ইকাই খুম্নরবা প্রধান মন্ত্রী, শ্রী নরেন্দ্র মোদীনা বর্তন তৌরকপদগী, রিপব্লিক ওফ ফিজীগী ইকাই খুম্নরবা প্রধান মন্ত্রী, শ্রী সিতিভেনী রবুকানা ২০২৫গী ওগস্ত ২৪দগী ২৬ ফাওবা রিপব্লিক ওফ ইন্দিয়াদা ওফিসিএল ভিজিৎ অমা লাকখি। প্রধান মন্ত্রী রবুকানা হৌজিক লৈরিবা মহাক্কী কেপাসিতী অসিদা অহানবা ওইনা ভারত লাক্লি, মহাক্না মহাক্কী লোয়নবী, ইকাই খুম্নরবা শ্রী এন্তোনিও লালাবালাবু, হেল্থ অমসুং মেদিকেল সর্বিসেসকী মন্ত্রী; অমসুং ফিজী রিপব্লিক্কী সরকারগী মকোক থোংবা ওফিসিএলশিংগী মীহুৎ কাংবু অমগা লোয়ননা নই দিল্লীদা লাক্লি।
প্রধান মন্ত্রী মোদীনা প্রধান মন্ত্রী রবুকা অমসুং মহাক্কী মীহুৎ কাংবুবু তরাম্না ওকখি। লুচিংবশিংনা নাকল অনিগী ওইবা হীরমশিং অমসুং ম্যুচুএল ইন্তরেস্তকী রিজনেল অমসুং গ্লোবেলগী ইসুশিংগী মতাংদা পাক-শন্না খন্ন-নৈনবগী থৌরম পাংথোকখি। লুচিংবা অনিমক্না মরী অসি হেনগৎলকপদা নুংঙাইবা ফোংদোকখি অমসুং দিফেন্স, হকশেল, লৌউ-শিংউ, এগ্রো-প্রোসেসিং, ত্রেদ অমসুং ইনভেস্তমেন্ত, অপীকপা অমসুং ময়াই ওইবা ইন্তর্প্রাইজশিং, কোওপরেতিবশিং, কলচর, স্পোর্তস, এজুকেসন অমসুং স্কিল দিবেলপমেন্তগুম্বা লমশিংদা পাক-শন্না য়ুম্ফম ওইবা, ইনক্লুসিব ওইবা অমসুং তুংলমচৎকী ওইবা পার্তনরশিপ অমা শেমগৎনবা মখোয়গী ৱারেপ অদু অমুক হন্না ফোংদোকখি।
লুচিংবা অনিনা হৌখিবা চহিশিংদা ভারতকী রাস্ত্রপতি শ্রীমতি দ্রৌপদি মুর্মুগী ২০২৪গী ওগস্তকী পুৱারী ওইরবা অহানবা খোঙচৎ য়াওনা লৈবাক অনিগী মরক্তা লৈনরিবা মরীদা অওনবা পুরকপা অসিদা নুংঙাইবা ফোংদোকখি। মখোয়না ২০২৩গী ফেব্রুৱারীদা ফিজীগী নাদিদা ভারত অমসুং ফিজীগী মরক্তা মান্নবা লোল অমসুং নাৎকী লনগৈ অসিবু পালন তৌরিবা ১২শুবা ৱার্ল্দ হিন্দী কনফরেন্স মাই পাক্না পাংথোকখিবা অদু নীংশিংখি।
লুচিংবা অনিনা ভারত অমসুং ফিজীগী মরক্তা লৈনরিবা মরী অমসুং মীয়ামগী মরক্তা লৈনরিবা মরী অদু অমুক হন্না ফোংদোকখি। ফিজীগী মল্তিকলচরেল আইদেন্তিতী, তোঙান তোঙানবা খুন্নাই অমসুং শেন্মিৎলোন শেমগৎপদা শরুক তম্মিবা ১৮৭৯ অমসুং ১৯১৬গী মরক্তা ফিজীদা লাকখিবা ইন্দিয়ন ইনদেঞ্চর লেবর্র ৬০,০০০ হেনবা জিরমিতিয়াশিংগী থৌদাংবু মখোয়না শকখঙখি। ২০২৫গী মে থাদা ১৪৬শুবা গিরমিত দেগী থৌরমদা শরুক য়ানবা রিপব্লিক ওফ ফিজীদা চৎখিবা এক্সতর্নেল এফিয়র্স অমসুং তেক্সতাইলসকী রাজ্য মন্ত্রী, শ্রী পাবিত্রা মার্গেরিতাগী খোঙচৎপু প্রধান মন্ত্রী রবুকানা থাগৎপা ফোংদোকখি।
