ঐগী নুংশিরবা ইরৈচাশিং, খুরুমজরি। ওক্তোবর ৩১ অসি ঐখোয়গী নুংশিরবা সরদার বল্লভভাই পতেলগী মপোক কুমওন থৌরমনি। চহি অসিদসু লৈবাক অসিগী নহারোলশিং ‘অপুনবগী লমজলে’ শরুক য়ানবা শেম-শারি। অপুনবগী লমজেল অসিদা ময়াম পুম্নমক শরুক য়ানবা ঐনা তকশিল্লি। থা তরুক নৎত্রগা নিংতম্বা ফংদ্রিঙৈ মমাংদা, ১৯৪৭গী জনৱারি ২৭দা, মালেমদা খ্বাইদগী ফাউরবা মেগাজিন ‘তাইম’গী কবর পেজদা সরদার পাতেলগী ফোতো হাপখি।মখোয়গী লিদ স্তোরি অদুদা, মখোয়না ভারতকী মেপ অমা হাপখি; মদু হৌজিক লৈরিবা মেপ অসিগা হায়ফেৎ মান্নখি। মেপ অদু মচেৎ মকাই তারিবা ভারত অমগী মেপনি। মতম অদুদা নিংথৌ পানবা লৈবাক ৫৫০ হেন্না লৈরমখি। বৃতিসনা ভারত পাম্লকখিদে; মখোয়না ভারত অসি মচেৎ মচেৎ থোক্না থুগায়বা পামখি। তাইম মেগাজিন্না মখোয়গী ৱাখল্লোনদা ভারত অসি পারতিসন, মীহাৎ-মীপুন, চাক তাংবা, পোৎ মমল হেনগৎপা অমসুং শক্তি মুন্নবগী খুদোংথিবা থেংনবা য়াই হায়না ফোঙদোকখি। খুদোংচাদবশিং অদুগী মরক্তা, মেগাজিন অদুনা মখোয়গী ওইবা মীৎয়েংদা, লৈবাক অসি পুনশিনবা ঙম্বা অমা লৈরবদি খুদোংচাদবা অসি কোকহনবা ঙমগনি হায়খি, মদু সরদার ভালাবভাই পতেলনা ওইখি।
ৱারি অদুদা ভারতকী য়োৎকি মী অসিগী পুন্সিগী অতোপ্পা ৱারিশিং ফোংদোকখি…১৯২০গী মতমদা মহাক্না অহমেদবাদকী ঈশিং ঈচাউদা তেংবাং থবকশিং পায়খৎখিবা; মহাক্না বারদোলি সৈত্যগ্রহ লুচিংখিবগী ৱারি য়াওখি। মহাক্না পুকচেল শেংনা অমসু থাজবা মাংহন্দনা থবক তৌবদগী লৌমীশিংদগী হৌরগা উদোকপতিশিংনা মঙোন্দা মপুং ফানা থাজবা থমখি। রাজ্যশিং পুনশিনবগী ৱাথোক অসি সরদার পতেল খক্তনা লোইশিনবা ঙমগনি হায়না গান্ধীজিনা খনখি অমসুং থবক অদু পাংথোক্নবা মঙোন্দা শীন্নখি। সরদার পতেলনা পাম্বৈশিং মথং মথং পুথোকখি, অপুনবগী শক্তম অদু লং অমা খক্তদা লেংখি। মহাক্না নিংথৌ পানবা রাজ্যশিং ভারত্তা পুনশিনহনখি। জুনাগাধ, হায়দ্রবাদ, ত্রাভানকোর নৎত্রগা রাজাস্থানগী নিংথৌ পানবা রাজ্যশিং ওইরবদু, হৌজিক ঐখোয়না অপুনবা ভারত অমা উবা ফংলিবা অসি সরদার পতেলগী হৈশিংবা অমসুং লৌশিংননি। ঐখোয়গী লৈবাক, ঐখোয়গী ইমা ভারত অসি অমত্তা ওইবগী ৱাখল অমা ঐখোয়দা য়াউরিবমখৈ সরদার পতেল নিংশিংবা অসি ঐখোয়গী ওইনা তৌফম থোকপনি। চহি অসিগী ওক্তোবর ৩১ অসি অখন্নবা অমা ওইগনি-নুমিৎ অসিদা সরদার পতেলদা ইকায়খুম্নবা উৎপা ওইনা ঐখোয়না লৈবাক্কী মীয়ামদা অপুনবগী মীতম কৎথোক্কনি।
গুজরাতকী নরমাদা তুরেল খোংবালদা খিল্লিবা মীতম অসি স্তেচু ওফ লিবরতিদগী ৱাংবা শরুক অনি হেল্লি। মসি মালেমগী খ্বাইদগী ৱাংবা মীতমনি।ভারতকী লৈমাইদা মালেমগী খ্বাইদগী ৱাংবা মীতম অমা উবদা হৌজিক ভারতমচা খুদিংমক্না চাউথোকচবা পোক্কনি। লমদম অসিগী শেংলবা মপারি সরদার পতেলগী মীতম ঐখোয়গী অতিয়াদসু ঙান্থোইরগনি। ইমা ভারতকী শিংথানিংঙাই ওইরবা থবক অসিগীদমক ভারতমচা খুদিংমক্না চাউথোকচবা পোক্কনি হায়না ঐনা থাজৈ। তশেংনা ,অপুনবগী মীতম অসি য়েংনিংবগী ৱাখল্লোন ভারতমচা খুদিংমক্কী মফমদা মশা মরোমদোক পোকচগনি। মসি লৈবাক শীনবা থুংনা খুৎথেকপা য়ারবা মফম অমা ওইগনি হায়না ঐনা চেৎনা থাজৈ।
