ভারতকী প্রধান মন্ত্রী, শ্রী নরেন্দ্র মোদীগী চেবাউদা রিপব্লিক ওফ ফিনলেন্দগী রাস্ত্রপতি, ঐচ.ই. দোক্তর. এলেকজেন্দর স্তব, ২০২৬গী মার্চ ৪-৭ ফাওবদা ভারতকী রাজ্য খোংচৎ অমদা থুংলখি। মহাক্কী হৌজিক লৈরিবা কেপাসিতীদা ভারতকী অহানবা খোংচৎতা লাক্লিবা রাস্ত্রপতি স্তবনা ন্যু দিল্লী অমসুং মুম্বাইদা চৎলি অমসুং মহাক্কা লোয়ননা ফিনলেন্দগী ক্লাইমেৎ অমসুং এনভাইরনমেন্তকী মন্ত্রী, শ্রীমতী সারী মুলতালা, ফিনলেন্দগী এমপ্লোইমেন্ত মিনিস্তর, মতিস মার্তিনেন অমসুং ওফিসিএলশিং অমসুং ইকোনোমিক লিদরশিং য়াওবা অৱাংবা থাক্কী মীহুৎ কাংবু অমা শরুক য়াখি। প্রধান মন্ত্রী মোদীনা ২০২৬গী মার্চ ৫ দা ন্যু দিল্লীদা রাইসিনা দাইলোগকী ১১শুবা এদিসন হৌদোকখি। প্রসিদেন্ত স্তবকী খোঙচৎ অসি ঐচ.ই. মিস্তর রিপব্লিক ওফ ফিনলেন্দগী প্রধান মন্ত্রী, পেত্তেরি ওর্পোনা ২০২৬গী ফেব্রুৱারীদা পাংথোকখিবা এ.আই. ইম্পেক্ত সমিৎকী মতুংদা লাকপা ওইরি।
২০২৬গী মার্চ ৫দা রাস্ত্রপতি স্তবপু ভারতকী রাস্ত্রপতি রাস্ত্রপতি ভবনদা দ্রুপদী মর্মুনা তরাম্না ওকখি। প্রধান মন্ত্রী মোদী অমসুং রাস্ত্রপতি স্তবনা নাকল অনিগী ওইবা মীফম অমদা পাক-শন্না খন্ন-নৈনখি অমসুং পুন্না মীদিয়াদা ৱা ঙাংখি। প্রধান মন্ত্রী মোদীনা লেঙবীরক্লিবা মীথুংলেশিংবু ইকাইখুম্নবগা লোইননা নুমিদাংৱাইরমদা চাক্লেন অমা কৌখি।
ফিনলেন্দগী রাস্ত্রপতিনা ২০২৬কী এ.আই. ইম্পেক্ত সমিত মাই পাক্না পাংথোকপগীদমক ভারতপু থাগৎপা ফোংদোকখি। লুচিংবা অনিমক্না এ.আই.গী অশোই অঙাম য়াওরোইদবা, থাজবা য়াবা অমসুং ইনক্লুসিব দিবেলপমেন্তকী মায়কৈদা থবক তৌমিন্নবা অসি য়াম্না মরু ওই হায়না য়ানখি।
লুচিংবশিংনা ইন্দিয়া অমসুং ফিনলেন্দগী মরক্তা লৈনরিবা অচেৎপা অমসুং মতম চুপ্পগী ওইবা মরুপ-মপাং ওইবগী মরী অদু ফোংদোকখি। মসি ইকায় খুম্নবা অমসুং গ্লোবেল শান্তি, সেক্যুরিতী অমসুং ইন্তর্নেস্নেল লোগীদমক অচেৎপা ফিরেপ লৌবগী মতুং ইন্না গনতন্ত্র অমসুং আইনগী কাংলোনগী মগুনশিংদা য়ুম্ফম ওইরি।
ভারতকী প্রধান মন্ত্রী অমসুং ফিনলেন্দগী রাস্ত্রপতিনা য়ু.এন.বু ময়াইদা থমদুনা, রুলশিংদা য়ুম্ফম ওইবা মালেমগী ওইবা কাংলোন অমসুং মল্তিলেতরেল কোওপরেসনগীদমক মখোয়গী ফিরেপ অদু অমুক হন্না ফোংদোকখি।
লুচিংবশিংনা সস্তেনেবল দিবেলপমেন্তগী পান্দমশিং ফংনবা হোৎনবা হেনগৎহনবগী মরুওইবা অমসুং ক্লাইমেৎ চেঞ্জ অমসুং বাইওদাইবর্সিতী মাংহনবগী শিংনবশিং থেংননবা মালেমগী ওইনা তেংবাং পীনবগী মরুওইবা অদু পনখি।
