ইকাই কুম্নরবা প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা মরী লৈনবা মন্ত্রালয়শিং মরু ওইনা মপাল থৌরম মন্ত্রালয় অমসুং কম্মর্স অমদি ইন্দস্ত্রী মন্ত্রালয়গী দিপার্তমেন্ত ওফ কম্মর্সতগী তেংবাং ফংবগা লোয়ননা কোপরেতিবশিং অমসুং মরী লৈনবা এন্তিতীশিংনা পুথোকপা গুদ অমদি সর্ভিস পুম্নমক্কী এক্সপোর্ত তৌনবগী মখোয়গী এক্সপোর্তকা মরী লৈণবা পোলিসীশিং, স্কিমশিং অমসুং ‘হোল ওফ দি গভর্নমেন্ত এপ্রোচ’ ঙাক্না চৎলিবা এজেন্সীশিংগী খুত্থাংদা মলতি স্তেৎ কোওপরেতিব সোসাইতীজ (এম.এস.সি.এস.) এক্ত, ২০০২গী মখাদা জাতিগী থাক্কী মলতি-স্তেৎ সীদ কোওপরেতিব এক্সপোর্ত সোসাইতী লিংখৎনবা অমসুং চাউখৎহন্নবা পুৱারী ওইরবা ৱারেপ অমা অয়াবা পীখ্রে।
প্রপোজ তৌখিবা সোসাইতী অসিনা অমব্রেল্লা ওর্গনাইজেসন অমা ওইনা মথৌ তৌদুনা এক্সপোর্তশিং তৌনবা অমসুং চাউখৎহন্নবা কোওপরেতিব সেক্তরদগী এক্সপোর্তশিং তৌবদা শাহৌ পীগনি। মখোয়না গ্লোবেল মার্কেৎশিংদা ভারতকী কোওপরেতিবশিংগী এক্সপোর্ত পোতেন্সিএল অনলোক তৌবদা মতেং পাংগনি। প্রপোজ তৌখিবা সোসাইতী অসিনা ‘হোল ওফ গভর্নমেন্ত এপ্রোচ’কী খুত্থাংদা মীৎয়েং চংবা মওংদা ভারত সরকারগী তোঙান-তোঙানবা মন্ত্রালয়শিংগী এক্সপোর্তকা মরী লৈনবা স্কিমশিং অমসুং পোলিসীশিংগী কান্নবশিং ফংনবা হোৎনবদা কোওপরেতিবশিংগী মতেংসু পাংগনি। মসিনা মেম্বরশিংনা ক্বালিতী লৈবা মরুশিং পুথোক্তুনা, হায় য়িল্দিং ভেরাইতী (ঐচ.ৱাই.ভি.) সীদশিং শীজিন্নদুনা মহৈ-মরোংগী পোত্থোক ৱাহন্দুনা মমলশিং হেনগৎহনবা অমসুং সোসাইতীনা পুথোকপা সর্প্লসদগী দিভিদেন্ত য়েন্থোক্তুনা কোওপরেতিবশিংগী ইনক্লুসিব গ্রোথ মোদেলগী খুত্থাংদা “সহাকার-সে-সমৃদ্ধি”গী পান্দম ফংনবা হোৎনবদা মতেং পাংলগনি।
প্রপোজ তৌখিবা সোসাইতী অসিগী খুত্থাংদা এক্সপোর্ত তৌবা হেনগৎলকপনা তোঙান-তোঙানবা থাকশিংদা কোওপরেতিবশিংনা পুথোকপা গুদ অমদি সর্ভিসশিং পুথোকপা হেনগৎহন্দুনা কোওপরেতিব সেক্তরদা থবক হেন্না পীবা ঙম্লগনি। মালেমগী থাক্কা চাংদম্নবা য়াবা গুদশিং প্রোসেস তৌবা অমদি সর্ভিসশিং হেনগৎহনবনা অহেনবা থবক পীরগনি। কোওপরেতিব প্রদক্তশিংগী এক্সপোর্ত হেনগৎহনবনা “মেক ইন ইন্দিয়া” থৌগৎহন্দুনা আত্মনির্ভর ভারত ফংবা ঙমহনগনি।