নুংশিরবা মরুপশিং, ঙরাং ঐখোয়না ইনফেন্ত্রি দে পাংথোকখ্রে। ভারতকী আমদ ফোর্সতা শরুক য়ারিবা পুম্নমক্কী মফমদা ঐনা কোক নোন্জরি। ঐখোয়গী লান্মীশিংগী ইমু-মনুংদসু ঐনা কোক নোন্জরি। করিগী ঐখোয়না ভারতকী নাগরিক অমা ওইনা ইনফেন্ত্রি দে পাংথোক্লিবনো হায়বা নহাক খঙবরা ? নুমিৎ অসিদা ভারতকী লান্মীশিংনা কাস্মিরদা থুংখি অমসুং তম্পাক অদু লৌশিন্নবা হোৎনবশিংগী মখুৎতগী কনখি। মসিগী থৌদোক অসি সরদার বলাবভাই পতেলগা হকথেংননা মরি লৈনৈ। মমিং লৈরবা আর্মি ওফিসার সাম মনেকশোগী অরিবা ইন্তরভিয়ুগী অমা ঐ পাখ্রে। হায়রিবা ইন্তরভিয়ু অদুদা, ফিল্দ মার্সেল সাম মনেকশোনা মহাক্না কর্নেল ওইরিঙৈ মতমগী থৌদোকশিং নিংশিংখি। হায়রিবা মতম অদুদা কাস্মিরদা মিলিতরি ওপরেসন হৌখি।সফিল্দ মার্সেল সাম মনেকশোনা সরদার পতেলগা মীফম অমা পাংথোকপদা কাস্মিরদা লান্মী থাজিনবা মতম খরা থেংথবগী ৱাফম খন্নখি, সরদার পতেলনা মঙোন্দা মুন্না য়েংলকখি অমসুং ঐখোয়গী লান্মীগ ওপরেসন অদু থেংথবা য়ারোই হায়বগী ৱাফম পুথোকখি অসুং মদু য়াম্না থুনা থবক ওইনা পাংথোকখি। খুদক্তা ঐখোয়গী লান্মীশিং কাস্মিরদা পাইখি… অদুদগী ঐখোয়গী মতৌ করম্না ঐখোয়গী লান্মীশিংনা মাইপাকখিবগে হায়বা ঐখোয়না উরে। ওক্তোবর ৩১ অসি ঐখোয়গী হান্নগী প্রধান মন্ত্রী ইন্দিরা গান্ধী লৈখিদবগী কুমওন থৌরম থোক্লি। ইন্দিরা জিগী মফমদসু ঐখোয়গী ইকায়খুম্নবা উৎচরি।
ঐগী নুংশিরবা ইরৈচাশিং, শান্নবা পামদবা কনা লৈরিবগে ? থৌনা, পাঙ্গল, হৈশিংবা, খাংবা কনবা অসি শান্নবদা য়াম্না মরুওইরি। মখোয় অসিনা শান্নরোই অমগী মগুন চাংয়েং তৌরি…হায়রিবা মগুন মরি অসি লৈবাক অমা শেমগৎনবগী মরুওইবা মচাকশিং ওইরি। করিগুম্বা লৈবাক অমগী নহারোলশিংনা হায়রিবা মগুনশিং অসি চেল্লবদি, লৈবাক অদু শেন-থুম, সাইন্স অমসুং তেক্নোলোজি খক নত্তনা শান্নবগী লমদসু মিংচৎ পুরকপা ঙমগনি। ইকুই কুইদনা ঐনা নিংশিংবা পোৎলম অনি লৈখিঅহানবদা ঐনা, জকারতাদা পাংথোকখিবা এসিয়ান পেরা গেমস ২০১৮গী শরুক য়ারুবা ঐখোয়গী পেরা এথেলেতশিংগা উনবগী খুদোংচাবা অমা ঐনা ফংখি।হায়রিবা এথেলেতশিং অসিনা পুন্না মেদল ৭২ ফংদুনা মমাংদা অমুক্ত ওইখিদ্রিবা মওংদা অনৌবা রেকোর্দ থমদুনা লৈবাক্কী মিংচৎ পুরকখি। হায়রিবা হৈশিংলবা শান্নরোইশিং অসিগা ইশামক্কা উনবগী খুদোংচাবা অমা ফংবা অসি ঐ লাইবক ফবনি। মখোয়গী খুদোংচাদবা ময়াম থেংননবা ৱাশক অমগা লোয়ননা মাইপাকপগী লম্বীদা লাকপা অসি তশেংনা ঐখোয়গী মীয়ামদা ইথিল পীবনি। মসিগা চপ মান্ননা, আর্জেন্তিনাদা পাংথোকখিবা সমর য়ুথ ওলেম্পিকস ২০১৮দা মাইপাক্লবা ঐখোয়গী শান্নরোইশিংগা উনবগী খুদোংচাবা ফংখি। নহাক্না খঙলকপা মতমদা হরাওবা পোক্কনি মদুদি সমর য়ুথ ওলেম্পিক ২০১৮দা ঐখোয়গী নহারোলশিংনা ফজনা শানখি। মিক্স ইভেন্তদা মেদল অহুম ফংবগী মথক্তা গেমস অসিদা ঐখোয়না মেদল ১৩ ফংখি।