ଏବଂ ନିଶାଦ୍ରବ୍ୟ କାରବାରର ମୁକାବିଲା କ୍ଷେତ୍ରରେ ଉଭୟ ପକ୍ଷ ମଧ୍ୟରେ ସହଯୋଗ ବୃଦ୍ଧି ଉପରେ ମଧ୍ୟ ସେମାନେ ଗୁରୁତ୍ୱାରୋପ କରିଥିଲେ।
“ଉଭୟ ପକ୍ଷ ୨୨ ଏପ୍ରିଲ ୨୦୨୫ ରେ ଜାମ୍ମୁ କାଶ୍ମୀରର ପହଲଗାମରେ ଭୟଙ୍କର ଆତଙ୍କବାଦୀ ଆକ୍ରମଣକୁ ଦୃଢ଼ ନିନ୍ଦା କରିଥିଲେ, ଯେଉଁଥିରେ ନିରୀହ ନାଗରିକଙ୍କ ଜୀବନ ଯାଇଥିଲା। ଏହି ପରିପ୍ରେକ୍ଷୀରେ, ଉଭୟ ପକ୍ଷ ଆତଙ୍କବାଦ ଏବଂ ଏହାର ସମସ୍ତ ରୂ ଏବଂ ଅଭିବ୍ୟକ୍ତିରେ ହିଂସାତ୍ମକ ଉଗ୍ରବାଦକୁ ନିନ୍ଦା କରିଥିଲେ ଏବଂ ଏହା ମାନବତା ପାଇଁ ଏକ ଗୁରୁତର ବିଦ ବୋଲି ଗୁରୁତ୍ୱାରୋପ କରିଥିଲେ। ସେମାନେ ସହମତ ହୋଇଥିଲେ ଯେ କୌଣସି କାରଣରୁ କୌଣସି ଆତଙ୍କବାଦୀ କାର୍ଯ୍ୟକଳାପ ପାଇଁ କୌଣସି ଯଥାର୍ଥତା ହୋଇପାରିବ ନାହିଁ। କୌଣସି ନିର୍ଦ୍ଦିଷ୍ଟ ଜାତି, ଧର୍ମ କିମ୍ୱା ସଂସ୍କୃତି ସହିତ ଆତଙ୍କବାଦକୁ ଯୋଡ଼ିବାର କୌଣସି ପ୍ରୟାସକୁ ସେମାନେ ପ୍ରତ୍ୟାଖ୍ୟାନ କରିଥିଲେ। ଆତଙ୍କବାଦର ମୁକାବିଲା ଏବଂ ଆତଙ୍କବାଦ ପାଇଁ ପାଣ୍ଠି ଯୋଗାଣ କ୍ଷେତ୍ରରେ ଉଭୟ ପକ୍ଷ ମଧ୍ୟରେ ଉତ୍କୃଷ୍ଟ ସହଯୋଗକୁ ସେମାନେ ସ୍ୱାଗତ କରିଥିଲେ। ସେମାନେ ସୀମାପାର ଆତଙ୍କବାଦକୁ ନିନ୍ଦା କରିଥିଲେ ଏବଂ ଅନ୍ୟ ଦେଶଗୁଡ଼ିକ ବିରୋଧରେ ଆତଙ୍କବାଦର ବ୍ୟବହାରକୁ ପ୍ରତ୍ୟାଖ୍ୟାନ କରିବା, ଆତଙ୍କବାଦ ଭିତ୍ତିଭୂମିକୁୁ ଯେଉଁଠାରେ ରହିଛି ସେଠାରେ ଧ୍ୱଂସ କରିବା ଏବଂ ଆତଙ୍କବାଦର ଅପରାଧୀମାନଙ୍କୁ ଶୀଘ୍ର ନ୍ୟାୟ ଦେବା ପାଇଁ ସମସ୍ତ ରାଷ୍ଟ୍ରଙ୍କୁ ଆହ୍ୱାନ କରିଥିଲେ। ଅନ୍ୟ ଦେଶ ବିରୁଦ୍ଧରେ ଆତଙ୍କବାଦୀ କାର୍ଯ୍ୟକଳା କରିବା ।ଇଁ କ୍ଷେପଣାସ୍ତ୍ର ଏବଂ ଡ୍ରୋନ୍ ସମେତ ଅସ୍ତ୍ରଶସ୍ତ୍ରର ପ୍ରବେଶକୁ ରୋକିବା ଉପରେ ଉଭୟ ପକ୍ଷ ଗୁରୁତ୍ୱାରୋ କରିଥିଲେ।