২০২৬গী জনুৱারী ২৭তা পাংথোকখিবা ভারত-য়ুরোপিয়ন য়ুনিয়ন সমিৎতা ভারত অমসুং য়ুরোপিয়ন য়ুনিয়নগী মরক্তা য়ুম্ফম ওইবা ফ্রী ত্রেদ এগ্রীমেন্তপু থাগৎপা ফোংদোক্লদুনা লুচিংবশিংনা ভারত-ফিনলেন্দগী নাকল অনিগী মরী য়াওনা নাকল অনিমক্তা ত্রেদ অমসুং ইনভেস্তমেন্ত হেনগৎহনবগী অচৌবা অমসুং নাকল অনিমক্তা কান্নবা ওইগদবা খুদোংচাবশিং অদু খঙমিন্নখি।
২০২১গী মার্চ ১৬দা পাংথোকখিবা ভারত-ফিনলেন্দ ভর্চুএল সম্মিৎ অমসুং ২০১৮ অমসুং ২০২২দা স্তোকহোম অমসুং কোপেনহেগেন্দা পাংথোকখিবা ভারত-নোর্দিক সম্মিৎ অনিগী এদিসনশিংগী মীরোলদা অমসুং ২০২৬গী ফেব্রুৱারীদা পাংথোকখিবা এ.আই. ইম্পেক্ত সম্মিৎতা লৈবাক অনিগী প্রধান মন্ত্রীশিংগী মীফমশিংদা পীখিবা ইথিল অদুদা য়ুম্ফম ওইদুনা লুচিংবশিংনা লৈবাক অনিগী মরক্তা তেংবাং মখা তানা হেঙ্গৎহন্নবা অমসুং হেন্না চেৎশিলহন্নবা মখোয়গী অপাম্বা অদু থমখি। হায়রিবা ৱাখল্লোন অসিগা লোয়ননা লুচিংবশিংনা ভারত-ফিনলেন্দগী মরীশিং অসি দিজিতেলাইজেসন অমসুং সস্তেনেবিলিতীদা স্ত্রেতেজিক পার্তনরশিপ অমা ওইহন্নবা য়ানখি।
ত্রেদ অমসুং ইনবেস্তমেন্ত
ভারতকী প্রধান মন্ত্রী অমসুং ফিনলেন্দগী রাস্ত্রপতিনা ভারত-ই.য়ু.এফ.তি.এ. মসিগী মতাংদা লুচিংবা অনিনা ২০৩০ ফাওবদা ভারত অমসুং ফিনলেন্দগী মরক্তা হৌজিক লৈরিবা ত্রেদকী ভেল্যু শরুক অনি ওইহন্নবা পান্দম থমগদবনি হায়না য়ানখি।
লুচিংবশিংনা ফিনলেন্দগী রাস্ত্রপতিগা লোয়ননা ভারত্তা চৎখিবা অচৌবা বিজিনেস দেলিগেসন অমসুং ফেব্রুৱারীদা ন্যু দিল্লীদা এ.আই. ইম্পেক্ত সমিৎকা মরী লৈননা ফিনলেন্দগী প্রধান মন্ত্রীগা লোয়ননা শরুক য়াখিবা কম্পেনীশিংনা উৎলিবা, মরী লৈনবা বিজিনেস কম্ম্যুনিতীশিংগী মরক্তা লৈনরিবা মরীশিং অদু খঙমিন্নখি। লুচিংবা অনিমক্না থা অসিগী ৭তা মুম্বাইদা পাংথোক্কদৌরিবা ইন্দিয়া-ফিনলেন্দ বিজিনেস সমিৎ অমসুং সি.ই.ও.শিংগা ৱারী শানবগী থৌরম্না ললোন-ইতিক, তেক্নোলোজীগী মতেং পীনবা অমসুং ইনভেস্তমেন্তকী মরী হেনগৎহন্নবা লম্বী য়াৎপদা মতেং পাংগনি হায়না থাজবা থমখি।
লুচিংবশিংনা হেলসিঙ্কিদা পাংথোকপা স্লুশতা ইন্নোবেতিব ওইবা ভারতকী স্তার্ত-অপশিং অমসুং ন্যু দিল্লীদা পাংথোকপা স্তার্ত-অপ মহকুম্বতা ফিনলেন্দগী স্তার্ত-অপশিং অমসুং ইন্দো-ফিনলেন্দ স্তার্ত-অপ কোরিদোরগুম্বা ইনিসিএতিবশিংদা শরুক য়াদুনা স্তার্ত-অপ কোলাবোরেসন হেনগৎলক্লিবা অসিদা থাগৎপা ফোংদোকখি।
দিজিতেলাইজেসন
