Share
 
Comments
লৈবাক অসিনা অহানবা ৱেবকী পিক অদু লানখ্রে অমসুং লাইনা অসি নাবা হেনগৎলকপগী খোঙজেল অসি মমাংগী মতমদগী কা হেন্না হেল্লি: পি.এম.
হৌজিক্তি ঐখোয়গী রিসোর্চশিং, এক্সপরিয়েন্স হেন্না লৈরে অমসুং ভেক্সিনসু লৈরে: পি.এম.
ঐখোয়না কোবিদ লাইনা অসিবু ‘তেস্ত, ত্রেক,ত্রিত’ তৌদুনা , কোবিদ এপ্রোপিয়েত বিহেবিয়র অমসুং কোবিদ মোনেজমেন্তদা মীৎয়েং চংগদবনি: পি.এম.
‘কোবিদ ফেতিগ’না মরম ওইরগা ঐখোয়না হোৎনরিবশিং অসিদা করিগুম্বা মওং অমতদা কোমথোকপা তোইরোইদবনি: পি.এম.
কা হেন্না মীৎয়েং চংফম ওইরিবা জিলাশিং অসিদা লৈরিবা চহী ৪৫ হেল্লবা মীওইশিং অসি চাদা ১০০ ভেক্সিনেসন কাপথোক্কদবনি: পি.এম.
জ্যোতিবা ফুলে অমসুং বাবা সাহেব অমবেদকর পোকপা নুমিৎকা মরী লৈননা পাংথোকপা থৌরমশিং অসিগী মনুংদা (এপ্রিল ১১-১৪) ভেক্সিনেসন ফেস্তিবেল পাংথোক্নবা খঙহনখ্রে

নখোয় পুম্নমক্না হৌজিক ওইরিবা অরুবা ফীভম অসিগী মতাংদা মরু ওইবা ৱাফম কয়া পুথোকখ্রে, অমসুং মরু ওইবা সজেসন কয়াসু থমখ্রে অমদি শীবগী চাং ৱাংখৎলকপা মফমশিংদা কোরোনা শন্দোরকপা হেনগৎলক্লি, হায়রিবা রাজ্যশিং অদুগা অখন্ননা খন্নখ্রে। অদুবু লেমহৌরিবা রাজ্যশিংদসু য়াম্না ফবা সজেসনশিং লৈরম্বা য়াই। অদুনা ঐহাক্না নখোয়দা হায়জনিংবদি নখোয়না য়াম্না কান্নগদনি খনবা অফবা সজেসনশিং অদু লালোংশিং য়াৎপদা শিজিন্ননবা ঐঙোন্দা য়ৌহনবীরকউ।

ভারত সরকারগী মাইকৈদগী হেল্থ দেক্রেতরীনা উৎখিবা প্রজেন্তেসন অসিনা ময়েক শেংনা তাক্লি মদুদি অমুক হন্না খুদোংথিনিংঙাই ওইবা ফীভম অমা ওইরে। রাজ্য খরদদি ফীভম অসি হেন্না নুংনাংবা পোক্নিংঙাই ওইরি। অসিগুম্বা ফীভমদা গভর্নান্স সিস্তেম ফগৎহনবা য়াম্নমক মরু ওই। সিস্তেমদা ৱারকপা লোইননা কোমথোরকপা অসি চহি চুপ্পা লান্থেংনরকপা অসিননি হায়বা ঐহাক্না খঙঙি। অদুবু চয়োল অনি-অহুম অসিদা করিগুম্বা ঐখোয়না চেকশিনবা হেনগৎলবা অমসুং গভর্নান্স হেন্না চেৎশিনহল্লবদি, মসিদা ঐখোয়না মীৎয়েং চংবা মথৌ তাই।

মরুপশিং,

ঙসিগী য়েংশিনবা অসিদা ঐখোয়দা ৱাফম খরদি ময়েক শেংলে অমসুং ঐখোয়না মখোয়দা অখন্নবা মীৎয়েং চংবা মথৌ তারে।

অহানবদা – লৈবাক অসিনা অহানবা ৱেফকী মতমদা পীক লান্থোকখ্রে অমসুং হন্দক্তি গ্রোথ রেত অসি হান্নদগী হেন্না খোঙজেল য়াংঙি।

অনিশুবদা, মহারাস্ত্র, ছত্তিসগর, পঞ্জাব, মধ্য প্রদেশ অমসুং গুজরাত য়াওনা রাজ্য কয়াদা অহানবা ৱৱেফকী পীক লান্থোকখি। অতোপ্পা রাজ্য খরসু মাইকৈ অসিদা খোঙজেল য়াংনা চংশিল্লি। ঐহাক্না খঞ্জবদা মসি ঐখোয় পুম্নমক্কী ওইনা নুংনাংবা পোক্নিংঙাই ওইবা ৱাফম অমনি। অমসুং

অহুমশুবদা – হন্দক্তি মীয়াম্না হান্নদগী হেন্না কোমথোক্লে। অয়াম্বা রাজ্যশিংদা এদমিনিস্ত্রেসনসু লাইথোক্লে। অসিগুম্বা ফীভমদা কোরোনাগী কেসশিং খঙহৌদনা হেনগৎলকপা অসিনা হেন্না অৱাবশিং থোকহল্লে। কোরোনা শন্দোকপা থিংনবা অমুক হন্না লানগুম্না থবক পাইখৎপা মথৌ তারে।

