ইকাই খুম্নরবা প্রধান মন্ত্রী শ্রী নরেন্দ্র মোদীগী লুচিং মখাদা শেম্লিবা সরকার অসিনা এক্সপোর্ত সেক্তর হেন্না ফগৎনবা খোঙথাং কয়া অমা পাইখৎখ্রে৷ মসিগা মরী লৈননা, ই.সি.জি.সি. লিমিতেদতা(মমাংগী মতমদা এক্সপোর্ত ক্রেদিৎ গরেন্তী কোর্পোরেসন ওউ ইন্দিয়া লিমিতেদ হায়না খঙনরম্বা) চহি মঙাগী ওইনা এফ.ৱাই. ২০২১-২০২২দগী এফ.ৱাই. ২০২৫-২৬ ফাওবদা লুপা কোতি ৪,৪০০গী কেপিতেল ইনফ্যুজন পীনবা ঙসি সরকারনা অয়াবা পীখ্রে৷ ইনিসিয়েল পব্লিক ওফরিংগী খুৎথাংদা ই.সি.জি.সি.গী লিস্তিং প্রোসেসকা চান্ননা সিনক্রোনাইজ তৌননবা হোৎনরিবশিং অসিগা লোইননা এপ্রুব তৌখ্রবা ইনফ্যুজন অসিনা অহেনবা এক্সপোর্তশিং সপোর্ত তৌনবা ই.সি.জি.সি.গী আন্দর্রাইতিং কেপাসিতী অসি হেনগৎহল্লগনি৷
১৯৫৭তা ই.সি.জি.সি. অসি ভারত সরকারনা কেম্পেনীস এক্তকী মখাদা লিংখৎখিবনি৷ কম্মর্সিয়েল অমদি পোলিতিকেল মরমশিংনা মরম ওইদুনা মপান লমগী বাইয়রশিংনা শেল-থিদবদগী থেংনহল্লিবা খুদোংথিবশিং অসিগীদমক ই.সি.জি.সি.না এক্সপোর্তরশিংদা ক্রেদিৎ ইন্সুরেন্স সর্ভিসশিং ফংহন্দুনা এক্সপোর্তশিং য়োকখৎনবা হোৎনৈ৷ এক্সপোর্তর বোরোৱরশিংদা এক্সপোর্ত ক্রেদিৎ লেন্দিং তৌবদা থেংনরিবা খুদোংথিবশিং অসিগীদমক ই.সি.জি.সি.না বেঙ্কশিংদা ইন্সুরেন্স কবরশিংসু ফংহল্লগনি৷ ই.সি.জি.সি.না মহাক্কী এক্সপরিয়েন্স, এক্সপর্তাইস অমদি চাওখৎপা পুরক্নবা হোৎনরিবা অসিগা লোইননা ইন্দিয়ন এক্সপোর্ত ইন্দস্ত্রী অসি সপোর্ত তৌনবা য়াম্না কন্না হোৎনরি৷
ই.সি.জি.সি.না লেবর-ইন্তেন্সিব সেক্তরশিংদগী এক্সপোর্তশিং সপোর্ত তৌবদা হেন্না চাওবা থৌদাং অমা লৌরগনি অমদি অপিকপা এক্সপোর্তরশিংগী এন্তরপ্রাইজেস্তা বেঙ্কনা শেল হেন্না থাদহন্দুনা মখোয়গী হান্নগী ফিভমদা হঞ্জিনহল্লগনি৷ ই.সি.জি.সি.দা কেপিতেল ইনফ্যুজন তৌবা অসিনা এক্সপোর্ত ওরিয়েন্তেদ ইন্দস্ত্রী মরু ওইনা লেবর-ইন্তেন্সিব সেক্তরশিংদা মহাক্কী কভরেজ হেন্না চাওথোকহনবা ঙম্লগনি৷ ইন্সতোলমেন্তশিংদা পীগদৌরিবা এপ্রুব তৌখিবা শেনফম অসিনা খুদোংথিবশিং থেংনবা ঙম্নবা কেপাসিতী অসি লুপা কোতি ৮৮,০০০ য়ৌনা হেনগৎহল্লগনি অমদি মসিনা হৌজিক লৈরিবা পেতর্ন অসিগী মতুং ইন্না চহি মঙাগী মতমদা লুপা কোতি লাখ ৫.২৮গী অহেনবা এক্সপোর্তশিং সপোর্ত তৌবা ঙম্বা কবরশিং ই.সি.জি.সি.না ফোংবা ঙমহল্লগনি৷
