ঐহাক্কী নুংশিজরবা ইরৈচাশিং, খুরুমজরী। ঙরাং অসি ফাইরেনগী পুর্ণিমাগী নুমীৎ ওইখি। ফাইরেন থা অসিদা মরুওইনা তুরেলশিং, পাৎশিং অমদি ঈশিং হৌরকফমগা মরি লৈনৈ হায়না লৌনৈ। ঐখোয়গী শাস্ত্রশিংদা হায়রিঃ-

“মাঘে নিমগ্নাঃ সলিলে সুশীতে, বিমু্ক্তপাপাঃ ত্রিদিবম, প্রয়ান্তি।।”

হায়বদি ফাইরেন থা অসিদা করিগুম্বা শেংলবা ঈশিংগী তুংনফম ওইবা মফমদা ঈরুজথোকপা অসি পবিত্র ওই হায়না লৌনৈ। মালেম অসিগী খুন্নাই খুদিংমক্তা তুরেলগা মরি লৈনবা মমাংঙৈগী ওইবা চৎনবী অমা নত্রগা অমা ওই। তুরেলগী তোর্ব্বান্দা সভ্যতা কয়া অমসু শেমগৎখি। ঐখোয়গী ইনাৎ অসি চহি লিশিং কয়া লিরে, মরম অসিনা মসিগী শন্দোকপা মওং অসি ঐখোয়গীসিদনা হেন্না ফংই। লৈবাক অসিগী মচি অমদা নত্রগা অমদা ঈশিংগা মরি লৈনবা অসিগুম্বা কুহ্মৈ লৈরমদবা তারবদি ভারত্তা অসিগুম্বা নুমীৎ অমা লৈরম্লোই। ফাইরেন থাগী নুমীৎশিংদা মীশিংনা মাগী-মাগী ইমুং-মনুং, হরাও-নুংঙাইবা কয়া থাদোক্তুনা থাবুম চুপ্পা তুরেলগী তোর্ব্বান্দা কল্পৱাস তৌবা চৎলি। হন্দক্তি হরিদ্বারদা কুম্ভ পাংথোক্কদৌরি। ঈশিংগী ঐখোয়গী থৱায়সুনি, পু্ক্নিংগী থাজসুনি অদুগা চাউখৎপগী ঈচেলসুনি। ঈশিং অসি মাযকৈ অমরোমদা পারসতগীসু হেন্না মরুওই। পারসনা শোকপদগী য়োৎ অসি সনা ওল্লি হায়না হায়নৈ। মতৌ অসিগুম্না ঈশিংনা শোকপা অসি পুন্সিগীদমক্তা মরুওই, চাউৎনবগীদমক্তা মরুওই।

মরূপশা, ফাইরেন থা অসি ঈশিংগা মরি লৈননবগী মরম অমসু ওইরম্বা য়াই, মসিগী মতুংদগীদি কুমগী অরোইবা ওই, অদুদগী কালেন চংশিল্লকই, মরম অসিনা ঈশিং য়োকশিন্দুনা থম্নবগীদমক্তা হৌজিক্তগী হৌনা হোৎগদবনি। নুমীৎ খরনিগী মতুংদা মার্চ থা অসিমক্তগী তাং ২২দা ‘ৱর্ল্দ ৱাতর দে’সুনি।

ঐঙোন্দা য়ু.পি.গী আরাধ্যাজীনা ইবিরকখি মদুদি মালেম অসি মালেম অসিগী মীওই কয়াগী পুন্সিগী অয়াম্বা শরুক অসি ঈশিংগী অৱাৎপা অসি লৈহন্দনবা হোৎনবদা অদুম লোইশিনখি। ‘ঈশিং য়াওদ্রবদি পুম্নমক অৱাৎপনি’ হায়নদি হায়নদে। ঈশিংগী অৱাবা অসি কোকহন্নবগীদমক্তা য়াম্না অফবা পাউজেল অমা নোংচুপ বঙ্গালগী ‘অৱাং দিনাজপুর’দগী সুজীতজীনা ঐঙোন্দা থারকখি। সুজীতজীনা ইরকখি মদুদি মহৌশানা ঐখোয়দা ঈশিংগী মওংদা পুল্লপকী ওইনা খুদোল তম্বিরক্লিবনি মরম অসিনা মসি কন্নবা হোৎনমিন্নবা হায়বসি ঐখোয় পুল্লপকী ওইবা ইথৌদাংনি। পুল্লপকী ওইবা খুদোল ওইরিবা অসিগুম্না থৌদাংসু পুল্লপকী ওইগদবনি হায়বা ৱাফমসিসু অচুম্বনি। সুজীতজীগী ৱাফম অসি য়াম্না চুম্মি। তুরেল, পুখ্রী, পাৎ, নোং নত্রগা লৈমায়গী ঈশিং অসি মীওই খুদিংমক্কীনি।

মরূপশা, মতম অমদদি খুঙ্গংদা লৈরিবা গুহাশিং, পুখ্রী অসি ময়াম পুন্না শেন্নমিন্নরম্মি, হৌজিক অসিগুম্বা মওং অমা ওইনা তমিলনাদুগী তিরুবন্নামলাঈদা তৌরি। মফমসিগী মীশিংনা মখোয়গী গুহাশিং অসি ঙাক-শেন্নবগীদমক্তা কেম্পেন চত্থরি। মখোয় পুম্বনা মখোয়-মখোয়গী লমদা ময়ামগী ওইবা গুহাশিং অদু অমুক হন্না হিঙ্গৎহল্লি।

মধ্য প্রদেশকী অগরোথা খুঙ্গংগী ববীতা রাজপুৎজীনা তৌরিবা অসিদগীসু অদোমদা ইনোৎ হাপকৎকনি। ববিতাজীগী খুঙ্গংগী মনাক নকপদা কংখ্রবা য়াম্না অচৌবা পাৎ অমা লৈরম্মি। মহাক্না অতোপ্পা খুঙ্গংগী নুপীশিংবু খোমজিনখি অদুগা পাৎ ফাওবা ঈশিং য়ৌরকহন্নবা ঈশিং খোং অমা শেমখি। মসিগী খোং অসিদগী নোংগী ঈশিং অদু চুমদ্রিংনা পাৎ অদুদা চেন্থরে। হৌজিক্তি মসিগী পাৎ অসি ঈশিংনা ঈমায় পীক থন্দুনা লৈ।