ଉଭୟ ପକ୍ଷ ସ୍ୱାସ୍ଥ୍ୟ କ୍ଷେତ୍ରରେ ଚାଲିଥିବା ସହଯୋଗ ଏବଂ ବର୍ତ୍ତମାନର ତଥା ଭବିଷ୍ୟତର ସ୍ୱାସ୍ଥ୍ୟ ପ୍ରତି ବିପଦ ତଥା ସ୍ୱାସ୍ଥ୍ୟ ସମସ୍ୟାର ଆହ୍ୱାନର ମୁକାବିଲା ।ଇଁ ପ୍ରୟାସ ଉପରେ ଗୁରୁତ୍ୱାରୋ କରିଥିଲେ। ଏହି ପରିପ୍ରେକ୍ଷୀରେ, ଦୁଇ ଦେଶ ମଧ୍ୟରେ ସ୍ୱାସ୍ଥ୍ୟ କ୍ଷେତ୍ରରେ ସହଯୋଗ ଲାଗି ସ୍ୱାକ୍ଷରିତ ବୁଝାମଣାକୁ ସେମାନେ ସ୍ୱାଗତ କରିଥିଲେ। ନଭେମ୍ୱର ୨୦୨୪ ରେ ଜେଦ୍ଦାରେ ଆଣ୍ଟିମାଇକ୍ରୋବାୟାଲ୍ ପ୍ରତିରୋଧ ଉପରେ ଚତୁର୍ଥ ମନ୍ତ୍ରୀସ୍ତରୀୟ ସମ୍ମିଳନୀ ସଫଳତାର ସହ ଆୟୋଜନ କରିଥିବାରୁ ଭାରତୀୟ ପକ୍ଷ ସାଉଦି ଆରବ ରାଜ୍ୟକୁ ଅଭିନନ୍ଦନ ଜଣାଇଥିଲେ। ସାଉଦି ଆରବରେ ଭାରତୀୟ ଔଷଧର ରେଫରେନ୍ସ ମୂଲ୍ୟ ନିର୍ଦ୍ଧାରଣ ଏବଂ ଫାଷ୍ଟ ଟ୍ରାକ୍ ପଞ୍ଜୀକରଣ ସମ୍ୱନ୍ଧୀୟ ସମସ୍ୟାର ସମାଧାନ ପାଇଁ ସାଉଦି ଖାଦ୍ୟ ଏବଂ ଔଷଧ ପ୍ରାଧିକରଣ ଦ୍ୱାରା ନିଆଯାଇଥିବା ପଦକ୍ଷେପକୁ ଭାରତୀୟ ପକ୍ଷ ସ୍ୱାଗତ କରିଥିଲେ। ଉଭୟ ପକ୍ଷ ସାଉଦି ଖାଦ୍ୟ ଏବଂ ଔଷଧ ପ୍ରାଧିକରଣ ଏବଂ କେନ୍ଦ୍ରୀୟ ଔଷଧ ମାନକ ନିୟନ୍ତ୍ରଣ ସଂଗଠନ (ସି. ଡି. ଏସ୍. ସି. ଓ.) ମଧ୍ୟରେ ଚିକିତ୍ସା ଉତ୍ପାଦ ନିୟନ୍ତ୍ରଣ କ୍ଷେତ୍ରରେ ସହଯୋଗ ଲାଗି ବୁଝାମଣା ପତ୍ରର ସମ୍ପ୍ରସାରଣକୁ ଆହୁରି ପାଞ୍ଚ ବର୍ଷ ପାଇଁ ସ୍ୱାଗତ କରିଥିଲେ।
