কেন্দ্রগী মন্ত্রীমন্দলনা ঙসি ২০২৬কী জুন ১০ অসি ভারতকী দেমোক্রেসীগী খোঙচৎতা পুৱারী ওইরবা মায় পাকপা অমা ওইনা ৱারেপ অমা পাস তৌরদুনা লৈবাক অসিগী খ্বাইদগী শাংনা প্রধান মন্ত্রী ওইবগীদমক শ্রী নরেন্দ্র মোদীবু থাগৎপা ফোংদোকখ্রে। মীখলদা খল্লবা প্রধান মন্ত্রী অমা ওইনা নুমিৎ ৪,৩৯৯ লেপ্তনা সেবা তৌবগী রেকোর্দ অমা শেমদুনা মহাক্না শ্রী জৱাহরলাল নেহরুনা ১৯৫২দগী ১৯৬৪ ফাওবা লেপ্তনা নুমিৎ ৪,৩৯৮ পায়খিবা অদুদগী হেন্না শাংবা ওইরে। ৱারেপ অদুদা হায়খি মদুদি থৌরম অসি ভারতকী গনতন্ত্রগী ৱাখল্লোন, মীয়ামগী থাজবা অমসুং মীয়ামগী শরুক য়াবগী শক্তিগী খুদম অমনি। মসিনা 'নেসন ফার্স্ত'কী ৱারেপ্না লমজিংবা লুচিংবা অমগীদমক মীয়াম্না মমাংদা অমুক্তা ওইখিদ্রিবা মওংদা মতেং পাংখিবা অদু উৎলি।
প্রধান মন্ত্রীবু থম্মোয় শেংনা থাগৎপা ফোংদোক্লদুনা অমসুং য়াইফ-পাউজেল পীদুনা ৱারেপ অসিদা হায়খি মদুদি মসিগী মাইপাকপা অসি এন.দি.এ. সরকারনা মহাক্কী লুচিং মখাদা চহি ১২ মপুং ফারকপগা মান্নৈ। প্রধান মন্ত্রীনা সরকারগী মকোক ওইদুনা চহী ২৫গী কন্তিন্যুস সর্বিসকী পুৱারী ওইরবা তাঙ্কক অদু য়ৌরক্লে হায়নসু পনখি। সেন্সিতিবিতী, খাঙবা কনবা, ইন্তেন্ত, অমসুং দিসাইসিবনেসনা মশক তাকপা লুচিংবা অমগীদমক চাউথোকচবা ফোংদোক্লদুনা ওফিসিএল তেক্সতনা হায়রি মদুদি লৈবাক অসিনা চহী তরাগী মতুংদা এন.দি.এ. সরকারদা মথং-মনাও নাইনা অহুমশুবা তর্মগীদমক মেন্দেত অমা পীরে।
প্রধান মন্ত্রীগী পুন্সি অসি সেবা অমসুং জাতি শেমগৎপদা লেপ্পা লৈতনা কত্থোকপগী খুদম অমনি হায়না পল্লদুনা, তেক্স অসিনা 'সবকা সাথ, সবকা বিকাস'গী মন্ত্রদা পুক্নিং চিংশিনবা "প্রধান সেবক" ওইবগী মহাক্কী ২০১৪গী দিক্লারেসন অদু নীংশিংহল্লি। লায়রবশিংগী য়াইফ-থৌরাং অসি লৈঙাকপগী ময়াইদা থম্লি হায়বা খঙলদুনা, দোক্যুমেন্ত অসিনা পক্কাগী য়ুম, ইলেক্ত্রিসিতী, ক্লিন ৱাতর অমসুং দাইরেক্ত বেনিফিৎ ত্রান্সফর য়াওনা খুদোংচাবশিং পীরকপগী মমাংদা অমুক্তা ওইখিদ্রিবা স্কেলগী মতাংদা অকুপ্পা মরোল পীরি। মসিগা লোয়ননা নাগরিক কোতি ৮০ হেনবদা লেম্না রেশন পীবা অমসুং লায়রবা মীওই কোতি ৬০ হেনবদা লেম্না লাইয়েংবা অমসুং হিদাক পীবগীসু ৱাফম থম্লি। ৱারেপ অসিদা হায়রি মদুদি হোৎনরিবশিং অসিনা পুন্না নেস্নেল সেল্ফ-কনফিদেন্স হেঙ্গৎহনখি অমসুং মীওই ক্রোর ২৫দা লায়রবগী চাং হন্থহনখি।