হন্দক পাংথোকখিবা এসিয়ান গেসমতা ভারতনা খ্বাইদগী ফজনা শানখি। খ্বাইদগী ফবা, অনৌবা, মমাংদা অমুক্ত ওইখিদ্রিবা হায়বা ৱাহৈশিং ঐনা য়াম্না তোইনা শীজিন্নরিবা নখোয়না তারমগনি। মসি নোংম-নোংমগী ফিবম ফগৎলক্লিবা ভারতকী শানবগী অশেংবা ৱারিনি।শানবগী হিরমদা খক নত্তনা অতোপ্পা হিরম কয়াদা ভারতনা অনৌবা রিকোর্দ কয়া থম্লক্লি।নখোয়গী মদুগী খুদম পীরবদা ২০১৮গী পেরা ওলেম্পিক গেমসতা লৈবাক অসিগী সনাগী মেদল ফংলকখিবা পেরা এথেলেত নরায়ন থাকুর ঐনা মমিং পনবা পাম্মী। মহাক পোকপদগী হকচাংগী ফিবম মীমান্নদ্রবনি। মহাক্না চহি ৮ সুরকপা মতমদা মহাক্কী মপা কাইনখি। অদুদগী মহাক চহি ৮ কনা লৈজদ্রবশিংগী লৈফমদা লৈখি। মহাক্না ওর্ফানেজদগী থোরক্লবা মতুংদা হিংনবগীদমক দি তি সিগী বসশিং চাম্বগী থবক তৌখি অমসুং লম্বী মতাইগী অচাপোৎ য়োনফমশিংদা ৱাইতর ওইনা থবক তৌখি। হায়রিবা নরায়ন অদুনা মালেমগী মশান্নগী থৌরমশিংদা ভারতকী মেদল পুরকখি। মসি খক নত্তনা, ভারতকী শানবদা য়াংনা ফগৎলক্লিবশিং অসি য়েংসি। জুনিয়র নৎত্রগা সেনিয়র লেবেলদা ভারতনা জুদো মশানদা হৌজিক ফাউবদা মেদল অমত্তা ফংবা ঙমদ্রি। অদুবু য়ুথ ওলেম্পিকসতা তাবাবী দেবীনা সিলভর মেদল অমা ফংদুনা পুৱারি অমা শেম্লে। চহি ১৬ সুরবী তাবাবী মনিপুরগী খুঙ্গং অমদগীনি।মহাক্কী মপানা শিন্মী অমনি অমসুং মমানা ঙায়োনবীনি। করিগুম্বদা মখোয়গী ইমুংদা চেং ৱান্নবা শেন লৈতবা মতম কয়া য়াউখি। অসিগুম্বা অৱাবা ময়াম অসিনা মহাক্কী থৌনা অমসুং কৎথোকপা অদু মাইথিবা পীবা ঙমখিদে। লৈবাক অসিগী মেদল অমা ফংদুনা মহাক্না পুৱারি অমা শেম্লে। অসিগুম্বা ৱারিশিং অসি মশীং থিঙমদনা লৈরি। পুন্সি খুদিংমক ইথিল কয়াগী হৌরকফম ওইরি। নহাওইরিবা শানরোইশিংগী পামজবা অমসুং কৎথোকপা অসি অনৌবা ভারতকী খুদম অমনি।
নুংশিরবা ঐগী ইরৈচাশিং, ২০১৭দা ঐখোয়না ফিফা অন্দর-১৭ ৱার্ল্দ কপ মাইপাক্নবা শীনখিবা অদু নখোয়না নিংশিংলমগনি। য়াম্না মাইপাকপা তুর্নামেন্ত অমনি হায়না মালেম পুম্নমক্না শিংথাখি। ফিফা অন্দর-১৭ ৱার্ল্দ কপ অদু শানবুংদা লাক্লগা ভাবক মশিং খ্বাইগী য়াম্না য়েংবগী রিকোর্দ থমখি। লৈবাক অসিগী মফম কয়া লৈবা তোঙান-তোঙানবা স্তদিয়মশিংদা ফুতবোলদা ঙাওজবা মীওই লাখ ১২ হেনবনা মেতচশিং য়েংখি অমসুং নহা ওইরবা শানরোইশিংগী পুক্নিং থৌগৎখি।
চহি অসিদসু ঐখোয়না ভুবনেশ্বরদা নুপাগী হোক্কি ৱার্ল্দ কপ ২০১৮ য়ুম্বু ওইবগী খুদোংচাবা ফংলি। হোক্কি ৱার্ল্দ কপ অসি নবেম্বর ২৮দগী দিশেম্বর ১৬ ফাউবা পাংথোক্কনি। গেম অমা হেক্তা শানবা ভারতমচা খুদিংমক নৎত্রগা মশানা অমদা হেক্তা পামজবা খুদিংমক হোক্কী পাম্মি।হোক্কী লমদা ভারতকী সনাগী পুৱারি অমা লৈরি। তুর্নামেন্তস কয়াদা ভারতনা সনাগী মেদল ফংখ্রে অমসুং ৱার্ল্দ চেম্পিয়ন অমুক্তং ওইখ্রে।
ভারতনা অফাউবা হোক্কি শানরোই কয়া পুথোকখ্রে। হোক্কীগী ৱারি শানরকপা মতমদা, হায়রিবা অফাওবা মীওইশিং অসি পন্দ্রবদি ৱারি অদু মপুংফারোই। হোক্কী শক্নাইরবা মেজোর ধ্যান চান্দ অসি মালেমদা মমিং চৎলি। বলবিল সিংহ সেনিয়র, লেসলি ক্লাউদিয়স, মহমদ সহিদ, উত্তম সিংহ, ধন রাজ পিল্লাই পনবা য়াই। ঙসিসু, তিম ইন্দিয়ানা মখোয়গী থবক কন্না শুবা অমসুং চপ য়ুংনা হোৎনবশিং অদুনা নহা ওইরিবা কয়া পুক্নিং থৌগৎলি।