ଆର୍ଟିଫିସିଆଲ୍ ଇଣ୍ଟେଲିଜେନ୍ସ, ସାଇବର ସୁରକ୍ଷା, ସେମି-କଣ୍ଡକ୍ଟର ଇତ୍ୟାଦି ନୂତନ ଏବଂ ଉଦୀୟମାନ କ୍ଷେତ୍ର ସମେତ ପ୍ରଯୁକ୍ତିବିଦ୍ୟା କ୍ଷେତ୍ରରେ ସହଯୋଗର ଗୁରୁତ୍ୱ ଉପରେ ଉଭୟ ପକ୍ଷ ଗୁରୁତ୍ୱାରୋପ କରିଥିଲେ। ଡିଜିଟାଲ ପ୍ରଶାସନର ଗୁରୁତ୍ୱ ଉପରେ ଆଲୋକପାତ କରି ଉଭୟ ପକ୍ଷ ଏହି କ୍ଷେତ୍ରରେ ସହଯୋଗ କରି ଅନ୍ୱେଷଣ କରିବାକୁ ରାଜି ହୋଇଥିଲେ। ନିୟାମକ ଏବଂ ଡିଜିଟାଲ କ୍ଷେତ୍ରରେ ସହଯୋଗ ପାଇଁ ଭାରତୀୟ ଦୂରସଞ୍ଚାର ନିୟାମକ ପ୍ରାଧିକରଣ ଏବଂ ସାଉଦି ଆରବର ଯୋଗାଯୋଗ, ମହାକାଶ ଏବଂ ପ୍ରଯୁକ୍ତି ଆୟୋଗ ମଧ୍ୟରେ ବୁଝାମଣା ପତ୍ର ସ୍ୱାକ୍ଷରିତ ହେବା ନେଇ ମଧ୍ୟ ସେମାନେ ସନ୍ତୋଷ ବ୍ୟକ୍ତ କରିଥିଲେ।
ଉଭୟ ପକ୍ଷ ଉଲ୍ଲେଖ କରିଛନ୍ତି ଯେ ଏହି ଗସ୍ତ ସମୟରେ ସ୍ୱାକ୍ଷରିତ ହୋଇଥିବା ମହାକାଶ ସହଯୋଗ ବୁଝାମଣା ପତ୍ର ମହାକାଶ କ୍ଷେତ୍ରରେ ସହଯୋଗ ବୃଦ୍ଧି ପାଇଁ ପଥ ପରିଷ୍କାର କରିବ, ଯେଉଁଥିରେ ଉତକ୍ଷେପଣ ଯାନ, ମହାକାଶଯାନ, ଗ୍ରାଉଣ୍ଡ ସିଷ୍ଟମର ଉପଯୋଗ; ମହାକାଶ ଟେକ୍ନୋଲୋଜିର ପ୍ରୟୋଗ; ଗବେଷଣା ଏବଂ ବିକାଶ; ଏକାଡେମିକ୍ ଯୋଗଦାନ ଏବଂ ଉଦ୍ୟୋଗୀତା ଅନ୍ତର୍ଭୁକ୍ତ।
ଐତିହ୍ୟ, ଚଳଚ୍ଚିତ୍ର, ସାହିତ୍ୟ, ପ୍ରଦର୍ଶନ ଏବଂ ଦୃଶ୍ୟ କଳା ଭଳି ପ୍ରମୁଖ କ୍ଷେତ୍ରରେ ସକ୍ରିୟ ଯୋଗଦାନ ଜରିଆରେ ସାଉଦି ଆରବ ଏବଂ ଭାରତ ମଧ୍ୟରେ ସାଂସ୍କୃତିକ ସହଯୋଗ ବୃଦ୍ଧି ଉପରେ ଉଭୟ ପକ୍ଷ ଗୁରୁତ୍ୱାରୋ କରିଥିଲେ। ଷ୍ଟ୍ରାଟେଜିକ୍ ପାର୍ଟନରସିପ୍ କାଉନସିଲ୍ ଅଧୀନରେ ପର୍ଯ୍ୟଟନ ଏବଂ ସାଂସ୍କୃତିକ ସହଯୋଗ ଉପରେ ଏକ ମନ୍ତ୍ରୀସ୍ତରୀୟ କମିଟି ଗଠନ ଏହି ଭାଗିଦାରୀକୁ ମଜବୁତ କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।
