ভারতনা জি-২০গী প্রসিদেন্ত ওইবা অসিদগী কমদৌনা লৈবাক অসিগী মীচম মীয়ামগী তৌবা ঙম্বশিং মালেমদা উৎথোকপদা মতেং পাংবগে হায়বা ৭৭শুবা নিংতম্বা নুমিৎকী লাল কিলাদগী মীয়ামদা ৱা ঙাংবদা প্রধান মন্ত্রী শ্রী নরেন্দ্র মোদীনা শন্দোক্না তাকখ্রে। প্রধান মন্ত্রীনা হায়খি ভারতকী তৌবা ঙম্বশিং অসি থাজবগী অনৌবা অৱাংবা থাকশিংদা য়ৌরে অমসুং হায়রিবা থাজবগী অনৌবা অৱাংবা থাকশিং অসিনা অনৌবা তৌবা ঙম্বশিং লৈহল্লে। ভারতনা জি-২০গী প্রসিদেন্ত ওইবা অসিনা ভারতকী মীচম মীয়ামগী তৌবা ঙম্বশিং উৎথোক্লে। লৈবাক অসিদা জি-২০ মীফম পাংথোক্নবা খুদোংচাবা ভারতনা ফংলে। হৌখিবা চহি অমদা, ভারতকী মফম শীনবা থুংনা জি-২০গী থৌরম কয়া পাংথোকখ্র। মসিনা লৈবাক অসিগী মীচম মীয়ামগী তৌবা ঙম্বশিং মালেমগী মীয়ামদা খঙহনখ্রে।
প্রধান মন্ত্রীনা হায়খি লৈবাক অসিনা ভারতকী খেন্নবশিং মালেমদা উৎলে। ভারতকী খেন্নবশিং মালেম্না অঙকপা অমগা লোয়ননা য়েংলি অমসুং মসিনা মরম ওইদুনা ভারত পাম্নবা হেনগৎলক্লে। ভারতকী মরমদা খঙনিংবা হেনগৎলক্লে।
প্রধান মন্ত্রীনা হায়খি হন্দক মহাক বালিদা জি-২০ মীফম শরুক য়ানবা চৎলুবদা, মালেমদা খ্বাইদগী ইনাকখুনবা লৈবাকশিংগী লুচিংবশিংনা ভারতকী দিজিতেল ইন্দিয়াগী মাইপাকপগী মতাংদা মঙোন্দা থৱায় য়াওনা ৱাফম কয়া হংলকখি। মসিগী ৱাহং অসি মীওই খুদিংমক্না হংখি। ভারতনা থবক অসি দিল্লি, মুম্বাই, চেন্নাই খক্তদা পায়খৎপা নত্তে, তয়র-২ অমসুং তয়র-৩ সহরশিং ফাওবদা লৈরিবা নহারোলশিং ভারতকী অঙকপা থবকশিংদা শরুক য়ারি হায়না মখোয়দা খঙহনখি।
“ভারতকী নহারোলশিংনা লৈবাক্কী মরাইবক লেপ্লি”
প্রধান মন্ত্রীনা হায়খি ভারতকী নহারোলশিংনা লৈবাক্কী মরাইবক লেপ্লি। অপীকপা মফমশিংগী ঐগী নহারোলশিং, ঙসি অচৌবা থাজবগা লোয়ননা ঐনা হায়রি মদুদি লৈবাক্কী অনৌবা তৌবা ঙম্বশিং উরে, ঐখোয়গী অপীকপা সহরশিং অসি লম পীকপা য়াই,মীশিং য়ামদবা য়াই, অদুবু থাজবা অমসুং অনিংবদা মখোয় কনাগী মখাদা লৈতে, মখোয়গী তৌবা ঙম্বা কয়া লৈরি। নহারোলশিংনা অনৌবা এপ্পশিং, অনৌবা পাম্বৈশিং অমসুং তেক্নোলোজিগী খুৎলায়শিং পুথোক্লে।
প্রধান মন্ত্রীনা হায়খি ঙসিদি, স্লমশিংদা থোরকপা অঙাংশিংনা মালেমগী শান্নবগী থৌরমশিংদা মখোয়গী শক্তি উৎলে। ঙসি খুঙ্গংশিং, অপীকপা সহরশিংগী ঐখোয়গী ইচানুপাশিং অমসুং ইচানুপীশিংনা অঙকপা কয়া উৎলে।
প্রধান মন্ত্রীনা হায়খি ঐখোয়গী লৈবাক অসিদা অঙাংশিংনা সেতল্লাইত শাবা অমসুং মখোয় থাগৎনবা থৌরাং তৌরিবা স্কুল ১০০ হেন্না লৈরে। ঙসি তিনকরিং লেব লিশিং কয়ানা অনৌবা সাইন্তিস্তশিং পুথোক্নবা শেম-শারি। ঙসি তিনকরিং লেবস লিশিং কয়ানা অঙাং মিল্লিয়ন কয়া সাইন্স অমসুং তেক্নোলোজিগী লম্বীদা চৎনবা ইথিল পীরি।
প্রধান মন্ত্রীনা হায়খি নহারোলশিংগী খুদোংচাবশিং অৱাৎপা অমতা লৈতে। অদোম্না পাম্বা খুদোংচাবশিং লৈরি, লৈবাক অসিনা অতিয়াদগী হেন্না ৱাংবা খুদোংচাবশিং অদোমদা পীবা ঙম্বগী থৌনা লৈরে।
প্রধান মন্ত্রীনা হায়খি লৈবাক অসি মাংলোমদা চঙশিন্নবা নুপীশিংনা লমজিংবা চাউখৎপা তঙাইফদে। জি-২০দা মহাক্না নুপীশিংনা লমজিংবা চাউখৎপা চাউখৎপগী মতাংদা ৱাফম কয়া পুথোক্লে অমসুং জি-২০ লৈবাকশিংনা মসি য়ারে অমসুং মসিগী মরুওইবা অদু খঙলে।