মরূপশা, উত্তরখন্দগী বাগেশ্বরদা লৈবা জগদীশ কুনিয়ালজীগী থবক অসিনসু য়াম্না তম্বিরি। জগদীশজীগী খুঙ্গং অমসুং মনাক নকপদা লৈবা মফমদা ঈশিংগী মথৌ তাবশিংগীদমক্তা মহৌশাগী ওইবা ঈশিং ফংফশিংগী মপাল তাংলমখি। অদুবু চহি কয়াগী মমাংদা মসিগী ঈশিং ফংফম অসি কংখ্রে। মসিনা মফম পুম্বা ঈশিংগী অৱাবা অসি হেন্না হেঞ্জিল্লকখি। জগদীশজীনা মসিগী অৱাবা অসি উ থাদুনা কোকহনগনি হায়না লেপখি। মহাক্না লম অদুগী মফম পুম্বদা খুঙ্গংগী মীওইশিংগা লোয়ননা উ লিশিং কয়া থাখি অমদি ঙসি মখোয়গী লম অদুগী কংলুরবা ঈশিং ফংফমশিং অদু অমুক হন্না ঈশিংনা পীক থনখ্রে।

মরূপশা, ঈশিংগী মতাংদা ঐখোয়না মতৌ অসিগুম্না অপুনবা থৌদাং লৌবশিং অসি খংগদনি। ভারতকী অয়াম্বা শরুক্তা মে-জুন্দা নোংজুথা হৌই। ঐখোয়না হৌজিক্তগী হৌনা ঐখোয়গী অনকপদা লৈবা ঈশিং ফংফমশিং অসি লু-নান্না থম্নবগীদমক্তা, নোংগী ঈশিং য়োকশিন্নবগীদমক্তা নুমীৎ ১০০গী ওইবা করিগুম্বা কেম্পেন অমা হৌদোকপা য়ারোইদবরা? মসিগী ৱাখল্লোন অসিগা লোয়ননা হৌজিক্তগী হৌনা নুমীৎ খরনিগী মতুংদা জল শক্তি মন্ত্রালয়গী থোংদগীসু জল শক্তি অভিয়ান-‘Catch the rain’সু হৌরগনি। মসিগী অভিয়ান অসিগী মরুওইবা লাইশোন্দি-‘Catch the rain where it falls, when it falls.’ নি। ঐখোয়না হৌজিক্তগী হৌনা হোৎনদুনা rain water harvesting system অসি হেন্না ফগৎহনসি, খুঙ্গংশিংদা, পুখ্রীশিং, পাৎশিং শেংদোকহনগনি, ঈশিং ফংফমশিংফাওবা চেন্থরিবা ঈশিংগী লম্বিশিংদা লৈরিবা অপনবশিং অসি লৈহন্দ্রবদি নোং ঈশিং ময়াম অমা তুংশিনবা য়াগনি।

ঐহাক্কী নুংশিজরবা ইরৈচাশিংনা ফাইরেন থানা লাকপা মতমদা অমদি মসিগী স্পিরিচুএল সোসিএল ইম্পোর্তেন্সকী মতাংদা ৱা খন্নবা মতমদা কনাগুম্বা অমগী মমিং য়াওদনা মপুং ফারোই। মিং অসিদি ঋষি রবিদাসজীগীনি। ফাইরেন থাগী পুর্ণিমা অসিমক অসিদা ঋষি রবিদাসজীগী মপোক কুমওননি. ঙসিসু ঋষি রবিদাসজীগী ৱাহৈ, মহাক্কী গ্যান অদুনা ঐখোয়দা ইহান হান্না দর্শন তৌবা ফংহল্লিবা।

মহাক্না হায়বিরম্মি-

একৈ মাতী কে সভ ভান্দে,

সভ কা একৌ সিরজনহার।

রবিদাস ব্যাপৈ একৈ ঘত ভীতর,

সভ কৌ একৈ ঘড়ৈ কুমহার।।

ঐখোয় পুম্বা লৈবাক অমখক্তনা শাবা কোলনি, ঐখোয় পুম্বা অমখক্তনা তাশিন্দুনা শাবনি। ঋষি রবিদাসজীনা খুন্নাই অসিদা বুদ্ধী-লৌশিং মাংথরকপগী মতাংদা ইফোং-ফোংনা ৱা ঙাংখি, মদু শেমদোক্নবগী লম্বি তাকপীখি অদুনা মীরাজীনা হায়বিম্মি-

‘গুরু মিলিয়া রৈদাস, দীনহীং গ্যান কী গুতকী’।

ঋষি রবিদাসজীগী পোক্নফম লমদম বনারসকা শম্নজবা ফংজবা অসি ঐহাক্কী লাইবক ফবনি। ঋষি কবিদাসজীগী পুন্সিগী স্পিরিচুএল হাইৎ অসিবু অমদি মহাক্কী ইনর্জী অসি ঐহাক্না তীর্থগী মফমদা খঙবা ঙমখি। মরূপশিং, রবিদাসজীনা হায়বিরম্মি-

করম বন্ধন মে বন্ধ রহিয়ো, ফল ক না তজ্জিয়ো আস।

কর্ম মনুষ কা ধর্ম হৈ, সত্ ভাখৈ রবিদাস।।

হায়বদি ঐখোয়না ঐখোয়গী কর্ম অদু লেপ্তনা তৌগদবনি, মসিগী মহৈদি অদুম্মক ফংজরক্কদৌবা লৈরবনি, হায়বদি কর্মনা অদুম্মক মহৈ ফংহল্লক্কদৌবা লৈরবনি। ঐখোয়গী নহাশিংনা ঋষি রবিদাসজীদগী ৱাফম অমগা শোইদনা তমহঞ্জনিংই। নহাশিংনা করিগুম্বা থবক অমা তৌনবগীদমক্তা মশানা অরিবা লমচৎ-শাজৎনা পুনশিল্লোইদবনি। অদোম্না অদোমগী পুন্সি অদু ইশানা লেপ্পীয়ু। অদোমগী লমচৎ-শাজৎ অদুবুসু ইশানা শেম্বীয়ু অদুগা পান্দম অদুসু ইশানা লেপ্পীয়ু। করিগুম্বা অদোমগী তাঞ্জা-মেঞ্জা খঙবা মতৌ, অদোমগী ইশানা থাজজবা অদু কল্লবদি অদোম্না মালেম অসিদা করিগুম্বা অমত্তদা কিরুবগী মথৌ তাদে। ঐহাক্না অসিগুম্না হায়রিবগী মরমদি কয়ারক হন্না ঐখোয়গী নহাশিংনা ৱাখলগী প্রেসর অমা লাকশিল্লকপনা মশানা তশেংনা তৌবা পামজবা থবক অদু পাংথোকপা ঙমদে। মরম অসিনা কৈদৌনুংদা অনৌবা ৱাখল খনবদা, অনৌবা অমা খনবদা চিংনবা লৈরোইদবনি। মতৌ অসিগুম্না ঋষি রবিদাসজীনা মরুওইবা পাওজেল অমা পীরম্মি। মসিগী পাওজেল অসিদি “ইশানা মতিক চাজবা”নি। ঐখোয়না ঐখোয়গী মংলান অদুগীদমক্তা কনাগুম্বা অতোপ্পা অমগী মপাল তাংবা হায়বসি তশেংনা চুমদবা ৱাফম্নি। হান্না লৈরম্লিবা মওং অদুদা অদুম্মক লৈবা হায়বসি রবিদাসজীনা য়ানিংলমখিদে অদুগা লৈবাক অসিগী নহাশিংসু মসি শুংয়া য়ানিংদে হায়বসি ঙসি ঐখোয়না উরি। ঙসি ঐহাক্না লৈবাক অসিগী নহাশিংদা ইনোবেতিব স্পিরিৎ অসি উবা মতমদা ঐখোয়গী নহাশিংদা ঋষি রবিদাসজীনা শোইদনা চাউথোকচরমগনি হায়না ঐহাক্না খল্লি।