କ୍ଷମତା ନିର୍ମାଣ ଏବଂ ସ୍ଥାୟୀ ପର୍ଯ୍ୟଟନ ଜରିଆରେ ପର୍ଯ୍ୟଟନ କ୍ଷେତ୍ରରେ ସହଯୋଗ ବୃଦ୍ଧି କରିବା ଲାଗି ମଧ୍ୟ ଉଭୟ ପକ୍ଷ ସହମତ ହୋଇଥିଲେ। ଦୁଇ ଦେଶ ମଧ୍ୟରେ ଦୃଢ଼ ଲୋକଙ୍କ ସମ୍ପର୍କ ଦ୍ୱାରା ସମର୍ଥିତ ଗଣମାଧ୍ୟମ, ମନୋରଞ୍ଜନ ଏବଂ କ୍ରୀଡ଼ା କ୍ଷେତ୍ରରେ ବିଭିନ୍ନ ସୁଯୋଗର ସମ୍ପ୍ରସାରଣ ବିଷୟରେ ମଧ୍ୟ ସେମାନେ ଉଲ୍ଲେଖ କରିଥିଲେ।
“ସାର ବାଣିଜ୍ୟ ସମେତ କୃଷି ଏବଂ ଖାଦ୍ୟ ସୁରକ୍ଷା କ୍ଷେତ୍ରରେ ଦୁଇ ଦେଶ ମଧ୍ୟରେ ଦୀର୍ଘକାଳୀନ ସହଯୋଗକୁ ଉଭୟ ପକ୍ଷ ପ୍ରଶଂସା କରିଥିଲେ। ଏହି କ୍ଷେତ୍ରରେ ଦୀର୍ଘକାଳୀନ ରଣନୈତିକ ସହଯୋଗ ନିର୍ମାଣ ଦିଗରେ ଯୋଗାଣ, ପାରସ୍ପରିକ ନିବେଶ ଏବଂ ମିଳିତ ପ୍ରକଳ୍ପର ସୁରକ୍ଷା ପାଇଁ ଦୀର୍ଘକାଳୀନ ରାଜିନାମା ଜାରି ରଖିବା ଲାଗି ସେମାନେ ସହମତ ହୋଇଥିଲେ।
“ନବସୃଜନ, କ୍ଷମତା ନିର୍ମାଣ ଏବଂ ନିରନ୍ତର ବିକାଶକୁ ପ୍ରୋତ୍ସାହିତ କରିବାରେ ଏହାର ରଣନୈତିକ ଗୁରୁତ୍ୱକୁ ରେଖାଙ୍କିତ କରି ଦୁଇ ଦେଶ ମଧ୍ୟରେ ଶିକ୍ଷା ଏବଂ ବୈଜ୍ଞାନିକ ସହଯୋଗରେ ବୃଦ୍ଧି ।ଉଥିବା ଗତିକୁ ଉଭୟ ପକ୍ଷ ପ୍ରଶଂସା କରିଥିଲେ। ଅଗ୍ରଣୀ ଭାରତୀୟ ବିଶ୍ୱବିଦ୍ୟାଳୟଗୁଡ଼ିକ ସାଉଦି ଆରବରେ ଉପସ୍ଥିତ ରହିବାର ସୁଯୋଗକୁ ସାଉଦି ପକ୍ଷ ସ୍ୱାଗତ କରିଛି। ଉଭୟ ପକ୍ଷ ଶ୍ରମ ଏବଂ ମାନବ ସମ୍ୱଳ କ୍ଷେତ୍ରରେ ସହଯୋଗ ବୃଦ୍ଧି କରିବା ଏବଂ ସହଯୋଗ ପାଇଁ ସୁଯୋଗ ଚିହ୍ନଟ କରିବା ଉପରେ ମଧ୍ୟ ଗୁରୁତ୍ୱାରୋପ କରିଛନ୍ତି।