মরুপশিং,

শিংনবা কয়া লৈরবসু ঐখোয়না হান্নদগী হেন্না খঙবা হেল্লি, হান্নদগী হেন্না রিসোর্স লৈরে অমসুং হৌজিক্তি বেক্সিনসু লৈরে। মীয়ামনা শরুক য়াশিল্লকপগা লোইননা ঐখোয়গী হোৎনবা কনবা দোক্তরশিং অমসুং হেল্থ ৱার্করশিং, হেল্থ-কিয়র স্তাফনা ফীভম অসি লাকশিনবদা চাউনা মতেং পাংখি অমসুং ঙসিসু মখা তানা পাংলি। নখোয় পুম্নমক্না মমাংদা থেংনখিবদগী খঙহৌ-হৈহৌবা অদু মপুং ফানা শিজিন্নবা মথৌ তাই।

হৌখিবা চহিদা ফীভম অসি করম তৌখি হায়বা অমুক্তা খন্দুনা য়েংঙু। ঐখোয়গী তেস্তিং লেবশিং লৈখিদে। মাস্কশিং ফংহনবা অসিসু অৱাবা ৱাফম অমা ওইখি অমসুং পি.পি.ই. কিৎশিং অমত্তা লৈখিদে। অমসুং মতম অদুদা ঐখোয়না ঙাকথোকচনবা অমত্তা ঙাইরবা লম্বী অসি লোকদাউন তৌদুনা ঐখোয়না য়ারিবা মখৈ খোঙজেল য়াংনা মচাক-মথুমশিং হেনগৎনবা হোৎনবা অসিনা ওইখি অমসুং লালোং অসি য়াম্না কান্নবা ওইখি। ঐখোয়না মচাক-মথুমশিং অমসুং রিসোর্সশিং পুথোকচখি অমসুং ঐখোয় ইশানা তৌবা ঙম্বা অদু হেনগৎহনখি। ঐখোয়না মালেমদা ফংলিবা পুম্নমক ফংবা ঙমখি অমসুং মখোয়বু লোকদাউন মনুংদা শিজিন্নখি।

অদুবু ঙসিদি ঐখোয়দা রিসোর্স পুম্নমক লৈরে, মসি ঐখোয়গী গভর্নান্সকী চায়েং অমনি অমসুং ঐখোয়না মাইক্রো কন্তেনমেন্ত জোনশিংদা মীৎয়েং চংগদবনি। নুমিংদাংগী কার্ফিয়ু থম্লিবা মফমশিংদা কোরোনা কার্ফিয়ু’ হায়বা ৱাহৈ অসি শিজিন্নদুনা কোরোনাভিরসকী এৱের্নেস অসি লৈহনগদবনি।

মীওই খরনা হায় কোরোনা অসি নুমিদাংগী মতমদা খক্তা লাকপরা হায়না ৱাখল থাদদুনা দিবেৎ তৌরি। তশেংবদি নুমিদাংগী কার্ফিয়ু অসি মালেম পুম্বদা চাংয়েং তৌদুনা য়ান্নরবা অমনি মরমদি মসি মীপুম খুদিংমক্তা মখোয়না হিংলিবা অসি কোরোনাগী মতমদদি হায়বা নীংশিংহল্লি অমসুং মসিনা পুন্সি মহিংদা চাউনা অকাইবসু থোকহন্দে।

‘কোরোনা কার্ফিয়ু’ অসি নুমিদাং পুং ৯দগী নত্ত্রগা ১০দগী হৌরগা মথংগী নুমিৎকী অয়ুক পুং ৫ নত্ত্রগা ৬ ফাওবা চত্থরবদি হেন্না ফগনি মরমদি মসিনা অতোপ্পা থবক-থৌরমশিংদা অকাইবা থোকহল্লোই। মরম অসিনা মসিবু ‘কোরোনা কার্ফিয়ু’ হায়না খঙনগদনি। কোরোনা কার্ফিয়ুনা মীয়ামদা (ভাইরসকী মতাংদা) চেকশিনহনবদা মতেং পাংলি। অদুনা ঐখোয়না মসিদা মীৎয়েং চংবা মথৌ তাই। ঐহাক্না মমাংদসু হায়খ্রে হৌজিক্তি ঐখোয়গী রিসোর্স কয়া পুথোকখ্রে, কন্তেনমেন্ত জোনশিংদা মীৎয়েং চংবা মথৌ তারে অমসুং মসিদা ঐখোয়না অফবা ফলশিং ফংবা ঙমগনি। চুম্মি, সরকারনসু হেন্না হোৎনবা মথৌ তাই, গভর্নান্স সিস্তেম মথৌ তৌবা হেনগৎহনবা অমসুং পুম্নমক কুপ্না য়েংশিনবা মথৌ তাই। ঐহাকপু থাজৌ মসিনা শোইদনা মহৈ ফংবা ঙমগনি।

অনিশুবদা মমাংদা ঐখোয়না এক্তিব কেসশিংগী মশিং অসি লাখ ১০দগী লাখ ১.২৫দা হন্থহনবা ঙমখি। মসি ওইথোকপা ঙমহনখিবা চপ মান্নবা লালোং অদু ঙসিসু চপ মান্নবা কান্নবা ইরি। ঐখোয়না রিসোর্স মরাং কাইনা লৈত্রিঙৈ মতমদা মাইপাকপা ঙমখি। ঙসিদি ঐখোয়গী রিসোর্স হেন্না লৈরে অমসুং হেন্না খঙহৌ-হৈহৌরে। মরম অসিনা পীক অসি ঐখোয়না য়াম্না খোঙজেল য়াংনা হন্থহনবা ঙঞগনি অমসুং মসিবু হেনগৎহনদবা ঙম্লগনি।