দিজিতেলাইজেসনগী ত্রান্সফোর্মেতিব পৱার অসি ইনক্লুসিব সোসিএল অমসুং ইকোনোমিক দিবেলপমেন্তকী মরুওইবা দ্রাইভর অমা ওইনা শকখঙলদুনা, লুচিংবশিংনা দিজিতেল ত্রান্সফোর্মেসন, 5G, 6G, হাই-পর্ফোমেন্স অমসুং ক্বান্তম কম্প্যুতিং অমসুং আর্তিফিসিএল ইন্তেলিজেন্সকুম্বা অনৌবা অমসুং থোরক্লিবা তেক্নোলোজীশিং অসি অমগা অমগা থাজবা অমসুং কান্নমিন্নবদা য়ুম্ফম ওইবা কোলাবোরেসনবু মপাঙ্গল কনখৎহনবা য়াবা প্রাইওরিতী এরিয়াশিং ওইনা মশক খঙদোকখি। য়ুনিফাইদ পেমেন্ত ইন্তরফেস (য়ু.পি.আই.) গুম্বা দিজিতেল পেমেন্তশিং য়াওনা দিজিতেল পব্লিক ইনফ্রাস্ত্রকচরদা ভারতকী এক্সপরিএন্সশিং লুচিংবশিংনা পনখি অমসুং হিরম অসিদা তেংবাং পীনবগী ওইথোকপশিং অদু খন্নখি।
অসিগুম্বা ফীভম অসিগা মরী লৈননা, লুচিংবশিংনা দিজিতেল ত্রাঞ্জিসনদা মতেং পাংনবা কংক্রিৎ অমসুং মপুং ওইবা থবকশিংদা থবক পায়খৎনবা অমসুং প্রাইওরিতিশিং মশক খঙদোক্নবা দিজিতেলাইজেসনগী মতাংদা ক্রোস-সেক্তোরেল জোইন্ত ৱার্কিং গ্রুপ অমা লিংখৎনবা মরী লৈনবা মন্ত্রালয়শিংদা হায়খি।
ফিনলেন্দগী রাস্ত্রপতিনা ফিনলেন্দগী আর.এন্দ.দি. অমসুং তেক্নোলোজি ইনোবেসন ইকোসিস্তেমশিংদা লৈরিবা ভারতকী প্রোফেস্নেল মশিং য়াম্বনা খুন্নাই অমসুং শেন্মিৎলোন চাউখৎহনবদা দিজিতেল ত্রাঞ্জিসন অমসুং সস্তেনেবিলিতীগী খুত্থাংদা কান্নবা ফংহনবদা মতেং পাংলিবা অসিগী পোজিতিব ইম্পেক্ত অদু ফোংদোকখি।
ভারতকী সাইন্স অমসুং তেক্নোলোজী দিপার্তমেন্ত অমসুং বিজিনেস ফিনলেন্দনা সেমিকন্দক্তরশিং, ৬জি অমসুং ইনর্জী সিস্তেমশিংদা মীৎয়েং থমদুনা ভারত অমসুং ফিনলেন্দগী কম্পেনীশিং অমসুং রিসর্স ওর্গনাইজেসনশিংগী জোইন্ত ইনিসিএতিবশিংগীদমক আর.দি.আই. ফন্দিং পীনবা জোইন্ত কোল তৌরকপদা লুচিংবা অনিনা নুংঙাইবা ফোংদোকখি। ভারত ৬জি এল্লাইন্স অমসুং ফিনলেন্দগী ওলু য়ুনিভর্সিতীগী মরক্তা কোওপরেসন ফ্রেমৱার্ক লৈরে হায়নসু মখোয়না খঙখি। মখোয়না ৬জিগী মতাংদা নাকল অনিগী ওইবা কোওপরেসন হেন্না চেৎশিলহন্নবা হোৎনরিবা পুম্নমকপু তরাম্না ওকখি।
মখা তানা, লুচিংবশিংনা এ.আই.দা অখন্নবা মীৎয়েং থমদুনা আর.দি.আই.গী মতেং পীনবগী লম্বীশিং হেন্না থিদোক্নবা ইন্দিয়ন মিনিস্ত্রী ওফ ইলেক্ত্রোনিক্স এন্দ ইনফোর্মেসন তেক্নোলোজী অমসুং বিজিনেস ফিনলেন্দগী মরক্তা পায়খৎলিবা থবকশিংবু তরাম্না ওকখি। হাই-পরফোর্মেন্স কম্প্যুতিংগী মতাংদা ইন্দিয়ন সেন্তর ফোর দিবেলপমেন্ত ওফ এদভান্স কম্প্যুতিং অমসুং ফিনলেন্দগী আই.তি. সেন্তর ফোর সাইন্সকী মরক্তা খন্ন-নৈনখিবা অদুসু খঙখি।
এদভান্স তেক্নোলোজীগী লমদা, লুচিংবশিংনা স্পেস তেক্নোলোজীবু ইন্দিয়ন অমসুং ফিনলেন্দগী প্লেয়রশিংগী মরক্তা য়াম্না চাউবা তুংলমচৎকী ওইথোকপা য়াবা অমসুং এক্তিব প্রাইবেৎ সেক্তর এঙ্গেজমেন্ত লৈবা কোলাবোরেসনগী অনৌবা লম অমা ওইনা মরুওইবা পীখি।
সস্তেনেবিলিতী