“ଉଭୟ ପକ୍ଷ ସେପ୍ଟେମ୍ୱର ୨୦୨୩ ରେ ଏଚଆରଏଚ ପ୍ରିନ୍ସ ମହମ୍ମଦ ବିନ୍ ସଲମାନ ବିନ୍ ଅବଦୁଲାଜିଜ୍ ଉଲ୍ ସାଉଦ୍, କ୍ରାଉନ୍ ପ୍ରିନ୍ସ ଏବଂ ସାଉଦି ଆରବର ପ୍ରଧାନମନ୍ତ୍ରୀଙ୍କ ଭାରତ ଗସ୍ତ ସମୟରେ ଅନ୍ୟ ଦେଶ ସହିତ ଭାରତ-ମଧ୍ୟପ୍ରାଚ୍ୟ-ୟୁରୋ ଅର୍ଥନୈତିକ କରିଡରର ନୀତି ଉପରେ ବୁଝାମଣା ପତ୍ର ସ୍ୱାକ୍ଷରିତ ହେବାର କଥା ମନେ ପକାଇଥିଲେ ଏବଂ କରିଡରରେ ପରିକଳ୍ପିତ ସଂଯୋଗର ଦୃଷ୍ଟିକୋଣକୁ ସାକାର କରିବା ପାଇଁ ମିଳିତ ଭାବରେ କାର୍ଯ୍ୟ କରିବାକୁ ପାରସ୍ପରିକ ପ୍ରତିବଦ୍ଧତା ବ୍ୟକ୍ତ କରିଥିଲେ, ଯେଉଁଥିରେ ଭିତ୍ତିଭୂମି ବିକାଶ ଅନ୍ତର୍ଭୁକ୍ତ, ଯେଉଁଥିରେ ସାମଗ୍ରୀ ଏବଂ ସେବାର ପାସେଜ୍ ବୃଦ୍ଧି କରିବା ପାଇଁ ରେଳ ଏବଂ ବନ୍ଦର ସଂଯୋଗ ଅନ୍ତର୍ଭୁକ୍ତ, ଏବଂ ଅଂଶୀଦାରମାନଙ୍କ ମଧ୍ୟରେ ବାଣିଜ୍ୟ ବୃଦ୍ଧି, ଏବଂ ଡାଟା ସଂଯୋଗ ଏବଂ ବୈଦ୍ୟୁତିକ ଗ୍ରୀଡ୍ ଆନ୍ତଃସଂଯୋଗ ବୃଦ୍ଧି। ଏହି ପରିପ୍ରେକ୍ଷୀରେ, ଉଭୟ ପକ୍ଷ ବୈଦ୍ୟୁତିକ ଆନ୍ତଃସଂଯୋଗ, ସ୍ୱଚ୍ଛ/ସବୁଜ ହାଇଡ୍ରୋଜେନ୍ ଏବଂ ଯୋଗାଣ ଶୃଙ୍ଖଳା ଉପରେ ଅକ୍ଟୋବର ୨୦୨୩ ରେ ସ୍ୱାକ୍ଷରିତ ବୁଝାମଣା ପତ୍ର ଅଧୀନରେ ଅଗ୍ରଗତିକୁ ସ୍ୱାଗତ କରିଥିଲେ। ଦୁଇ ଦେଶ ମଧ୍ୟରେ ଜାହାଜ ଚଳାଚଳ ଲାଇନର ବୃଦ୍ଧି ନେଇ ଉଭୟ ପକ୍ଷ ସନ୍ତୋଷ ବ୍ୟକ୍ତ କରିଥିଲେ।
ବିଶ୍ୱ ଅର୍ଥନୀତି ସମ୍ମୁଖୀନ ହେଉଥିବା ଆହ୍ୱାନର ମୁକାବିଲା ।ଇଁ ପ୍ରୟାସକୁ ସୁଦୃଢ଼ କରିବା ଲାଗି ଜି-୨୦, ଅନ୍ତର୍ଜାତୀୟ ମୁଦ୍ରା ପାଣ୍ଠି ଏବଂ ବିଶ୍ୱ ବ୍ୟାଙ୍କ ସମେତ ଅନ୍ତର୍ଜାତୀୟ ସଙ୍ଗଠନ ଏବଂ ମଞ୍ଚରେ ଦୁଇ ଦେଶ ମଧ୍ୟରେ ସହଯୋଗ ଏବଂ ସମନ୍ୱୟ ବୃଦ୍ଧି କରିବାର ଗୁରୁତ୍ୱ ଉପରେ ଉଭୟ ପକ୍ଷ ଗୁରୁତ୍ୱାରୋପ କରିଥିଲେ। ସେମାନେ ଋଣ ସେବା ନିଲମ୍ୱନ ପକ୍ଷେ (ଡି. ଏସ୍. ଏସ୍. ଆଇ.) ଠାରୁ ଆଗକୁ ଋଣ ରିଚାଳନା ପାଇଁ ସାଧାରଣ ଢାଞ୍ଚା