মসিগী তুর্নামেন্ত অসি শানবা পামজবশিংনা কৃক-কৃক ইন্ননা শানবা মেতচশিং য়েংনবগী য়াম্না ফরবা খুদোংচাবা অমনি। ভুবনেশ্বরদা চৎপীয়ু অমসুং তিম ইন্দিয়া পুক্নিং থৌগৎপীয়ু অমসুং মদুদা য়াউরিবা তিমশিং থৌগৎপীয়ু। ওদিসা অসি পুৱারিদা মফম অমা কল্লিবা অমসুং ইনাক খুল্লবা কলচর লৈজবা মফম অমনি। রাজ্য অসিগী মীয়াম তিন্নবা নুংঙাইবা ঙাক্তনি। মসি শানবা পামজবশিংনা ওদিসা য়েংনবগী খুদোংচাবা অমনি। মখোয়না মালেমদা মমিং লৈরবা শেংলবা মফমশিং হায়বদি কোনার্ক সন তেম্পল, পুরিগী লোর্দ জগনাথ তেম্পল অমসুং চিলকা পাৎ অসি মফম অদুদা শানগদৌরিবা গেমশিংগা লোয়ননা য়েংবা য়াগনি।মসিগী তুর্নামেন্ত অসিদা শরুক য়ারিবা ঐখোয়গী নুপাগী হোক্কি তিমদা ঐনা য়াইফ পাউজেল পীজরি অমসুং ভারতমচা ক্রোর ১২৫না মখোয় শৌগৎকনি হায়না ঐনা থাজবা পীরি। তুর্নামেন্ত অসি শরুক য়ানবা মালেমগী লৈবাক কয়াদগী লাক্লিবা তিমশিংদা ঐনা য়াইফ পাউজেল পীজরি।
নুংশিরবা ঐগী ইরৈচাশিং, খুন্নাইগী থবক মতেং পাংনবা মীয়াম্না চোংথোরকলিবা অসি তশেংনা পুক্নিং থৌগৎনিংঙাইনি। চহি কয়াগী মমাংদগী ‘থবক্না অথোইবনি’ হায়বা অসি ভারতকী চৎনবী অমা ওইদুনা লাকলি অমসুং মসিগী চৎনবী অসিগী মনম ঙসিদি হিরম খুদিংমক্তা ঐখোয়না ফংবা ঙম্লে। অদুবু ঙসিগী অনৌবা মতম অসিদা, অনৌবা মীরোলনা অনৌবা লম্বীদা অনৌবা থৌনাগা লোয়ননা মখোয়গী অনৌবা মঙলান মঙফাউননবা মাংদা থোরকলি।
হন্দক, ‘সেল্ফ4সোসাইতি’ কৌবা পোর্তেল অমা হাংদোকপগী থৌরম অমা ঐ শরুক য়াখি অমসুং লৈবাক অসিগী মাইগোভ অমসুং আই তি এন্দ ইলেকত্রোনিক্স উদোকনা মসিগী পোর্তেল অসি মখোয়গী ইমপ্লোয়িশিং মীয়ামগী থবক তৌনবা পুক্নিং থৌগৎনবা অমসুং মদুগী খুদোংচাবা পীনবা হৌদোকপনি। মখোয়গী কৎথোকপা অমসুং হৈনিংবা অদু ভারতমচা খুদিংমক চাউথোকচবা পোক্কনি।
মসিদা আই তিগী কান্নবা খুন্নাইদা য়ৌহনবা, ঐ খক নত্তবা ঐখোয়, লনাইদগী মীয়াম থবক হায়বা ৱাখল্লোন অসি য়াওরি। কনাগুম্বা অমনা অহলশিং লাইরিক তম্বীরি, কনাগুম্বনা লু-নানবগী কেম্পেনদা শরুক য়ারি ,কনাগুম্বনা লৌমীশিং মতেং পাংলি। হায়রিবা থবকশিং অসিগী মরমদা লনাই খুদোংচাবা লৌনবা ৱাফম অমত্তা য়াওদে অমসুং মসি তশেংনা কৎথোকপা অমসুং ৱারেপ অমা লৌরকপদগী লমজিংখিবনি। নহা অমনা হুইলচেয়র বাস্কেত বোল শান্নবা তমদুনা শোইনাইরবশিংদা হুইলচেয়র বাস্কেত বোল শান্নবা তাকপীনবা হোৎনখি। মসিগী কৎথোকপা, মসিগী ৱাখল্লোন অসি পান্দম অমগী মখাদা পায়খৎপা থবক্নি। মসিনা ভারতমচা খুদিংমক চাউথোকচবা পোক্লোইদ্রা। ‘ঐ নত্তে ঐখোয়’ হায়বা ৱাখল্লোন অসিনা ঐখোয় খুদিংমক শোইদনা ইথিল পীগনি।