লুচিংবা অনিনা ২০২৫গী জুলাই থাদা ফোরেন ওফিস কন্সল্তেসনগী ৬শুবা রাউন্দ মায় পাক্না পাংথোকখিবা অদু পনখি। মসিনা প্রোগ্রেস রিভিয়ু তৌনবা অমসুং কোওপরেসনগী অনৌবা লমশিং মশক খঙদোক্নবা মরুওইবা প্লেৎফোর্ম অমা পীখি।
লুচিংবা অনিনা তেরোরিজমগী মায়োক্তা মতেং পীনবা হেনগৎনবা য়ানখি অমসুং তেরোরিজমগী মওং মতৌ পুম্নমকপু য়ানিংদবা ফোংদোকখি। লুচিংবা অনিমক্না পহলগামগী তেরোরিস্ত এতেক অদু অকনবা মওংদা য়ানিংদবা ফোংদোকখি। মসিগী থৌদোক অসিদা মীচম মীওই ২৬ শীহনখি। লৈবাক অনিমক্না রেদিকেলাইজেসন থেংনবা, তেরোরিজমদা শেল থাদবা থিংনবা, তেরোরিস্তকী পান্দমদা অনৌবা তেক্নোলোজীশিং শীজিন্নবা থিংনবা অমসুং তেরোরিস্ত রিক্রুত তৌবা অমসুং ত্রান্সনেস্নেল ওর্গানাইজ ক্রাইমবু পুন্না হোৎনদুনা অমসুং কেপাসিতী বিল্দিং তৌদুনা থেংনবগী তঙাইফদবা অদু ফোংদোকখি। নাকল অনিমক্না তেরোরিজম থেংননবা য়ু.এন. অমসুং অতোপ্পা মল্তিলেতরেল ফোরমশিংদা পুন্না থবক তৌমিন্ননবা য়ানখি।
লুচিংবশিংনা ভারতকী মিসন লাইফ অমসুং ব্লু পেসিফিক কন্তিনেন্তকীদমক ২০৫০ স্ত্রেতেজীগী ইথিলদা ক্লাইমেৎ এক্সন, রেসিলিয়েন্স বিল্দিং অমসুং সস্তেনেবল দিবেলপমেন্তকীদমক মখোয়গী অচেৎপা ফিরেপ অদু অমুক হন্না ফোংদোকখি। প্রধান মন্ত্রী মোদীনা ইন্তরনেস্নেল সোলর এলাইন্স (আই.এস.এ.), কোলিসন ফোর দিজাস্তর রেসিলিয়েন্ত ইনফ্রাস্ত্রকচর (সি.দি.আর.আই.) অমসুং গ্লোবেল বাইওফ্যুএলস এলাইন্স (জি.বি.এ.) দা ফিজীনা মেম্বর ওইবগীদমক থাগৎপা ফোংদোকখি। লুচিংবশিংনা আই.এস.এ.গা লোয়ননা ত্রাইপর্তাইৎ মেমোরেন্দম ওফ অন্দর্স্তেন্দিং অমগী খুত্থাংদা ফিজী নেস্নেল য়ুনিভর্সিতীদা স্তার-সেন্তর অমা শেমগৎপা অমসুং ফিজীদা প্রাইওরিতি সেক্তরশিংদা সোলর দিপ্লোইমেন্ত পাকথোক চাউথোকহন্নবা কন্ত্রী পার্তনরশিপ ফ্রেমৱার্কদা খুৎয়েক পীনবা য়াওনা আই.এস.এ.গী মনুংদা হেনগৎলক্লিবা কোলাবোরেসনবু তরাম্না ওকখি। তেক্নিকেল এসিস্তেন্স, কেপাসিতী বিল্দিং অমসুং গ্লোবেল প্লেৎফোর্মশিংদা এদভোকেসীগী থোংদা সি.দি.আর.আই. ফ্রেমৱার্ক্কী মনুংদা ফিজীগী নেস্নেল রেসিলিয়েন্স গোলশিংদা মতেং পাংনবা ভারতকী অচেৎপা ফিরেপ অদু প্রধান মন্ত্রী মোদীনা অমুক হন্না ফোংদোকখি।