মসিগীসু মথক্তা, ২০১৯গী ফেব্রুৱারীদা ৱার্ল্দ বেঙ্ক অমদি ইন্তরনেস্নেল লেবর ওর্গনাইজেসননা ফোংখিবা ‘এক্সপোর্ত তু জোবস’ রিপোর্ত য়েংলগা, লুপা কোতি লাখ ৫.২৮গী এক্সপোর্তশিংনা শিন্মী লাখ ২.৬ মওং-মরিল তাহল্লগনি৷ মখাতানা, রিপোর্ত অসিগী মতুং ইন্না অপুনবা শিন্মী মশিং(ফোর্মেল অমদি ইনফোর্মেল) অসি লাখ ৫৯ হেনগৎলগনি৷
ই.সি.জি.সি.-পর্ফোমেন্স হাইলাইতশিং
১. ই.সি.জি.সি. অসি ভারত্তা লৈরিবা এক্সপোর্ত ক্রেদিৎ ইন্সুরেন্স মার্কেৎতা মার্কেৎ সেয়র ৮৫%রোমগী চাং লৈরিবা মার্কেৎ লিদর অমনি
২. ই.সি.জি.সি.না সপোর্ত তৌখিবা এক্সপোর্ত অদু লুপা কোতি লাখ ৬.০২ ওইখি, মসি ভারতকী মর্কেন্দাইস এক্সপোর্তশিংগী ২৮%রোমগী চাংনি
৩. ৩১/৩/২০২১ ফাওবগী ওইনা বেঙ্কশিংগীদমক এক্সপোর্ত ক্রেদিৎ ইন্সুরেন্সকী মখাদা কান্নবা পীখিবা এক্সপোর্তর মশিং অসি ৭,৩৭২ অমদি ৯,৫৩৫নি, ৯৭%দি অপিকপা এক্সপোর্তরশিংনি
৪. বেঙ্কশিংনা কাইথরকখিবা অপুনবা এক্সপোর্ত ক্রেদিৎকী ৫০%দি ই.সি.জি.সি.না এন্সুর তৌরি, বেঙ্ক ২২ কবর তৌরি (পব্লিক সেক্তর বেঙ্ক ১২ অমদি প্রাইভেৎ সেক্তর বেঙ্ক ১০)
৫. ই.সি.জি.সি.না মপান লমগী বাইয়র লাখ মঙা হেনবগী দাতাবেজ অমা লৈ
৬. মসিনা হৌখিবা চহি খুজিং অসিদা লুপা কোতি ৭,৫০০ হেল্লিবা ক্লেমশিং ৱারোইশিন পুরকখ্রে
৭. ইন্দিয়ন এক্সপোর্তশিং অফ্রিকান মার্কেৎতা লাইনা য়ৌহন্নবা অফ্রিকান ত্রেদ ইন্সুরেন্সতা(এ.তি.আই.) মিলিয়ন $ ১১.৭ থাদখ্রে
৮. ই.সি.জি.সি.না লেপ্পা লৈতবা সর্প্লস উৎখ্রে অমদি হৌখিবা চহি ২০গী ওইনা সরকারদা দিবিদেন্দ পেমেন্তশিং পীখ্রে
হৌখিবা চহি খরদা সরকারনা পাংথোকখিবা তোঙান তোঙানবা এক্সপোর্তকা মরী লৈনবা স্কিমশিং অমদি ইনিসিয়েতিবশিং
১. কোবিদ-১৯ লাইনা-লাইচৎকী ফিভম অসিনা মরম ওইদুনা ফোরেন্দ ত্রেদ পোলিসী (২০১৫-২০) ৩০-০৯-২০২১ ফাওবা শাংদোকখ্রে
২. কোবিদ-১৯ মতমশিংদা লিক্বুইদিতী ফংহন্নবা স্ক্রিপ্ত বেজ স্কিম পুম্নমক্কী মখাদা পেন্দিংদা লৈরিবা এরিয়র পুম্নমক পিথোক্নবা ২০২১গী সেপ্তেম্বর থাদা লুপা কোতি ৫৬,০২৭ রিলিজ তৌখ্রে