ঐহাক্কী নুংশিজরবা ইরৈচাশিং, ঙসি অসি ‘নেস্নেল সাইন্স দে’সুনি। ঙসিগী নুমীৎ অসি ভারতকী অথোইবা সাইন্তিস্ত দোক্তর সি.ভ. রমনজীনা থিজিনখিবা ‘রমন ইফেক্ত’তা কত্থোকচরি। কেরলাগী য়োগেশ্বরনজীনা নমো এপতা রমন ইফেক্তনা বিগ্যান পুম্বগী মায়োন অদু হোংদোকহনখি হায়না ইবিরকখি। মসিগা মরি লৈনবা য়াম্না অফবা পাউজেল অমা ঐঙোন্দা নাসিক্কী স্নেহিলজীনসু থাবিরকখি মদুদি ঐখোয়গী লৈবাক অসিদা মখোয়গী মতেং য়াওদনা সাইন্স অসি অসুক্কী মতিক নিংথিনা চাউখৎপা ঙম্লোইদবা মশিং থিঙমদবা সাইন্তিস্ত কয়া অমা লৈরি হায়না। ঐখোয়না মালেম অসিগী সাইন্তিস্তশিংগী মতাংদা খংলিবা অসিগুম্না ঐখোয়গী ভারতকী সাইন্তিস্তশিংগী মতাংদসু খংগদবনি। ঐহাকসু ‘মন কী বাত’কী অসিগুম্বা তাবিরিবশিংগী ৱাফমশিং অসি য়াজনিংঙই। ঐখোয়গী নহা, ভারতকী সাইন্তিস্ত-পুৱারীবু, ঐখোয়গী সাইন্তিস্সশিংবু খংবীয়ু, অন্দর্সতেন্দ তৌবীয়ু অমদি নিংথিনা পাবীয়ু।

মরূপশা, ঐখোয়না সাইন্সকী মতাংদা হায়রগদি কয়ারক হন্না মসি মীয়াম্না ফিজিক্স,-কেমিস্ত্রী নত্রগা লেবশিংদা লোইশিল্লি, অদুবু সাইন্স শন্দোকপা তারগদি মসিদগী য়াম্না হেন্না চাউই অমসুং ‘আত্মনির্ভর ভারত’তা সাইন্সকী শক্তিগী থৌদাংসু য়াম্না লৈ। ঐখোয়না সাইন্স অসিবু লেব তু লেন্দগী লাইশোনগা লোয়ননা মাংলোমদা চংশিনগদবনি।

খুদম ওইনা হায়রবদা হাইদরাবাদকী চিন্তলা ভেঙ্কৎ রেদ্দীজীগী মরূপ দোক্তর অমনা মঙোন্দা ‘ভিতামিন-দি’ ৱাৎপনা থোকহল্লকপা লায়না অমদি মসিগী খুদোংথিবশিংগী মতাংদা হায়রমখি। রেদ্দীজী লৌমীনি, মসি ফনবা করি তৌবা য়াবগে হায়না মহাক্না খনখি। মসিগী মতুংদা মহাক্না কন্না হোৎনখি অমদি মরুওইনা ‘ভিতামিন-দি’ য়াওবা চেং-গেহুগী মখলশিং পুথোকখি। হন্দক্কী থা অসিদা মহাকপু ৱর্ল্দ ইন্তলেকচুএল প্রোপর্তী ওর্গনাইজেসন, জিনেভাদগী পেতেন্তসু ফংলে। হৌখিবা চহিদা ভেঙ্কৎজীবু পদ্মশ্রী পীদুনা ইকাই খুম্নজখিবা অসি ঐখোয়গী সরকারগী লাইবক ফবনি।

অসিগুম্বা ইনোবেতিব ওইবা মওংদা লদ্দাখতী উরগেন ফুৎসৌগনসু থবক তৌরি। উরগেনজীনা য়াম্না মায় পাক্না লৌদুনা চাউরাক্না ফৌ-চেং মখল ২০মুক সাইক্লিক ওইনা লোক্লি, হায়বদি ফৌ লোকপগী লেমহৌবা মখাক অদু অতোপ্পা ফৌ থাবদা হার ওইনা শিজিন্নৈ। মসি য়াম্না নিংথিবা ৱাফম্নি।

মতৌ অসুম্না গুজরাতকী পাতন জিলাগী ইনাও কামরাজ চৌধরীনা য়ুমদা অদুম্মক সজনাগী অফবা মরু পুথোক্লে। সজনা অসি মীওই খরনা সর্গৱা হায়নসু কৌনৈ, মসিগী মোরিঙ্গা নত্রগা দ্রম স্তিক হায়নসু কৌনৈ। অফবা মরুগী মতেংদগী লোকপা সজনা অসি ক্বালিতীসু য়াম্না ফৈ। মশাগী লোকচবা পোত্থোক অদু হৌজিক তমিল নাদু অমসুং নোংচুপ বঙ্গালদা থাদুনা মশাগী ইনকমসু হেনগৎহল্লি।

মরূপশা, হৌজিক্কাল চিয়া মরুশিংগী মমিং অদোম্না তাবিরম্লগনি। হেল্থ এৱেয়রনেসকা মরি লৈনবা মীওইশিংনা মসি য়াম্না লুনা লৌই অমদি মালেমদা মসিগী দিমান্দসু য়াম্না তৌনরক্লি। ভারত্তা মসি মপান্দগী অয়াম্বা পুশিল্লকই অদুবু হৌজিক চিয়া মরুশিং অসিদা আত্মনির্ভরতা ওইহন্নবসু মীশিংনা কন্না হোৎনরি। মতৌ অসিগুম্না য়ু.পি.গী বরাবঙ্কীদা হরিশতন্দ্রজীনা চিয়া মরুশিং থাবা হৌরে। চিয়া মরুশিং অসি থাবনা মহাক্কী ইনকম হেনগৎহল্লগনি অমদি আত্মনির্ভরতা ভারত অভিয়ান্দসু মতেং পাংগনি।