“ঐখোয়গী ৱাঙুলোন্দা মালেম শরুক য়ারে, মালেমগী অইং-অশাগী খল হোংলকপগী অৱাবা কোক্নবা লম্বী ঐখোয়না তাক্লে”
প্রধান মন্ত্রীনা হায়খি ভারতনা মালেমগী মমাঙদা ঐখোয়গী ৱাঙুলোন থম্লে অমসুং ঐখোয়গী ৱাঙুলোন্দা মালেম শরুক য়ারে। ঐখোয়না হায়খি নুমিৎ অমা, মালেম অমা, গ্রিদ অমা। ঙসিদি রিনিউএবল ইনর্জিগী লমদা ঐখোয়গী ৱারোল অসি য়াম্না মরুওইরে অমসুং মসি মালেম্না য়ানরে। কোবিদ-১৯গী মতুংদা, ঐখোয়গী থৌরাংদি মালেম অমা, হকশেল অমা ওইগনি হায়না ঐখোয়না মালেমদা হায়খি।
We have presented philosophies and the world is now connecting with India over them. For renewable energy sector, we said 'One Sun, One World, One Grid'. After #COVID, we told the world that our approach should be of 'One Earth, One Health'.
— PIB India (@PIB_India) August 15, 2023
For the #G20 Summit, we should focus… pic.twitter.com/LrE6bZWUV8
প্রধান মন্ত্রীনা হায়খি খঙহনখি অনা-অয়েক লাকপা মতমদা মীওইবশিং, শা-উচেকশিং অমসুং পাম্বীশিং চপ মান্ননা য়েংশিল্লবা মতুংদা খুদোংচাদবশিং কোকহনবা ঙমগনি। জি-২০ মীফমদা মালেমগী মমাঙদা ঐখোয়না মালেম অমা, ইমুং অমা অমসুং তুংলমচৎ অমগী মতাংদা হায়খি। মসিগী ৱাখল্লোন অসিদা ঐখোয় মাঙলোমদা চঙশিল্লি। মালেমগী অইং-অশাগী খল হোংলকপগী অৱাবা কোক্নবা লম্বী ঐখোয়না তাক্লে অমসুং ঐখোয়না মহৌশাগী অকোয়বগী ফিবমগীদমক মিসন লাইভস্তাইল হৌদোক্লে।
We paved the way to fight climate change by launching Mission #LiFE-'Lifestyle for the Environment' and made International Solar Alliance and many countries have become part of it: PM @narendramodi#IndependenceDay #NewIndia#IndependenceDay2023 #RedFort pic.twitter.com/gmileuidZ4
— PIB India (@PIB_India) August 15, 2023
প্রধান মন্ত্রীনা হায়খি অপুনবা ওইনা ঐখোয়না ইন্তরনেসনেল সোলার এল্লাইন্স শেম্লে অমসুং ঙসিদি মালেমগী লৈবাক কয়া এল্লাইন্স অসিগী শরুক অমা ওইরে। বাইও-দাইভর্সিতিগী মরুওইবা উবদগী, ঐখোয়না ইন্তরনেসনেল বিগ কেত এল্লাইন্সকী থবক খুমাঙ চাউশিন্না পায়খৎলে। মালেমগী ওইনা শাবা হেনগৎলকপনা মরম ওইদুনা মহৌশাগী ওইবা অমাং-অতাশিং থোকপদগী ইনফ্রাস্ত্রকচর মাঙবা থেংননবা ঐখোয়না থৌরাং তৌবা দরকার ওই। মরম অদুনা কোলিএসন ফোর দিজাস্তর রিসিলিয়েন্ত ইনফ্রাস্ত্রকচর(সি দি আর আই)না মালেমদা পাম্বৈ অমা পীরে। ঙসিদি সমুদ্রশিং অসি মালেম অসিনা মুক্নবগী হৌরকফম অমা ওইহল্লে। মালেমগী ওইনা সমুদ্রগী শরুক্তা শান্তি পুরক্নবা মফম অমা ঐখোয়না মালেমদা পীরে।
প্রধান মন্ত্রীনা হায়খি মহৌশাগী লাইয়েং কাংলোনশিংদা মীৎয়েং থমদুনা, ভারত্তা ৱার্ল্দ হেল্থ ওর্গনাইজেসনগী মালেম থাক্কী সেন্তর অমা লিংখৎনবা ঐখোয়না থবক পায়খৎলে। য়োগা অমসুং অয়ুসকী খুৎথাংদা মালেমগী য়াইফনবা অমসুং মালেমগী হকশেলগী মাইকৈদা ঐখোয়না থবক তৌরে। ঙসি ভারতনা ৱার্ল্দ মার্সকী অকনবা য়ুম্ফম অমা থোল্লে। মসিগী অকনবা য়ুম্ফম অসি ফগৎহনবা হায়বসি ঐখোয় খুদিংমক্কী থবক্নি। মসি ঐখোয়গী অপুনবা দাইত্বনি।
