ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা মহারাস্ত্রাগী দাহানু ময়াদা বধাবন্দা অচৌবা হিথাংফম অমা শেমগৎপদা অয়াবা পীরে। প্রোজেক অসি জৱাহরলাল নেহরু পোর্ত ওথোরিতি অমসুং মহারাস্ত্রা মেরিতাইম বোর্দনা শেম্বা এস.পি.ভি অমনা সিয়ারহোল্দিং চাদা ৭৪ অমসুং চাদা ২৬ না শেম্বা বধাবন পোর্ত প্রোজেক লিমিতেদনা পায়খৎকদবনি। বধাবন হিথাংফম অসি কুম্বী-কালেন নাইদনা শীজিন্নবা য়াবা গ্রিনফিল্দ দিপ দ্রাফ হিথাংফম ওইনা মহারাস্ত্রাগী পালঘার জিলাগী বধাবন্দা শাগদবনি।
লম লৌশনবগী শরুক য়াওনা প্রোজেক অসিগী অপুনবা শেনফম লুপা করোর ৭৬,২২০ নি। মসিগী মনুংদা মরুওইবা ইনফ্রাস্ত্রকচর, তর্মিনেলশিং অমসুং কম্মর্সিএল ইনফ্রাস্ত্রকচর পি.পি.পি মোদতা শেমগৎপা য়াওরি। রোদ ত্রান্সপোর্ত অমসুং হায়ৱেজ মিনিস্ত্রিনা হিথাংফম অমসুং নেসনেল হায়ৱেজগী মরক্তা শম্নবা লম্বী শেমগৎপা অমসুং রেলৱেজ মিনিস্ত্রিনা হৌজিক লৈরিবা রেল নেতৱার্ক অসিগা দেদিকেতেদ ফ্রেদ কোরিদোরগা শম্নবদা মন্ত্রীমন্দলনা অয়াবা পীরে।
হিথাংফম অসিদা অমমমদা মিতর ১০০০ শাংবা কন্তেন্নর তর্মিনেল মপান, মল্তিপর্পজ বার্থ মরি, কোস্তেল বার্থ, লিকুইত কার্গো বার্থ মরি, রোর-রো বার্থ অমা অমসুং কোস্ত কার্দ বার্থ অমা য়াওরি। প্রোজেক অসিগী সমুদ্রগী লম হেক্তর ১,৪৪৮ রোম লৌশিনগনি অমসুং কিমি ১০.১৪গী ওফসোর ব্রিকৱাতর অমসুং কন্তেন্নর/কার্গো স্তোরেজ এরিয়াশিং শেমগৎকনি। প্রোজেক অসিনা চহি অমদা মিল্লিয়ন মেত্রিক তন ২৯৮ থবক তৌবা ঙমগনি অমসুং মসিগী মনুংদা মিল্লিয়ন তি.ই.য়ু ২৩.২গী কেন্তেন্নর পুথোক-পুশিন তৌবা ঙমগনি।
ইন্দিয়া মিদল ইস্ত য়ুরোপো ইকোনোমিক কোরিদোর অমসুং ইন্তরনেসনেল নোর্থ সাউথ ত্রান্সপোর্তেসন কোরিদোরগী খুৎথাংদা একজিমগী থবকশিং পাংথোক্নবা খুদোংচাবশিংশু শেমগৎকনি। মালেম থাক্কী মেরিতাইম তর্মিনেল অসিনা পি.পি.পি মোদতা থবক তৌবা পুক্নিং থৌগৎলি অমসুং ফার ইস্ত, য়ুরোপ, মিদল ইস্ত, অফ্রিকা অমসুং অমেরিকাগী মরক্তা মালেমগী ঈশিং লম্বীদা হোল্লিবা জহাসশিং খাম্বা য়ানবা অনৌবা তেক্নোলোজিশিং শীজিন্নগনি। বধাবন হিথাংফম অসি লোইশিল্লকপা মতমদা মালেমদা মকোক থোংবা হিথাংফম ১০গী মনুংদা অমা ওইরগনি।
প্রোজেক অসিগা পি.এম গাতি শক্তি প্রোগ্রামগী পান্দমশিংগা চৎমিন্নরি। মসিনা লনাই মীওই লাখ ১২ হকথেংননা অমসুং নাকোইননা থবক পীনবগী খুদোংচাবা লৈদুনা লমদম অসিগী শেন্মিৎলোন ফগৎহনবদা মতেং পাংগনি।
Today’s Cabinet decision on developing a major port at Vadhavan in Maharashtra will boost economic progress and also create employment opportunities at a large scale. https://t.co/njmsVAL0z6
— Narendra Modi (@narendramodi) June 19, 2024
