প্রধান মন্ত্রী নরেন্দ্র মোদীনা ময়াই তাংবল লৌদুনা ভিদিও কনফরেন্সকী খুত্থাংদা তোঙান তোঙানবা এম্পাৱর্দ গ্রুপশিংনা মথৌ তৌরিবা অসি য়েংশিন্নবা মীফম অমা পাঙথোকখ্রে।
ইকনোমিক এন্দ ৱেলফিয়রগী এম্পাৱর্দ গ্রুপনা পি.এম. গরিব কল্যান অন্ন য়োজনা এক্সতেন্দ তৌনবা লৌখৎখিবা অসিগুম্বা খোঙথাংশিংগী মতাংদা পি.এম.দা প্রজেন্তেসন অমা উৎখ্রে। মসিদা ৱন নেসন ৱন রেসন কার্দকী থৌরাংনা পোর্তেবিলিতী লৈহনখিবনা মরম ওইদুনা মীয়ামদা হেন্না কান্নবা ফংহল্লে হায়না থমখ্রে। ফ্রন্তলাইন হেল্থ ৱার্করশিংগী ইন্সুরেন্স স্কীম অসি অতোপ্পা থা ৬ অমগা শাংদোকহনখ্রে। পি.এম.না কেন্দ্র সরকারদা সমস্যা অমত্তা থোকহন্দনা লায়রবশিংদা লেম্না ফংহল্লিবা চেং-হৱাইশিংগী কান্নবশিং ফংহন্নবা রাজ্য সরকারশিংগা খুৎশম্নদুনা থবক পাইখৎমিন্নবা পাউতাক পীখ্রে। পি.এম.না পন্দুনা লৈরিবা ইন্সুরেন্স ক্লেমশিংগী সেত্লমেন্ত থুজিনহন্নবা খোঙথাংশিং লৌখৎতুনা লৈখিদ্রবশিংগী দিপেন্দেন্তশিংদা মতম চান্নবা কান্নবশিং পীথোক্নবসু খঙহনখ্রে।
সপ্লাই চেন অমসুং লোজিস্তিক্স মেনেজমেন্ত হেনগৎহন্নবগা মরী লৈনবা সমস্যাশিংগী মতাংদা এম্পাৱর্দ গ্রুপনা লাইচৎ অসি লাইশিন্নবা লৌখৎখিবা থৌরাংশিংগা মরী লৈনবা তোঙান তোঙানবা এদভাইজরীশিংগী মতাংদা প্রজেন্তেসন অমা পীখ্রে। পি.এম.না সপ্লাই চেন্দা অপনবশিং থোক্তনবা পোৎচৈশিং লেপ্পা লৈতনা পুথোক-পুশিন তৌনবা পুম্নমক্তা কান্নগদবা মওংদা থৌরাং তৌনবা ওফিসিএলশিংদা পাউতাক পীখ্রে।
প্রাইবেৎ সেক্তর, এন.জি.ও.শিং অমসুং ইন্তরনেস্নেল ওর্গনাইজেসনশিংগা পুন্না থবক তৌমিন্নরিবা এম্পাৱর্দ গ্রুপনা প্রাইবেৎ সেক্তর, এন.জি.ও.শিং অমসুং ইন্তরনেস্নেল ওর্গনাইজেসনশিংগা লোইননা খোঙলোই ওইদুনা সরকারনা করম্না থৱায় য়াওনা থবক তৌমিন্নবগে হায়বগী মতাংদা পি.এম.দা পাউদমখ্রে। সিভিল সোসাইতীদগী ভোল্যুন্তিয়রশিংবু নন-স্পেসিএলাইজ ওইবা থবকশিংদা শরুক য়াহনদুনা হেল্থকিয়র সেক্তরগী পোৎলুম অসি করম্না হন্থহনবা য়াবগে হায়বগী মতাংদা পাম্বৈশিং খঙদোক্নবা ওফিসিএলশিংদা খঙহনখ্রে। এন.জি.ও.শিংনা অনাবশিং, মখোয়গী দিপেন্দেন্তশিং অমসুং হেল্থ কিয়র পর্সনেলগী মরক্তা লাইন ওফ কম্ম্যুনিকেসন থম্বদা মতেং পাংবা য়াবগে হায়বগী মতাংদা খন্নখ্রে। হোম ক্বারেন্তিনদা লৈরিবা মীওইশিংগা লোইননা পাও ফাওনবদা এক্স সর্ভিসমেনশিংনা কোল সেন্তরশিং হেন্দল তৌহনবসু য়াগনি।