মরূপশিং, লৌউ-শিংউগী ফত্ত-হৌদীশিং অসিদগী লন ওলহন্নবগীদমক্তসু লৈবাকপুম্বদা মায় পাক্না থবক চত্থরি। খুদম ওইনা মদুরায়গী মুরুগেসনজীনা লফোইগী ফত্ত-হৌদীশিংদগী থৌরী শেম্নবা মেছিন অমা শারে। মুরুগেসনজীগী মসিগী ইনোবেসন অসি অকোইবগী ফীভম অমদি অমোৎপশিংগী ওইনসু ফনবা পাম্বৈ অমা ওইগনি অমসুং লৌমীশিংগী ওইনসু অহেনবা ইনকম তান্নবগী পাম্বৈসু ওইগনি।

মরূপশা. ‘মন কী বাত’পু তাবিরিবশিংদা অসুক য়াম্লবা মীওইশিংগী মতাংদা হায়জরিবশিং অসিগী মরমদি ঐখোয় খুদিংনা মখোয়দগী পুক্নিং থৌগৎনবনি। লৈবাক অসিগী নাগরিক খুদিংমক্না মখোয়গী পুন্সিদা সাইন্স অসি শন্দোক্লবদি, হীরম খুদিংমক্তা শন্দোক্লবদি চাউখৎনবগী লম্বিসু ফংলক্কনি অমদি লৈবাক অসি মীপাল তাংদনা মরোমদোম লেপচবা ঙম্বসু ওইগনি। ঐহাক্না থাজৈ মদুদি লৈবাক অসিগী নাগরিক খুদিংমক্না মসি তৌবা ঙমগনি হায়না ঐহাক্না থাজৈ।

ঐহাক্কী নুংশিজরবা মরূপ কোলকতাগী রঞ্জনজীনা মহাক্কী চিঠীদা য়াম্না নুংঙাইবা অমদি য়ুম্ফম য়াওবা ৱাফম অমা হংলক্লি অদুগা মসিগা লোয়ননা নিংথিজবা মওংদা পাউখুম পীনবসু হোৎনরি। মহাক্না ইরি মদুদি ঐখোয়না আত্মনির্ভর ওইবা হায়না হায়বা অসিদা ঐখোয়গী ওইনা মসিগী ৱাহন্থোক অসি করিনো? মসিগী ৱাহং অসিগী পাউখুম ওইনা মহাক মশানা মখা তানা ইরি মদুদি-“আত্মনির্ভর ভারত অভিয়ান” অসি শুপ্নতগী সরকারগী পোলিসী নত্তে, মসি নেস্নেল স্পিরিৎসুনি। আত্মনির্ভর ওইবা হায়বগী ৱাহন্থোক্তি ইশানা ইশাগী ইরাইবক লেপচবা হায়বদি ইশানা ইশাগী ইরাইবক য়াৎচবনি। কঞ্জন বাবুগী ৱাফম অসি চামদা চামা চুম্মি। মহাক্কী ৱাফম অসি খুমাং চাউশিলহন্দুনা ঐহাক্না মসিমসু হায়জগনি মদুদি আত্মনির্ভরতাগী অহানবা ৱাফমদি-ইরৈবাক অসিগী পোৎশিংগীদমক্তা চাউথোকচবা, ইরৈবাক্কী মীশিংনা শাবা পোৎশিংগীদমক্তা চাউথোকচবনি। ইরৈচা খুদিংমক্না চাউথোকচবা মতমদা ইরৈচা খুদিংগা মরি লৈনৈ, অদু ওইরবদি আত্মনির্ভর ভারত অসি শুপ্নতগী শেল-থুমগী ওইবা অভিয়ানখক্তমক ওইবা নত্তনা নেস্নেল স্পিরিৎ অমা ওই। অতিয়াদা ঐখোয়না শাবা ফাইতর প্লেন তেজসনা করোংচাক যুংবা উবা মতমদা, ভারত্তা শাবা তেঙ্ক, ভারত্তা শাবা মিসাইলশিং অসিনা ঐখোয়গী চাউথোকচবা অসি হেনগৎহল্লি, ইনাক খুনবা লৈবাকশিংদা ঐখোনা মেত্রো ত্রেন্দা মেদ ইন্দিয়াগী কোচশিং উবা মতমদা, লৈবাক দর্জন-দর্জনফাওবদা মেদ ইন ইন্দিয়া কোরোনা ভেক্সিন অসি য়ৌবা উবদা ঐখোয়গী মতমদা ঐখোয়গী লাইবক অসি অমুক্কা হেন্না ৱাংখৎলি। অদুগা অচৌ-অচৌবা পোৎশিংখক্তনা ভারত অসি আত্মনির্ভর ওইহনগনি হায়বা নত্তে। ভারত্তা শাজবা ফীশিং, ভারতকী হৈথোই-শিংথোইবা হক্তুনা পোৎ শাবা মীওইশিংনা শাবা হেন্দিক্রাফকী পোৎশিং, ভারতকী ইলেক্ত্রোনিক্সকী ইক্বিপমেন্ত, ভারতকী মোবাইল, হীরম খুদিংমক্তা ঐখোয়না মসিগী চাউথোকচবা অসি হেনগৎহনগদবনি। মসিগী ৱাখল্লোন অসিগা লোয়ননা মাংলোমদা চংশিল্লবদি তশেংনা আত্মনির্ভর ওইবা ঙমগনি অদুগা মরূপশিং আত্মনির্ভর ভারতকী লাইশোন অসি লৈবাক অসি খুঙ্গং-খুঙ্গংফাওবা য়ৌরক্লে হায়বসিদা ঐহাক নুংঙাই। বিহারগী বেতিয়াদা অসিগুম্বা মওং অসি ওইরে হায়বসি ঐহাক্না মেদিয়াদা পাবদা থেংনখি।

বেতিয়াদা লৈবা প্রমোদজীনা দিল্লীদা তেক্নিসিয়ন অমা ওইনা এল.ই.দি.গী লব্ব শাবা ফেক্তরী অমদা থমক তৌরমখি, মহাক্না মসিগী ফেক্তরী অসিদা থবক তৌরিঙৈগী মতমদা চত্থরিবা থবক্কী মওং অদু য়াম্না কুপ্না খংখি। অদুবু কোরোনাগী মতমদা প্রমোদজীনা মহাক্কী ময়ুমদা হল্লকপা তাখি। প্রমোদজীনা ময়ুমদা হল্লক্লবা মতুংদা করি তৌখিবগে হায়বা অদোম খংবিবরা? মহাক মশানা এল.ই.দি. বল্ব শাবগী অপিকপা য়ুনিৎ অমা হৌদোকখি। মহাক্না মশাগী লম অদুগী নহা খরা খোমজিনখি অদুগা থা খরগী মনুংদা ফেক্তরী ৱর্করদগী ফেক্তরীগী মপু ওইনবগী খোংচৎ অদু মপুং ফাখি। অদুসু ময়ুমদা অদুম্মক লৈরগা।