সস্তেনেবিলিতীগী মতাংদা, লুচিংবা অনিমক্না মরুওইনা কার্বন হন্থনা থাদোকপা, ইনর্জী ইফিসেন্সী, বাইওফ্যুএল, স্মার্ত গ্রিদ, অমসুং গ্রীন হাইদ্রোজেনগুম্বা লমশিংদা ক্লিন ইনর্জী সোলুসনশিং পুথোকপদা অচৌবা পোতেন্সিএল লৈ হায়না ফোংদোকখি। মসিগী মথক্তা, সর্ক্যুলর ইকোনোমী, সস্তেনেবল ৱাতর মেনেজমেন্ত অমসুং মেতিওরোলোজীদা তেংবাং পীনবগী মরুওইবা অদু মখোয়না ফোংদোকখি।
মসিগীদমক, লুচিংবশিংনা লৈবাক অনিমক্কী মরী লৈনবা এক্তরশিং পুন্সিন্দুনা সস্তেনেবিলিতীগা মরী লৈনবা হীরমশিংদা তেংবাং পীনবা য়ানবা জোইন্ত ৱার্কিং গ্রুপ অমা লিংখৎপবু তরাম্না ওকখি।
মসিগী মথক্তা, লুচিংবশিংনা রিন্যুএবল ইনর্জীগী লমদা কোওপরেসনগী মতাংদা মেমোরেন্দম ওফ অন্দর্স্তেন্দিং ইমপ্লিমেন্ত তৌবগী মরুওইবা অদু ফোংদোকখি। মসিগী মনুংদা বাইওএনর্জী অমসুং ৱেস্ত-তু-এনর্জী সোলুসনশিং, পাৱর স্তোরেজ অমসুং ফ্লেক্সিবল আর.ই. সিস্তেমশিং, গ্রীন হাইদ্রোজেন, অমসুং ৱিন্দ, সোলর অমসুং অপীকপা হায়দ্রো পাৱর য়াওনা সস্তেনেবিলিতীদা মতেং পাংলিবা মরুওইবা লম কয়া অমা য়াওরি।
মখোয়না এনভাইরনমেন্ত কোওপরেসনগী মতাংদা মেমোরেন্দম ওফ অন্দর্স্তেন্দিং অমসুং লিদরশিপ গ্রুপ ফোর ইন্দস্ত্রী ত্রাঞ্জিসন (লীদআইতি) গী মখাদা কোওপরেসন তৌনবগী মতাংদা নৌহৌননা য়ানখি অমসুং সর্ক্যুলর ইকোনোমী, ক্লাইমেৎ এক্সন অমসুং সস্তেনেবিলিতীদা হেন্না চেৎশিলহন্নবা পার্তীশিংদা পুক্নিং থৌগৎখি।
এদভান্স মিতরিং ইনফ্রাস্ত্রকচর (এ.এম.আই.) অমসুং অতৈ দিজিতেল গ্রীদ তেক্নোলোজীশিং য়াওনা স্মার্ত ইনর্জী সোলুসনশিং য়াম্না থুনা শীজিন্নরকপনা মরুওইবা পাৱর ইনফ্রাস্ত্রকচরদা সাইবর সেক্যুরিতীগী রিস্কশিং হেনগৎহন্দুনা ইফিসিএন্সী হেনগৎহনখ্রে হায়না নাকল অনিমক্না য়ানখি। মখোয়না রেসিলিএন্ত, থাজবা য়াবা অমসুং সস্তেনেবল ওইবা স্মার্ত গ্রিদ সিস্তেমশিং প্রমোৎ তৌবদা তুংগী ওইবা কোওপরেসনগী লমশিং থিজিনবা হায়না য়ানখি।
ফিনলেন্দগী রাস্ত্রপতিনা ২০২৬কী অথেঙবা শরুক্তা মথংগী ৱার্ল্দ সর্ক্যুলর ইকোনোমী ফোরম পাংথোকপদা ভারতপু থাগৎপা ফোংদোকখি। ফিনলেন্দগী খোঙথাং অসিনা সর্ক্যুলর ইকোনোমী সোলুসনশিং হেনগৎহন্নবা অমসুং অনৌবা কোলাবোরেতিব ইনিসিএতিবশিং থিজিনবদা মকোক থোংবা এক্সপর্সিতী পুন্সিন্নবা প্লেৎফোর্ম অমা পীরি।
ভারতকী প্রধান মন্ত্রীনা ইন্দো-নোর্দিক ৱাতর ফোরমগী ফ্রেমৱার্কতা ভারত, ফিনলেন্দ অমসুং অতোপ্পা নোর্দিক স্তেকহোল্দরশিং পুন্সিন্নবা, সর্ক্যুলর ইকোনোমী সোলুসনশিংগীদমক্তা ঈশিংগী রিসোর্স মেনেজমেন্ত অমসুং ৱেস্তৱাতর মেনেজমেন্তদা অনৌবা কোলাবোরেসনশিং অমসুং খ্বাইদগী ফবা থৌওংশিং প্রমোৎ তৌবদা ফিনলেন্দগী থৌদাং অদু শকখঙখি।