নুংশিরবা ঐগী ইরৈচাশিং, মন কী বাদকীদমক ঐনা নখোয় ময়ামদগী পাউতাক লৌবা মতমদা, পুদুচেরিদগী মনিস মহাপত্রাদগী য়াম্না নুংঙাইরবা পাউতাক অমা ঐনা তাখি। মাইগোভতা মহাক্না ইরকখি – ত্রাইবশিং অমসুং মখোয়গী চৎনবীশিং অমসুং লাইশিন-তিনশোলগী থবকশিং অসি মহৌশাগা পুন্না হিংমিন্নবগী খ্বাইগী ফবা খুদমশিং মতৌ করমনা ওইবগে হায়বগী মতাংদা মন কী বাদকী তোপীক অমা ওইনা লৌখৎপীয়ু। তুংকোইনা চৎনগদবা চাউখৎপা ঐখোয়না ফংনবা অমসুং মখোয়গী চৎনবীশিং তম্নবা মতৌ করম্না ঐখোয়না মখোয়গী চৎনবীশিং লৌশিনবা দরকার ওইবগে হায়বা খঙবা তাই। মন কী বাদ তারিবশিংগীদম অসিগুম্বা হিরমশিং নহাক্না পুখৎলকপগীদমক ঐনা মনিস জি থাগৎচরি। মসি ঐখোয়গী থায়নগী চৎনবীশিংনা ঐখোয়দা পীরিবা ইথিল অদু হনগৎনা য়েংনবগী হিরম অমনি। ঙসিদি মালেম পুম্বনা অমসুং নোংচুপলোমগী লৈবাকশিংনা অকোয়বগী ফিবম ঙাক-শেন্নবা খন্নরি অমসুং অনৌবা অফবা পুন্সি মহিং অমা ফংনবা লম্বীশিং থিরি। ঐখোয়গী লৈবাকশু মসিগী খুদোংচাদবা মায়োক্নরি।অদুবু মসিগী পাম্বৈশিং থিনবা ঐখোয়না ঐখোয়গী ইনাক খুল্লবা চৎনবীশিং অমসুং মরুওইনা ঐখোয়গী ত্রাইবেলশিংগী চৎনবীশিং খঙগদবনি। মহৌশাগা য়াম্না নক্ননা হিংবা অসি ত্রাইবেল কাংলুপগী থাদোক্নবা য়াদ্রবা শরুক অমনি। ঐখোয়গী ত্রাইবেল ইচিন-ইনাওশিংনা উশিং, পাম্বীশিং অমসুং লৈশিং লাইরেম্বা অমসুং লাইরেম্বীশিং ওইনা লাৎলি।
ময়াই থংবা ভারতকী বিল ত্রাইবশিং অমসুং মৈধ্য প্রদেস অমসুং ছতিসগরগী ত্রাইবশিংনা খোঙনাং অমসুং আর্জুন উ অসি ধর্ম্মগী উ ওইনা লাৎলি। রজাস্থানগী লৈকংলাগী বিসনোই কাংলুপনা মতৌ করম্না অকোয়বগী ফিবম ঙাক-শেনবগে হায়বা ঐখোয়দা তাক্লি।
মরুওইনা উ কন্নবা ,মখোয়না মখোয়গী থৱায় ফাউবা থাবা পাম্মি অদুবু উ অমফাউবা মাংহন্নবা হোৎনরকপদা তুমিন্না খাংদুনা লৈথোকপা ঙমদে। অরুনাচল প্রদেসকী মিসমি ত্রাইবনা মখোয়গা কৈগা মরি থোক্নৈ হায়না ক্লেম তৌরি। মখোয়না কৈ অসি মখোগী মচিন-মনাউশিংগুম লোয়নরি। নাগালেন্দসু কৈ অসি মখোয়গী ঙাকপী শেনবীনি হায়না লৌনরি। মহারাস্ত্রাগী ৱারলি কাংলুপকী মীওইশিংনা কৈ অসি মখোয়গী অতিথিনি হায়না খল্লি অমসুং কৈ লৈবা অসি মখোয়গী নুংঙাইবগী খুদমনি হায়না খল্লি। ময়াই থংবা ভারত্তা লৈবা কোল কাংবুগী মীওইশিংনা মখোয়গী লাইবক অসি কৈগা হক থেংননা মরি লৈনৈ হায়না থাজৈ অমসুং করিগুম্বা কৈগী চানবা লৈত্রবদি মখোয় চারা হেনগনি হায়না থাজবা অমা লৈ। ময়াই থংবা ভারতকী গোন্দ ত্রাইবশিংনা মরুক কোকপা মতমদা কাইথান তুরেলগী শরুক খরদা ঙা ফাবা য়াদে। মফম অদু ঙা ঙাক-শেন্দুনা লৈনবা মফমনি হায়না মখোয়না খল্লি অমসুং মখোয়গী থাজবা অদুনা মখোয়না ঙা মরাং কাইনা ফাবা ফংখি। ত্রাইবেলগী মীওইশিংনা মখোয়গী লৈনবা য়ুমশিং মহৌশাদা ফংবা পোৎলমশিংনা শাই। খা-ভারতকী নিলগিরি প্লেতুদা কোইচৎ-চৎপা তোদা কাংলুপকী মীওইশিংনা অকোয়বদা ফংবা পোৎলমশিং খক্তনা য়ুম শাই।
মরুপশিং, ত্রাইবেলশিংনা নুংশিননা হিংমিন্নবদা অচেৎপা থাজবা লৈ অদুবু করিগুম্বদা কনাগুম্বনামখোয়গী মহৌশাদা ফংবা লনশিং মাংহন্নবা হোৎনরক্লবদি মখোয়গী হকশিং ফংনবা শিবা কিনদনা থেংনগনি। ঐখোয়গী নিংতম লান্মীশিং অসি ঐখোয়গী ত্রাইবেল কাংলুপকী থৌনা ফরবা মীওই কয়ানি। মখোয়গী উমংগী লম বৃতিসকী মখূৎতগী কন্নবা লান্থেংনখিবা ভগৱান বিরসা মুন্দা কনানা কাউবা ঙমগনি।