অতোপ্পা খুদম অমনা-য়ু.পি.গী গঢ়মমুক্তেশ্বরদগী শ্রী সন্তোশজীনা কোরোনাগী মতম অসিবু মতৌ করম্না খুদোংচাবদা ওন্থোকখিবগে হায়না ইরি। সন্তোশজীগী মপা-মপুশিং অদু য়াম্না নিংথিনা হকপা-খোৎপা হৈরম্মি, ফক শাবগী থবক তৌরম্মি। কোরোনাগী মতমদা অতৈ তৌনিংঙাই থবকশিং লেপখ্রবদা মখোয়শিংনা অথোইবা থৌনাগা লোয়ননা থৱায় য়াওনা ফক শাবা হৌখি। য়াম্না থুনা উত্তর প্রদেশতদা নত্তনা অতোপ্পা রাজ্যশিংদগীসু ফক্কী ওর্দর তৌরকপা হৌখি। সন্তোশজীনা মসিমসু হায়খি মদুদি মসিনা মফম অসিগী চহি কয়া লিরবা ফজরবা আর্ত অসিদসু অনৌবা থৌনা হাপকৎলে। মরূপশা, লৈবাক অসিদা ‘আত্মনির্ভর ভারত অভিয়ান’ অসিদা মতৌ অসিগুম্না থৌদাং লৌরিবা অসিগুম্বা খুদম কয়া অমা লৈরি। ঙসিদি মীচম-মীয়ামগী থম্মোয়দা ঈথীল পীরি।

ঐহাক্কী নুংশিরবা ইরৈচাশিং, ঐহাক্না নমোএপতা গুড়গাৱদা লৈবা ময়ুরগী য়াম্না পুক্নিং নিংথিবা পোস্ত অমা থেংনখি। মহাক পেসনেৎ বর্দ ৱাতচর অমদি মহৌশাবু নুংশিজবা অমনি। ঐহাকপুদি হরিয়ানাদা লৈ অদুবু অদোম্না অসমগী মীশিং মরুওইনা কাজিরঙ্গাগী মীশিংগা ৱা খন্নবীয়ু হায়না ইরকখি। ময়ুরজীনা হায়রিবসি মফম অদুগী চাউথোকচনিংঙাই ওইরিবা শামুগন্দাশিংগী মতাংদনি হায়না ঐহাক্না খনখি। অদুবু ময়ুরজীনা কাজিগঙ্গাদা ৱাতরফোল্সকী মশিং হেনগৎলকপগী মতাংদা অসমগী মীশিংবু শিংথানবা হায়খি। ঐখোয়না ৱাতরফোল্দশিং অসি অচম্বা ৱাহৈদা করি হায়রমগদগে হায়না ঐহাক্না থিখি, মদুদা ঐহাক্না-ঈশিংগী উচেক হায়বা অসি থেংনখি। মকোল অসি উদা নত্তবদা ঈশিংদা লৈবা উচেক, খুদম ওইনা ঙানুগুম্বা। কাজিরঙ্গা নেস্নেল পার্ক অমসুং তাইগর রিজর্ব ওথোরিতীনা মতম খরগী মমাংদগী চহিগী ওইনা ৱাতরফোল্দগী সেন্সস থিদুনা লাক্লি। মসিগী সেন্সস অসিদা ঈশিংদা লৈবা উচেকশিংগী মশিং অসি খঙবা ঙম্মি অমদি মখোয়না খোইদাজবা চাক্তাফমগী মতাংদা খঙবা ঙম্মি। হন্দক চয়োল অনি-অহুমগী মমাংদখক্তা সর্ভে অমুক তৌখি। অদোমসু মসিগী পাও অসি খংলবদি হরাওগনি মদুদি হন্দক্তি ঈশিংগী উচেকশিংগী মশিং অসি হৌখিবা চহিগা য়েংনবদা চাদা চামগা হুম্ফুতরা মঙা (১৭৫) হেনগৎলে। মসিগী সেন্সস অসি তৌরিঙৈগী মতমদা কাজিরঙ্গা নেস্নেল পার্কতা পুন্না উচেক্কী স্পেসিস ১১২ থেংনখি। মসিগী মনুংদগী স্পেসিস ৫৮দি য়ুরোপ, সেন্ত্রেল এসিয়া, অমসুং ইস্ত এসিয়া য়াওনা মালেম অসিগী তোঙান-তোঙানবা মফমশিংদগী লাকখিলা ৱিন্তর মাইগ্রেন্তশিংনি। মসিগী খ্বাইদগী মরুওইবা মরমদি মফমসিদা হেন্না ফবা ৱাতর কঞ্জর্বেসন ওইবগা লোয়ন-লোয়ননা হ্যুমেন ইন্তরফরেন্স অসি য়াম্না হন্থৈ। কেস খরদদি পোজিতিব হ্যুমেন ইন্তরফরেন্স অসিসু য়াম্না মরুওই।

অসমগী শ্রী জাদব পায়েংগী মতাংদা য়েংবীয়ু। অদোম ময়ামগী মরক্তগী কনাগুম্বা খরনা শোইদনা মহাক্কী মতাংদা খংবিরমগনি। মহাক্কী থবকশিংগীদমক্তা মহাক্না পদ্ম পীদুনা ইকাই খুম্নখি। শ্রী জাদবজী পায়েং অসি অসমদা মজুলী ইথৎতা চাউরাক্না হেক্তর ৩০০মুক উ থাদুনা থোইদোকপা থৌদাং লৌরিবা মীওই অমনি। মহাক্না উমং ঙাক-শেন্নবগীদমক্তা থবক তৌখি অমসুং মীশিংদা উ থানবা অমদি ৱাইওদাইবর্সিতীগী কঞ্জর্বেসনগী মতাংদা পুক্নিং থৌগৎনবা হোৎনরি।

মরূপশা, অসমদা ঐখোয়গী লাইশঙনসু মহৌশাবু ঙাক-শেনবদা তোপ-তোপ্পা থৌদাং লৌরি, করিগুম্বা অদোম্না ঐখোয়গী লাইশঙশিং অসি য়েংবিরগদি লাইশঙ খুদিংগী মনাক্তা পুখ্রী লৈবা থেংনবিগনি। হজোদা লৈবা হয়াগ্রীৱ মধেবকী লাইশঙ, সোনিৎপুরগী নাগশঙ্কর লাইশহ অমসু গুৱাহতীদা লৈবা উগ্রতারা লাইশঙগী মনাক্তা অসিগুম্বা মওংগী পুখ্রী কয়া লৈবা থেংনবীগনি। মসি মাংশিল্লক্কদৌরবা থেঙ্গুগী স্পেসিসশিং কন্ননবা শিজিন্নরি। অসমগী থেঙ্গুশিং অসি স্পেসিস মশিং খ্বাইদগী য়াম্না লৈ। লাইশঙশিংগী পুখ্রীশিং অসি থেঙ্গুশিং ঙাক-শেন্নবা, মশিং হেনগৎহন্নবা অমদি মখোয়গী মরমদা ত্রেনিং তৌনবগীদমক্তা অফবা মফম ওইবা য়াই।