ମଧ୍ୟରେ ସେମାନଙ୍କ ମଧ୍ୟରେ ବର୍ତ୍ତମାନର ସହଯୋଗକୁ ପ୍ରଶଂସା କରିଥିଲେ, ଯାହାକୁ ୨୦୨୦ ରିୟାଦ୍ ଶିଖର ସମ୍ମିଳନୀରେ ଜି-୨୦ ନେତାମାନଙ୍କ ଦ୍ୱାରା ଅନୁମୋଦନ କରାଯାଇଥିଲା। ଯୋଗ୍ୟ ଦେଶଗୁଡ଼ିକର ଋଣର ସମାଧାନ ପାଇଁ ସରକାରୀ ଋଣଦାତା (ବିକାଶଶୀଳ ଦେଶ ଋଣଦାତା ଏବଂ ପ୍ୟାରିସ୍ କ୍ଲବ୍ ଋଣଦାତା) ଏବଂ ଘରୋଇ କ୍ଷେତ୍ର ମଧ୍ୟରେ ସମନ୍ୱୟ ପାଇଁ ମୁଖ୍ୟ ଏବଂ ସର୍ବାଧିକ ବ୍ୟାପକ ମଞ୍ଚ ଭାବେ ସାଧାରଣ ଢାଞ୍ଚାର କାର୍ଯ୍ୟାନ୍ୱୟନକୁ ବୃଦ୍ଧି କରିବାର ଉପାଦେୟତା ଉପରେ ସେମାନେ ଗୁରୁତ୍ୱାରୋପ କରିଥିଲେ।
ୟମନ ସଙ୍କଟର ଏକ ବ୍ୟାପକ ରାଜନୈତିକ ସମାଧାନରେ ପହଞ୍ଚିବା ଉଦ୍ଦେଶ୍ୟରେ ଆର୍ନ୍ତଜାତୀୟ ଏବଂ ଆଞ୍ଚଳିକ ପ୍ରୟାସ ପାଇଁ ଉଭୟ ପକ୍ଷ ସେମାନଙ୍କର ସମ୍ପୂର୍ଣ୍ଣ ସମର୍ଥନକୁ ଦୃଢୋକ୍ତି ପ୍ରକାଶ କରିଥିଲେ। ୟମନ ପକ୍ଷମାନଙ୍କ ମଧ୍ୟରେ ଆଲୋଚନାକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ ରାଜ୍ୟର ଅନେକ ପଦକ୍ଷେ ଏବଂ ୟେମେନର ସମସ୍ତ ଅଞ୍ଚଳକୁ ମାନବିକ ସହାୟତା ପ୍ରଦାନ ଏବଂ ସୁଗମ କରିବାରେ ଏହାର ଭୂମିକାକୁ ଭାରତୀୟ ପକ୍ଷ ପ୍ରଶଂସା କରିଥିଲେ। ୟେମେନକୁ ମାନବିକ ସହାୟତା ପ୍ରଦାନ କରିବାରେ ଭାରତର ପ୍ରୟାସକୁ ସାଉଦି ପକ୍ଷ ମଧ୍ୟ ପ୍ରଶଂସା କରିଥିଲେ। ଉଭୟ ପକ୍ଷ ସମୁଦ୍ର ଆଇନ ଉପରେ ମିଳିତ ଜାତିସଂଘ ସମ୍ମିଳନୀ (ୟୁ. ଏନ୍. ସି. ଏଲ୍. ଓ. ଏସ୍.) ଅନୁଯାୟୀ ଜଳଥର ସୁରକ୍ଷା ଏବଂ ନୌଚାଳନା ସ୍ୱାଧୀନତା ସୁନିଶ୍ଚିତ କରିବାର ଉପାୟକୁ ପ୍ରୋତ୍ସାହିତ କରିବା ପାଇଁ ସହଯୋଗର ଗୁରୁତ୍ୱ ଉପରେ ସହମତ ହୋଇଥିଲେ।