খঙহৌবা-হৈহৌবগী মতুং ইন্না ঐখোয়না ‘তেস্ত, ত্রেক, ত্রীৎ’, কোবিদকা চুন্নবা চৎন-লোনচৎ অমসুং কোবিদ মেনেজমেন্তদা মীৎয়েং চংবা তাই। হৌজিক্তি ৱাফম অমা লৈরে অমসুং ঐহাক্না মুখ্য মন্ত্রী পুম্নমক্তা নখোয়গী রাজ্যগী মেছিনরীগী খুত্থাংদা মমাংদা কোরোনাগী মতমদা করি থোকখি, মীয়াম্না লাইওং খজিক্তং উৎলকপা তারবদি মীপাইনখি অমসুং খুদক্তা খোঙথাং লৌখৎখিবগে হায়বা অদু এনলাইসিস নত্ত্রগা সর্ভে অমা তৌনবা হায়জরি। অনিশুবদা হন্দক্তি লাইওং উত্তবা অনাবা মীওই কয়া লৈরে মরম অসিনা মখোয়না লোক থুংলে হায়না লৌরি।

লাইওংশিং অসি ময়েক শেংনা উত্থোক্তবনা মরম ওইরগা ইমুং অদুদা লৈরিবা মীওইশিংনা হান্নগুম্না অদুমক লৈরি মসিনা মরম ওইদুনা ইমুং পুন্না নাহল্লি। ঐখোয়না কনশিল্লক্লবা মতমদা খক্তা মীৎয়েং চংবা হৌরি। ঙসি ইমুং মনুংদা নারিবা মীওইশিং অসিগী মরু ওইবা হৌরকফমদি মখোয় অয়াম্বনা লাইওং উত্তবনা মখোয়না চেকশিনদবা অসিনা ওইরি। করিনা কনবা ঙমগনি? প্রোএক্তিব ওইনা তেস্ত তৌবনা কনবা ঙমগনি। ঐখোয়না তেস্ত তৌবা হেনগৎলবদি লাইওং উত্তবা অনাবা মীওইশিং অসি খঙদোকপা ঙমগনি অমসুং মখোয়বু হোম ক্বারেন্তিন তৌবা য়াগনি। হান্নগুম্বনা মখোয়গী ইমুং-মনুংগী মীওইশিংগা লৈমিন্নররোই। মরম অসিনা ঐখোয়না ইমুং-মনুং পুন্না নারকপদগী ঙাকথোকপা ঙম্লগনি।

অমসুং ঐখোয়না বেক্সিনেসনদগী হেন্না তেস্তিং তৌবগী মতাংদা খন্নবা তঙাই ফদে। ঐখোয়না তেস্ত তৌবদা মীৎয়েং চংবা তঙাই ফদে। ঐখোয়না তেস্ত তৌবগী মওং অসিদা হোংদোকপা তঙাই ফদে।

ভাইরস অসি লাকশিন্নবা মরু ওইবা লম্বীদি মী লাকপা থিংবা অসিনি। মমাংদসু ঐহাক্না হায়খ্রে মদুদি কোরোনা অসি নখোয়না য়ুমদা পুশিন্দ্রিবা ফাওবা মহাক্না য়ুমদা চংলক্লোই। ঐখোয়না মীয়ামবু মীকপ থোকহনবা তঙাই ফদে অমসুং মখোয়না কাংলোনশিং ঙাক্না চৎপা তাই। মসিদা তেস্ত তৌবা অমসুং ত্রেক তৌবনা মরু ওইবা থৌদাং অমা লৌরি। ঐখোয়না তেস্ত তৌববু লাইথোক্না লৌবা চুম্লোই।

ঐখোয়না রাজ্য খুদিংমক্তা তেস্ত তৌবা য়াম্না হেনগৎহন্দুনা পোজিতিব ওইবগী চাং চাদা ৫গী মখাদা থম্বা তাই। অমসুং নখোয়না নীংশিংলমগনি মদুদি হৌরকপদা কোরোনাগী রিপোর্তশিং লাকপা হৌরকপা মতমদা অকক্নবা রাজ্য অমনা নিংথিনা লাকশিল্লি অমরোমদা খরনা শোত্থরি মরমদি কেসশিং ৱাংখৎলক্লিবা হায়না হায়নখি। অহানবা মীফমদা ঐহাক্না নখোয়দা কেসশিংগী মশিং ৱাংখৎলকপদা ৱাগনু, নখোয়না নীংথিজনা লাকশিন্দে হায়দুনা নুংনাংবা পোক্কনু মদুগী মহুৎ তেস্ত তৌবদা মীৎয়েং চংঙু হায়না হায়খি। অমসুং ঙসিসু মদু অমুক হন্না ফোঙদোক্লি। মশিং হেনগৎলক্লে হায়দুনা নখোয়না তৌরিবা অদু লাল্লে হায়বা য়ারোই।  পোজিতিব ওইবা কেসশিং হেন্না থোরক্লিবা অসি তেস্ত তৌবা হেনগৎলকপগীনি। অদুবু মসিগী লম্বী অসি নত্তনা অতোপ্পা লৈতে। মসিবু য়ানিংদবা ফোঙদোক্কদবা মীওইশিং লৈ, মখোয়না হায়নিংবা হায়জসনু। মখোয়না ঙাংবা অদু খাংবা  তাবনি।

অদুবু লম্বীদি তেস্ত তৌবা অসি খক্তনা ওইরি। তেস্ত তৌবা হেনগৎলকনা করিগুম্বা পোজিতিব কেসশিংগী মশিং ৱাংখৎহল্লকপা তারবদি ৱাংখৎচসনু। রাজ্য অদু থেংনরিবা মশিংনা মখোয়গী অচুম-অরান তৌগদবা নত্তে। মরম অসিনা ময়াম্না প্রসর অসিদগী থোরক্তুনা তেস্ত তৌবা ওইনা হেনগৎহন্নবা ঐহাক্না হায়জরি। পোজিতিব কেসশিং হেল্লবসু হেঞ্জসনু। মদুদতা ঐখোয়না সোল্যুসন অমা পুরকপা ঙমগনি।