ঐহাক্কী নুংশিজরবা ইরৈচাশিং, মীওই খরনা ইনোবেসন তৌনবগীদমক্তা সাইন্তিস্ত ওইবগী মথৌ তাই হায়না খল্লি, মীওই খরনা অতোপ্পা মীবু তম্বিনবগীদমক্তা ওজা ওইবগী মথৌ তাই হায়না খল্লি। মসিগী ৱাফম অসিবু শিংনবা মীওই অদু শিংথানিংঙাইনি। খুদম ওইনা কনাগুম্বা মীওইনা সোলজর ওইনবগীদমক্তা ত্রেনিং তৌবা মতমদা মহাক লান্মী ওইবগী মথৌ তাবরা? অদোম্না ‘হোই, মথৌ তাই’ হায়না খনবিরমগনি। অদুবু মসি খরা ত্বিস্ত ওই।

MyGovতা কমলকান্তজীনা খরা তোঙানবা ৱা ঙাংবা মেদিয়াগী রিপোর্ত অমা শেয়র তৌরকখি। ওরিশাদা অরাখুড়াদা নুপা অমা-নায়ক সরনা হায়। তশেংবদি মহাক্কী মমিং অসি সিলূ নায়ক কৌই অদুবু ময়াম পুম্বনা মহাক অসি নায়ক সর হায়না কৌই। মহাক অসি মেন ওন এ মিশননি। মহাক অসি আর্মী ওইনিংবা মীওইশিংবু লেম্না ত্রেনিং পীবা মীশক অমনি। নায়ক সরগী ওর্গানাইজেসনগী মমিং অসি মহাগুরু বতালিয়ন কৌই। মসিদা ফিজিকেল ফিৎনেসতগী হৌরগা ইন্তরভ্যুশিং ফাওবা অমদি ইবদগী হৌরগা ত্রেনিংফাওবগী মতাংদা তাকই। অদোম্না মসি খংলবদি ঙক্কনি মদুদি মহাক্না কংফালগী আর্মী, ঈশিংগী লান্মী, সি.আর.পি.এফ., বি.এস.এফ.কুম্বা য়ুনিফোর্ম ফোর্সেসশিংদা মফম অমা কনবা ঙমখ্রে। অসুম্না অদোম্না মসি খংলগা ঙক্কনি মদুদি সিলু নায়কজী মশামক অসি ওরিশা পুলিশতা খন্নবগীদমক্তা হোৎনখি অদুবু মায় পাকপা ঙমখিদে, অদুম ওইদুনসু মহাক্না মহাক্কী ত্রেনিং অদুগী মপালনা নহা কয়া অমদা লৈবাক অসিদা থৌগল তৌবদা মতিক চাবা ওইহল্লি। লাকপীয়ু, ঐখোয় পুম্বনা নায়ক সরগী মফমদা ঐখোয়গী লৈবাক অসিগীদমক্তা নায়ক কয়া অমা শেমগৎনবা য়াইফ-পাওজেল পীমিন্নসি।

মরূপশা, করিগুম্বা মতমদা য়াম্না অপিকপা অমদি অচম্বা ৱাহংনা থম্মোই নিকহল্লি। মসিগী ৱাহং অসি শাংদে, য়াম্না চম্মি অদুবু ঐখোয়দা নমদুনা ৱাখল য়াম্না খলহল্লি। নুমীৎ খরনিগী মমাংদা হাইদরাবাদকী অপর্ণা রেদ্দীনা অসিগুম্বা ৱাহং অমা হংলকখি মদুদি অদোম চহি কয়াদগী পি.এম. ওইদরক্লে, চহি কয়া অমা সি.এম. ওইরক্লে, অদোমদা করি অৱাৎপা লৈরিবরা হায়না খনবিরিবরা। অপর্ণাজীগী ৱাহং অসি য়াম্না লাই অদুগা য়াম্নসু লুই। ঐহাক্না মসিগী ৱাহং অসিগী মতাংদা খনখি অদুগা ইশা ইতোমতা হায়জৈ মদুদি ঐহাক মালেম অসিদা খ্বাইদগী অরিবা লোল-তমিল তম্নবগীদমক্তা য়াম্না কন্না হোৎনবা ঙমখিদ্রে, তমিল তম্বা ঙমখিদ্রে। মসি মালেম পুম্বনা পাম্নবা য়াম্না ফজবা লোল অমনি। মীওই কয়ানা ঐঙোন্দা তমিল লিতরেচরগী মতিক-ময়াই অমদি মসিদা ইরিবা শৈরেংশিং অসিগী হকচিনবশিং অসিগী মতাংদা য়াম্না হায়বিখি। ভারত অসি ঐখোয়গী নাৎ অমসুং চাউথোকচনিংঙাইগী খুদম তাকপা লোল কয়া লৈফম্নি। লোলগী মতাংদা ৱা হায়বা নুংঙাইবা ক্লিপ মচা অমা অদোম ময়ামদা য়েংহঞ্জগে।

তশেংবদি হৌজিক অদোম্না তাবিখিবা অদু স্তেচু ওফ য়ুনিতীদা তৌবা গাইদ অমা সংস্কৃত্তা মীশিংদা সরদার পতেলগী খ্বাইদগী ৱাংবা মীতম অসিগী মতাংদা হায়রি। কেবরিয়াদা গাইদ ১৫দগী হেন্না অরৎপা লৈতনা সংস্কৃত্তা মীশিংবু গাইদ তৌই। হৌজিক ঐহাক্না অতোপ্পা খোঞ্জেল অমগা অমুক তাহঞ্জগে-