লুচিংবশিংনা গ্লোবেল বাইওফ্যুএল এলাইন্স (জি.বি.এ.) গী ফ্রেমৱার্ক্কী মনুংদা বাইওফ্যুএলশিংবু সস্তেনেবল ইনর্জী সোলুসন অমা ওইনা প্রমোৎ তৌনবা মখোয়গী অপুনবা ফিরেপ অদু অমুক হন্না ফোংদোকখি। এল্লাইয়ন্সকী ফাউন্দর অমসুং এক্তিব মেম্বরশিং ওইনা, নাকল অনিমক্না ইনর্জী সেক্যুরিতী হেনগৎহনবা, গ্রীনহাউস গ্যাস থাদোকপা হন্থহনবা অমসুং ইনক্লুসিব রুরেল দিবেলপমেন্ত পুক্নিং থৌগৎপদা বাইওফ্যুএলশিংগী মরুওইবা থৌদাং অদু ফোংদোকখি। ফিজীদা সস্তেনেবল বাইওফ্যুএল পুথোকপা অমসুং শীজিন্নবা হেনগৎহন্নবা কেপাসিতী বিল্দিং, তেক্নিকেল এসিস্তেন্স অমসুং পোলিসী ফ্রেমৱার্কশিংদা মতেং পীননবা মখোয়না য়ানখি।
লুচিংবা অনিনা লৈবাক অনিগী মরক্তা তপ্না তপ্না হেনগৎলক্লিবা ললোন-ইতিক অদু খঙখি অমসুং ভারত অমসুং ফিজীগী মরক্তা ললোন-ইতিক অমসুং ইনভেস্তমেন্তকীদমক শীজিন্নদ্রিবা পোতেন্সিএল অদু খঙখি। মখোয়না ইকোনোমিক পার্তনরশিপ মখা তানা কনসোলিদেৎ তৌনবা, ত্রেদ পোর্তফোলিওশিং দাইভর্সিফাই তৌনবা অমসুং সপ্লাই চেনশিংগী রেসিলিয়েন্স হেনগৎহন্নবগীদমক ম্যুচুএল ইন্তরেস্তকী লমশিংদা সেক্তোরেল কোওপরেসন হেন্না চেৎশিলহন্নবা মখোয়গী অপাম্বা ফোংদোকখি। প্রধান মন্ত্রী মোদীনা ফিজী সরকারনা ভারতকী ঘীশিংদা মার্কেৎ এক্সেস পীরকপবু তরাম্না ওকখি।
মপাঙ্গল কনবা, ইনক্লুসিব ওইবা অমসুং সস্তেনেবল ওইবা ইন্দো-পেসিফিক ইকোনোমিক আর্কিতেকচর অমগীদমক মখোয়গী মান্নবা মীৎয়েং অদু অমুক হন্না ফোংদোক্লদুনা লুচিংবা অনিমক্না নাকল অনিমক্কী চাউখৎ থৌরাং প্রমোৎ তৌনবগীদমক পুন্না থবক তৌমিন্ননবা অচেৎপা ৱাফম থমখি। লুচিংবা অনিনা এক্ত ইস্ত পোলিসীগী মখাদা ভারত-পেসিফিক আইলেন্দস কোওপরেসন (এফ.আই.পি.আই.সি.) গী এক্সন ওরিয়েন্তেদ ফোরমগী খুত্থাংদা অমসুং পেসিফিক আইলেন্দস ফোরম (পি.আই.এফ.) দা দাইলোগ পার্তনর অমা ওইনা শরুক য়াদুনা ফিজী য়াওনা পেসিফিক আইলেন্দস লৈবাকশিংগা লোয়ননা ভারতনা হেনগৎলক্লিবা এঙ্গেজমেন্ত অদুগীদমক থাগৎপা ফোংদোকখি। ২০২৩গী মে থাদা পাংথোকখিবা অহুমশুবা এফ.আই.পি.আই.