মরুপশিং, মন কী বাদতা ঐখোয়না খুন্নাইগী য়াইফনবা অখন্নবা থবক তৌবা মীওইশিং অমসুং লুপশিংগী মরম ৱা ঙাংলি। হায়রিবা থবকশিং অদু য়েংবদা অপীকপা ওইরম্বা য়াই অদুবু ঐখোয়গী ৱাখল্লোনদা অচৌবা ঈথিল পী অমসুং খুন্নাইগী অনৌবা মাইওন অমা তাকপা ঙম্মী।নুমিৎ খরনিগী মমাংদা ঐনা পঞ্জাবকী লৌমী গুরবচন সিংহ জিগী ৱারি অমা তাখি। থবক কন্না শুবা লৌমী গুরবচনগী মচানুপা অসি লুহোংগদৌরম্মী। কৈন্য অদুগী মমা-মপাদা গুরবচন্না লুহোংবা অদু ধর্ম্ম ওইবা মওংদা চম্না পাংথোক্নবা হায়খি। লুহোংবগী ময়াম ওকপগী নৎত্রগা পোৎ-চৈ লৈবগী শেন য়াম্না চাদিং তৌবগী দরকার ওইদে। থৌরম অদু ইচম চম্না পাংথোক্কদবনি।ইখং-খঙহৌদনা মহাক্না হায়খি, লুহোংবা অসি তৌদবা য়াদবা অমদি লৈরি।
হৌজিক্কী মতম অসিদা তঙাইফনা তৌদবা য়াদবা থবক অমা হায়রবদি কৈন্যগী ইমুং অসিনা পুবা থাংবা ঙম্লোইদবা দিমান্দ তৌবা অসিনি। খুন্নাইগী কান্নগদবা মওংদা ভাই গুরবচন্না কৈন্যাগী মপাদা তৌরকখিবা দিমান্দ তাবদা নহাক অঙকপা পোক্কনি।
মখোয়গী লৌবুক্তা চরু মৈ থারোই হায়না ৱাশক্নবা মহাক্না কৈন্যাগী মপাদা হায়খি। গুরবচন জিনা হায়রিবা ৱাফম অসি ইচম-চম্লম্বদি য়াই অদুবু মহাক মতিক-মগুন কয়া য়াম্না লৈবগে হায়বদু খঙলে অমসুং মখোয়গী লনাই ওইবা থবকশিং অদুনা খুন্নাইগী ওইনা কান্নবা পীবা ইমুং কয়া ঐখোয়গী খুন্নাই অসিদা লৈরি।গুরবচন জিগী ইমুংনা অসিগুমবা খুদম অমা ঐখোয়দা উৎলে। পঞ্জাবকী নভা ময়াদা লৈবা কাল্লারমাজারা খুঙ্গংগী ৱারি অমা ঐনা পাখ্রে।
লৌমীশিংনা চরু মৈ থাবগী মহুৎতা মখোয়গী লৌবুক্তা চরু অদু লৈঙোইগা য়ানশিন্নবদগী কাল্লারমাজারা অসি মীয়াম্না মশক খঙলকপনি। অকোয়বগী ফিবম অসি শেংনা থম্নবা ভাই গুরবচন সিংহ জী অমসুং কাল্লারমাজারানা হোৎনরিবশিং অসিগীদমক ঐনা থাগৎচরি।নখোয় পুম্নমক্না ভারতকী অফবা পুনসি মহিংগী চৎনবীশিং অসি ঙাকতুনা চৎলি।অপীকপা ঈশিং মরিকশিংনা সমুদ্রা শেম্বগুম, মসিগা মান্নবা অপীকপা থবকশিংনা অফবা ইনভাইরোনমেন্ত অমা শেমগৎনবা মরুওইবা থৌদাং লৌরি।
ঐগী নুংশিরবা ইরৈচাশিং, ঐখোয়গী ক্যাবশিংদা হায়রি:-
হে ভগাবান,লোকাস অহুমদা শান্তি ফংগনি, ঈশিংদা, নুংশিৎতা,অতিয়াদা, মৈদা,নুংশিৎতা,হিদাক-লাংথক্তা,মনা-মশিংদা, লৈকোলদা, ৱাখলদা, মালেমগী খুৎশেমদা। থৱায় খুদিংমক, থম্মোয় খুদিংমক, ঐঙোন্দা, নঙোন্দা, পোৎ খুদিংমক্তা অমসুং মালেমগী মফম খুদিংদা শান্তি পীবীয়ু। ঔম শান্তি: শান্তি :শান্তি:
মালেমগী শান্তি থম্নবা ৱারি শানরকপা মতমদা, ভারতকী মমিং অমসুং থৌদাং অসি সনাগী ময়েক্না ইদুনা লৈহৌরগনি।ভারতকী ওইনা চহি অসিগী নবেম্বর ১১ অসি অখন্নবা অমনি মরমদি চহি ১০০গী মমাংদা নবেম্বর ১১দা মালেমগী অহানবা লাঞ্জাউ লোইশীনখি। লাল অদু লোইশিনখিবা চহি ১০০ মপুং ফাবা অসিনা তাক্লি মদুদি মীওইবগী পুন্সি পাকচাউনা মাংহনবা সেন্চুরি অদু লোইশিনখ্রে। ভারতকী ওইনা মালেমগী অহানবা লাঞ্জাউ অসি য়াম্না মরুওইবা অমা ওইখি। চুম্না হায়রবদি লান অদুগা ঐখোয়গা হকথেংননা মরি লৈনদে। অদুবু ঐখোয়গী লান্মীশিংনা থৌনা ফনা লান থেংনখি অমসুং থৱায় কৎখি। লান মতমদা মখোয় কনাগী মথংদা লৈতে হায়বদু লান অদুদা ভারতকী লান্মীশিংনা উৎখি।