অদোম ঙকপীরমগনি। মসি সংস্কৃত্তা ক্রিকেৎকী কমেন্তরী পীরিবনি। বনারসতা, সংস্কৃত কোলেজশিং-শাস্ত্রার্থ মহাবিদ্যালয়, স্বামী বেদান্তী বেদ বিদ্যাপীথ, শ্রী ব্রহ্ম বেদ বিদ্যালয় অমসুং ইন্তর্নেস্নেল চন্দ্রমৌলী চেরিতেবল ত্রস্তকী মরক্তা ক্রিকেৎ তুর্নামেন্ত অমা তৌখি। মসিগী তুর্নামেন্ত অসিদা মেচশিং চত্থরিঙৈদা কমেন্তরী অসি সংস্কৃত্তসু পীখি। হৌজিক ঐহাক্না কমেন্তরী অদুগী শরুক মচেৎ অমা অদোমদা তাহঞ্জখিবনি। মসিদা নত্তনা মসিগী তুর্নামেন্ত অসিদা শান্নরোইশিং অমসুং কমেন্তেতর অদু ত্রেদিস্নেল দ্রেশ ওইনা শেৎপসু উবা ফংখি। করিগুম্বা অদোম্না ইনর্জী, এক্সাইতমেন্ত, সসপেন্স, অসি লোইনমক পুল্লপ পুন্না পাম্লবদি শান্নবগী কমেন্তরী অসি তাগদবনি। তি.ভি. থোরক্ত্রিঙৈগী য়াম্না মমাংদা শান্ন-খোৎনবগী কমেন্তরী অসি ক্রিকেৎ অমসুং হোক্কীগুম্বা মশান্নশিং অসি য়াম্না নুংঙাইনা লৈবাক পুম্বদা ফাওহনবা ঙম্বা ওইরম্মি। তেনিস অমসুং ফুৎবোল মেচশিংগী কমেন্তরী অসিসু য়াম্না নিংথিনা লান্থোকই। কমেন্তরী য়াম্না নিংথিনা তৌবা মশান্ন অদু য়াম্না থুনা-য়াংনা শন্দোকই। ঐখোয়গীসিদা ভারতকী ওইবা মশান্না কয়া অমা লৈ অদুবু মখোয়শিংদুদা কমেন্তরী তৌবগী কলচরদি লৈরক্তে অমসুং মরম অসিনা মখোয় অদু মাংখিবা য়াবগী ফীভমদা লৈরে। ঐহাক্কী পুক্নিংদা ৱাখল অমা খল্লি-করিগীদমক্তা তোঙান-তোঙানবা মশান্নশিং মরুওইনা ভারতকী মশান্নশিং অসিগী ফজবা কমেন্তরীশিং অসি লোল ময়াম অমদা করিগী তৌরোইদোরিবনো, ঐখোয়না মসিগী পুক্নিং থৌগৎনবগীদমক্তা শোইদনা খনগদবনি। ঐহাক্না শান্ন-খোৎনবগী মন্ত্রালয় অমসুং প্রাইভেৎ ওর্গনাইজেসনশিংগী কোলাবোরেসনশিংদা মসিগী মতাংদা খন্ননবা হায়জগনি।

ঐহাক্কী নুংশিজরবা নহা ওইরিবা মরূপশিং, লাক্কদৌরিবা থা খরসি অদোম পুম্নমক্কী পুন্সিদা য়াম্না মরুওইগদৌরিবনি। অয়াম্বা নহা ওইরিবা মরূপশিংগী একজামশিং, পরিক্ষাশিং তৌরগনি। অদোম পুম্নমক্না নিংশিংবিরমখিগনি- Warrior ওইগদবনি worrier নত্তে হায়বসে, নোক-নোক্তুনা একজাম থাবা চৎকদবনি অমসুং নোক্তুনা হল্লক্কদবনি। কনা অমত্তগা নত্তে নশা নতোমতগা হিদান্নগদবনি। মতিক চানসু তুমগদবনি অদুগা মতম নিংথিনসু শিনগদবনি। শান্নবসু তোক্লোইদবনি শান্নবা মী অদুনা নিংথিনা হরাও-হরাও লৈবনি। রিবিজন অমসুং নিংশিংদুনা লৈনবগীদমক্তা স্মার্ত ওইবা মওং শিজিন্নগদবনি হায়বদি পুল্লপ পুনশিন্নরগা একজামশিং অসিদা খ্বাইদগী অফবা অদু পুথোরক্কদবনি। পুম্নমক অসি কমাইনা তৌগনি হায়না অদোম্না খনবিরমগনি। মসি ঐখোয় পুল্লপ পুন্না তৌমিন্নগদৌরিবনি। চহি খুদিংগুম্না হন্দক্কী চহি অসিদসু ঐখোয়না ‘পরিক্ষাগী মতাংদা ৱা খন্নবা’ অসি পাংথোক্কনি। অদুবু মার্চতা পাংথোক্কদৌরিবা ‘পরিক্ষাগী মতাংদা ৱা খন্নবা’ অসিগী মমাংদা অদোম exam warrior খুদিংমক্তা, parentশিংদা teacherশিংদা অদোমগী এক্পরিএন্সশিং অদু শোইদনা অদোমগী তিপশিং অদু শেয়র তৌবীরকউ হায়না হায়জগনি। অদোম্না MyGovতা শেয়র তৌবিবা য়াগনি। NarenbdraModi Appতা শেয়র তৌবা য়াগনি। হন্দক্কী ‘পরিক্ষাগী মতাংদা ৱা খন্নবা’ অসিদা নহাশিংগা লোয়ন-লোয়ননা পেরেন্তশিং অমসুং ওজাশিংসু য়াওবীনবা হায়জরি। করম্না শরুক য়াগনি, করম্না মনা ফংগনি,করম্না ঐহাক্কা ৱা খন্নবগী খুদোংচাবা ফংগনি হায়বগী ৱারোলপুম্বা MyGovতা ফংবীগনি। হৌজিক ফাওবদা মহৈরোই লাখ অমদগী হেন্না, পেরেন্তস লিশিং ৪০মুক, অমসুং চাউরাক্না ওজা লিশিং ১৯মুক্না শরুক য়াখ্রে। অদোমসু ঙসিমক শরুক য়াবীয়ু। কোরোনাগী মতম অসিদা মতম খরা কাইথোক্তুনা Exam Warriorগী লাইরিক্তা অনৌবা লাইসোন কয়া অমসু হাপচিনখ্রে, হৌজিক মসিদা পেরেন্তশিংগী ওইনা লাইশোন খরসু হাপচিনখ্রে। মসিগী লাইশোনশিং অসিগী মরি লৈনবা নুংঙাইবা এক্তিবিতী কয়া অমা Barendra Modi Appতা পীরি, মসিনা অদোমগী নুংদা লৈরিবা Exam Warrior অদু ইগ্নাইত তৌবদা মতেং ওইগনি। মসি অদোম্না শোইদনা ত্রাই তৌদুনা য়েংবীয়ু। নহা ওইরিবা মরূপশিং পুম্নমকপু লাক্কদৌরিবা পরিক্ষাশিং অসিগীদমক্তা য়াইফ-পাউজেল পীজরি।

ঐহাক্কী নুংশিজরবা ইরৈচাশা, মার্চ থা অসি ঐখোয়গী ফাইনান্সিএল ইয়রগী অরোইবা থাসুনি, মরম অসিনা অদোম ময়ামগী মরক্তগী মীওই কয়া অমা য়াম্নসু চিল্লমগনি। হৌজিক লৈবাক অসিগী শেল-থুমগী থবকশিং অসি য়াংশিল্লকপা অসিগুম্না ঐখোয়গী লল্লোন-ইতিক অমসুং ওন্তর্প্রিন্যুর মরূপশিংগী থবক চিনবসু য়াম্না হেনগৎলক্লি। থবকশিং অসিগী মরক্তা ঐখোয়না কোরোনাদগী চেকশিনবা অসি হন্থরোইদবনি। অদোম খুদিংমক নুংঙাইনা লৈবীয়ু, হরাওনা লৈবীয়ু, ইথৌদাং পাংথোকপগী লম্বীদা খোংফম চেৎনা লৈরবদি লৈবাক অসি থুনা-য়াংনা খুমাং চাওশিনগনি।