ଏହି ଗସ୍ତ ସମୟରେ ନିମ୍ନଲିଖିତ ବୁଝାମଣା ପତ୍ରଗୁଡ଼ିକ ସ୍ୱାକ୍ଷରିତ ହୋଇଥିଲା।
- ଆନ୍ତରୀକ ବିଭାଗ, ଭାରତ ଏବଂ ସାଉଦି ଆନ୍ତରୀକ ଏଜେନ୍ସି ମଧ୍ୟରେ ଶାନ୍ତିପୂର୍ଣ୍ଣ ଉଦ୍ଦେଶ୍ୟ ପାଇଁ ଆନ୍ତରିକ ଗତିବିଧି ଗୁଡିକ କ୍ଷେତ୍ରରେ ବୁଝାମଣା ବ୍ୟକ୍ତି କହିଥିଲେ ।
- ସ୍ୱାସ୍ଥ୍ୟ ଏବଂପରିବାର କଲ୍ୟାଣ ମନ୍ତ୍ରଣାଳୟ, ଭାରତ ଗଣରାଜ୍ୟ ଏବଂ ସ୍ୱାସ୍ଥ୍ୟ ମନ୍ତ୍ରଣାଳୟରେ, ସାଉଦି ଆରବ ସାମ୍ରାଜ୍ୟ ମଧ୍ୟରେ ସ୍ୱାସ୍ଥ୍ୟକ୍ଷେତ୍ରରେ ସହଯୋଗ ନେଇ ବୁଝାମଣା ପତ୍ର ହୋଇଥିଲା ।
- -ଡାକ ବିଭାଗ, ଭାରତ ଏବଂ ସାଉଦି ପୋଷ୍ଟ କର୍ପୋରେସନ (ଏସ.ପି.ଏଲ.) ମଧ୍ୟରେ ଆଭ୍ୟନ୍ତରୀଣ ପାର୍ସଲ ପାଇଁ ଦ୍ୱିପାକ୍ଷିକ ବୁଝାମଣା ।
- ଭାରତ ରାଷ୍ଟ୍ରୀୟ ଡ୍ରୋପିଂ ବିରୋଧୀ ଏଜେନ୍ସି (ଏନ୍.ଏ.ଡି.ଏ.) ଭାରତ (ଏସ.ଏ.ଡି.ସି.)ଏବଂ ସାଉଦି ଆରବ ଡ୍ରୋପିଂ ବିରୋଧୀ ସମିତି ମଧ୍ୟରେ ଡୋଫିଂ ବିରୋଧି ଏବଂ ପ୍ରତିରକ୍ଷା କ୍ଷେତ୍ରରେ ସହଯୋଗ ପାଇଁ ବୁଝାମଣା କରାଯାଇଥିଲା ।
- ଅନ୍ତରୀକ୍ଷ ବିଭାଗ, ଭାରତ ଏବଂ ସାଉଦି ଅନ୍ତରୀକ୍ଷ ଏଜେନ୍ସି ମଧ୍ୟରେ ଶାନ୍ତିପୂର୍ଣ୍ଣ ଉଦ୍ଦେଶ୍ୟ ପାଇଁ ଅନ୍ତରୀକ୍ଷ ଗତିବିଧି ଗୁଡିକ କ୍ଷେତ୍ରରେ ବୁଝାମଣା ବ୍ୟକ୍ତ କରିଥିଲେ ।
- ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ, ଭାରତ ଗଣରାଜ୍ୟ ଏବଂ ସ୍ୱାସ୍ଥ୍ୟ ମନ୍ତ୍ରଣାଳୟ, ସାଉଦି ଆରବ ସାମ୍ରାଜ୍ୟ ମଧ୍ୟରେ ସ୍ୱାସ୍ଥ୍ୟ କ୍ଷେତ୍ରରେ ସହଯୋଗ ନେଇ ବୁଝାମଣାପତ୍ର ହୋଇଥିଲା ।
- ଡାକ ବିଭାଗ, ଭାରତ ଏବଂ ସାଉଦି ପୋଷ୍ଟ କର୍ପୋରେସନ (ଏସ୍ପିଏସ୍) ମଧ୍ୟରେ ଆଭ୍ୟନ୍ତରୀୟ ପାର୍ସଲ ପାଇଁ ଦ୍ୱିପାକ୍ଷିକ ବୁଝାମଣା ।