খুদোংথিবা মফমশিং অমসুং অকিবা মতমদা ঐখোয়গী লান্মীশিংনা অঙকপা থৌনা উৎখি।মসিগী মরুমদা পান্দম অমা খক লৈরি-শান্তি হনজিহন্নবা। মালেমগী অহানবা লাঞ্জাউনদা মীওই কয়া শিখি অমসুং অমাং-অতা থোকখি। চাউরাক্না লান্মী ক্রোর ১ রোম শিখি অমসুং মসিগা মশিং মান্নবা মীচমশিং শিখি। মসিনা মরম ওইদুনা মালেম পুম্বনা শান্তিগী মরুওইবা অদু খঙখি।হৌখিবা চহী ১০০ অসিদা শান্তিগী ৱাহন্থোক অসি হোংলে। ঙসিদি শান্তি হায়বসি সুপ্নগী লাল তৌদবা অদু খক নত্তে। তেরোরিজম, ক্লাইমেত চেন্জ, চাউখৎপা, খুন্নাইগী অচুম্বা পুরক্নবা ঐখোয় পুন্না থবক তৌমিন্নবা দরকার ওইরি। খ্বাইদগী লায়রবশিং ফিবম ফগৎহনবা অসি অশেংবা শান্তিগী খুদমনি।
ঐগী নুংশিরবা ইরৈচাশিং, অৱাং-নোংপোক অসি মখোয় মশাগী ওইবা অঙকপা মগুন অমা লৈ। অৱাং-নোংপোক্কী মহৌশাগী ফজবা অসি লাম্বা লৈতে অমসুং লমদম অসিগী মীয়াম অসি য়াম্না হৈ-শিংই। হৌজিক ঐখোয়গী অৱাং-নোংপোক অসি অফবা থবকশিংগী মশক খঙলে।অৱাং-নোংপোক অসি ওর্গানিক ফারমিংদা ফজনা খুমাং চাউশীল্লিবা লমদম অমনি।তুংকোইনা চৎনগদবা চানবা চীঞ্জাক পুথোকপদা পুক্নিং থৌগৎপগীদমক নুমিৎ খরনিগী মমাংদা সিক্কিম্না লেমজনিংঙাই ওইরবা পোলিসি গোল্দ এৱার্দ ,২০১৮ ফংলে। মনা অসি য়ু এনগী বোদি ‘ফুদ এন্দ এগ্রিকলচর ওর্গনাইজেসন’-ফাউনা পীবনি। খ্বাইগী ফবা থৌশিল থৌরাংগী মনা অসি হিরম অসিদা ওস্কারগুম্বনি হায়সি খঙবদা নহাক অঙকপা পোক্কনি। মসিগী মথক্তা, ঐখোয়গী সিক্কিমনা মনা অসি ফংনবা লৈবাক ২৫গী নোমিনেসন ৫১ মাইথিবা পীখি।মসিগীদমক ঐনা থম্মোয় শেংনা সিক্কিমগী মীয়াম থাগৎলি।
ঐগী নুংশিরবা ইরৈচাশিং,ওক্তোবর থা লোইশিল্লক্লে। অইং-অশা হোংলকপা হৌরে। নিংথম থা চংলক্লে অমসুং অইং-অশা হোংলকপগা লোয়ননা কুম্মৈশিং-ধন্তেরস, দিপাৱালী, ভাইধুজ, ছৎলেংদুনা লৈরে। নবেম্বর থা অসি কুম্মৈগী থা হায়না কৌনবা য়াই। কুম্মৈশিং অসিগীদমক ঐনা ইরৈচাশিংদা য়াইফ পাউজেল পীজরি।
নশাগী চেকশিন থৌরাং লৌনবা অমসুং অনা-অয়েক য়াউদনবা অমসুং খুন্নাইগী থবকশিংদা চেকশিন্নবা ঐনা হায়জরি। হায়রিবা কুম্মৈশিং অসিদা অনৌবা ৱারেপ কয়া লৌগনি হায়না ঐনা থাজৈ।নহাক্কী চাউখৎপা অসি লৈবাক্কী চাউখৎপনি।নহাক্না হেন্না চাউখৎলবদি লৈবাক অসি হেন্না চাউখৎকনি। নখোয় পুম্নমক্তা ঐগী য়াইফ পাউজেল পীজরি। থাগৎচরি।
This 31st October, Let us 'Run For Unity': PM#MannKiBaat pic.twitter.com/O4vWDInmNP
— PMO India (@PMOIndia) October 28, 2018
A @TIME Magazine story from 1947 on Sardar Patel gave us various insights: PM #MannKiBaat pic.twitter.com/AKRyOJBC3w