অদোম পুম্নমকপু হরাও-কুহ্মৈশিং অসিগীদমক্তদা হান্ননা য়াইফ-পাওজেল পীজরি, লোয়ন-লোয়ননা কোরোনাগা মরি লৈনবা চৎন-পথাপশিং অদু ঙাক্না চৎপীয়ু, মদুদা করিসু কোমথোকপীগনু।

হন্না-হন্না থাগৎচরি।

 

Explore More
৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল

Popular Speeches

৭৭শুবা নিংতম্বা নুমিৎ থৌরমদা লাল কিলাদগী প্রধান মন্ত্রী শ্রী নরেন্দ্র মোদীনা ৱা ঙাংখিবগী মপুংফাবা ৱারোল
Flash composite PMI up at 61.7 in May, job creation strongest in 18 years

Media Coverage

Flash composite PMI up at 61.7 in May, job creation strongest in 18 years
NM on the go

Nm on the go

Always be the first to hear from the PM. Get the App Now!
...
PM Modi addresses public meetings in Shimla & Mandi, Himachal Pradesh
May 24, 2024
Weak Congress government used to plead around the world: PM Modi in Shimla, HP
Congress left the border areas of India to their fate: PM Modi in Shimla, HP
The Congress has not yet arrived in the 21st century: PM Modi in Mandi, HP
The entire Congress is vehemently anti-women: PM Modi in Mandi, HP
Congress is leading Himachal to ruin: PM Modi in Mandi, HP

Prime Minister Narendra Modi addressed vibrant public meetings in Shimla and Mandi, Himachal Pradesh, invoking nostalgia and a forward-looking vision for Himachal Pradesh. The Prime Minister emphasized his longstanding connection with the state and its people, reiterating his commitment to their development and well-being.

“When the country didn't even know Modi, I was among you. Times have changed, but Modi has not changed. Modi's relationship with Himachal remains the same,” PM Modi remarked.

Highlighting his continuous engagement with the state, PM Modi sought the people’s blessings for a third term of the BJP government. “Today, I have come to seek your blessings for the BJP government for the third time. I need your blessings to make India strong, to make India Viksit, and for a developed Himachal. Five phases of elections have already taken place in the country. A BJP-NDA government is assured. Now, Himachal will score a hat-trick with a 4-0 victory. Vote for those who will form the government. What is the point of wasting your vote? So, say with me, ‘Phir Ek Baar, Modi Sarkar.”

Addressing the strategic importance of Himachal Pradesh, a state bordering the frontier, PM Modi underscored the necessity of a robust government. “Himachal Pradesh is a state bordering the frontier. The people of Himachal understand the importance of a strong government. Modi will risk his life for you but will not let any harm come to you. The weak Congress government used to plead around the world. Modi says, why should India go to the world? India will fight its battles on its own.”

The Prime Minister also highlighted the infrastructural developments under his administration, contrasting them with the previous Congress regimes. “This is the same Congress that left the border areas of India to their fate. Modi has given many times more money than Congress. Today, hundreds of kilometers of new roads have been built along the border. Today, the lives of soldiers and our people living near the border have become easier.”

PM Modi highlighted the successful implementation of the One Rank One Pension scheme, a long-standing demand of military personnel fulfilled under his leadership. “Congress made military families yearn for One Rank One Pension for four decades. Congress used to say they would bring OROP by showing just 500 crores. This was a huge insult to our army because it was impossible to implement OROP with just 500 crores. It is Modi who has implemented OROP. Modi has given about 1.25 lakh crore rupees to former soldiers through OROP. That's why people say, Modi delivers what he guarantees.”

PM Modi also spoke about sensitive issues, accusing Congress and the INDI alliance of undermining the reservation system and conspiring against the Ram Temple. “I have come today to warn the people of Himachal about another conspiracy by Congress and the INDI alliance. These people want to completely abolish the reservation for SC-ST-OBC and give it to Muslims. Congress is also opposing the Ram temple. You people of Himachal tell me, did you feel good visiting Ram Lalla? But Congress cannot tolerate the Ram temple. Congress is conspiring to lock the Ram temple. Will you allow the Ram temple to be locked?”

Reaffirming his government's commitment to development, PM Modi listed the various initiatives taken for Himachal Pradesh, including the establishment of prestigious educational institutions and infrastructural projects. “No one thought that institutions like IIIT, IIM, and AIIMS could exist in Himachal. But with Modi, it is possible. Himachal has received a bulk drugs park and a medical device park. Himachal is among the first states in the country where the Vande Bharat train started.”

“Modi has guaranteed to make 3 crore sisters associated with self-help groups ‘Lakhpati Didis.’ Modi has also brought a big scheme to make your electricity bill zero. With the ‘PM Suryaghar Muft Bijli Yojana’ your bill will be zero, and you will also earn thousands of rupees. Just as Modi has fulfilled previous guarantees, Modi will fulfill these guarantees as well,” he added.

Addressing his second public meeting in Mandi, Himachal Pradesh, PM Modi spoke about the aspirations of the youth and the importance of women's empowerment. He stressed the need for inclusive development and equal opportunities for all citizens.

PM Modi denounced the Congress party's regressive policies and divisive politics, calling for support to build a prosperous and united India. He said, “The Congress has not yet arrived in the 21st century. While people progress, Congress moves in the opposite direction. It's heading back to the 20th century. The Congress royal family is staunchly against daughters. The entire Congress is vehemently anti-women. But for my family in Himachal, listen to me carefully, and educate your daughters well. The assurance of providing them with an open and safe environment and offering them new heights is from Modi.”

“I have opened the doors of military schools and defense academies for daughters. The doors that were once closed for daughters in the army have also been opened. The number of women in central forces has more than doubled in ten years. Whether fighter pilots or passenger aircraft pilots, the coming five years are going to be a soaring flight for daughters. This is Modi's Guarantee,” he added.

Speaking about Congress’ misrule in the state and how his government took initiatives to preserve the state’s heritage, PM Modi said, “Modi government has vigorously promoted this heritage. Himachal's, the country's pride and prosperity, require your every vote. Congress is leading Himachal to ruin. So, it is necessary to stop it. I need your support to remove Himachal from the clutches of Congress.”

While concluding his address, PM Modi called upon the people of Himachal Pradesh to reject the Congress party's outdated ideology and support the BJP in the upcoming elections. He urged voters to elect BJP candidates to ensure continued progress and development in the region.