প্রধান মন্ত্রী, শ্রী নরেন্দ্র মোদীনা হায় মদুদি কেবদিয়াদা মাইকৈ খুদিংদগী রেলৱেনা য়ৌশিনবা অসি নিংশিংনিঙাই ওইবা মিকুপ অমা ওইদুনা মীপুম খুদিংদা চাওথোকচনিঙাই ওইরি। শ্রী মোদীনা লৈবাক অসিগী তোঙানবা মফম কয়া অমদগী ত্রেন নিপাল গুজরাতকী কেবদিয়া ফাওবা শম্ননবা লমথাখ্রবা মতুংদা ৱা ঙাংখি অমসুং ভিদিও কনফরেন্সকী খুত্থাংদা রেলৱেজগা মরী লৈনবা প্রোজেক্ত কয়া অমা স্তেত অসিদা হৌদোকখি।
প্রধান মন্ত্রীনা, অনৌবা শম্নবশিং অসি তাকখি মদুদি কেবদিয়া অমসুং চেন্নাই, বরানাসি, রেৱা, দাদর অমসুং দিল্লী মরক্তা লোয়ননা কেবদিয়া অমসুং প্রতাপনগর মরক্কী এম.ই.এম.য়ু. সর্বিস অমসুং দাভোই-চান্দোদকী শাংলবা মফমশিং অমসুং চান্দোদ-কেবদিয়া মরক্কী অনৌবা লাইন হায়রিবা অসিনা কেবদিয়া চাওখৎপদা অনৌবা পন্দুপ অমা ওইরগনি। মসিনা লমকোইবশিং অমসুং মফম অসিগী অদিবাসি অনিমক কান্নহল্লগনি অমসুং মসিনা মশাগী ওইবা থবক অমসুং অতৈ থবক্কী মফম অমা ওইরগনি।
রেলৱে লাইন অসিনা থাজবা মফমশিং হায়বদি কর্নালি, পোইচা অমসুং নার্মাদাদা গারুদেশ্বারদা কন্নেক্সন পীরগনি।