ঐখোয়গী পন্দমদি আর.তি.-পি.সি.আর. তেস্তশিং চাদা ৭০ তৌবা অসিনা ওইরি। আর.তি.-পি.সি.আর. সেম্পলশিং লৌরিবশিংনা য়াম্না তৌনিংদনা তৌই হায়বগী রিপোর্ত ঐঙোন্দা লাক্লে অদুবু মদু কদাই ফাওবা চুম্বগে হায়বদি ঐহাক্না খঙদোক্ত্রি। মখোয়না তেস্তশিং নিয়ম চুম্না তৌদ্রে। করিগুম্বা নিয়ম চুম্না তৌদবা তারবদি তেস্তশিংগী রিজলশিং নেগেতিব লাকপা য়াই। মরম অসিনা মসি তৌদনবা হোৎনবা তঙাই ফদে। পোইতিব কেসশিংগী মশিং হেনগৎচরবসু অকাইবা লৈতে। মখোয়না পোজিতিব ওইরবা খক্তদা লাইয়েং চত্থগদোইনি। করিগুম্বা তেস্তশিং নিয়ম চুম্না তৌদবা তারবদি মদুনা ইমুং-মনুংদা শন্দোরক্কনি অমসুং য়ুম্লোন্নরিবশিংদসু মথং-মথং শন্দোরক্কনি।

মমাংগী মীফমদসু ঐখোয়না আর.তি.-পি.সি.আর. তেস্তশিং হেনগৎহনবা তঙাই ফদে হায়না খন্নখি। মরম অসিনা ঐহাক্না অমুক্কসু হন্না হায়রি মদুদি তেস্তশিং নিয়ম চুম্না তৌগদবনি। লেব খরনা মীপুম খুদিংদা নেগেতিব রিপোর্ত ঙাক্তা পীরি অমরোমদা অতোপ্পা খরনা পোজিতিব ঙাক্তা পীরি হায়বা নখোয়না শোইদনা খঙলম্লগনি। মসি অফবা খুদম অমা নত্তে। মসি করিগুম্বা খরা কদাইদনোমা অশোইবা য়াওরে মসি মীৎয়েং চংবা তঙাই ফদে। রাজ্য খরনা মখোয়গী ইনফ্রাস্ত্রকচর ফগৎহনবা মথৌ তাগনি। হেন্না খোঙজেল য়াংনা পাঙথোক্লবদি হেন্না কান্নগনি।

করিগুম্বা লেবশিংদা শিফশিং হেনগৎপা মথৌ তারবদি মদু হেনগৎহনগদবনি হায়না ঐহাক্না খল্লি। ঐহাক্না মমাংদসু হায়খ্রে, ঐখোয়না কন্তেনমেন্ত জোনশিংদা তেস্ত তৌবদা মীৎয়েং চংবা মথৌ তাই। কন্তেনমেন্ত জোনশিংদা মীওই অমত্তা চিত্থদনা তেস্ত তৌগদবনি। মদুদা নখোয়না ফলশিং ফংবা হেনগনি।

মরুপশিং,

এদমিনিস্ত্রেতিব লেবেলদা ঐখোয়না ত্রেকিং, তেস্তিং অমসুং কন্তেনমেন্ত হেনগৎহনবা তঙাই ফদে। ঐখোয়না পুং ৭২গী মনুংদা য়ামদ্রবদা কন্তেক্ত ৩০ ত্রেস তৌনবা পান্দম থমগদবনি। করিগুম্বা মীওই অমা পোজিতিব ওইবা তারবদি মহাক্কা লোইনরুবা য়ামদ্রবদা মীওই ৩০ ত্রেক তৌবা তাই। কন্তেনমেন্ত জোনশিং ময়েক শেংনা খাইদোক্কদবনি। মসি চাউরাকপ্পা ওইনা তৌরোইদবনি। মথোল তরুক লোংবা দলান অমগী মথোল অনিদগী পোজিতিব ওইবা কেসশিং থিংদোকপা য়ারবদি অপুনবা লৈকাই অদু কন্তেনমেন্ত জোন লাউথোকপগী মথৌ তাদে। মনাক নকপদা লৈবা মফমশিং সীল তৌশনদ্রসু য়াই। অসুম্না তৌরবদি করি থোরক্কনি? অপুনবা মফম সীল তৌশিনবদি য়াম্না লাই মসিদা হেন্না হোৎনরুবগী মথৌ তাদে। লাইথোক্নবা হোৎনবগী লম্বীদা চংশিল্লোইসি।

নখোয় পুম্নমক্না ফীভম অসি খঙলবনি। নখোয়না চেকশিল্লিবা অসিদা মখল অমত্তগী কোমথোকপা তৌরোইদবনি। কোবিদনা মরম ওইদুনা অৱাবা পীবা অসিনা ঐখোয়না হোৎনরিবশিং অসি অরেম্বদা মাংহনবা তৌরোইসি। রাজ্য খরদা তীমশিং শেমদুনা কন্তেক ত্রেসিং তৌরিবা অসি তাঙ্কক নাইনা য়েংশিল্লি মসিদগী অফবা ফলশিং ফংলি।

কন্তেনমেন্ত জোনশিংগী হকশেল মন্ত্রালয়না থোক্লিবা এস.ও.পি.শিং অসি য়াম্না খন্ন-নৈনরবা মতুংদা শেমখিবনি অমসুং এস.ও.পি.শিং অসি মতম-মতমগী মতুং ইন্না শেমদোক্লি। এস.ও.পি.শিং অসি নিয়ম চুম্না ঙাক্না চৎপা মফমশিং অফবা ফলশিং পুরকপা উবা ফংলি। মরম অসিনা ঐহাক্না মসিদা অহেনবা মীৎয়েং চংনবা অপাম্বা ফোঙদোকচরি।