সি. সম্মিৎকী মহৈশিং নীংশিংলদুনা প্রধান মন্ত্রী মোদীনা ফিজীগী মরুওইবশিংবু ময়াইদা থমদুনা পাক-শন্না পায়খৎলিবা খোঙথাংশিংগী খুত্থাংদা লমদম অসিদা দিবেলপমেন্ত পার্তনরশিপকীদমক ভারতনা লেপ্লিবা অদু অমুক হন্না ফোংদোকখি। হেল্থকেয়র অসি মরুওইবা প্রাইওরিটি এরিয়া অমনি হায়না অমুক হন্না ফোংদোক্লদুনা লুচিংবা অনিনা পেসিফিক রিজনদা ভারতনা গ্রান্ত-ইন-এদ প্রোগ্রামগী মখাদা পায়খৎলিবা খ্বাইদগী চাউবা প্রোজেক্ত অমা ওইরিবা সুভাদা ফমুং ১০০ লৈবা সুপর স্পেসিয়েলিতী হোস্পিতাল অমগী দিজাইন, কন্সত্রক্সন, কমিশনিং, ওপরেসন অমসুং মেনতেন্সনগী মতাংদা য়ানা ৱারোলদা খুৎয়েক পীনবগী থৌরাং অদু তরাম্না ওকখি।
২০২৫গী মে থাদা ইন্দিয়ন ফার্মাকোপোইয়াবু শকখঙনবা য়ানা ৱারোলদা খুৎয়েক পীনখিবা অদু প্রধান মন্ত্রী মোদীনা তরাম্না ওকখি। মসিনা ফার্মাস্যুতিকেল সেক্তরদা মতেং পাংনবা হেনগৎহল্লগনি অমসুং ফিজীগী রিপব্লিকতা ক্বালিতী লৈবা অমসুং শেল চংদবা হেল্থকেয়রগী পোত্থোক অমসুং সর্ভিসশিংদা হেন্না ফবা খুদোংচাবশিং ফংহল্লগনি। ফিজীদা জন ঔশধী কেন্দ্রশিং (পিপলস ফার্মাসীশিং) লিংখৎপদা ভারতনা মতেং পাংলি হায়না মহাক্না অমুক হন্না ফোংদোকখি। লুচিংবা অনিনা ২০২৫গী ওগস্ত ১৩দা রিপব্লিক ওফ ইন্দিয়া অমসুং রিপব্লিক ওফ ফিজীগী মরক্তা হেল্থকী মতাংদা অহুমশুবা জোইন্ত ৱার্কিং গ্রুপ পাংথোকপবু তরাম্না ওকখি। মসিগী মনুংদা রিমোৎ হেল্থকেয়র সর্ভিসশিং অমসুং ভারত অমসুং ফিজীগী মরক্তা দিজিতেল হেল্থ কনেক্তিবিতী হেনগৎহন্নবা ভারতকী ফ্লেগশিপ তেলিমেদিসিন ইনিসিয়েতিব, ই-সঞ্জেৱানিগী মখাদা পুন্না থবক তৌমিন্নবগী মতাংদা খন্নখি। হকশেলগী লমদা তেংবাং পীনবা হেনগৎহন্দুনা, প্রধান মন্ত্রী মোদীনা ফিজীদা অনিশুবা জয়পুর ফুত কেম্প অমা পাংথোক্কনি হায়না লাউথোকখি। ভারতনা ফিজিগী ওভরসিজ মেদিকেল রেফরেল প্রোগ্রামগী মখাদা 'হীল ইন ইন্দিয়া' প্রোগ্রামগী মখাদা ফিজীগী মীওই ১০ ফাওবগীদমক ভারতকী হোস্পিতালশিংদা স্পেসিয়েলাইজ/তর্সিয়রী মেদিকেল কেয়র সর্ভিসশিংসু পীগনি।
ভারত অমসুং ফিজীগী মরক্তা তেংবাং পীনবগী য়ুম্ফম অমা ওইনা দিবেলপমেন্ত পার্তনরশিপপু অমুক হন্না ফোংদোক্লদুনা লুচিংবশিংনা রিপব্লিক ওফ ফিজীদা অহানবা ক্বিক ইম্পেক্ত প্রোজেক্ত (ক্যু.আই.পি.) গীদমক তুবালেভু ভিলেজ গ্রাউন্দ ৱাতর সপ্লাই প্রোজেক্তকীদমক মেমোরেন্দম ওফ অন্দর্স্তেন্দিংদা খুৎয়েক পীনখিবা অদু তরাম্না ওকখি। মসি ২০২৪দা তোঙ্গাদা পাংথোকখিবা ৫৩শুবা পেসিফিক আইলেন্দস ফোরম লুচিংবশিংগী মীফমদা ভারতনা লাউথোকখিবনি।