- ଭାରତର ରାଷ୍ଟ୍ରୀୟ ଡୋଫି ବିରୋଧୀ ଏଜେନ୍ସ(ଏନ୍.ଏ.ଡି.ଏ) ଭାରତ ଏବଂ ସାଉଦି ଆରବ ଡୋଫିଂ ବିରୋଧୀ ସମିତି (ଏସ.ଏ.ଡି.ସି.) ମଧ୍ୟରେ ଡୋପିଂ ନିରୋଧୀ ଏବଂ ପ୍ରତିରୋଧ କ୍ଷେତ୍ରରେ ସହଯୋଗ ପାଇଁ ବୁଝାମଣା କରାଯାଇଥିଲା ।
ଉଭୟ ପକ୍ଷ ରଣନୈତିକ ଭାଗିଦାରୀ ପରିଷଦର ପରବର୍ତ୍ତୀ ବୈଠକ ପାରସ୍ପରିକ ସହମତିରେ ହୋଇଥିବା ତାରିଖରେ କରିବାକୁ ରାଜି ହୋଇଥିଲେ। ଯେହେତୁ ଦୁଇ ଦେଶ ନିଜ ନିଜ ଦେଶରେ ଆର୍ଥିକ ଏବଂ ସାମାଜିକ ବିକାଶ ସହିତ ଆଗକୁ ବଢ଼ୁଛନ୍ତି, ସେମାନେ ମଧ୍ୟ ନିଷ୍ପତ୍ତି ନେଇଛନ୍ତି ଯେ ସେମାନେ ବିଭିନ୍ନ କ୍ଷେତ୍ରରେ ଯୋଗାଯୋଗ, ସମନ୍ୱୟ ଏବଂ ସହଯୋଗ ଜାରି ରଖିବେ।
ଗସ୍ତ ଶେଷରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ତାଙ୍କୁ ଏବଂ ତାଙ୍କ ସହ ଆସିଥିବା ପ୍ରତିନିଧି ଦଳକୁ ଭବ୍ୟ ସ୍ୱାଗତ ଏବଂ ଉଦାର ଆତିଥ୍ୟ ପ୍ରଦାନ କରିଥିବାରୁ ମହାମହୀମ ଯୁବରାଜ ତଥା ପ୍ରଧାନମନ୍ତ୍ରୀ ମହାମହୀମ ଯୁବରାଜ ମହମ୍ମଦ ବିନ୍ ସଲମାନ ବିନ୍ ଅବଦୁଲାଜିଜ୍ ଅଲ୍ ସାଉଦ୍ଙ୍କୁ ତାଙ୍କର ଆନ୍ତରିକ ଧନ୍ୟବାଦ ଏବଂ ପ୍ରଶଂସା ବ୍ୟକ୍ତ କରିଥିଲେ। ସେ ସାଉଦି ଆରବର ବନ୍ଧୁତ୍ୱପୂର୍ଣ୍ଣ ଜନସାଧାରଣଙ୍କ ନିରନ୍ତର ପ୍ରଗତି ଏବଂ ସମୃଦ୍ଧି ପାଇଁ ମଧ୍ୟ ଶୁଭେଚ୍ଛା ଜଣାଇଥିଲେ। ତାଙ୍କ ତରଫରୁ, ମହାମହିମ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଭାରତର ବନ୍ଧୁତ୍ୱପୂର୍ଣ୍ଣ ଜନସାଧାରଣଙ୍କୁ ଅଧିକ ପ୍ରଗତି ଏବଂ ସମୃଦ୍ଧି ପାଇଁ ତାଙ୍କର ଆନ୍ତରିକ ଶୁଭେଚ୍ଛା ଜଣାଇଥିଲେ।
