খ্বাইদগী নৌবা মন কী বাৎকী পাউজেলদা, প্রধান মন্ত্রী শ্রী নরেন্দ্র মোদীনা হায়খি মদুদি নহাশিংনা আত্মনির্ভর ভারত এপ ইন্নোবেসন চেলেঞ্জদা থৱাই য়াওনা শরুক য়ারি। মহাক্না হায়খি মদুদি পীশিল্লক্লিবা নহাশিংগী মনুংদগী শরুক অহুমথোকপগী অনীদি তায়র অনী অমসুং অহুম ওইবা শহরদগীনি। তোঙান–তোঙানবা কাংলুপশিংদা এপ দোজন অনীদা মনা পীখি, মহাক্না তারিবশিংদা এপশিং অসি শীজিন্নদুনা মখোয়গা নকশিন্ননবা হোৎনগদবনি হায়খি।
প্রধান মন্ত্রীনা অঙাংশিংদা নুংঙাইগদবা এপ অমা ওইরিবা কুতুকি কিদস লর্নিং এপ; কু কূ কু কৌবা মাইক্রো ব্লোগিং প্লেৎফোর্ম; নহাশিংগী মরমদা য়াম্না পাম্নরিবা চিঙ্গারী এপ; সরকারগী স্কিমশিংগী মতাংদা অদুম্বা ঈ পাউ লৌনবগীদমক আস্ক সরকার এপ; ফিৎনেস এপ অমা ওইরিবা স্তেপ সেৎ গো অসিনচিংবগী মতাংদা অসিগুম্বা এপ কয়াগী মতাংদা খন্ন–নৈনখি।
প্রধান মন্ত্রীনা হায়খি মদুদি ঙসিগী অপীকপা স্তার্ত অপশিংনা হয়েংদি অচৌবা কম্পেনী অমা ওইবা ঙম্লগনি অমসুং মালেমগী থাক্তা ভারতপু মশক থোকপা লৈবাক অমা ওইহল্লগনি, মসিগী মথক্তা কনাগুম্বনা কাউরোইদবদি হৌজিক মালেমদা লৈরিবা কম্পেনীশিং অসি অহানবদদি স্তার্ত অপ ওইরম্লিবনি।