লুচিংবা অনিমক্না লৈবাক অনিগী মরক্তা লৈনরিবা দিফেন্সকী মরীশিং হেনগৎলক্লিবা অদু খঙখি। মখোয়না রিজনেলগী শান্তি, তংদু লৈতাবা অমসুং চাউখৎপা পুরকপদা মখোয়গী মান্নবা অপাম্বশিং অদুগী মরুওইবা অদু ফোংদোকখি। প্রধান মন্ত্রী মোদীনা ২০১৭তা খুৎয়েক পীনখিবা দিফেন্স কোওপরেসনগী মতাংদা মেমোরেন্দম ওফ অন্দর্স্তেন্দিংদা পনখিবা কোওপরেসনগী মরুওইবা লমশিং খুমাং চাউশিলহন্নবা অমসুং হিরমশিং অসিদা ফিজীগী স্ত্রেতেজিক প্রাইওরিতিশিং শৌগৎপদা ভারতকী অচেৎপা ৱাফম অমুক হন্না ফোংদোকখি। লুচিংবা অনিনা য়ুনাইতেদ নেসন্স পিসকীপিং ওপরেসন (য়ু.এন.পি.কে.ও.), মিলিতরী মেদিসিন, হ্বাইৎ শিপ্পিং ইনফোর্মেসন একচেঞ্জ (দবল্যু.এস.আই.ই.), অমসুং রিপব্লিক ওফ ফিজী মিলিতরী ফোর্সেসকী কেপাসিতী বিল্দিংগুম্বা লমশিংদা তেংবাং পীনবা হেনগৎলকপা য়াওনা দিফেন্সকী জোইন্ত ৱার্কিং গ্রুপ (জে.দবল্যু.জি.) হৌদোকপগী মহৈশিং অদুবু তরাম্না ওকখি।
হৌজিক লৈরিবা ঙাক-শেনগী মরীশিংদা লুচিংবশিংনা অপেনবা ফোঙদোকখি অমসুং দিফেন্স অমসুং মেরিতাইম সেকুরিগী মতেং পাংনবা হেনগৎহনবগী দরকার ওইবা অদু থমখি। ফিজিগী এক্সক্লুসিপ ইকোনোমিক জোন সেকুরিতি লৈহনবগী মরুওইবা প্রধান মন্ত্রী রবুকানা ফোঙদোকখি অমসুং ফিজিগী সেকুরিতিগী দরকার ওইবশিং ফংনবা ভারতনা মতেং পাংগনি হায়রকপদা তরাম্না ওকখি। ভারতকী লালগী জহাজ অমা ফিজিদা লাক্নবা থৌরাং তৌরিবা অসিদা প্রধান মন্ত্রী রবুকানা তরাম্না ওকখি।
লমদম অসিদা শান্তি, তুংদু লৈতাবা অমসুং নুংঙাই য়াইফবা পুরক্নবা অমসুং লৈবাক অনিমক কান্নবা ফংনবা লৈবাক অনি মখা তানা দিফেন্সকী মতেং পাংনবা হেনগৎহন্নবা লুচিংবশিংনা অমুক হন্না ফোঙদোকখি। ফিজিগী মিলিতরি ফোর্সশিংগী এম্বুলেন্স অনি পীনবা অমসুং সুভাদা ভারতকী হায় কম্মিসন্দা দিফেন্স ৱিং লিংখৎনবা প্রধান মন্ত্রী মোদীনা লাউথোকখ্রে। ফিজিদা সাইবর সেকুরিতি ত্রেনিং সেল (সি এস তি সি) লিংখৎপদা লুচিংবশিংনা তরাম্না ওকখ্রে। মেরিতাইম, মীওইবগী মতেং পাংবা অমসুং দিজাষ্টর রিলিফ অমসুং তেক্নোলোজি সেক্তরশিং য়াওনা নৌনা লাকপা খুদোংচাদবশিং কোকহন্নবা মতেং পাংনবগী মরুওইবা অদু মখোয়না খন্নখ্রে।