মেতিওরোলোজিকেল কোলাবোরেসনগী মতাংদা, লুচিংবশিংনা ফিনলেন্দগী মেতিওরোলোজিকেল ইন্সতিত্যুৎ (এফ.এম.আই.) অমসুং ইন্দিয়ন মেতিওরোলোজিকেল দিপার্তমেন্ত (আই.এম.দি.) গী মরক্তা এরোসোল মোনিটরিং অমসুং এয়র ক্বালিতী ফোরকাস্তিংদা হৌজিক ফাওবদা চৎথরিবা কোলাবোরেসন অদুদা পুক্নিং চিংশিনখি। মখোয়না এফ.এম.আই. অমসুং ইন্দিয়ন ইন্সতিত্যুৎ ওফ তেক্নোলোজী মদ্রাস (আই.আই.তি.এম.) গী মরক্তা ভর্চুএল রিসর্স সেন্তর অমা লিংখৎনবা থবকশিং তরাম্না ওকখি।
লুচিংবশিংনা ভারতকী রুরেল দিবেলপমেন্ত মন্ত্রালয় অমসুং ফিনলেন্দগী নেস্নেল লেন্দ সর্ভে অমসুং ফিনলেন্দগী এনভাইরনমেন্ত ইন্সতিত্যুৎ, শহরশিং অমসুং কম্পেনীশিংগী মরক্তা লম অমসুং প্রোপর্তী ইনফোর্মেসনগী ইন্তিগ্রেতেদ জি.আই.এস.দা য়ুম্ফম ওইবা দিজিতেল প্লেৎফোর্ম অমা ওইরিবা লেন্দ স্তেককী মতাংদা এক্সচেঞ্জ তৌনবগী এক্সপিরিয়েন্সশিংসু লৌখি।
ওফিসিএল স্তেতিস্তিক্সকী লমদা তেংবাং পীনবা হেনগৎহন্নবা য়ানা ৱারোলদা খুৎয়েক পীনখিবা অদু লুচিংবশিংনা তরাম্না ওকখি। মসিনা ওফিসিএল স্তেতিস্তিক্সকী লমদা খ্বাইদগী ফবা থবক-থৌরমশিং, মেথোদোলোজীশিং অমসুং তেক্নিকেল এক্সপর্সিতীশিং এক্সচেঞ্জ তৌনবগী ফ্রেমৱার্ক অমা পীরি।
মোবিলিতী, এজুকেসন অমসুং মীয়ামগী মরক্তা লৈনবা মরীশিং
ভারতকী প্রধান মন্ত্রী অমসুং ফিনলেন্দগী রাস্ত্রপতিনা হিরম খুদিংমক্তা মীয়ামগী মরক্তা লৈনবা মরীগী মরুওইবা অদু খঙখি। মসিদা স্কিল লৈরবা শিন্মীশিং, অখন্নবা মীওইশিং অমসুং নহা ওইরিবা শিন্মীশিং, রিসর্চ তৌবা মীওইশিং অমসুং মহৈরোইশিং, ললোন-ইতিক তৌবা মীওইশিং অমসুং একাদেমিকশিং য়াওরি। মসিনা শেন্মিৎলোনগী চাউখৎপা হেনগৎহনগনি, সোসিএল ফেব্রিক অমা শেমগৎকনি অমসুং অমগা অমগা খঙমিন্নবা হেনগৎহনগনি।
মসিগী মতাংদা, লুচিংবশিংনা মাইগ্রেসন অমসুং মোবিলিতী পার্তনরশিপকী মতাংদা মেমোরেন্দম ওফ অন্দর্স্তেন্দিং অমা খুৎয়েক পীনবদা থাগৎপা ফোংদোকখি। মসিনা লাক্কদৌরিবা চহিশিংদা মওং তানা, নীংথিনা অমসুং নাকন অনিমক্কী কান্নবা ওইগদবা মোবিলিতীগী ফ্রেমৱার্ক শেমগনি। নাকল অনিমক্না ভারত অমসুং ফিনলেন্দ অনিমক্কী চাউখৎপা অমসুং শেন্মিৎলোনগী চাউখৎপা ফংহন্নবগীদমক এম.ও.য়ু.সি. লুচিংবা অনিনা মরী লৈনবা ফোরেন মিনিস্ত্রীশিংগী মরক্তা কন্সুলারগী হিরমশিংদা নাকল অনিগী ওইবা ৱারী শানবগী ওইথোকপা য়াবশিং য়েংশিনবদা য়ানখি।
লুচিংবশিংনা এজুকেসনদা কোওপরেসনগী মতাংদা অৱাংবা থাক্কী দাইলোগ (জানুৱারী ৩১, ২০২৪) না অয়াবা পীরবা জোইন্ত স্তেতমেন্ত অদু খঙখি অমসুং সেকেন্দরী এজুকেসন, হায়র এজুকেসন, স্কিল দিবেলপমেন্ত, অমসুং মহৈরোইশিংগী মোবিলিতীগী য়ানরবা লমশিংদা মীৎয়েং থমদুনা কম্মন এজেন্দা অসি খুমাং চাউশিলহন্নবা মরী লৈনবা পার্তীশিংবু মখোয়গী অপুনবা ইথিল অসি খুমাং চাউশিলহন্নবা পুক্নিং থৌগৎখি।