ৱারেপ অসিনা মরুওইবা দেমোগ্রাফিক্কী শক্তি লৈহনবগী মতাংদা মখা তানা মেপ তৌরি। মিসন চন্দ্রয়ানগী খুত্থাংদা ভারতপু মালেমগী খ্বাইদগী চাউবা অহুমশুবা স্তার্তঅপ ইকোসিস্তেম অমসুং সাইন্তিফিক পাৱর অমা ওইহনখিবা নহারোলশিংগী শক্তিদা মীৎয়েং থম্লিবা অসি শকখঙবনি। 'নুপীনা লুচিংবা চাউখৎ-থৌরাং'গী অনৌবা পরা অমা, মৈনা চাক থোংদবা য়ুমশিং অমসুং লাক্ষপতি দিদি কেম্পেনদগী হৌরগা লেজিস্লেতিব বোদীশিংদা নুপীশিংগীদমক পুৱারী ওইরবা ৩৩% রিজার্বেসন ফাওবগী মপুং ফাবা পোলিসীশিংগী খুত্থাংদা ময়েক শেংনা তাক্লি। লৌমীশিংবু 'ভিক্সিৎ ভারত'কী মরুওইবা য়ুম্বী অমা ওইনা ফোংদোক্লদুনা, তেক্সত অসিনা পি.এম. কিসান সন্মান নিধি অমসুং লৌমী অমসুং ঙামীশিংদা কিসান ক্রেদিৎ কার্দশিং পীনবগী থৌরাংবু থাগৎপা ফোংদোক্লি, মসিনা লৌউ-শিংউগী এক্সপোর্ত অসি লুপা করোর লাখ ৫গী ময়াদা হেনগৎহনবদা মতেং পাংলি।
চহী তরাগী খুজিং কয়াদগী চৎনদুনা লাক্লবা রিফোর্মশিং পাংথোকপদা 'নেসন ফার্ষ্ট'গী থৌনা অদু থাগৎলদুনা রিজোলুসন্না আর্তিকল ৩৭০ লৌথোকপা, জি.এস.তি. অমসুং ও.আর.ও.পি. দোক্যুমেন্ত অসিনা নেস্নেল সেক্যুরিতী হেঙ্গৎহনবদা অকনবা মিৎয়েং থম্লি, মসিনা সর্জিকেল অমসুং ক্রোস-বোর্দর এয়র স্ত্রাইকশিং, "ওপরেসন সিন্দুর", অমসুং অরোন-অথুপ লৈতবা সিন্ধু ৱাতর ত্রেতি সস্পেন্দ তৌবগুম্বা তেরোরিজমগী মায়োক্তা অকনবা থবকশিং লৌখৎপগী খুদম ওইরি। নক্সেলিজম মুত্থৎপা, অৱাং নোংপোক লমদমদা মতম চুপ্পগী ওইবা শান্তিগী য়ানা ৱারোলদা খুৎয়েক পীনবা অমসুং বঙ্গলাদেশকা লোইননা ঙমখৈগী ৱাথোক লোইশিন্নবা হোৎনবদা থাগৎনিংঙাই ওইবা খোংথাং কয়া লৌখৎখ্রে।
রিজোলুসন অসিনা দিফেন্সতগী এ.আই. ফাওবগী সেক্তরশিংদা ভারতকী মেন্যুফেকচরিং কেপাসিতীশিং অসি 'মেক ইন ইন্দিয়া' অমসুং 'আত্মানির্ভর ভারত' কেম্পেনশিংনা ফংলকপা খোঙজেলগী মরমদা তাক্লি। মসিগা লোয়ননা, মসিনা জি-২০গী মায় পাক্না প্রসিদেন্সী পীবা, ইন্তর্নেস্নেল যোগ নুমিৎ, অমসুং ইন্তর্নেস্নেল সোলর এলাইন্স অমসুং মিসন লাইফীগুম্বা ইনিসিয়েতিবশিংগী খুত্থাংদা ভারতনা মালেমগী থাক্তা লৌরিবা থৌদাংবু মপাঙ্গল কনখৎহল্লি। দিবেলপমেন্ত অমসুং হেরিতেজ ('বিকাস' অমসুং 'বীরাসত') পুন্সিন্নদুনা, তেক্সত অসিনা অনৌবা পার্লিয়ামেন্ত বিলদিং অমসুং কার্তব্য পাথনা খুদম ওইরিবা কলচরেল রিনাইসেন্স অমা, কোরোনা লাইচৎ অসিগুম্বা মালেমগী অৱাবা কয়া মায় পাক্না থেংনখিবা মীয়ামগী শরুক য়াবগী ৱাখল্লোননা লমজিংদুনা লাকপনি।