মনিংতম্বা, অথিংবা লৈতবা, খুদিংমক কোনশিনবা অমসুং নুংঙাই য়াইফবা ইন্দো-পেসিফিক অমগী মরুওইবা লুচিংবশিংনা ফোঙদোকখি। ইন্দো-পেসিফিক্ত শান্তি অমসুং তংদু লৈতাবা পুরক্নবা মেরিতাইম সেকুরিতি ফগৎনবা মতেং পাংন্নবা মখোয়না লাউথোকখ্রে।
মীগা মীগা লৈনবা মরীশিং অসি ভারত-ফিজিগী মরী, মরুওইনা শেন-থুম অমসুং নাৎকী মরীশিংগী য়ুম্ফমনি হায়বা লুচিংবশিংনা খঙলে। ভারত অমসুং ফিজিগী মরক্ত য়ুম হোংবা অমসুং চৎথোক-চৎশিনগীদমক দিক্লারেসন ওফ ইন্তেন্ত অমা খুৎয়েক পীনবদা মখোয়না তরাম্না ওকখ্রে। মসিনা লৈবাক অনিগী মরক্ত শীনফম কয়াগী মীওইশিং অমসুং মহৈরোয়শিং চৎথোক-চৎশিনগী খুদোংচাবা পীরগনি।
ফিজি য়ুনিভর্সিতিদা হিন্দী-কম-সংস্কৃত ওজা অমা থাবদা লুচিংবশিংনা তরাম্না ওকখ্রে অমসুং মসিনা লোল অমসুং নাৎকী মরীশিং মখা তানা ফগৎহনগনি। ফিজিগী পন্দিৎ কাংবু অমা ভারত্ত ত্রেনিং তৌবদা মতেং পাংনবা প্রধান মন্ত্রী মোদীনা লাউথোকখ্রে অমসুং মখোয় চহি অসিগী অরোইবদা ভারত্ত পাংথোকপা ইন্তরনেসনেল গীতা মহোৎসব ২০২৫ দা শরুক য়াগনি। ভারত্ত পাংথোক্লিবা আই.জি.এম ২০২৫ অসিগ মপা চান্না ফিজিদসু ইন্তরনেসনেল গীতা মহোৎসব পাংথোক্কনি।
কেপাসিতি বিল্দিং অসি ভারত-ফিজিগী মরীগী মরুওইবা য়ুম্বী অমনি হায়বা লুচিংবশিংনা খঙলে। ইন্দিয়ান তেক্নিকেল এন্দ ইকোনোমিক কোপরেসন প্রোগ্রামগী মখাদা ফিজি সরকারগী ওফিসিএলশিং কেপাসিতি বিল্দিংগী মখা তানা খুদোংচাবা পীগনি হায়না প্রধান মন্ত্রী মোদীনা ফোঙদোকখ্রে।
লৌউ-শিংউ অমসুং চীঞ্জাক ফংহনবা অসি লৈবাক অনি মতেং পাংনবগী মরুওইবা হিরমশিংনি হায়বা লুচিংবশিংনা খঙলে। ফিজিদা জুলাই ২০২৫দা ভারতনা অফবা মখলগী হৱায় অশাংবী মরু মেত্রিক তন ৫ মতেং পাংবগীদমক প্রধান মন্ত্রী রবুকানা প্রধান মন্ত্রী মোদী থাগৎপা ফোঙদোকখি।
ভারতকী গ্রান্ত-ইন-এদ প্রোগ্রামগী মখাদা এগ্রি-দ্রোন ১২ অমসুং মোবাইল সোইল তেষ্টিং লেব ২ খুদোল ওইনা পীরে হায়না প্রধান মন্ত্রী মোদীনা লাউথোকখি। ইন্দিয়ান তেক্নিকেল এন্দ ইকোনোমিক কোপরেসন এক্সপার্ত অমা ফিজি সুগর কোর্পোরেসন্দা থানবা অমসুং অখন্নবা ইন্দিয়ান তেক্নিকেল এন্দ ইকোনোমিক কোপরেসন ত্রেনিং প্রোগ্রামশিং ফিজিগী সুগরগী থবক তৌরিবা মীওইশিংদা পীনবা প্রধান মন্ত্রী মোদীনা লাউথোকখ্রে।