ফিনলেন্দগী এজুকেসন সিস্তেমগী মায়কৈদা ভারতনা হেনগৎলক্লিবা ইন্তরেস্ত, ওজাশিংগী ত্রেনিংদা মতেং পীনবা হেনগৎলকপা, ফিনলেন্দগী মোদেলগী মতুং ইন্না হাংলিবা অঙনবা অঙাংশিংগী এজুকেসন ইন্সতিত্যুসনশিং অমসুং স্কুলশিং অসি স্তেকহোল্দরশিংনা এজুকেসনগী মতাংদা মতেং পীনবা মখা তানা চাউখৎহন্নবগী অপাম্বা অমসুং অচেৎপা ফিরেপ অদুগী ময়েক লারবা মওংনি হায়না মখোয়না পনখি।
মসিগী মথক্তা, লুচিংবশিংনা ফিল্ম অমসুং গেমিং ইন্দস্ত্রীশিংদা তেংবাং পীনবা হেনগৎহন্নবা অচেৎপা ফ্রেমৱার্ক অমা পীগদবা বাইলেতরেল ওদিওভিজুএল কো-প্রদক্সন এগ্রীমেন্তগী মতাংদা খন্ন-নৈনখিবা অদুসু পনখি।
ভারত-ই.য়ু.গী মরী
লুচিংবা অনিনা শেয়র তৌরিবা ভেল্যুশিং অমসুং প্রিন্সিপলশিং, ম্যুচেল ত্রস্ত, কভর্জিং ইন্তরেস্তশিং অমসুং শেয়র তৌরিবা পোলিতিকেল ৱিলদা য়ুম্ফম ওইদুনা ২০২৬গী জনুৱারী ২৭তা পাংথোকখিবা ইন্দিয়া-ইয়ু সমিৎতা পুখৎখিবা অনৌবা জোইন্ত ইন্দিয়া-ইয়ু কম্প্রিহেন্সিব স্ত্রেতেজিক এজেন্দা অদু তরাম্না ওকখি। মখোয়না য়ানখি মদুদি ভারত অমসুং ই.য়ু. অসি নাকল অনিমক্তা পোজিতিব ওইবা মহৈ কয়াগা লোইননা মল্তিফেসেতেদ অমসুং হেন্না চেৎশিল্লক্লিবা অশাংবা মতমগী ওইবা মরী অমা শেমগৎতুনা, স্তেবল ওইবা, মাংজৌননা খংনবা য়াবা অমসুং থাজবা য়াবা পার্তনরশিং ওইবা ঙম্মি।
লুচিংবশিংনা ফ্রী ত্রেদ এগ্রীমেন্ত লোইশিনখিবনা ভারত-ই.য়ু.গী মরীবু অনৌবা থাক অমদা পুখৎলে হায়না ফোংদোকখি। মার্কেত এক্সেস হেঙ্গৎহনবা অমসুং ললোন-ইতিক্কী অথিংবশিং লৌথোক্তুনা ইকোনোমিক বেনিফিৎশিং ফংহনবগী মথক্তা, লুচিংবা অনিমক্না এফ.তি.এ.না ইকোনোমিক সেক্যুরিতী অমসুং রেসিলিয়েন্সপু দিভর্সিফাই তৌদুনা ক্রিতিকেল ভেল্যু চেনশিং অমসুং অনৌবা মার্কেতশিং হাংদোক্তুনা মতেং পাংগনি হায়না পনখি।
মরুওইবা ত্রেদ, তেক্নোলোজী অমসুং ইকোনোমিক সেক্যুরিতীগী ইসুশিং কোকহন্নবা প্লেৎফোর্ম অমা ওইনা, লুচিংবশিংনা ভারত-ই.য়ু. তেক্নোলোজী পার্তনরশিপকী য়ুম্ফম ওইরিবা ইন্দিয়া-ই.য়ু. ত্রেদ অমসুং তেক্নোলোজী কাউন্সিলগী থবকশিং মখা তানা হেনগৎহন্নবা মখোয়গী মতেং অমুক হন্না ফোংদোকখি।
ভারতকী প্রধান মন্ত্রী অমসুং ফিনলেন্দগী রাস্ত্রপতিনা হায়খি মদুদি ভারত-য়ু.ই. সেক্যুরিতী অমসুং দিফেন্স পার্তনরশিপকী খুৎয়েক পীনবা অসিনা ভারত-য়ু.ই. স্ত্রেতেজিক পার্তনরশিপতা অতোপ্পা মরু ওইবা মওং অমা হাপচিল্লে। মসিনা মেরিতাইম সেক্যুরিতী, দিফেন্স ইন্দস্ত্রী, সাইবর অমসুং হাইব্রিদ থ্রেৎশিং, স্পেস, অমসুং কাউন্তর তেরোরিজম য়াওনা পার্তনরশিপকী হিরমশিংদা মতেং পীনবা হেনগৎহল্লগনি।
