ভারত অমসুং ফ্রান্স মরুওইবা মফমদা লৈবা শক্তি লৈবা লৈবাকশিংনি অমসুং ইন্দো-পেসিফিক লমদমদা মরুওইবা থৌরাং লৌরিবা মরুপশিংনি। ভারত মহাসাগরদা ইন্দো-পেসিফিক পার্তনর্সিপ ঐখোয়গী লৈবাক অনিগী মরীশিংগী মরুওইবা অমা ওইরে। ২০১৮, ভারত অমসুং ফ্রান্সনা ‘ভারত মহাসাগর লমদমদা ভারত-ফ্রান্স মতেং পীনবগী অপনবা পান্দম অমা’ য়ানখি। পেসিফিক্তা ঐখোয়গী অপুনবা থবকশিং য়ৌহন্নবা ঐখোয় হৌজিক থৌরাং তৌরে।
মনিংতম্বা, অথিংবা লৈতবা, অপুনবা, অশোই-অঙাম থোক্তবা অমসুং শান্তি লৈবা ইন্দো-পেসিফিক লমদম অমদা ঐখোয়গী লৈবাক অনিনা থাজবা থম্লি। ঐখোয় মতেং পাংনবা অসিনা ঐখোয় ইশাগী শেন-থুমগী ফিবম ফগৎহনগনি অমসুং সেকুরিতি লৈহনগনি; মান্নবা অমসুং য়াম্না লাইনা ফংবা য়াবা মালেমগী পান্দমশিং লৈগনি; মালেমগী লোশিং খুমাঙচাউশিনগনি অমসুং লমদম অসিগী মনিংতম্বা অমসুং ঙমখৈগী অপুনবা শক্তম ইকায়খুম্নদুনা শান্তি লৈবা লমদম ওইহনবা ঙমগনি।
প্রধান মন্ত্রী মোদীগী সাগারগী পান্দম অমসুং ইন্দো-পেসিফিক স্ত্রাতেজিদা সেকুরিতি অমসুং মতেং পাংনবগী রাস্ত্রপতি মেক্রোনগী পান্দম অদুগা য়াম্না মান্নৈ। ঐখোয়গী মতেং পাংনবা অসিনা ঙাক-শেন, সেকুরিতি, শেন-থুম, লম্বী-থোং, ইনফ্রাস্ত্রকচর, তুংকোইনা চৎনবা য়াগদবা মীওইবা খুন্নাইগী চাউখৎ-থৌরাংগী থবকশিং কোনশিল্লি।
ঐখোয় লৈবাক অনিগী মরক্তা মতেং পীনবা অসিনা ঐখোয়গী সেকুরিতি ফগৎলে অমসুং ইন্দো-পেসিফিক লমদমদা শান্তি অমসুং তুংদু লৈতবা পুরকপা ঙমগনি। ঐখোয়গী মতেং পাংনবা অসি সমুদ্র খোঙনুংদগী সুন্দ্রং ফাওবা শন্দোকলি। ঐখোয়না মিলিতরি নেভেল খোঙচৎশিং হেনগৎহনগনি অমসুং ভারত্তা দিফেন্স ইন্দস্ত্রিএলগী থবক চাউখৎহনগনি অমসুং অতোপ্পা লৈবাকশিংগী দরকার ওইবশিং অপুনবা ওইনা মতেং পাংগনি। ঐখোয়না মখা তানা ঐখোয়গী অপুনবা মতেং পীনবগী থবক মখা চৎথগনি, মসিদা মপান্দা লৈরিবা ফ্রেঞ্চগী লমশিং হায়বদি লা রিয়ুনিয়ন, নিউ কালেদোনিয়া অমসুং ফ্রেঞ্চ পোলিনেসিয়াদা মতেং পীনবা য়াওরি।