ফিজিদা ক্রিকেত পাম্নবা হেনগৎলকপা অমসুং ভারত্ত রগবী পাম্না হেনগৎলকপা য়াওনা লৈবাক অনিগী মরক্ত শান্নবগী মরীশিং ফগৎলক্লিবা অসি লুচিংবশিংনা ফোঙদোকখি। ফিজিনা হায়জরকপদগী, ভারতকী ক্রিকেত কোচ অমনা ফিজি ক্রিকেত তিমশিং ত্রেনিং পীগনি, শান্নবদা নহারোলশিং শরুক য়াবা পুক্নিং থৌগৎকনি।
সুভাদা ভারতকী হায় কম্মিসনগী চান্সেরি-কম-কলচরেল সেন্তর শানবা ফিজি সরকারনা লম পীবগীদমক প্রধান মন্ত্রী মোদীনা থাগৎপা ফোঙদোকখি অমসুং লিজ তাইতল খুৎশীন্নবদা তরাম্না ওকখি। লম অসি ২০১৫ দা ন্যু দিল্লিদা মাঙজৌননা ফিজি সরকারনা পীখ্রবনি।
মরুওইবা হিরমশিংদা মতেং পাংনবা হেনগৎনবা মখাগী অসি খুৎয়েক পীনবদা লুচিংবশিংনা তরাম্না ওকখ্রে: (১) খুঙ্গং শেমগৎপা, লৌউ-শিংউগী শেন থাদবা অমসুং শেন-থুমগী কান্নবা খুদিংমক ফংহনবা হেনগৎনবা মতেং পাংন্নবা নেসনেল বেঙ্ক ফোর এগ্রিকলচর এন্দ রুরেল দিবলপমেন্ত (নাবার্দ) অমসুং ফিজি দিবলপমেন্ত বেঙ্কগী মরক্ত মেমোরেন্দম ওফ অন্দরষ্টেন্দিং; (২) ব্যুরো ওফ ইন্দিয়ান ষ্টেন্দার্দস অমসুং ফিজিগী নেসনেল ত্রেদ মিজরমেন্ত এন্দ ষ্টেন্দার্দস দিপার্তমেন্তগী মরক্ত ষ্টেন্দরদাইজেসনগী লমদা মতেং পাংন্নবা মেমোরেন্দম ওফ অন্দরষ্টেন্দিং; (৩) কেপাসিতি বিল্দিংগী লমদা মতেং পাংন্নবা ভারতকী ইলেক্ত্রোনিক্স অমসুং ইনফোর্মেসন তেক্নোলোজি মিনিষ্ট্রিগী মখাদা লৈবা নৈলিত অমসুং ফিজিগী পেসিফিক পোলিতেক্নিক অনিগী মরক্ত মেমোরেন্দম ওফ অন্দরষ্টেন্দিং; (৪) শেন-থুম অমসুং ললোন-ইতিক্কী মরীশিং ফগৎনবা কনফেদেরেসন ওফ ইন্দিয়ান ইন্দষ্ট্রি অমসুং ফিজি কম্মর্স এন্দ ইমপ্লোয়রস ফেদেরেসনগী মরক্ত মেমোরেন্দম ওফ অন্দরষ্টেন্দিং; (৫) জন ঔশাধি স্কিমগী মখাদা হিদাক-লাংথকশিং পীনবা এম/এস. ঐচ.এল.এল লাইফকিয়ার লিমিতেদ অমসুং ফিজিগী হেল্থ অমসুং মেদিকেল সর্বিসেসকী মরক্ত য়ানচে।
গনতন্ত্র অমসুং লেজিসলেতিপ একচেঞ্জশিং ফগৎনবা থবক অমা ওইনা পর্লিয়ামেন্তরি একচেঞ্জশিংগী মরুওইবা লুচিংবা অনিনা খন্নখি। ২০২৬ দা ফিজিগী সংসদকী মীহুৎ কাংবু অমা ভারত্ত লাক্নবা থৌরাং তৌরিবা অসিদা প্রধান মন্ত্রী মোদীনা তরাম্না ওকখি। ফিজিদা খুন্না চাউখৎনবা গ্রেদ কাউন্সিল ওফ চীফসনা লৌরিবা থৌদাংগী মরুওইবা পপধান মন্ত্রী রবুকানা থমখি। লৈবাক অনিগী মরক্ত লৈনরিবা মীগা মীগা লৈনবা মরীশিং ফগৎনবা গ্রেদ কাউন্সিল ওফ চীফসকী কাংবু অমা ভারত্ত লাক্নবা থৌরাং তৌরিবা অসিদা প্রধান মন্ত্রী মোদীনা তরাম্না ওকখি।