লুচিংবশিংনা মোবিলিতীগী মতাংদা কোওপরেসনগী কমপ্রেহেন্সিব ফ্রেমৱার্ককী এম ও য়ুদা খুৎয়েক পীনখিবা অমসুং ভারত্তা পাইলোৎ ওইনা য়ুরোপিয়ন য়ুনিয়ন লিগেল গেৎৱে ওফিস হৌদোকখিবা অদু থাগৎপা ফোংদোকখি।
মলতিলেতরেল কোওপরেসন
লুচিংবশিংনা য়ু.এন. সিস্তেম শেমদোকপগী তঙাইফদবা অদু খঙখি। মসিগী মতাংদা, মখোয়না য়ু.এন. সেক্যুরিতী কাউন্সিলবু হেন্না ইফিসেন্ত, রিপ্রজেন্তেতিব, ইনক্লুসিব অমসুং হৌজিক মতমগী জিওপোলিতিকেল রিয়েলিতিশিং উৎপদা হেন্না কান্নহন্নবা কম্প্রিহেন্সিব রিফোর্ম অমা পাংথোকপগী মরুওইবা অদুদা অকনবা ৱাফম থমখি। ফিনলেন্দগী প্রসিদেন্তনা রিফোর্ম তৌরবা য়ু.এন.এস.সি.দা ভারতকী পর্মানেন্ত মেম্বর ওইবগীদমক ফিনলেন্দনা শৌগৎলি হায়না অমুক হন্না ফোংদোকখি।
লুচিংবশিংনা য়ুনাইতেদ নেসন্স অমসুং অতোপ্পা ইন্তর্নেস্নেল বোদীশিংগী মরক্তা মল্তিলেতরেলিজম ঙাক শেন্নবা অমসুং নিয়মদা য়ুম্ফম ওইবা ইন্তর্নেস্নেল ওর্দর অমা ঙাক শেন্নবা মরুওইবা থৌদাং অদু ফোংদোকখি। মসিদা ন্যুগেল কেন্দিদেসনশিং অমসুং নোমিনেসনশিং শৌগৎপা য়াওরি।
শান্তি অমসুং সেক্যুরিতী, মীওইবগী হকশিং, সস্তেনেবল দিবেলপমেন্ত অমসুং ক্লাইমেৎ চেঞ্জ অমসুং বাইওদাইবর্সিতী য়াওনা মল্তিলেতরেল ফোরমশিংদা মখোয়গী কন্সত্রক্তিব কোওপরেসন মখা চত্থনবা নাকল অনিমক্না য়ানখি।
লুচিংবশিংনা য়ু.এন.সি.এল.ও.এস. য়াওনা মালেমগী আইনগী মতুং ইন্না নীংতম্বা, হাংদোকপা, শান্তি লৈবা অমসুং চাউখৎপা ইন্দো-পেসিফিক অমা শেমগৎনবা মখোয়না শরুক য়ামিন্নবা অদু অমুক হন্না ফোংদোকখি। মসিগী মতাংদা, ভারতনা ফিনলেন্দবু ইন্দো-পেসিফিক ওসিন ইনিসিএতিবতা য়াওরকপদা তরাম্না ওকখি।
লুচিংবা অনিমক্না আর্কতিক্কী হীরমশিংদা পুন্না থবক তৌমিন্নবা অমসুং ৱারী শানবগী মরী মখা তানা চেৎশিলহন্নবা মখোয়গী অচেৎপা ফিরেপ অদু অমুক হন্না ফোংদোকখি। মসিগী মনুংদা জোইন্ত রিসর্চ ইনিসিএতিবশিং, একাদমিক একচেঞ্জশিং অমসুং কেপাসিতী বিল্দিং প্রোগ্রামশিং য়াওরি। মখোয়না ২০২৬কী জনুৱারীদা ফিনলেন্দগী রোভানিয়েমিদা পাংথোকখিবা "হিমালয়া অমসুং আর্কটিক ইকোসিস্তেম: সস্তেনেবল ফ্যুচর অমগীদমক ভারত-ফিনলেন্দ পার্তনরশিপ" হায়না মিংথোনবা অহানবা ইন্দিয়া-ফিনলেন্দ আর্কটিক দাইলোগ অদু খঙখি। মসিদা আর্কটিককী হিরমশিংদা মতেং পীনবা হেনগৎহন্নবা থৌরাং অমসুং লম্বীশিং খন্ননবা পার্লিয়ামেন্তরীশিং, সরকারগী ওফিসিএলশিং, একাদেমিকশিং অমসুং এক্সপর্তশিং পুনশিনখি। লুচিংবা অনিমক্না আর্কতিক কাউন্সিলগী স্ত্রকচরশিংদা অমসুং ইন্দিয়া-নোর্দিক সম্মিৎকী পাক চাউরবা ফ্রেমৱার্ককী মনুংদা মতেং পীনবা হেনগৎহনবগী মরুওইবা অদুসু পনখি।
