প্রধান মন্ত্রী শ্রী নরেন্দ্র মোদীনা ঙসি ভীদিও কনফরেন্সকী থোংদা প্রধান মন্ত্রী ভারতিয়া জন ঔশধী পরিয়োজনাগী বেনেফিসরীশিং অমসুং জন ঔশধী কেন্দ্রশিংগী স্তোর মপুশিংগা ৱারী শানখ্রে।
প্রধান মন্ত্রীনা হায়খি মদুদি জন ঔশধী নুমিৎ অসি স্কিম অমা সেলেব্রেৎ তৌনবা নুমিৎ অমা খক্তা নত্তে, মসিদি স্কিম অসিদগী কানবা ফংলবা ভারত মচা লাক কয়াগা শম্নরিবা নুমিৎ অমনি।
প্রধান মন্ত্রীনা মখা তাখি, “ভারতকী প্রজা পুম্নমক্কী হকশেলগীদমক পান্দম মরিদা ঐখোয়না থবক তৌরি। অহানবদা, ভারত মচা পুম্নমক অনাবদগী ঙাকথোকপা। অনিশুবদা, নারকপা মতমদা মমল হোংবা অমসুং অফবা ত্রিৎমেন্ত ফংহনবা। অহুমশুবদা, মোদর্ন হোস্পিতালশিং, অফবা দোক্তশিং অমসুং মেদিকেল স্তাফকী মতিক চাবা মশিং নত্রগা ত্রিৎমেন্ত। অমসুং মরিশুবা পান্দমদি মিসন মোদতা থবক তৌদুনা শিংনরকপশিং থেংনবনি।”
জন ঔশধী স্কিম অসি লৈবাক অসিদা লৈরিবা মীপুম খুদিংমকপু খ্বাইদগী ফবা অমসুং অহোংবা মমলদা ত্রিৎমেন্ত ফংহন্নবা মরুওইবা লিঙ্ক অমনি হায়য়না প্রধান মন্ত্রীনা হায়খ্রে।
মহাক্না মখা তাখি, “হৌজিক ফাওবদা লৈবাক অসিগী তোঙান তোঙানবা মফমশিংদা জন ঔশধী কেন্দ্র লিশিং ৬ হেন্না হাংদোকখিবদা ঐহাক অপেনবা ফাওই। নেৎৱার্ক অসি হেঙ্গৎলকপনা মরম ওইদুনা কানবা ফংলিবা মীগী মশিংসু হেঙ্গৎলক্লি। ঙসিদি থা খুদিংগী ইমুং কোতি অমা হেনবনা কেন্দ্রশিং অসিগী থোংদা য়াম্না অহোংবা মমলদা হিদাক-লাংথকশিং ফংলি।”
প্রধান মন্ত্রীনা হায়খি মদুদি জন ঔশধী কেন্দ্রশিংদা ফংলিবা হিদাক লাংথক্কী মমল অসি কৈথেলগী মমলদগী চাদা ৫০দগী চাদা ৯০ ফাওবা তাথৈ। খুদম ওইনা কেন্সর লায়েংবদা শিজিন্নবা হিদাক অমগী মমল কৈথেলদা কুপা লিশিং ৬.৫০দা ফংলিবা অসি জন ঔশধী কেন্দ্রশিংদা শুপ্নতগী লুপা ৮০০দা ফংই।
প্রধান মন্ত্রীনা হায়খি, “মমাংগা চাংদম্নবদা ত্রিৎমেন্তকী মমল হন্থরে। ইফমদা হায়বিররে মদুদি হৌজিক ফাওবদা জন ঔশধী কেন্দ্রশিংনা মরম ওইদুনা লৈবাক্কী মফম পুম্নমক্তা লৈরিবা ভারত মচা লাইরবা অমসুং মিদল ক্লাস কোতি কয়ানা লুপা কোতি ২২০০ কনবা ঙম্লে।”
প্রধান মন্ত্রীনা জন ঔশধী কেন্দ্রশিং চলাইরিবা স্তেকহোল্দরশিংগী থৌদাংবুসু থাগৎখি। স্কিম অসিগা লোয়নরিবা মীয়ামগী থৌদাং শকখংনবা জন ঔশধী স্কিমগা মরী লৈনবা এৱার্দশিং হৌদোক্নবা ৱারেপসু মহাক্না লাউথোকখি।
প্রধান মন্ত্রীনা হায়খি মদুদি জন ঔশধী স্কিম অসি শোইনায়রবশিং য়াওনা নহাশিংগীদমক থাজবগী অচৌবা উপায় অমসু ওইরক্লি।
মহাক্না মখা তাখি, “সরকারনা লৈবাক অসিদা হকশেলগী খুদোংচাবশিং পাকথোক চাউথোকহন্নবা হোৎনবা য়াবা হোৎনরি। জন ঔশধী স্কিম অসি হেন্না এফেক্তিব ওইনবসু লেপ্পা লৈতনা থবক তৌরি।”
প্রধান মন্ত্রীনা হায়খি মদুদি অয়ুশ্মান ভারত স্কিমগী মখাদা চাউরাক্না লাইরবা অনাবা লাখ ৯০না ত্রিৎমেন্ত ফংখ্রে। দাইলাইসিস প্রোগ্রামগী মখাদা লেম্না দাইলাইসিস লাখ ৬ হেন্না তৌখ্রে। চংদবা য়াদবা মেদিসিন লিশিং অমা হেনববুসু প্রাইস কন্ত্রোল তৌদুনা লুপা কোতি ১২,৫০০ সেব তৌরে। স্তেন্স অমসুং খুউ ইমপ্লান্তকী মমল তাথবনা মরম ওইদুনা অনাবা লাখ কয়ানা অনৌবা পুন্সী ফংলে।
মহাক্না মখা তাখি, “চহী ২০২৫ ফাওবদা, লৈবাক অসি তি.বি. ফ্রী ওইহন্নবা ঐখোয়না খোংজেল য়াংনা থবক তৌরি। স্কিম অসিগী মখাদা লৈবাক্কী খুঙ্গং খুদিংমক্তা মোদর্ন হেল্থ অমসুং ৱেলনেস সেন্তরশিং শেমগৎলি। হৌজিক ফাওবদা সেন্তর লিশিং ৩১ হেন্না শাবা লোইখ্রে।”
প্রধান মন্ত্রী শ্রী নরেন্দ্র মোদীনা লৈবাক অসিদা লৈরিবা নাগরিক খুদিংমকপু হকশেলগী মায়কৈদা মখোয় মশাগী দাইত্ব খংনবা তকশিনখি।
মহাক্না মখা তাখি, “ঐখোয় পুম্নমক্না ঐখোয়গী নুংতিগী রুতিনদা লু-নানবা, যোগ, বেলেন্স দাইত, স্পোর্তস অমসুং অতোপ্পা ইক্সরসাইজশিংদা মরুওইবা অদু পীগদবনি। ফিৎনেসকী মায়কৈদা ঐখোয়না হোৎনরিবশিংনা হেল্থদী ইন্দিয়া অমগী ৱারেপ অদু উৎলগনি।”
आपका हौसला प्रशंसनीय है। आप सही मायने में जनऔषधि की भावना का प्रतिनिधित्व करते हैं: PM @narendramodi
— PMO India (@PMOIndia) March 7, 2020
Questions from Coimbatore to PM @narendramodi on Jan Aushadhi Kendras, called ‘Modi Clinics’, providing affordable and cheap medicines to the poor patients and plans to open more...
— PMO India (@PMOIndia) March 7, 2020