মরুপশিং,

ঐখোয়গী খন্ন-নৈনবশিংদা ঐখোয়না মোর্তেলিতী রেৎকী মতাংদা নুংনাংবা ফোঙদোকখি। ঐখোয়না মসি হন্থহন্নবা হোৎনবা তাই। তশেংবদি মসিগী মরু ওইবা হৌরকফম অদি কনাগুম্বা অমনা মসি অচম্বা লাইনা অমা ওইনা লৌবনা মখোয়গী অপুনবা ইমুং-মনুংদা শন্দোক্লি। তেস্ত তৌরকপা মতমদদি মমাংদা মতম কয়া মাংহনখ্রে। হোস্পিতাল খুদিংমক্তগী শীখিবশিংগী মতাংদা ই-পাউ ফংহনগদবনি।  করম্বা স্তেজতা খঙলকখিবনো, করম্বা মতমদা অনাবা অদু পুখৎলকখিবনো, শীবগী মরমশিং, করিগুম্বা ঐখোয়দা কম্প্রিহেনসিব দেতা লৈরবদি পুন্সিশিং কনবদসু হেন্না লাইগনি।

মরুপশিং,

লৈবাকপোকপা অমসুং ইরাই খুদিংগী দিল্লীগী এম্সনা হীরম অসিদা ৱেবিনারশিং পাংথোক্লি অমসুং লৈবাক অসিগী দোক্তরশিংনা শরুক য়ারি হায়বা নখোয়না খংলম্লগনি। মসি মখা চত্থগদবনি। রাজ্যশিংদা লৈরিবা হোস্পিতাল পুম্নমক্না ৱেবিনারশিং অসি য়াওশিন্দুনা মখোয়না নেস্নেল ক্লিনিকেল মেনেজমেন্ত প্রোতোকলশিং খনবা তৌগদবনি। মসিগী প্রোসেসশিং অসি মেদিকেল ফেকল্তীদা পাউদমগদবনি। মসিগা মান্ননা এম্ব্যুলেন্সশিং, ভেন্তিলেতরশিং অমসুং ওক্সিজেন লৈরিবরা হায়না চাং নাইনা য়েংশিনবা তঙাই ফদে। মমাংগী পীক্কা চাংদম্নবা মতমদা হন্দক্তি ওক্সিজেন অসি মমাংগুম্বা শিজিন্নস্রে। মরম অসিনা ঐখোয়না পুম্নমক য়েংশিনবা অমসধং রিপোর্তশিং ভেরিফাই তৌবা তাই।

মরুপশিং,

ঐখোয়না নোংমদা বেক্সিনেসন লাখ ৪০ হেন্না কাপখ্রে। খন্ন-নৈনবা অসিদা বেক্সিনেসনগী মরু ওইবা ৱাফম কয়া মাংদা থোরক্লি। নখোয়গী ওফিসরশিং বেক্সিনেসন দ্রাইভতা য়াওহল্লু। বেক্সিনেসনগী মতাংদা মথৌ তাবা ফেসিলিতী পুম্নমক লৈবা মালেমগী ইনাক খুনবা লৈবাকশিংগা ভারতকা করিসু খেৎনবা লৈতে। নখোয়না মদু খঙজিনবা মথৌ তাই। নখোয় পুম্নমক লাইরিক-লাইশু হৈরবা ঙাক্তনি মদু অমুক্তা পাদুনা য়েংবীয়ু।

অনৌবা বেক্সিনশিং পুথোক্নবা হোৎনবগা লোইননা বেক্সিন শাবা ঙম্বগী চাং অসি মশিং য়াম্না হেনগৎহন্নবা থবক পাইখৎলি। বেক্সিনশিংগী স্তোকশিং অমসুং মাংহনবগী মতাংদা খন্ন-নৈনবা পাঙথোকখ্রে। বেক্সিন কয়াম পুথোকপা ঙম্বগে হায়বা নখোয়না খঙলবা ৱাফমনি। অতেনবা মতমগী মনুংদা অসিগুম্বা অচৌবা লেবোরেতোরীশিং লিংখৎপা ওইথোকপা নত্তে। ঐখোয়দা লৈরিবা অদু লুম্না লৌবা মথৌ আই। করিগুম্বা লৈরিবা স্তোক পুম্নমক অকক্নবা রাজ্য অমদা পীদুনা অফবা ফলশিং ফংগনি খল্লবদি মসি অচুম্বা খোঙথাং নত্তে। ঐখোয়না লৈবাক পুম্বগী য়েংলগা তৌগদবনি। কোবিদ মেনেজমেন্তগী খ্বাইদগী মরু ওইবা শরুক অসি বেক্সিন মাংহনবদগী ঙাকথোকপনা ওইরি।

মরুপশিং,

লৈবাক পুম্বগী লালোং অসি খন্ন-নৈনরবা মতুংদা অমসুং রাজ্য সরকারশিংগী অয়াবা লৌরবা মতুংদা শেমখিবনি। অহেনবা মীৎয়েং চংবা মথৌ তাবা জিলাশিংদা লৈরিবা চহি ৪৫গী মথক্কী মীওই পুম্নমক বেক্সিন কাপথোকপদা মীৎয়েং চংনবা ঐহাক্না হায়জরি। নখোয়না মসিদা ওইরবসু ফংনবা হোৎনৌ। ঐহাক্না সজেসন অমা পীগে। করিগুম্বা মতমদা মসিনা অকোইবগী ফীভমদা অহোংবা পুরকপদা মতেং পাংঙি। জ্যোতি ফুলেগী মপোক কুমওন অসি এপ্রিল ১১নি অমসুং এপ্রিল ১৪না বাবা সাহেবকী মপো কুমওন তারি। ঐখোয়না “তিকা উৎসব” নত্ত্রগা বেক্সিন ফেস্তিবেল পাঙথোকপা য়ারোইদ্রা অমসুং “তিকা উৎসব”কী ৱাখল্লোন পোকহনবা য়ারোইদ্রা?

