ভারত সরকার অমসুং য়ুনাইতেদ স্তেতস ওফ অমেরিকাগী সরকারগী মরক্তা ঙসি জপানগী তোকিয়োদা ইনভেস্তমেন্ত ইন্সেন্তিব এগ্রীমেন্ত (আই.আই.এ.) অমা খুৎয়েক পীনখ্রে। আই.আই.এ. অসি ভারত সরকারগী ফোরেন সেক্রেতরী শ্রী ভিনয় ক্বাত্রা অমসুং য়ু.এস. ইন্তর্নেস্নেল দেবেলপমেন্ত ফাইনান্স কোর্পোরেশন (দি.এফ.সি.)গী চীফ একজিক্যুতিব ওফিসর, মিস্তর স্কোত নাথাননা খুৎয়েক পীনখি।
আই.আই.এ. অসিনা ভার সরকার অমসুং য়ুনাইতেদ স্তেতস ওফ অমেরিকাগী সরকারগী মরক্তআ চহি ১৯৯৭দা খুৎবেক পীনখিবা ইনভেস্তমেন্ত ইন্সেন্তিব এগ্রীমেন্ত অদুগী মহুৎ শিল্লগনি। ১৯৯৭দা আই.আই.এ.গী খুৎয়েক পীনখিবা মতুংদগী হৌজিক ফাওবদা অহোংবা কয়া অমা পুরকখ্রে, মসিদা অনৌবা য়ু.এস.এ.গী লেজিসলেশন, বিল্দ এক্ত ২০১৮চৎনহল্লবা মতুংদা হান্নগী ওভরসীজ প্রাইভেত ইনভেস্তমেন্ত কোর্পোরেশন (ও.পি.আই.সি.)গী মহুৎ শিল্লিবা এজেন্সী অমা ওইনা য়ু.এস.এ.গী সরকারগী দেবেলপমেন্ত ফাইনান্স এজেন্সী, দি.এফ.সি. কৌবা অনৌবা এজেন্সী অমা শেম্বা য়াওরি। আই.আই.এ. অসি দি.এফ.সি.না পীবা অহেনবা ইনভেস্তমেন্ত সপোর্ত প্রোগ্রামশিং খুদম ওইনা ইক্বিতী ইনভেস্তমেন্ত, ইনভেস্তমেন্ত গেরেন্তী, ইনভেস্তমেন্ত ইন্সুরেন্স নত্রগা রিইন্সুরেন্স, ওইথোকপা য়াবা প্রোজেক্তশিং অমসুং গ্রান্তশিংগীদমক্তা ফীজিবিলিতী স্তদীশিং অদুগা খোংজেল মান্নবগীদমক্তা খুৎয়েক পীনখিবনি।
এগ্রীমেন্ত অসি ভারত্তা ইনভেস্তমেন্ত সপোর্ত লেপ্তনা পীনবা দি.এফ.সি.গীদমক্তা আইনগী ওইনা তঙাইফদনা মথৌ তাবা অদুনি। দি.এফ.সি. নত্রগা মমাংদা লৈরম্বা মখোয়গী এজেন্সিশিং অদু ১৯৭৪দগী ভারত্তা এক্তিব ওইদুনা লৈরি অমসুং হোজিক ফাওবদা দোলর বিলিয়ন ৫.৮গী ইনভেস্তমেন্ত সপোর্ত পীরকখ্রে মসিদা দোলর বিলিয়ন ২.৯দি অদুমক লেমহৌরি। দোলর বিলিয়ন ৪গী প্রোপোজলশিং ভারত্তা ইনভেস্তমেন্ত সপোর্ত পীনবগীদমক্তা দি.এফ.সি.না খন্নরি। সি.এফ.সি.না কোবিদ-১৯ ভেক্সিন মেন্যুফেকচরিং, হেল্থকিয়র ফাইনান্সিং, রিন্যুৱেবল ইনর্জী, এস.এম.ই. ফাইনান্সিং, ফাইনান্সিয়েল ইনক্লুজন, ইনফ্রাস্ত্রকচর অসিনচিংবগুম্বা দেবেলপমেন্তকীদমক্তা তঙাইফদবা সেক্তরশিংদা ইনভেস্তমেন্ত সপোর্ত পীখি।
আই.আই.এ.গী খুৎয়েক পীনবা অসিনা মরম ওইরগা ভারত্তা দি.এফ.সি.না পীরিবা ইনভেস্তমেন্ত সপোর্ত অসি হেন্না হেনগৎহল্লগনি, মসিনা ভারতকী চাউখৎ-থৌরাংদা মখাতানা মতেং পাংলগনি হায়না থাজবা থম্লি।