লুচিংবা অনিমক্না তেরোরিজম অমসুং ক্রোস-বর্দর তেরোরিজম য়াওনা মওং পুম্নমক্তা হিংসাগী ওইবা এক্সত্রিমিজমবু অকনবা মওংদা নিন্দা তৌখি। মখোয়না মালেমগী আইনগী মতুং ইন্না তেরোরিজমবু মপুং ফানা অমসুং তুংকোইনা লান্থেংননবা ৱারেপ লৌবা অমসুং পুন্না হোৎনমিন্নবা মালেমগী ওইবা থৌওংশিং পাংথোক্নবা হায়খি। মখোয়না হিংসাগী ওইবা রেদিকেলাইজেসন অমসুং এক্সত্রিমিজম থেংননবা, তেরোরিজম শেল থাদোকপদা থেংনবা, মালেমগী ওইনা য়ানরবা শেল লান্দারিবগী মায়োক্তা চৎনগদবা কাংলোনশিং শৌগৎনবা, তেরোরিস্তকী পান্দমদা অনৌবা অমসুং অনৌবা তেক্নোলোজীশিং শীজিন্নবা থিংনবা অমসুং তেরোরিস্ত রিক্রুত তৌবদা থেংনবা তেংবাং পীনবা য়ানখি। লুচিংবশিংনা য়ু.এন. অমসুং এ.এ.তি.এফ.তি. য়াওনা তেরোরিস্তকী শেল থাদবগী চেনেলশিং থিংনবা অচেৎপা খোঙথাংশিং লৌখৎনবা অমুক হন্না অচেৎপা ফিরেপ লৌখি। মখোয়না এপ্রিল ২২, ২০২৫দা জম্মু অমসুং কাশ্মীরগী পহলগামদা পাংথোকখিবা তেরোরিস্ত এতেক অমসুং ন্যু দিল্লীগী রেদ ফোর্ৎকী মনাক্তা নবেম্বর ১০, ২০২৫দা পাংথোকখিবা তেরোরিস্ত এতেক অদু অকনবা মওংদা য়ানিংদবা ফোঙদোকখি।
লুচিংবা অনিমক্না য়ু.এন. চার্টর অমসুং ইন্দিপেন্দেন্স, সোভরিনিতী অমসুং তেরিতোরিয়েল ইন্তিগ্রিতী য়াওনা ইন্তর্নেস্নেল লোগী প্রিন্সিপলশিংদা য়ুম্ফম ওইদুনা দাইলোগ অমসুং দিপ্লোমেসীগী খুত্থাংদা য়ুক্রেনদা মপুং ফানা, অচুম্বা অমসুং তুং কোইনা চৎনবা য়াবা শান্তি পুরক্নবা হোৎনরিবা অসিদা মখা তানা মতেং পাংনবা য়ানখি।
ৱারোইশিন
দিজিতেলাইজেসন অমসুং সস্তেনেবিলিতীদা ইন্দিয়া-ফিনলেন্দ স্ত্রেতেজিক পার্তনরশিপকী মখাদা পুন্না থবক তৌমিন্ননবা, লুচিংবশিংনা দিজিতেলাইজেসন অমসুং সস্তেনেবিলিতীদা মরী লৈনবা ৱার্কিং গ্রুপশিংদা মরুওইবা লমশিং অমসুং মরী লৈনবা থবকশিং মশক তাকপা য়াওনা তুংলমচৎকী ওইবা অমসুং অকনবা এক্সন প্লান অমা শেম্নবা অমসুং ফিনলেন্দ রিপব্লিক্কী ফোরেন এফিয়র্স মন্ত্রালয় অমসুং রিপব্লিক ওফ ইন্দিয়াগী ফোরেন এফিয়র্স মন্ত্রালয়দা ফংলিবা খোংজেলগী মতাংদা পাউদম পীনবা হায়খি।
ফিনলেন্দগী রাস্ত্রপতিনা মহাক্কী রাজ্যগী খোংচৎ মনুংদা তরাম্না ওকপীখিবগীদমক ভারতকী প্রধান মন্ত্রীদা থাগৎপা ফোংদোকখি। লুচিংবা অনিমক্না ওপন অমসুং কন্সত্রক্তিব দাইলোগ, অমসুং মাংলোমদা চংশিনবা অমসুং চাউখৎলক্লিবা কোওপরেসন অসিগীদমক থাগৎপা ফোংদোকখি। মখোয়না অমগা অমগা ইকায় খুম্নবা অমসুং তেংবাং পীনবগী ৱাখল্লোন অমদা অচেৎপা য়ুম্ফমদা মখোয়গী ৱারী শানবগী থৌওং মখা চত্থনবা য়ানখি। রাস্ত্রপতি স্তবনা প্রধান মন্ত্রী মোদীবু ফিনলেন্দদা লাক্নবা কৌখি, অমসুং প্রধান মন্ত্রী মোদীনা মসিদা অপাম্বা ফোঙদোকখি।