ঐখোয়না অকন্নবা কেম্পেন অমগী খুত্থাংদা জেরো ৱেস্তেজ ওইহনদুনা ইলিজিবল ওইবা মীওই কয়া বেক্সিন কাপথোকসি। “তিকা উৎসব”কী নুমিৎ মরিনিগী মনুংদা জিরো ৱেস্তেজ ফংবা ঙম্লবদি ঐখোয়গী বেক্সিনেসন কেপাসিতী হেনগৎহনবসু ঙমগনি। ঐখোয়না বেক্সিনেসন কেপাসিতী চাউনা শিন্নবা ঙম্নবা হোৎনসি। মসিগীদমক ঐখোয়না বেক্সিনেসন সেন্তরশিংগী মশিং হেনগৎপা মথৌ তারবদি মদুসু হেনগৎহনসি। ঐখোয়না এপ্রিল ১১দগী এপ্রিল ১৪ ফাওবদা মসি করম্বা মোবিলাইজ তৌবগে য়েংসি অমসুং মসিদা মাই পাকপগী অপেনবা শোইদনা পোক্কনি। ফীভম অসিদা অহোংবা পুরকপদা চাউনা কান্নগনি। ঐহাক্না ভারত সরকারদা য়ারিবা মখৈ বেক্সিন দোজশিং ফংহন্নবা হায়খ্রে। “তিকা উৎসব” মনুংদা ইলিজিবল ওইবা মীওই মশিং য়াম্না বেক্সিন কাপথোক্নবা ঐখোয়না হোৎনগদবনি।

লৈবাক অসিগী নহারোলশিংদা মখোয়গী অকোইবদা লৈরিবা চহি ৪৫গী মথক্কী মীওইশিং বেক্সিন কাপথোকপদা মতেং পাংনবা হায়জরি। মসি ঐহাক্না নহারোলশিংদা অখন্ননা অপীল তৌজরি। নখোয়দি নশা-নউ ফৈ, রিসোর্সফুল ওই অমসুং নখোয়না তৌবা ঙম্বা কয়া লৈ। করিগুম্বা লৈবাক অসিগী নহারোলশিংনা অরাপ্পা থম্বা, মাস্ক উপ্পা অসিনচিংবা কোরোনাগী প্রোতোকলশিং অসি ঙাক্না চৎপা তারবদি মখোয়গী মনাক্তা কোরোনা চংলকপা ঙম্লোই।

নহারোলশিংগী মরক্তা চেকশিল থৌরাং লৌখৎপদা ঐখোয়না মীৎয়েং চংগদবনি। নহারোলশিংদা বেক্সিন কাপথোকউ হায়না থৌজিনবগী মহুৎ ঐখোয়না মখোয়দা প্রোতোকলশিং ঙাক্না চৎনবা থৌগৎকদবনি। করিগুম্বা নহারোলশিংনা মদু শিংনবা অমা ওইনা লৌবা তারবদি মহাক্না প্রোতোকলশিং অদু ঙাক্না চৎপা খক্তা নত্তনা অতোপ্পশিংদসু মদু ঙাক্না চৎহনগনি। ঐখোয়না পোজিতিব কেসশিংগী পীক য়ৌখিবা মতম অদুগী চপ মান্নবা থাক অদু য়ৌদুনা অমুক হন্থরকপা ঙমগনি। থাজবা অসিগী লোইননা ঐখোয়না মাংদা চাংশিনবা তাই।

সরকারনা মীয়ামদা বেক্সিন কাপ্পদা মতেং পাংনবা দিজিতেল সিস্তেম অমসু পুথোকখ্রে। মীয়ামনা মসি থাগৎনরক্লি। অদুম ওইনমক তেক্নোলোজী অসিগী মতাংদা খঙদবা মীওই খরা, লায়রবা ইমুংশিং লৈরি। অসিগুম্বা ইমুংশিং অসি মতেং পাংনবা নহারোলশিংদা হায়জরি। ঐখোয়না এন.সি.সি., এন.এস.এস.গী সর্ভিসশিং অমসুং সরকারগী সিস্তেম শিজিন্নদুনা মীয়ামদা মতেং পাংগদবনি। মসিগীদমক ঐখোয়না খনবা তাই।

সহরশিংদা লৈরিবা মীয়ামগী অয়াম্বা শরুক্তি লায়রবা, অহল ওইরবা মীওইশিং ওইরি অমসুং মখোয়না স্লমশিংদা লৈরি। মখোয়দা ৱাফমশিং অসি য়ৌহনবা তাই। ঐখোয়গী সরকারনা হীরম অসিদা ভোল্যুন্তীয়র, সিবিল সোসাইতী অমসুং ঐখোয়গী নহারোলশিং মোবিলাইজ তৌগদবনি। প্রাইওরিতী বেসিস্তা মখোয়বু বেক্সিন কাপথোক্নবা হোৎনবা তাই অমসুং থবক অসিদগী ঐখোয়না অফবা ফলশিং ফংবা ঙমগনি। বেক্সিনেসনগা লোইননা ঐখোয়না বেক্সিন কাপলবা মতুংদসু লাইথোকপা তৌরোইদবনি। খ্বাইদগী অচৌবা সমস্যা অসি মীয়াম্না মখোয়দি হৌজিক করি অমত্তা তৌররোই হায়না খনবা অসিনি। অহৌবা নুমিৎতগী ঐহাক্না হীদাক লোইননা চেকশিনবা তঙাই ফদে হায়না হায়দুনা লাক্লি।

