হান্নগী প্রধান মন্ত্রী পি.ভি নরসিমহা রাওদা ভারত রত্ন পীরগনি হায়না ঙসি প্রধান মন্ত্রী শ্রী নরেন্দ্র মোদীনা লাউথোকখ্রে।
মহাক্না হায়খি শ্রী নরসিমহা রাওনা প্রধান মন্ত্রী ওইরিঙৈ মতমদা শিংথানিঙাই ওইবা থবক ওইনা ভারত অসি মালেমগী কৈথেলশিংগী থোং হাংদোকখি অমসুং অনৌবা যুগকী শেন-থুমগী চাউখৎপা অমা পুরকখি।
প্রধান মন্ত্রীনা এক্সতা হায়খি;
“ঐখোয়গী হান্নগী প্রধান মন্ত্রী পি.ভি নরসিমহা রাও গারুদা ভারত রত্ন পীরগদবা অসিদা হরাওবা ফোঙদোকচরি।
শক্নাইরবা পন্দিৎ অমসুং রাজনিতিৱালা অমা ওইনা, নরসিমহা রাও গারুনা তোঙান-তোঙানবা থাকশিংদা ভারতকীদমক থবক তৌরমখি। মহাক্না অন্ধ্র প্রদেসকী চীফ মিনিস্তর ওইনা, য়ুনিয়ন মিনিস্তর ওইনা অমসুং এম.পি অমা ওইনা অমসুং এম.এল.এ অমা ওইনা চহি কয়া তৌরম্বা থবকশিংগীদমক মহাক নিংশিংলি। মীৎয়েং শানবা মহাক্কী লুচিংবনা ভারত শেন-থুমগী লমদা চাউখৎহনখি অমসুং লৈবাক অসি চাউখৎনবা অমসুং নুংঙাইনবা য়ুম্ফম থোল্লমখি।
নরসিমহা রাও গারুনা প্রধান মন্ত্রী ওইরিঙৈ মনুংদা ভারত অসি মালেমগী কৈথেলশিংগী থোং হাংদোকখি অমসুং অনৌবা যুগকী শেন-থুমগী চাউখৎপা অমা পুরকখি। মহাক্না ভারতকী মপান লৈবাক্কী থৌশিল, লোল অমসুং ইজুকেসনগী লমদা অচৌবা থবক কয়া পাংথোকখি অমসুং অরুবা অহোংবা কয়াগী মরক্তা ভারত লুচিংখিবা লুচিংবা অমা ওইবা খক নত্তনা লৈবাক অসিগী কলচর অমসুং লৌশিংগী হেরিতেচ হেন্না ফগৎহনখি”।
Delighted to share that our former Prime Minister, Shri PV Narasimha Rao Garu, will be honoured with the Bharat Ratna.
— Narendra Modi (@narendramodi) February 9, 2024
As a distinguished scholar and statesman, Narasimha Rao Garu served India extensively in various capacities. He is equally remembered for the work he did as… pic.twitter.com/lihdk2BzDU