অফ্রিকা, ইন্দিয়ান ওসিন রিজন, খা নোংপোক এসিয়া, খা এসিয়া অমসুং পেসিফিক্তা লৈরিবা লৈবাকশিংদা চাউখৎ-থৌরাংগী মতেং পাংনবা ঐখোয় মখা তানা পুন্না থবক তৌমিন্নগনি। অস্ত্রেলিয়া অমসুং য়ু.এ.ইগা ঐখোয়গা লৈনবা মরীশিং ঐখোয়না মপাঙ্গল কনখৎহনগনি। ইন্দিয়ান ওসিন রিম এসোসিএসন, ইন্দিয়া ওসিন নেবেল সিম্পোসিয়ম, ইন্দিয়ান ওসিন কম্মিসন, জিবাওতি কোদ ওফ কন্দক, এ.দি.এম.এম প্লস অমসুং এ.আর.এফগুম্বা রিজনেল ফোরমশিংদা ঐখোয়না মতেং পাংবা হেনগৎহনগনি।
ভারত্তা আই.এফ.সি-আই.ও.আর, য়ু.এ.ইদা ইমাসো, সিচিলিসতা আর.সি.ও.সি, মাদাগাস্কারদা আর.এম.আই.এফ.সি অমসুং শিঙ্গাপুরদা রিকেপকী খুৎথাংদা ঐখোয়না মেরিতাইম সেকুরিতিগী মপাঙ্গল কনখৎহনগনি। ভারতনা কম্বাইন্দ মেরিতাইম ফোর্সেস(সি এম এফ)তা শরুক য়ানিংবা অদু ফ্রেঞ্চনা শৌগৎলি।
ইন্দো পেসিফিক ওসিন ইনিসিএতিপকী য়ুম্বী ৭গী মখাদা লমদম অসিদা থেংনরিবা খুদোংচাদবশিং কোকহন্নবা ইন্দো পেসিফিক ওসিন ইনিসিএতিপকী পান্দমশিং ফংনবা ঐখোয় পুন্না থবক তৌমিন্নগনি। আই.য়ু.য়ু ফিসিংগুম্বা থবকশিং লাকশিন্নবা অমসুং সুমুদ্রগী লনশিং নিংথিনা শীজিন্নবগী মতাংদা ঐখোয় পুন্না থবক তৌমিন্নগনি।
ভারত অমসুং ফ্রান্সনা ইন্তরনেসনেল সোলার এল্লাইন্স থাগৎলি অমসুং লমদম অসিদা রিনিউএবল ইনর্জিশিং শীজিন্ননবা থাজবা পীখি। সোলার এক্স চেলেঞ্জ প্রোজেক্তগী কান্নবা ফংনবা স্তার্দঅপশিং শেমগৎনবসু মখোয়না খন্নখি।
ইন্দো-পেসিফিক পার্কস পার্তনর্সিপ থবক ওইনা পাংথোকপা অমসুং মরুওইনা পেসিফিক লৈবাকশিংদা মেঙগ্রোব ঙাক-শেন্নবা থৌরাং অমা শৌগৎপা হায়না য়ানখি।
ইন্দিয়া-ফ্রান্স ইন্দো-পেসিফিক ত্রাইগুলার দিবলপমেন্ত কোওপরেসন ফন্দ শেম্বগী থবক লোইশিন্নবা নাকল অনিনা থবক তৌগনি। কোলিএসন ফোর দিজাস্তর রিসিলিয়েন্ত ইনফ্রাস্ত্রকচরদা ঐখোয় থবক তৌমিন্নবা অসিনা লমদম অসিগী মীয়ামগী অশোই-অঙাম থোক্লোইদবা তুংলমচৎ অমা শেমগৎপা ঙমগনি। পেসিফিক্তা বাইওদাইভর্সিতি ঙাক-শেন্নবা অমসুং অইং-অশাগী খল কায়রকপা থেংননবা শেমখিবা কিৱা ইনিসিয়েতিপ শরুক য়ানবা ফ্রান্সনা ভারত্তা খঙহনখি।
ইন্দো-পেসিফিক্কী ইন্দো-ফ্রেঞ্চ হেল্থ কেম্পস লিংখৎনবা ভারত অমসুং ফ্রান্সনা থবক তৌগনি। কেম্পসশিং অসি পেফিসিক ইথৎ লৈবাকশিংদা হাংদোক্নবা ঐখোয় খন্নগনি।
ইন্দো-পেসিফিক লমদমদা ভারত-ফ্রান্স মরী অসি মরুওইবা য়ুম্বী অমনি হায়না ঐখোয়না থাজৈ অমসুং তুংদা শান্তি ওইবা অমসুং নুংঙাই-য়াইফবা ইন্দো-পেসিফিক লমদম অমা শেমগৎনবা থাদোকপা য়াদ্রবা অমনি।
