১. নেপালগী প্রধান মন্ত্রী কে পি শর্ম ওলীগী বার্তনদা ভারতকী প্রধান মন্ত্রী শ্রী নরেন্দ্র মোদী মে ১১দগী ১২ ফাওবা নেপালগী খোংচৎতা লৈরি।
২. ২০১৮দা মখোয়গী অনিরক শুবা বাইলেতরেল সমিৎ ওইনা প্রধান মন্ত্রী অনিমক্না ২০১৮গী মে ১১দা মীহুৎ কাংবুগী থাক্তা ৱারী শানখি।
৩. ২০১৮গী এপ্রিল থাদা প্রধান মন্ত্রী ওলীগী খোংচৎ মনুংদা নই দিল্লীদা পাংথোকখিবা মখোয়গী মীফম অদু প্রধান মন্ত্রী অনিমক্না নৌহৌনা নীংশিংখি অমদি মমাংদা তৌনখিবা য়ানা চেরেলশিং চৎনহন্নবগীদমক অচেৎপা খোংথাং লৌখৎপদা য়ান্নখি। মখোয়না লৌউ-শিংউ, রেলৱে লিঙ্কেজেস অমসুং ইনলেন্দ ৱাতরৱেজ দিবেলপমেন্তা বাইলেতরেল ইনিসিয়েতিবশিং মহয় চাগদবা মওংদা থবক্তা ওন্থোকপদসু য়ান্নখি।
৪. তোঙান তোঙানবা থাক্তা লৈবাক অনিগী মরক্তা লৈরিবা মরিশিং নৌহৌনা য়েংশিল্লদুনা হৌজিক চত্থরিবা কোওপরেসন অসি হেঙ্গৎহন্দুনা লৈবাক অনিগী মরিশিং অসি অনৌবা থাক অমদা পুখৎনবা মখোয়না লৌরিবা ৱারেপ অদু প্রধান মন্ত্রী অনিমক্না অমুক হন্না শোয়দবনি ফোংদোকখি।
৫. প্রধান মন্ত্রী অনিমক্না মপান থৌরম পুবা মন্ত্রালয়গী থাক্তা নেপাল-ইন্দিয়া জোইন্ত কমিসন য়াওনা বাইলেতরেল মেকানিজমদা চাং নাইনা খুদোং চাবা ফংহন্নবগীদমক মথৌ তারিবাশিংদা অকনবা ৱাফম থমখি।
৬. ভারত অমসুং নেপালগী মরক্তা ত্রেদ অমসুং ইকোনোমিক্কী অচেৎপা মরিগী মরুওইবা অদুদা প্রধান মন্ত্রী অনিমক্না অকনবা ৱাফম থমনখি। অনওথোরাইজ ত্রেদ কন্ত্রোল তৌনবা ত্রেদ, ত্রাঞ্জিৎ অমসুং কোওপরেসনদা হন্দক্তা পাংথোকখিবা ইন্তর-গবর্নমেন্তেল কমিতীগী মীফমদা ফংলকখিবা মহয় অদু প্রধান মন্ত্রী অনিমক্না তরাম্না ওকখি।
৭. প্রধান মন্ত্রী অনিমক্না ইকোনোমিক গ্রোথ হেঙ্গৎহনবা অমসুং প্রজাগী মুবমেন্ত প্রমোৎ তৌবদা কনেক্তিবিতীগী মরুওইবা থৌদাং অদু পনখি। মখোয়না নোংথক্কী, লৈকংগী অমসুং ঈশিংগী ওইবা ইকোনোমিক অমসুং ফিজিকেল কনেক্তিবিতী হেঙ্গৎহন্নবা মখা তাবা খোংথাং লৌখৎনবসু য়ান্নখি। সিভিল এভিয়েসন সেক্তরদা কোওপরেসন হেন্না পাকথোক চাউথোকহন্নবা প্রধান মন্ত্রী অনিমক্না মরি লৈনবা ওফিসিয়েলশিংদা খঙহনখি।