লুচিংবশিংনা মালেমগী ওইরক্লিবা ফিবমশিংগী মতাংদা মখোয়গী ওইবা ৱাখল্লোনশিং ফোঙদোক্নখি অমসুং গ্লোবেল সাউথকীদমক শান্তি, ক্লাইমেত জজতিস, পুন্না চাউখৎমিন্নবা পুরক্নবা মখোয়না অমুক হন্না ফোঙদোকখি। গ্লোবেস সাউথতা ভারতনা লৌরিবা লুচিংবগী থৌদাং প্রধান মন্ত্রী রবুকানা থাগৎপা ফোঙদোকখি। মালেমগী ফোরমশিংদা অমনা অমবু শৌগৎনবদা মখোয়না থাগৎপা ফোঙদোক্নখি।
হৌজিক লৈরিবা জিওপোলিতিকেলগী অশেংবা শক্তমশিং হেন্না ফজনা মমি তানবা য়ু.এন সেকুরিতি কাউন্সিল পাকথোক-চাউথোকপা য়াওনা য়ুনাইতেদ নেসন্স নৌনা শেমদোকপগী অথুবা মতমদা দরকার ওইবা অদু লুচিংবা অনিমক্না য়ানখ্রে। নৌনা শেমদোক্লবা য়ু.এন সেকুরিতি কাউন্সিলদা ভারতনা লেংদবা মেম্বর ওইবদা ফিজিনা ভারত শৌগৎপা অমসুং ২০২৮-২৯গী তার্মদা ভারতনা য়ু.এন.এস.সি নন-পর্মনেন্ত মেম্বরগী ভারতনা কেন্দিদেত ওইবদা ফিজিনা শৌগৎপা অমুক হন্না ফোঙদোকখ্রে।
গ্লোবেল সাউথকী মান্নবা হিরমশিংদা পুন্না থবক তৌমিন্নবা অমসুং হৌজিক থেংনরিবা মালেমগী অৱাবশিং কোকহন্নবা সাউথ-সাউথ মখা তানা মতেং পাংন্নবা লুচিংবশিংনা অমুক হন্না ফোঙদোকখি। ভোইস ওফ গ্লোবেল সাউথ সম্মিৎশিং শীনবদা ভারতনা লুচিংবগীদমক প্রধান মন্ত্রী রবুকানা থাগৎপা ফোঙদোকখি। অখন্নবা চাউখৎ-থৌরাংগী পাম্বৈশিং ফংনবা, গ্লোবেল সাউথ ওফ এক্সলেন্স, দক্ষিনগা মখা তানা ফিজিনা থবক তৌমিন্নবদা লুচিংবা অনিমক্না তরাম্না ওকখ্রে।
অথিংবা লৈতবা, খুদিংমক কোনশিনবা, তংদু লৈতাবা অমসুং নুংঙাই য়াইফবা ইন্দো-পেসিফিক অমগীদমক মখোয়না পায়খৎলিবা থবকশিং লুচিংবা অনিমক্না অমুক হন্না থমখি। ইন্দো-পেসিফিক ওসিন্স ইনিসিয়েতিপদা শরুক য়ানিংবগী অপাম্বা প্রধান মন্ত্রী রবুকানা ফোঙদোকখি। মসিদা শরুক য়াবদা প্রধান মন্ত্রী মোদীনা ফিজি তরাম্না ওকখি। ঐখোয়গী লমদম অসিগীদমক শান্তি লৈবা, তংদু লৈতাবা, অশোই-অঙাম লৈতবা অমসুং তুংকোইনা চৎনবা য়াবা ফিবম অমা শেমগৎনবা ‘ওসিন ফোর পিছ’ গী ৱাখল্লোন প্রধান মন্ত্রী রবুকানা পাউদমখি। পেসিফিক লমদমদা ‘ওসিন ফোর পিছ’ গী লুচিংবা ওইবগীদমক প্রধান মন্ত্রী মোদীনা প্রধান মন্ত্রী রবুকা থাগৎপা ফোঙদোকখি।
মহাক অমসুং মহাক্কী কাংবু তরাম্না ওকপগীদমক প্রধান মন্ত্রী রবুকানা ভারত সরকার অমসুং ভারতকী মীয়াম থাগৎপা ফোঙদোকখি। প্রধান মন্ত্রী মোদী ফিজিদা লাক্নবা মহাক্না চেপাউ অমা পীখি।