হৌখিবা চহি ১২গী মনুংদা পোলিতিকেল স্তেবিলিতী, দাইনামিক গবর্নান্স, অমসুং মিৎয়েং চঙনা য়েংলিবা পোলিসীশিংনা ভারতপু মালেমগী খ্বাইদগী য়াংনা চাউখৎলক্লিবা অচৌবা ইকোনোমী অমা ওইহনখ্রে হায়না পল্লদুনা, কেন্দ্রগী মন্ত্রীমন্দলনা মখাদা পীরিবা ৱারেপশিং অসি ওফিসিএল ওইনা লৌদুনা মখোয়গী অচেৎপা থাগৎপা অমসুং তুংলমচৎকী ৱারেপ অদু ফোঙদোকখ্রে:
কেন্দ্রগী মন্ত্রীমন্দলনা লৌখিবা ফোর্মেল রিজোলুসনশিং:
মসিগী পুৱারী ওইরবা মাইপাকপা অসিগীদমক ইকাই খুম্নরবা প্রধান মন্ত্রী শ্রী নরেন্দ্র মোদীবু থম্মোয় শেংনা নুংঙাইবা ফোংদোকচরি অমসুং য়াইফ-পাউজেল পীজরি।
মহাক্কী লুচিং মখাদা লায়রবশিংগী য়াইফনবা অমসুং লায়রবা কাংলুপশিংবু মপাঙ্গল কনখৎহন্নবগীদমক পায়খৎলিবা থবকশিংগীদমক থাগৎপা ফোংদোক্লি।
প্রধান মন্ত্রীগী লুচিং মখাদা ভারতকী লায়রবা মীওই কোতি ২৫ হেনবদা লায়রবদগী কনবা ঙমহল্লিবা প্রধান মন্ত্রীগী পোলিসীশিংবু থাগৎপা ফোংদোক্লি।
লৈবাক অসিগী সেবা তৌবগীদমক মহাক্কী তোপ তোপ্পা থৌনা অমসুং অৱাবা লৈতনা হোৎনবগীদমক থাগৎপা ফোংদোক্লি।
ইনক্লুসিব গ্রোথ অমসুং সোসিএল জস্তিসকী মায়কৈদা মহাক্না হোৎনরিবশিংবু থাগৎলি।
নেস্নেল সেক্যুরিতী মপাঙ্গল কনখৎহনবা অমসুং ভারতকী স্বার্থ ঙাকপদা মহাক্কী লুচিংবা অদু থাগৎপা ফোংদোক্লি।
'ভিক্সিত ভারত' (দিবেলপ তৌরবা ভারত) অমা শেমগৎপদা মহাক্কী মিৎয়েং অমসুং লুচিংবগী ফিরেপ অদুদা মপুং ফানা মতেং পাংলি।
প্রধান মন্ত্রীগী অফবা হকশেল অমসুং অশাংবা পুন্সিগীদমক য়াইফ-পাউজেল পীদুনা য়ানবা ৱারেপ অদু লোইশিনখি। শ্রী নরেন্দ্র মোদীগী লুচিং মখাদা, ভারতনা ২০৪৭ ফাওবদা চাউখৎলবা লৈবাক অমা ওইবগী লম্বী য়াৎতুনা, মশা-মরোমদোম লেপচবা, ঙাকশেল লৈবা, চাউখৎপা অমসুং শিংথানীংঙাই ওইরবা লৈবাক অমা ওইনা অনৌবা অৱাংবা থাক্তা য়ৌরগনি হায়বগী মপুং ফারবা থাজবা থম্লি।
কেবিনেত রিজোলুসন য়েংবীনবা মফম অসিদা নম্বীয়ু (ইংলিশ)
কেবিনেত রিজোলুসন য়েংবীনবা মফম অসিদা নম্বীয়ু (হিন্দি)
মনিপুরীগীদমক মফম অসিদা নম্বীয়ু
