সিঙ্গাপুরগী সেনিয়র মিনিস্তর অমসুং সোসিএল পোলিসীশিংগী কোওর্দিনেতিং মিনিস্তর শ্রী থরমন শানমুগরাত্নমনা ঙসি প্রধান মন্ত্রী শ্রী নরেন্দ্র মোদীগা উনখ্রে।
প্রধান মন্ত্রীনা শ্রী শানমুগরাত্নমবু ভারত্তা তরাম্না ওকখি অমসুং শ্রী শানমুগরাত্নম অমসুং মহাক্কী খুত্থাংদা সিঙ্গাপুরগী প্রধান মন্ত্রী শ্রী লী সিয়েন লুংবু অনৌবা চহীগী য়াইফ পাউজেল পীখি।
প্রধান মন্ত্রী অমসুং শ্রী শানমুগরাত্নমনা নাকল অনিগী ওইবা মরীশিংদা লেপ্পা লৈতনা খুমাং চাউশিল্লিবা অসিদা অপেনবা ফোংদোকখি। মখোয়না ইনফ্রাস্ত্রকচর, স্কিলস, ইন্দিয়া-সিঙ্গাপুর কমপ্রেহেন্সিব ইকোনোমিক কোওপরেসন এগ্রীমেন্ত (সি.ই.সি.এ.) অমসুং দিজিতেল ইকোনোমী য়াওনা ইকোনোমিক কোওপরেসনগী মওং মতৌশিংদা ম্যুচেল ইন্তরেস্তকী হিরম কয়াদা খন্ন-নৈনখি। শ্রী শানমুগরাত্নমনা ভারতকী সোসিএল ত্রান্সফোর্মেসন অমসুং দিজিতেল ইকোনোমীবু পুক্নিং থৌগৎপগীদমক প্রধান মন্ত্রী শ্রী নরেন্দ্র মোদীগী লীদরশিপপু থাগৎপা ফোংদোকখি।
প্রধান মন্ত্রীনা ইনফ্রাস্ত্রকচর, তুরিজম, দিজিতেল পেমেন্ত সিস্তেমশিং, ইনোভেসন অমসুং গোবর্নান্সকী লমশিংদা ভারত অমসুং সিঙ্গাপুরগী মরক্তা মখা তানা তেংবাং পীনবা হেঙ্গৎহন্নিংবগী অপাম্বসু ফোংদোকখি।