— PMO India (@PMOIndia) October 28, 2018
इस 31 अक्तूबर को सरदार पटेल की जयन्ती तो और भी विशेष होगी - इस दिन सरदार पटेल को सच्ची श्रद्धांजलि देते हुए हम Statue of Unity राष्ट्र को समर्पित करेंगे : PM#MannKiBaat pic.twitter.com/BH25j2LqYn
— PMO India (@PMOIndia) October 28, 2018
कल ही हम देशवासियों ने ‘Infantry Day’ मनाया है |
— PMO India (@PMOIndia) October 28, 2018
क्या आप जानते हैं कि हम सब हिन्दुस्तान के नागरिक ये ‘Infantry Day’ क्यों मनाते हैं: PM#MannKiBaat pic.twitter.com/gwOV87d6MJ
खेल जगत में spirit, strength, skill, stamina - ये सारी बातें बहुत ही महत्वपूर्ण हैं |
— PMO India (@PMOIndia) October 28, 2018
यह किसी खिलाड़ी की सफलता की कसौटी होते हैं और यही चारों गुण किसी राष्ट्र के निर्माण के भी महत्वपूर्ण होते हैं : PM pic.twitter.com/zBotJPF6md
इस वर्ष भारत को भुवनेश्वर में पुरुष हॉकी वर्ल्ड कप 2018 के आयोजन का सौभाग्य मिला है | Hockey World Cup 28 नवम्बर से प्रारंभ हो कर 16 दिसम्बर तक चलेगा |
— PMO India (@PMOIndia) October 28, 2018
भारत का हॉकी में एक स्वर्णिम इतिहास रहा है : PM pic.twitter.com/Uaz01HzDqX
पिछले दिनों मैं एक कार्यक्रम में गया था जहाँ एक portal launch किया गया है, जिसका नाम है- ‘Self 4 Society’.
— PMO India (@PMOIndia) October 28, 2018
इस कार्य के लिए उनमें जो उत्साह और लगन है उसे देख कर हर भारतीय को गर्व महसूस होगा: PM pic.twitter.com/TwZTIQD3pp
IT to Society,
— PMO India (@PMOIndia) October 28, 2018
मैं नहीं हम,
अहम् नहीं वयम्,
स्व से समष्टि की यात्रा की इसमें महक है: PM pic.twitter.com/jPNIuAenec
आज सारा विश्व पर्यावरण संरक्षण की चर्चा कर रहे हैं और संतुलित जीवनशैली के लिए नए रास्ते ढूंढ रहे हैं |
— PMO India (@PMOIndia) October 28, 2018
प्रकृति के साथ सामंजस्य बनाकर के रहना हमारे आदिवासी समुदायों की संस्कृति में शामिल रहा है
हमारे आदिवासी भाई-बहन पेड़-पौधों और फूलों की पूजा देवी-देवताओं की तरह करते हैं : PM pic.twitter.com/updxxuAaZc
यह आश्चर्य की बात नहीं है कि हमारे सबसे पहले स्वतंत्र सेनानियों में आदिवासी समुदाय के लोग ही थे |
— PMO India (@PMOIndia) October 28, 2018
भगवान बिरसा मुंडा को कौन भूल सकता है: PM pic.twitter.com/URgNsCUfKR
जब कभी भी विश्व शान्ति की बात होती है तो इसको लेकर भारत का नाम और योगदान स्वर्ण अक्षरों में अंकित दिखेगा : PM#MannKiBaat pic.twitter.com/ntPB9yaYXp
— PMO India (@PMOIndia) October 28, 2018
हमारे North East की बात ही कुछ और है |
— PMO India (@PMOIndia) October 28, 2018
पूर्वोत्तर का प्राकृतिक सौन्दर्य अनुपम है और यहाँ के लोग अत्यंत प्रतिभाशाली है |
हमारा North East अब तमाम best deeds के लिए भी जाना जाता है : PM pic.twitter.com/2bNXEc5Dq6