৩. অনৌবা স্কিম অমা-রিমিসন ওফ দ্যুতীস এন্দ এক্সপোর্তেদ প্রোদক্তস(আর.ও.দি.তি.ই.পি.) পুথোকখিবা৷ এফ.ৱাই. ২০২১-২২দা স্কিম অসিগী ওইনা লুপা কোতি ১২,৪৫৪ সেঙ্কসন তৌখি৷ মসি কেন্দ্র, রাজ্য অমদি লোকেল লেবেলদা হৌজিক হৌজিক অতোপ্পা মেকানিজম অমা হেক্তগী মখাদা রিফন্দ তৌরকত্রিবা তেক্সশিং/দ্যুতীশিং/লিবাইসশিং পীথোরক্নবগীদমক লৈরিবা দবল্যু.তি.ও. কম্পেতিবল মেকানিজম অমনি৷
৪. আর.ও.এস.সি.তি.এল. স্কিমগী খুৎথাদং কেন্দ্র/রাজ্যগী তেক্সশিং রিমিসন তৌদুনা তেক্সতাইল সেক্তরদা সপোর্ত পীবা হেনগৎলক্লগনি, মসি হৌজিক্তি ২০২৪ মার্চ থা ফাওবা শাংদোকখ্রে
৫. ললোন-ইতিক তৌবা লাইহন্নবা অমদি এক্সপর্তরশিংনা এফ.তি.এ. শিজিন্নবগী চাং হেনগৎনবা সর্তফিকেৎ ওফ ওরিজিনগী কম্মন দিজিতেল প্লেতফোর্ম লোঞ্চ তৌখ্রে
৬. লৌউ-শিংউ, হোর্তিকল্চর, শা-ষণ লোইবা, ঙা য়োকপা অমদি ফুদ প্রোসেসিং সেক্তরশিংগা মরী লৈনবা এগ্রীকল্চরেল এক্সপোর্তশিংদা অনৌবা শাফু অমা পীনবা পাক চাওরবা “এগ্রীকলচরেল এক্সপোর্ত পোলিসী” হৌজিক হৌজিক চৎনরি৷
৭. চেম্পিয়ন সর্ভিসেস সেক্তর ১২গীদমক অখন্নবা এক্সন প্লানশিং চৎননবা হোৎনদুনা সর্ভিসেস এক্সপোর্তশিং য়োকখৎপা অমদি খায়দোকপা
৮. জিলা খুদিংমক্তা এক্সপোর্ত তৌবা য়ারিবা পোৎলমশিং খন্দোক্তুনা, হায়রিবা পোৎলমশিং অসি এক্সপোর্ত তৌবগী লম্বী পিকশিল্লক্লিবা অসি থেংনদুনা অমদি জিলা অদুদা থবক্কী খুদোংচাবা ফংহন্নবা লোকেল এক্সপোর্তরশিং/মেনুফেকচররশিং সপোর্ত তৌনবা জিলাশিং অসি এক্সপোর্ত হবশিং ওইনা য়োকখৎলগনি
৯. ভারতকী ললোন-ইতিক, তুরিজম, তেক্নোলোজী অমদি ইনবেস্তমেন্ত গোলশিং প্রমোত তৌনবা মপান লমদা চত্থরিবা ইন্দিয়ন মিসনশিং হেন্না এক্তিব ওইবা থৌদাং লৌহনখ্রে
১০. তোঙান তোঙানবা বেঙ্কিং অমদি ফাইনান্সিয়েল সেক্তর রিলিফ মিজরশিং মরু ওইনা এম.এস.এম.ই.শিংগী খুৎথাংদা লৈবাক অসিদা লৈরিবা ইন্দস্ত্রী সপোর্ত তৌনবা কোবিদ লাইনা-লাইচৎ অসি য়েংলগা লাওথোকখিবা পেকেজ অসিনা এক্সপোর্তশিংদা অচৌবা সেয়র অমা ফংহল্লি৷
১১. ত্রেদ ইনফ্রাস্ত্রকচর ফোর এক্সপোর্ত স্কিম(তি.আই.ই.এস.), মার্কেৎ এসেস ইনিসিয়েতিবস(এম.এ.আই.) স্কিম অমদি মার্কেতিং এসিস্তেন্স (তি.এম.এ.) স্কিমশিংনা ত্রেদ ইনফ্রাস্ত্রকচর অমদি মার্কেতিং য়োকখৎলগনি৷