বেক্সিন কাপ্লবা মতুংদসু ঐখোয়না মাস্কশিং উপ্পা অমসুং অতোপ্পা প্রোতোকলশিং ঙাক্না চৎপা তঙাই ফদে হায়না হঞ্জিন-হঞ্জিন হায়বা মথৌ তাই। মথৌ মশক খঙদবা মীওইশিংদা অমুক হন্না মাস্ক উপ্পা অমসুং অতোপ্পা প্রোতোকলশিংগী মতাংদা এৱের্নেস পীবা য়াম্না তঙাই ফদে। অমুক হন্না ঐখোয়না মশক নাইবা মীওইশিং, সোসিএল ওর্গনাইজেসনশিং, সেলেব্রিতীশিং অমসুং খুন্নাই অসিগী মরু ওইবা মীওইশিং এৱের্নেস কেম্পেনশিংদা য়াওহনবা মথৌ তারে। ঐহাক্না নখোয়দা গভর্নর হায়বা ইন্সতিত্যুত অসি য়ারিবা মখৈ শিজিন্ননবা হায়জরি।

গভর্নরগী লুচিং মখাদা অমসুং মুখ্য মন্ত্রীগী লমজিং মখাদা রাজ্য পুম্নমক্না য়ামদ্রবদি ফল পুম্নমক্কী মীফম কৌবীয়ু অমসুং লৌখৎপা য়াবা খোঙথাংশিং পুখৎলু। মীহুৎ ওইনা খনগৎলবা মীওইশিংগা লোইননা গভর্নর অমসুং মুখ্য মন্ত্রীনা ভর্চ্যুএল ৱেবিনারশিং পুন্না পাঙথোক্নবা ঐহাক্না হায়জরি। মসি অর্বান বোদীশিংদগী হৌরগা রুরেল বোদীশিং ফাওবা পাঙথোক্কদবনি। ৱেবিনারশিং অসি মীহুৎ পুম্নমক য়াওগদবনি। মসিদা রাজনীতি তৌরোই অমদি ঐখোয় পুন্না হোৎনমিন্নসি হায়বা পাউজেল অসি পীগদবনি। অসুম্না হোৎনগদবনি।

মুখ্য মন্ত্রীদি অতোপ্পা থবক কয়া চিনবনা রাজ্য অদুগী গভর্নরগী লুচিং মখাদা ধর্মগী লুচিংবশিং অমসুং অতোপ্পাশিংগা লোইননা সম্মিৎ অমা নত্ত্রগা ৱেবিনার পাঙথোকপা য়াই। সিবিল সোসাইতীগী মতেংগা লোইননা সম্মিৎ অসি পাঙথোকপা য়াই। চপ মান্না মসি সেলেব্রিতীশিং, অইবশিং, আর্তিস্তশিং, শান্নরোইশিংদসু তৌগদবনি।

পুন্সিগী তোঙান তোঙানবা লমশিংদগী মীওই কয়া অমত্তা ওইনা পুনশিন্নবা অসিগুম্বা খোঙথাং অসি গভর্নরগী খুত্থাংদা পাঙথোক্কদবনি অমসুং মখোয়দা প্রোতোকলশিং ঙাক্নবা অমসুং তেস্তশিং তৌনবা হায়গদবনি হায়না ঐহাক্না ফোঙদোকচনিংঙি। ঐখোয়না তেস্ত তৌবা কাউথোক্তুনা বেক্সিনেসন্দা ওইনা মীৎয়েং চংলে। বেক্সিনশিং ফংবগা মীয়ামদা য়ৌহনগনি। মমাংদা ঐখোয়না লান অসি বেক্সিন য়াওদনা ঙমখি। ঐখোয়না বেক্সিন থোরক্কদ্রা থোরকওইদ্রা হায়বা খঙবা ঙমখিদে। ঙসি ঐখোয়দা অকীবা পোক্নিংঙাই ওইদ্রে।

ঐখোয়না শোক্নখিবা লান অদুগুম্না শোক্নরবদি অমুক হন্না মাই পাক্কনি। করম্না ইমুং মনুং পুন্না নরক্লিবনো হায়বগী মরম অদু উবা ফংঙি হায়না ঐহাক্নসু হায়খ্রে। মসি নখোয়না চুম্মি-লাল্লি খঙদোকউ। মসি ঐহাক্না হায়জিনবা নত্তে। লাইওং উত্তবনা মরম ওইরগা অহানবদা শন্দোকপা হৌরকখি অমসুং মতুংদা অতোপ্পা লাইনা নারিবা মীওইশিংদা নহানবা হৌরকখি হায়না ঐহাক্না শুপ্নগী নখোয়গী পুক্নিং চিংশিনবা পাম্বনি। মতুং তারকপদা ইমুং-মনুং পুন্না অৱাবা তাখি।

মরম অসিনা ঐহাক্না হায়জনিংবদি ঐখোয়না তেস্ত তৌবদা অমসুং প্রোএক্তিব ওইনা মীৎয়েং চংনবা তাই। ঙসি ঐখোয়গী রিসোর্সশিং লৈরে। লৈবাক অসিগী জিলা খুদিংমক্তা লেবশিং লৈরে। ঐখোয়না হৌরকপদা লেব অমা খক্তা লৈরমখি অমসুং ঙসিদি জিলা খুদিংমক্তা লেব লৈরে। ঐখোয়না লেবশিং অসি শিজিন্নদনা করম্না লাইনা অসি শন্দোকপা লাকশিনগনি।

