তাউনহোলদা পাংথোকখিবা পরিক্ষা পে চর্চাদা, এগজামদা মার্ক ফজনা ফংবা অসি ফেক্তর অমনি হায়না লৌগদরা হায়বা ৱাহংগী পাউখুম পীরদুনা প্রধান মন্ত্রী মোদীনা মহৈরোইশিংদা পাউতাক পীখি মদুদি এগজাম মাই পাকপা অমসুং মাইথিবনা পুম্নমক লেপ্পি হায়বা ৱাখল্লোন অদু থাদোক্কদবনি।
প্রধান মন্ত্রীনা মখা তাখি, “মার্কশিং অদু পন্সি নত্তে। এগজামিনেসন্না ঐখোয়গী পুন্সিগী পুম্নমক নত্তে। মসি স্তেপ্পিং স্তোন অমনি, পুন্সিগী মরু ওইবা স্তেপ্পিং স্তোন অমনি। ঐনা মমা-মপা ওইবশিংদা হায়জরি মদুদি অঙাংশিংদা মসিনা পুম্নক্নি হায়না খক তাকপীগনু।”
মহাক্না মসিসু হায়খি মদুদি ঙসি নহারোলশিংনা খন্ননবা খুদোংচাবা কয়া অমা ফংলি।
