ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা দিল্লি মেত্রো ফেজ-৪ প্রোজেক্কী রিথালা-নারেলা-নাথুপুর (কুন্দলি)কোরিদোর অয়াবা পীখ্রে অমসুং প্রোজেক অসি কিমি ২৬,৪৬৩ শাংদুনা লৈবাক্কী কোনুং অমসুং য়ুম্লোন্নরিবা হরিয়ানাগী মরক্ত মখা তানা চৎথোক-চৎশিন ফগৎহল্লগনি। প্রোজেক অসি সেঙ্কসন তৌখিবা নুমিত্তগী কোরিদোর অসি চহি মরিদা লোইশিন্নবা পান্দম থম্লি।
প্রোজেক অসি লোইশিনবদা চঙগদবা শেনফম লুপা করোর ৬,২৩০ নি অমসুং চহি মরিদা ভারত সরকার অমসুং গভর্নমেন্ত ওফ নেসনেল কেপিতেল তেরিতোরি ওফ দিল্লিগী হৌজিক লৈরিবা ৫০:৫০ স্পিসিএল পর্পজ ভেহিকলগী দিল্লি মেত্রো রেল কোওপরেসন লিমিতেনা পায়খৎকদবনি।
লাইন অসি হৌজিক লৈরিবা সাহিদ স্থাল (নিউ বস অদ্দা)-রিথালা (রেদ লাইন) কোরিদোরদগী শাংদোক্কনি অমসুং মসিনা লৈবাক অসিগী কোনুংগী অৱাং নোংচুপ থংবা শরুকশিং হায়বদি নারেলা, বাৱানা, রোহিনিগী শরুকশিংদা চৎথোক-চৎশিন ফগৎহনগনি। কোরিদোর পরিং অসিদা স্তেসন ২১ লৈগনি। কোরিদোর অসিগী স্তেসন খুদিংমক মথক্ত লৈগনি।
শেমগৎপা লোইরবা মতুংদা, রিথালা-নারেলা-নাথুপুর কোরিদোর অসিনা উত্তর প্রদেসকী ঘাজিয়াবাদতা সাহিদ স্থাল নিউ বস অদ্দা অমসুং হরিয়ানাগী নাথুপুর দিল্লি ফাওরগা শম্নগনি অমসুং মসিনা লৈবাক অসিগী কোনুং শীনবা থুংবা চৎথোক-চৎশিনগী ফিবম ফগৎহনগনি।
ফেজ-৪ প্রোজেক্কী অনৌবা কোরিদোর অসি শাংদোক্তুনা দিল্লি মেত্রো নেতৱার্ক য়ৌদুনা এন.সি.আরগী শেন-থুমগী ফিবম মখা তানা ফগৎহনগনি। রেদ লাইন মখা তানা শাংদোকপা অসিনা লম্বী চিনবা হন্থহনগনি অমসুং মসিনা ইঞ্জিন পানবা গারিশিংনা পোল্লুসন থোকহনবা হন্থহনবদা মতেং পাংগনি।
কোরিদোর পরিং অসিদা স্তেসন ২১ লৈগনি। কোরিদোর অসিগী স্তেসন খুদিংমক মথক্ত লৈগনি। কোরিদোর অসিদা লৈগদবা স্তেসনশিংদি : রিথালা, রোহিনি, সেক্তর ২৫, রোহিনি সেক্তর ২৬, রোহিনি সেক্তর ৩১, রোহিনি সেক্তর ৩৬, বারৱালা, রোহিনি সেক্তর ৩৫, রোহিনি সেক্তর ৩৪, বাৱানা ইন্দস্ত্রিএল এরিয়া-১ সেক্তর ৩,৪, বাৱানা ইন্দস্ত্রিএল এরিয়া-১ সেক্তর ,২, বাৱানা জে.জে কোলোনি, সানোথ, নিউ সানোথ, দিপোত স্তেসন, বোরগর খুঙ্গং, অনাজ মন্দি নারেলা, নারেলা দি.দি.এ স্পোর্তস কমপ্লেক্স নারেলা, নারেলা সেক্তর ৫, কুন্দলি অমসুং নাথপুরনি।
কোরিদোর অসি দিল্লি মোত্রোগী হরিয়ানা ফাওবা শাংদোকপা মরিশুবনি। হৌজিক, দিল্লি মেত্রোনা হরিয়ানাগী গুরুগ্রাম, বাল্লাভগর অমসুং বহাদুগর ফাওবা য়ৌরে।
ফেজ-৪ অসি কিমি ৬৫.২০২ শাংলি অমসুং স্তেসন ৪৫ লৈরি অমসুং হৌজিক শেম-শাগৎপগী থবক চাদা ৫৬ হেল্লে। ফেজ-৪ কোরিদোরশিং মার্চ ২০২৬ ফাওবদা লোইশিল্লবা য়ারি। মসিগী মথক্ত, কিমি ২০.৭৬২ গী অহেনবা কোরিদোর অনি অয়াবা পীরে অমসুং প্রি-তেন্দরিংগী তাঙ্কক্ত লৈরি।
হৌজিক, দেল্লি মেত্রোনা নোংমগী মীওই লাখ ৬৪ পুথোক-পুশিন তৌরি। খ্বাইদগী য়াম্বা ওইনা ১৮.১১.২০২৪ দা পেসেঞ্জর লাখ ৭৮.৬৭ পুখ্রে। মতম চানা, ফজনা অমসুং অশোই-অঙাম থোক্তনা ফজনা মথৌ পাংথোকপদগী দিল্লি মোত্রো অসি সহর অসিগী হিংনবা লম্বী ওইরে।
হৌজিক দিল্লি অমসুং এন.সি.আরদা দি.আর.এম.সিনা মেত্রো লাইন ১২ দা কিমি ৩৯২ শাংদুনা অমসুং স্তেসন ২৮৮ লৈদুনা থবক তৌরি। হৌজিক দিল্লি মেত্রো ভারত্ত খ্বাইদগী শাংবা মেত্রো নেতৱার্ক ওইরে অমসুং মসি মালেমদা খ্বাইদগী চাউবা মোত্রোশিংগী মনুং চল্লে।
देशभर में कनेक्टिविटी को बेहतर बनाने के लिए हम संकल्पबद्ध हैं। इसी दिशा में हमारी सरकार ने राष्ट्रीय राजधानी क्षेत्र में दिल्ली मेट्रो के चौथे चरण के तहत रिठाला-कुंडली कॉरिडोर को स्वीकृति दी है। इससे दिल्ली-हरियाणा के बीच आना-जाना और आसान होगा।https://t.co/tJoTOTUPTi
— Narendra Modi (@narendramodi) December 7, 2024