সমস্যা অসি রাজনীতিগী ৱাফম ওন্থোকপগী মতাংদা লাকপা ৱাহংগী ওইনদি মসি অহৌবা নুমিৎতগী ঐহাক্না উবা ফংলে অমসুং মখল কয়াগী ৱাফমশিং তাদুনা লাক্লি অদুবু ঐহাক্নদি পাউখুম পীরুদে। ঐহাক্কী ৱাখল্লোন ওইনদি ঐখোয়গী থৌদাং অসি লৈবাক মীয়ামগী শেবা তৌবনি। ঈশ্বরনা ঐখোয়দা অৱাবা মতম অসিদা মীয়ামগী শেবা তৌজনবা থৌদাং পীরি অমসুং ঐখোয়না মসি পাঙথোকপা তাই। ৱাফম অসি রাজনীতিগী ৱাফম ওন্থোকপা পাম্বা মীওইশিংনা ওন্থোক্নবা হোৎনরি। মখোয়দা ঐহাক্না হায়নিংঙাই লৈতে। অদুবু মুখ্য মন্ত্রী পুম্নমক্না মখোয়গী মশা-মশাগী রাজ্যশিংদা লৈরিবা রাজনীতি দলশিং কৌদুনা সমস্যা অসি মখোয়গা লোইননা খন্ন-নৈনৌ অমসুং মসিনা ফীভম অসিদা অওনবা পুরকপদা মতেং পাংগনি। ঐখোয়না অৱাবা মতম অসিদগী শোইদনা অথুবা মতমদা ফগৎলক্কনি হায়না ঐহাক্না থাজৈ।

ঐহাক্কী মন্ত্রদি – হীদাকসু চেকশিনবসু হায়বা অসিনা ওইরি হায়না অমুক হন্না হায়জরি। মসিদা কোমথোকপা তৌগনু। ঐহাক্না মসি মমাংদা হায়খ্রে মদুদি করিগুম্বা কনাগুম্বা মীওই অমা লোক থুংলবদি মহাক্না হীদাক চাই অদুবু করিগুম্বা মপান্দা নোং চুবা তারবা অদুগা মহাক্না মপান থোকপা মতমদা ছাতি শিজিন্নরোই হায়রবদি হীদাক চাবগী কান্নবা লৈতে। করিগুম্বা নহাক লোক থুংলবা, হীদাক চারবা; করিগুম্বা মপান্দা নোং চুরবা অদু ওইবা তারবদি নহাক্না ছাতি তুপ্পা অমসুং রেনকোত লিৎপা তঙাই ফদে। কোরোনাসু মসিগা চপ মান্নৈ। ঐখোয়না প্রোতোকলশিং ঙাক্না চৎপা তঙাই ফদে।

ঐখোয়না মমাংদা কোরোনা লাকশিনখিবগুম্না হন্দকসু লাকশিনগনি। নখোয়না থৌরাং পাইখৎলবা, ফীভম অসিগী মতাংদা ৱাখল ৱারবা অমসুং তেস্ত তৌবদা মীৎয়েং চংলবা ঐখোয়না খুদোংথিবা অসি মায়োক্নবা ঙমগনি হায়না ঐহাক্না থাজৈ অমসুং নখোয়দা মপুং ফানা থাজবা থম্লি। বেক্সিনেসন অসি মতম চংবা প্রোসেসনি মসি মতম শাংনা চত্থখিগনি। হৌজিক্তি ঐখোয়না “তিকা উৎসব”তা মীৎয়েং চংবা তাই অমসুং পন্দুপ অমা ফংনবা হোৎনবা তাই। অপীকপা থৌদোক অমনা অনৌবা থাজবা পুরকপদা মতেং পাংগনি।

ঐহাক্না নখোয়গী সজেসনশিং ঙাইজরি।

হন্না-হন্না থাগৎচরি!

ভারতকী ওলিম্পিয়নশিংবু পুক্নিং থৌগৎসি! #Cheers4India
Modi Govt's #7YearsOfSeva
Explore More
It is now time to leave the 'Chalta Hai' attitude & think of 'Badal Sakta Hai': PM Modi

Popular Speeches

It is now time to leave the 'Chalta Hai' attitude & think of 'Badal Sakta Hai': PM Modi
How This New Airport In Bihar’s Darbhanga Is Making Lives Easier For People Of North-Central Bihar

Media Coverage

How This New Airport In Bihar’s Darbhanga Is Making Lives Easier For People Of North-Central Bihar
...

Nm on the go

Always be the first to hear from the PM. Get the App Now!
...
King Chilli ‘Raja Mircha’ from Nagaland exported to London for the first time
July 28, 2021
Share
 
Comments

In a major boost to exports of Geographical Indications (GI) products from the north-eastern region, a consignment of ‘Raja Mircha’ also referred as king chilli from Nagaland was today exported to London via Guwahati by air for the first time.

The consignment of King Chilli also considered as world’s hottest based on the Scoville Heat Units (SHUs). The consignment was sourced from Tening, part of Peren district, Nagaland and was packed at APEDA assisted packhouse at Guwahati. 

The chilli from Nagaland is also referred as Bhoot Jolokia and Ghost pepper. It got GI certification in 2008.

APEDA in collaboration with the Nagaland State Agricultural Marketing Board (NSAMB), coordinated the first export consignment of fresh King Chilli. APEDA had coordinated with NSAMB in sending samples for laboratory testing in June and July 2021 and the results were encouraging as it is grown organically.

Exporting fresh King Chilli posed a challenge because of its highly perishable nature.

Nagaland King Chilli belongs to genus Capsicum of family Solanaceae. Naga king chilli has been considered as the world’s hottest chilli and is constantly on the top five in the list of the world's hottest chilies based on the SHUs.

APEDA would continue to focus on the north eastern region and has been carrying out promotional activities to bring the North-Eastern states on the export map. In 2021, APEDA has facilitated exports of Jackfruits from Tripura to London and Germany, Assam Lemon to London, Red rice of Assam to the United States and Leteku ‘Burmese Grape’ to Dubai.