ভারত অমসুং য়ু এ ইগী মরক্তা সরকারগী ওইবা এম ও য়ু মঙাদা খুয়েক পীনখ্রে। খুয়েক পীনবা অসি প্রধান মন্ত্রী শ্রী নরেন্দ্র মোদী অমসুং য়ু এই আর্ম ফোর্সেসকী দিপ্যুতী সুপ্রিম কমান্দর অমসুং অবু ধাবীগী ক্রাউন প্রিন্স হিজ হাইনেস মোহম্মদ বিন জায়েদ অল নহয়ানগী মমাংদা রাষ্ট্রপতিগী লৈফমদা ফেব্রুৱারী ১০দা পাংথোকখি। খুয়েক পীনখিবা অমসুং লান্থোক্নখিবা এম ও য়ুশিং অদু ইনর্জী, রেলৱেজ, মেনপাৱর অমসুং ফাইনান্সিয়েল সর্বিসশিংগী লমদনি।
ইন্দিয়ন কন্সোর্তিয়ম (ও ভি এল, বি পি আর এল অমসুং আই ও সি এল) অমসুং এদনোক্কী মরক্তা ওফশোর লোৱর জাকুম কন্সেসন্দা ১০% ফংননবা এম ও য়ু অমদা খুয়েক পীনখি। কন্সেসন অসি ২০১৮দগী ২০৫৭ ফাওবগী চহি ৪০গী ওইগনি, শরুক য়ামিন্নরিবা ইন্তরেস্তকী ৬০% এদনোক্না পাইগনি অমসুং লেমহৌরিবা ৩০%না মালেমগী ওইল কম্পনীশিংদা য়েন্থোক্কনি। মসি য়ুনাইতেদ আরব ইমিরেৎসকী অপ্সত্রীম ওইল সেক্তরদা তৌবা ভারতকী অহানবা ইনভেস্তমেন্তনি, মসিনা ত্রেদিনেস্নেল ওইরবা বায়র-সেলরগী মরি অসিবু তুং কোইগদবা ইনভেস্তরগী মরিদা হোংদোক্লি।
মেনপাৱরগী লমদা তেংবাং পীননবগীদমক ভারত সরকার অমসুং য়ু এ ইগী সরকারগী মরক্তা খুয়েক পীনরিবা এম ও য়ু অসিগী পান্দমদি য়ু এ ইদা থবক তৌরিবা ভারতকী শিন্মীশিংগী কন্ত্রেকচুএল ইম্প্লোইমেন্ত অসি ইন্সতিত্যুস্নেলাইজ তৌহনবনি। এম ও য়ু অসিগী মখাদা নাকল অনিমক্না লৈরিবা মেলপ্রেক্তিসশিং, কোম্বেত ত্রাফিকিং লোইশিন্নবা মখোয়গী লেবরগা মরি লৈনবা ই-প্লেৎফোর্মশিং পুন্সিন্নবগীদমক থবক তৌমিন্নগনি অমসুং কন্ত্রেকচুএল ৱার্করশিংগীদমক্তা মহৈ-মশিং অমসুং খঙহন-হৈহন্নবগীদমক্তা অপুনবা থৌরমশিং পাইখৎকনি।
রেল সেক্তরদা তেক্নিকেলগী ওইবা তেংবাং পীননবা এম ও য়ু অমসু ভারতকী রেলমেজ মন্ত্রালয় অমসুং য়ু এ ইগী ফেদরেল ত্রান্সপোর্ত ওথোরিতী – লেন্দ & মেরীতাইমগী মরক্তা খুয়েক পীনখি। এম ও য়ু অসিগী পান্দম অসি ইনফ্রাস্ত্রকচরগী লমদা মরু ওইনা রেলৱেজদা তেংবাং পীনবনি। এম ও য়ু অসিনা অপুনবা প্রোজেক্তশিং, লৌশিং শরুক য়ামিন্নবা, পুন্না থিজিনমিন্নবা অমসুং তেক্নোলোজী পীথোক পীশিন তৌনবগী লমদা চাওখৎপা পুরক্কনি। এম ও য়ু অসিদা কোওপরেসন মেকানিজম্বু ইন্সতিত্যুস্নেলাইজিং ওইহন্নবা অপুনবা ৱার্কিং গ্রুপ অমা শেম্নবসু খন্নরি।
শেন-থুমগী লমদা থম্নরিবা লৈবাক অনিগী ওইবা মরি অসিবু হেন্না চেৎশিনহন্নবা এম ও য়ু অমা বোম্বে স্তোক এক্সচেঞ্জ (বি এস ই) অমসুং অবু ধাবী এক্সচেঞ্জ (এ দি এক্স)কী মরক্তা খুয়েক পীনখ্রে অমসুং লান্থোকনখ্রে। মসিগী পান্দম ফাইনান্সিএল সর্বিসেস ইন্দস্ত্রীদা লৈবাক অনিগী মরক্তা তেংবাং পীনবা হেনগৎনবনি। এম ও য়ু অসিদা ই-পাউ পীথোক-পীশিন তৌনবা, অখঙ-অহৈশিং পীথোক-পীশিন তৌনবা অমসুং নাকল অনিগী কান্ননবগীদমক ত্রেনিং পাংথোক্নবগী পান্দমসু থম্লি। এম ও য়ু অসিনা লৈবাক অনি অসিগী ইনভেস্তরশিংদা ফাইনান্সিয়েল মার্কেৎশিংদা ইনভেস্তমেন্ত তৌবগী খুদোংচাবা ফংহনগনি। জম্মু অমসুং কশ্মীর সরকার অমসুং দি পি ৱর্ল্দগী মরক্তা জম্মুদা ৱেরহাউস অমসুং অখন্নবা স্তোরেজ সোলুসনশিং য়াওবা মল্তি-মোদেল লোজিস্তিক্স পার্ক অমসুং হব শানবা এম ও য়ু অমসু খুয়েক পীনখি।