৮. নাকল অনিমক্কী কান্ননবগীদমক রিভর ত্রেনিং ৱার্ক্স, ইনঅন্দেসন অমদি ফ্লদ মেনেজমেন্ত, ইরিগেসনগুম্বা ৱাতর রিসোর্সকী লমশিংদা অহেনবা কোওপরেসন পীনবগী মরুওইবা অদু প্রধান মন্ত্রী অনিমক্না অমুক হন্না ফোংদোকখি।
৯. প্রধান মন্ত্রী অনিমক্না নেপালদা শাগদৌরিবা ৯০০ মেগা ৱাৎ অরুন-III হাইদ্রো-ইলেক্ত্রিক প্রোজেক্তকীদমক উরেপ উয়ুং তমখি। পৱার সেক্তরদা তেংবাং পীননবা ২০১৮গী এপ্রিল ১৭তা পাংথোকখিবা জোইন্ত স্ত্যরিং কমিতীগী মীফমদা পুরকখিবা মহয় অদু প্রধান মন্ত্রী অনিমক্না তরাম্না ওকখি। মখোয়না বাইলেতরেল পাৱর ত্রেদ এগ্রীমেন্তকা লোয়ননা পাৱর সেক্তরদা বাইলেতরেল কোওপরেসন হেঙ্গৎহনবদা য়ানখি।
১০. প্রধান মন্ত্রী মোদীনা জনকপুর অমসুং মুক্তিনাথতা চৎখি অমদি কাথমান্দু অমসুং জনকপুরদা পাংথোকপা সিভিক রিসেপ্সনদসু শরুক য়াখি।
১১. লৈবাক অনিক্কী অমদি মীয়ামগী মরক্তা ধর্মগী ওইবা অমসুং নাৎকী ওইবা মরি মখা তানা হেন্না চেৎশিলহন্নবা মীৎয়েং অমগা লোয়ননা প্রধান মন্ত্রী অনিমক্না সিতাগী পোক্নফম লমদম জনকপুরবু আয়োধ্যাগা লোয়ননা শম্নহন্নবা নেপাল-ইন্দিয়া রমায়ন সর্কুইৎ হৌদোক্লে। জনকপুর অমসুং আয়োধ্যাগী মরক্তা দাইরেক্ত বস সর্বিস অমা প্রধান মন্ত্রী অনিমক্না জনকপুরদগী লমথাখি।
১২. লম খুদিংমক্তা কোওপরেসন হেঙ্গৎহন্নবা পান্দমগা লোয়ননা ২০১৮গী সেপ্তেম্বর ফাওবদা শিংথানীংঙাই ওইরবা থবকশিং পায়খৎনবা প্রধান মন্ত্রী অনিমক্না মখোয় মখোয়গী মরি লৈনবা ওফিসিয়েলশিংদা পাউতাক পীখি।
১৩. বিম্সতেক, সার্ক অমদি ববিন ফ্রেমৱার্কশিংগী মখাদা রিজনেল অমসুং সব-রিজনেল কোওপরেসনগী মরুওইবা অদু প্রধান মন্ত্রী অনিমক্না পনখি।
১৪. নেপালদা প্রধান মন্ত্রী মোদীগী অহুমশুবা খোংচৎ অসিনা মতম কয়াগী মমাংদগী লৈরক্লবা লৈবাক অনিগী মরূপ ওইবগী মরি অসি হেন্না চেৎশিলহল্লগনি হায়বা প্রধান মন্ত্রী অনিমক্না য়ানখি।
১৫. প্রধান মন্ত্রী মোদীনা প্রধান মন্ত্রী ওলীবু মহাক্কী বার্তন অমসুং থোইদোক হেন্দোকপা অতিথী সেবা অদুগীদমক থাগৎপা ফোংদোকখি।
১৬. প্রধান মন্ত্রী মোদীনা প্রধান মন্ত্রী ওলীবু ভারত্তা লাকপীনবা বার্তন তৌখি। প্রধান মন্ত্রী ওলীনা বার্তন অদু লৌখি; দিপ্লোমেতিক চেনেলশিংগী খুত্থাংদা অক্নবা মতম লেপ্লগনি।
